House of Lords Journal Volume 1: 21 April 1550

Anno Quarto Edwardi Sexti.

MEMORANDUM, quod hodie, vicesimo primo die Aprilis, Anno Regni Regis Edwardi Sexti Quarto, in quem diem, per varias et diversas Prorogationes, prorogatum fuerat Parliamentum inchoatum apud Westm. 4 die Novembris, Anno Regni Regis Edwardi Sexti Primo, convenere Proceres tam Spirituales quam Temporales, quorum nomina subsequuntur:

Parliament prorogued.

QUI cum convenissent, venissentque in eundem Locum, accersiti, Orator Populi, una cum dicti Populi satis magna Frequentia, Comes Wiltes, paucis Verbis, declaravit Conventum Procerum et Populi, quem Parliamentum vocant, in hunc diem destinatum a Regia Majestate, certis quibusdam de Causis et Considerationibus illum ad id specialiter moventibus, impresentiarum differri in decimum diem Octobris proxime futurum. Atque ut tam Proceribus quam Populo palam fieret Regiam Majestatem ita constituisse, Literas Commissorias Armigelo Wade, Armigero, Deputato Johannis Masone, Militis, Clerici Parliamenti, publice et clara voce legendas, in manus tradidit. Earum autem tenor hic erat:

Commission for the Prorogation.

"Edwardus Sextus, Dei Gratia, Anglie, Francie, et Hibernie Rex, Fidei Defensor, et in Terra Ecclesie Anglicane et Hibernice Supremum Caput, Predilecto et Fideli Gonsiliario suo Ricardo Ryche, Militi, Domino Ryche, Cancellario Nostro Anglie, ac Charissimis Consanguineis et Consiliariis Nostris Willielmo Comiti Wiltes, Thesaurario Anglie, Johanni Comiti Bedford, Custodi Privati Sigilli sui, nec non Reverendo in Christo Patri Nicholao Episcopo London. ac etiam Predilectis et Fidelibus suis Willielmo Wyndesor, Militi, Domino Wyndesor, et Willielmo Paget, Militi, Domino Paget de Beaudesert, Consiliario suo, Salutem:

"Cum presens Parliamentum Nostrum, apud Civitatem Nostram Westm. quarto die Novembris, Anno Regni Nostri Primo inchoatum et ibidem continuatum usque vicesimum quartum diem Decembris tunc proxime sequentem, eodemque vicesimo quarto die Decembris, post diversas Prorogationes et Continuationes, idem Parliamentum Nostrum tunc et ibidem, usque primum diem Februarii ultimum preteritum continuatum fuerat; nec non eodem primo die Februarii, idem Parliamentum Nostrum tunc et ibidem usque Westm. predictum ad et in instantem vicesimum primum diem Aprilis prorogatum fuerat, ibidem tunc tenendum et continuandum. Sciatis igitur, quod, certis urgentibus Causis et Considerationibus Nos ad presens specialiter moventibus, de Fidelitate, Integritate, Industria, et Circumspectione, vestris plurimum confidentes, de Avisamento et Assensu Consilii Nostri, assignavimus vos, et duos vestrum, dantes vobis, et duobus vestrum, tenore presentium, plenam Potestatem, Facultatem, et Auctoritatem, hoc instante die Lune, ad presens Parliamentum Nostrum, nomine Nostro, ad et in decimumdiem Octobris proxime futurum usque Westm. predictum prorogandum et continuandum ibidemque tunc tenendum. Et ideo vobis mandamus, quod circa premissa diligenter intendatis; ac ea in forma predicta effectualiter expleatis. Damus autem universis et singulis Archiepiscopis, Ducibus, Marchionibus, Comitibus, Vicecomitibus, Episcopis, Baronibus, Militibus, Civibus, et Burgensibus, ac omnibus aliis quorum interest ad dictum Parliamentum Nostrum conventuris tenore presentium, firmiter in Mandatis, quod vobis in premissis faciendis, agendis, et exequendis, pareant, obediant, et intendant, prout decet. In cujus rei Testimonium, has Litteras Nostras fieri fecimus Patentes. Teste Meipso apud Westm. vicesimo primo die Aprilis, Anno Regni Nostri Quarto."