Journal of the House of Lords: Volume 1, 1509-1577. Originally published by His Majesty's Stationery Office, London, 1767-1830.
This free content was digitised by double rekeying. All rights reserved.
'House of Lords Journal Volume 1: 3 November 1539', in Journal of the House of Lords: Volume 1, 1509-1577, (London, 1767-1830) pp. 126. British History Online https://www.british-history.ac.uk/lords-jrnl/vol1/p126 [accessed 25 April 2024]
In this section
Anno Tricesimo primo Regni Henrici Octavi. Secunda Sessione.
Quadragesimo primo die Parliamenti.
DIE Lune, 3 die mensis Novembris, anno Regis Henrici Octavi post Conquestum Anglie xxxi° ad quem diem presens Parliamentum suerat prorogatum, Proceres subscripti prefuere, videlicet,
Parliament prorogued.
HODIE convenerunt Proceres tam Temporales quam Spirituales antescripti in Camera Parliamentorum, secundum Formam in ultima Prorogatione limitatam, ac pariformiter multi de Domo Communi, in qua quidem Camera, Thomas Audeley, Miles, Cancellarius Anglie, oftendit, puplicavit, et legi fecit, Literas Patentes Domini Regis inferius scriptas et registratas, per quas Dominus Rex; ex causis in eisdem Literis Patentibus contentis commisit et mandavit predicto Domino Cancellario, et Precharissimis Consanguineis suis Thome Duci Norff. et Carolo Duci Suff. ac Predilecto Consiliario suo Thome Domino Crumwell, Custodi Privati Sigilli sui, ac etiam Charissimis Consanguineis suis Johanni Comiti Oxonie et Willielmo Comiti South. aut eorum duobus, hoc instante die Lune, presens Parliamentum, nomine sue Majestatis, in quartum decimum diem mensis Januarii proxime suturum usque Westm. prorogare et continuare; qui quidem Dominus Cancellarius, et alii secum nominati, virtute ejusdem Commissionis, convocatis ipsis de Domo Communi in Cameram predictam, presens Parliamentum realiter prorogaverunt in quartum decimum diem mensis Januarii ante dictum.
King's Leave of Absence to the Lords and Commons.
Memorandum, quod Regia Majestas, per Literas suas singulis Vicecomitibus Comitatuum Angl. prius directas concesserat Licentiam omnibus Dominis, tam Temporalibus quam Spiritualibus, Militibus ac Burgensibus, volentibus abesse; qui quidem Vicecomites monuerant eosdem, secundum Mandatum Regium in eisdem Literis specificatum.
Commission for proroguing the Parliament.
"Henricus Octavus, Dei Gratia, Anglie et Francie Rex, Fidei Defensor, Dominus Hibernie, et in Terra Supremum Caput Anglicane Ecclesie, Predilecto et Fideli Consiliario suo Thome Audeley, Militi, Domino Audeley de Walden, Cancellario Anglie, ac Precharissimis Consanguineis suis Thome Duci Norff. Thesaurario Anglie, Carolo Duci Suff. Domino Presidenti Concilii Nostri, Predilectoque et Fideli Consiliario suo Thome Domino Crumwell, Custodi Privati Sigilli sui, nec non Charissimis Consanguineis suis Johanni Comiti Oxon. Magno Camerario Angl. et Willielmo Comiti Southampton, Magno Admirallo Angl. Salutem.
"Sciatis, quod, certis de Causis et Considerationibus Nos moventibus, de Advisamento et Assensu Concilii Nostri, Assignavimus vos, quatuor, tres, et duos vestrum, dantes vobis, quatuor, tribus, vel duobus vestrum, plenam Potestatem, Facultatem, et Auctoritatem, hac instante die Lune, ad presens Parliamentum Nostrum, Nomine Nostro, ad et in quartum decimum diem Januarii proxime futurum usque Westm. predictum prorogandum et continuandum ibidemque tunc tenendum. Et ideo vobis mandamus, quod circa premissa diligenter intendatis, ac ea in forma predicta effectualiter expleatis. Damus autem universis et singulis Archiepiscopis, Ducibus, Marchionibus, Comitibus, Vicecomitibus, Episcopis, Baronibus, Militibus, Civibus, et Burgensibus, ac omnibus aliis quorum interest, ad dictum Parliamentum nostrum conventurum tenore presentium firmiter in mandatis, quod vobis in premissis faciendis et exequendis pareant, obediant, et intendant, prout decet. In cujus Rei Testimonium, has Literas Nostras fieri fecimus Patentes, Teste Meipso apud Westm. tertio die Novembris, anno Regni Nostri tricesimo primo."