Close Rolls, March 1228

Close Rolls, March 1228

[m. 11d.]

Eboracum.—Magister Milicie Templi attornavit Robertum de Siclingehal' contra magistrum Hospitalis Sancti Leonardi Eboraci, de quodam ponte fracto in Brungerfeld' ad nocumentum ipsius magistri in Faxeflet'.

Rex H. de Trublevill' salutem. Noveritis quod sicut alias vobis signavimus, mittimus G. de Graucumbe et Nicholaum de Molis usque La Legne a die Pasche in xv dies ad emendas super interceptionibus inter regem Francorum et nos infra treugas factis, una nobiscum fieri faciendas et recipiendas. Et ideo vobis mandamus quod interceptiones factas ex parte nostra, videlicet de balliva vestra, per vos statim ita faciatis emendari quod treuge occasione vestri non infringantur, et quod sacramentum eorum qui treugas illas juraverunt in animam nostram in nullo violetur. Hoc autem in fide qua nobis tenemini, nullo modo facere omittatis. Teste rege apud Lamh', xj die Marcii.

Domino suo et consanguineo L. Dei gracia regi Francorum illustri, H. rex etc. salutem. Sciatis quod ad diem captum inter vos et nos, quem ad petitionem nostram, nostri gracia, prorogastis usque in xv dies a die Pasche, ad interceptiones tam ex parte nostra quam vestra factas emendandas, mittimus etc. ut supra, ad faciendum fieri et recipi emendas simul cum dilecto et fideli nostro Henrico de Trublevill,' senescallo nostro Wasconie, unde serenitatem vestram rogamus quatinus predicto senescallo nostro Wasconie et ceteris, qui ex parte nostra ad predicta exequenda usque La Legne ad terminum prememoratum sunt venturi, litteras vestras de salvo conductu in veniendo illuc et ibidem morando et inde recedendo habere faciatis. Tales quidem loco vestro ad predictos diem et locum mittere velitis qui parati fuerint ad predictas emendas ex parte vestra admittendas et recipiendas. Teste ut supra.
Eodem modo scribitur regine Francorum.
Et mandatum est omnibus fidelibus domini regis ad quos littere presentes pervenerint, quod si se vel aliquos suorum tangant predicte interceptiones, predictis die et loco coram predictis nunciis domini regis et coram hiis quos predictus rex Francorum occasione predicta illuc mittet, personaliter compareant vel tales loco suo illuc mittant, qui quantum ad se et suos pertinet de interceptionibus predictis emendas sufficientes faciant et recipiant. Teste ut supra.

Mandatum est H. de Trublevill', senescallo Wasconie, quod magistro W. de Sancto Albino, quem dominus rex misit in partes Pictavie et Wasconie, et cui dominus rex fecit liberari xx li. ad expensas suas, assistat consiliis et auxilio et idoneis expensis pro se et hominibus et equis suis, cum opus fuerit et expedire viderit. Teste rege apud Lamh', xij die Marcii.

Rex ballivis suis portus de Portesm' salutem. Datum est nobis intelligi quod, contra prohibitionem nostram vobis sepius inde factam, permisistis equos transfretare in portu vestro in magnum detrimentum terre nostre. Et ideo vobis mandamus quod (sic) firmiter injungentes quatinus, sicut corpora et catalla vestra diligitis, de cetero nullum equum in portu vestro transfretare permittas ultra pretium xx s. vel duarum marcarum ad plus. Teste rege apud Windles', xiiij die Marcii.
Eodem modo scribitur omnibus portubus a portu de Sandwic' usque Portesm'.
Et mandatum est Roberto de Aubervill' quod decetero nullum equum transfretare permittat ultra precium xx s. vel duarum marcarum ad plus, eo quod terra Anglie per carentiam equorum plurimum fuerit deteriorata et debilitata, et taliter in hoc et aliis que ad custodiam predictorum portuum pertinent, etc. se habeat quod diligenciam suam merito dominus rex habere debeat commendatam. Teste rege ut supra.

Lanc'.—Johannes de Nevill' attornavit Martinum de Blyburg' et Thomam clericum suum, contra Galfridum de Stratton' (fn. 1) de duabus carucatis terre et dimidia cum pertinentiis in Stratton.

Cornubia.—Petrus filius Ogeri attornavit Henricum de Selflegh' et Robertum Crechard' contra Robertum filium Ricardi, de quarta parte feodi unius militis cum pertinentiis in Trenant'. Teste rege apud Rading', xxix die Marcii, anno xij^o.

Buk'.—Ernaldus de Thurevill' attornavit attornavit (sic) Andream le Guiz versus Ricardum de Thurevill' de quadam carta, quam ei detinet.

