Close Rolls, February 1228

Close Rolls, February 1228

[m. 14d.]

Rex vicecomiti Kancie salutem. Precipimus tibi quod statim visis litteris illis per totam ballivam tuam clamari facias quod nullus, qui de nobis tenet in capite in balliva tua in dominicis nostris, sicut corpus et tenementum suum diligit, aliquid de tenemento suo conferat vel vendat vel aliquo alio modo alienet alicui domui religiose vel aliquibus personis ecclesiasticis sine licentia nostra; firmiter etiam prohibeas quod nullus de nobis tenens in capite, sive miles, sive liber homo, sive alius, se transferat a terra quam de nobis tenet ad terram alicujus domus religiose vel persone ecclesiastice ad manendum super eam, per quod simus perdentes in serviciis, tallagiis vel aliquibus aliis ad nos pertinentibus. Diligenter etiam inquiras per sacramentum proborum et legalium hominum comitatus tui qui de hominibus nostris de nobis tenentibus in capite in dominicis nostris, sicut predictum est, dederint vel vendiderint vel aliquo alio modo alienaverint aliquid de tenementis suis, et quibus viris religiosis vel ecclesiasticis personis ea alienata fuerint, et a quo tempore, et quantum singula illa tenementa alienata valeant, et inquisitionem inde factam etc. nobis mittas et hoc breve. Teste rege apud Westmonasterium, j die Februarii.
Eodem modo scribitur omnibus vicecomitibus Anglie preter Cornubie.

[m. 13d.]

Dorset'.—Petrus de Russeals attornavit Walterum filium Andree de Winterburn' et Johannem Kaynel contra Robertum de Novo Burgo de terra in Almere.

Noting'.—Adam filius Willelmi et Emma de Romton et Gerebertus de Winton' attornaverunt Hugonem capellanum de Romton' contra Willelmum, Robertum et Henricum de Helmeswell' de terra in Lonn'.

Norhamt'.—Willelmus Basset attornavit Lucam de Jolegrave contra Radulfum Baset de Weledon' de uno molendino in Weston'.

Linc'.—Simon de Ropesl' attornavit Willelmum de Mere contra Alanum de Cotes de debito xj marcarum et dimidie, et contra eundem quod ei reddat compotum suum etc.

Glouc'.—Wigorniensis episcopus attornavit Galfridum de Derlegh contra Thomam priorem Bathoniensem de custodia terre et heredis Petri Croc.

Oxonia.—Abbas Osen' attornavit Reginaldum Marescall' contra Johannem filium Alexandri de terra in suburbio Oxonie.

Glouc'.—W. Wigorniensis episcopus attornavit etc. Willelmum de Melay et Anketillum, clericum suum, contra comitem Umfridum de averiis contra vadium et plegium retentis.

Stafford'.—Abbas Osen' attornavit etc. Henricum Purcell' contra Simonem de la Walle de terra in Stanhall'.

Mandatum est vicecomiti Eboraci quod habeat apud Eboracum in octabis Sancti Hyllarii precium omnium rerum et mercandisarum que homines Eboraci vel alii quicumque de baillia sua extra libertatem archiepiscopi Eboracensis et comitis Albemarlie emerunt de rebus et mercandisis, que fuerunt in navi illa in qua mercatores ejusdem navis interfecti fuerunt ante Sandwic', et que ducta fuerunt usque in portum de Hul'; videlicet, de Thoma de Len et Lamberto Parment' precium quingentarum pellium capriolorum, scilicet xliij s., et precium ccc pellium catorum, scilicet xxvij s., et precium c pellium leporum, scilicet v s., et precium sex ulnarum de grosso halbergetto, scilicet xxxiij d.; de Johanne de Rothomago precium ccc et xl pellium agninarum; de te ipso precium unius dolii vini. Habeat etiam ibidem precium rerum et mercandisarum quas duo malefactores detulerunt, scilicet precium centum librarum de grein ex una parte et centum librarum de grein ex alia parte, precium cc pellium cuniculorum et precium duorum miliarium cuniculorum xxvj minus ex alia parte, precium v penularum de genet', precium xij duodenarum de cordewan integro, precium v duodenarum et viij pellium de cordewan fere putrido per salsam maris, precium xv duodenarum et viij pellium de cordewan Bazain, precium quingentarum pellium agninarum preter xxiiij minus, precium cc pellium agninarum ex alia parte que fere putride fuerunt, precium xxiij peciarum fileti ad stradas faciendas, precium quater xx et ix pellium vulpinarum, precium cc pellium leporum, et precium quadringentarum et xxxvj ulnarum de corda Hispana, precium singularum predictarum mercandisarum ad predictum terminum domino regi fore faciat.