Justiciarii itinerantes infra libertatem episcopatus Dunholmensis.— Rex magistro S. de Luscy, custodi episcopatus Dunholmensis, salutem. Quia expedit nobis, prout datum est nobis intelligi et propter plures conquerentes ejusdem episcopatus, ut justicia de injuriis sibi illatis eis exhibeatur, quod, quamdiu predictus episcopatus in manu nostra extiterit, assise et omnia placita infra libertatem ejusdem episcopatus, que ad justiciarios pertinent tenenda et placitanda, tam de corona quam de aliis, placitentur, de consilio fidelium nostrorum providimus et constituimus dilectos et fideles nostros Hugonem de Bolebec, Jordanum Heyrun, et Willelmum de Eboraco, clericum, justiciarios nostros, una vobiscum ad omnes assisas et omnia placita infra libertatem ejusdem episcopatus, tam de corona quam de aliis que emerserunt postquam justiciarii episcopi Dunholmensis ultimo itineraverunt in partibus illis, placitanda apud Dunholmum a die clausi Pasche in tres septimanas, anno etc. xij° quibus per litteras nostras clausas idem signavimus. Et ideo vobis mandamus quod summoneri faciatis coram eis et vobis, predictis die et loco, per bonos summonitores, omnes archiepiscopos, episcopos, abbates, priores, comites, barones, milites, et libere tenentes infra libertatem predicti episcopatus, et de qualibet villa quatuor legales homines et prepositum, et de quolibet burgo xij legales burgenses infra libertatem ejusdem episcopatus, et omnes alios qui coram justiciariis itinerantibus venire debent et solent, audituros et facturos preceptum nostrum. Faciatis etiam tunc venire coram vobis et sociis vestris omnia placita corone que placitata non sunt, et omnia atachiamenta ad placita illa pertinentia, et omnes assisas, et omnia alia placita que ad justiciarios pertinent, placitanda infra eandem libertatem cum brevibus assisarum et placitorum; ita quod assise ille et placita pro defectu vestri vel summonicionis vestre non remaneant. Faciatis etiam clamari et sciri infra eandem libertatem quod omnes assisas et omnia placita que emerserunt infra eandem libertatem, postquam justiciarii episcopi Dunholmensis ultimo itineraverunt in partibus illis, quod tunc sint coram vobis et sociis vestris. Summoneri etiam faciatis per bonos summonitores omnes illos qui in partibus illis vicecomites episcopi Dunholmensis fuerunt post ultimam itineracionem justiciariorum episcopi predicti infra eandem libertatem, quod tunc sint ibidem cum brevibus de assisis et placitis que tempore suo receperunt, ad respondendum de tempore suo sicut responderi debet coram justiciariis itinerantibus. Et habeatis ibi summonitores et hoc breve. Predictum quidem negocium exequi non omittatis occasione compoti vestri ad hoc clausum Pasche ad Scaccarium nostrum reddendi, ad quod reddendum fuistis in procinctu veniendi, ut audivimus; set ita in negocio illo vos habeatis quod vos merito commendare debeamus. Teste me ipso, apud Rading', xxx die Marcii.

[m. 10d.]

Rex archiepiscopis, episcopis etc. et omnibus aliis infra libertatem episcopatus Dunholmensis salutem. Sciatis quod constituimus dilectos et fideles nostros Hugonem de Bolebec', Jordanum Heyron', magistrum Stephanum de Luscy et Willelmum de Eboraco, clericos nostros, justiciarios nostros ad itinerandum infra libertatem predicti episcopatus de omnibus assisis et placitis, tam de corona quam de aliis, que emerserunt postquam justiciarii episcopi Dunholmensis ultimo itineraverunt in partibus illis. Et mandavimus predicto magistro Stephano, custodi predicti episcopatus, quod a die Pasche, anno etc. xij°, in tres septimanas faciat coram eis summoniciones fieri et atachiamenta venire apud Dunholmum, cum brevibus assisarum et placitorum predictorum. Et ideo vobis mandamus quod ad hoc predictis justiciariis nostris sitis intendentes et respondentes. Teste rege apud Rading', xxx die Marcii, anno etc. eodem.
Et mandatum est Jordano Heyrun et Hugoni de Bolebec' et Willelmo de Eboraco quod ad hec expedienda fideliter et diligenter intendant in fide qua tenentur domino regi, ut fidem suam et diligentiam ad hoc appositam merito debeat habere commendatam. Teste ut supra.

Warr'.—Adam, abbas de Rading', attornavit Gilebertum de Hunescanstot' contra Willelmum de Sotrich' de consuetudinibus et serviciis etc. in Straford'.

Norhant'.—Johannes filius Galfridi attornavit Willelmum de Kelly contra Henricum Gubyun' petentem de xv acris terre in Jerdel'.

Salopia.—Egidius de Erdinton' attornavit Ricardum de Accle et Willelmum Fader contra priorem de Wenloc de consuetudinibus et serviciis que idem prior exigit etc. in Wimbriton'.

Cantebrigia.—Prior de Lewes attornavit Johannem de Ford' contra Willelmum le Bretun, de quadam falda quam idem Willelmus injuste levavit in Karleton', ut dicit.

Wilt'.—Petrus filius Hereberti attornavit Johannem filium Alexandri contra Fulconem filium Warini petentem, de manerio de Stanton'.

Noting'.—Galfridus Giny attornavit Hugonem de Straleg' contra priorem de Lenton', de consuetudinibus et serviciis que idem prior ab eo exigit etc. in Lenton', Bramecot' et in Sutton'.

Dereb'.—Wibertus de Vilers' attornavit Simonem Sorel contra Matildem filiam Ulf, quam clamat esse nativam et fugitivam suam.

Bed'.—Walterus de Cameis attornavit Henricum le Cameis contra Johannem de Fulemere de dimidia virgata terre, excepta una roda, cum pertinentiis in Camelton'.

Norhant'.—Walterus de Deneford' et Sarra, uxor ejus, attornaverunt Gervasium de Islep' contra Rogerum filium Luce et Ricardum Neucomen' de ij virgatis terre in Grafton', et contra Lucam de Drayton' et Willelmum filium Roberti de consuetudinibus etc. in Islep'.

Wilt'.—Rogerus de Hida attornavit Stephanum de Berifeld' et Johannem Blanchard' contra Willelmum filium Danielis de debito xxvij marcarum et dimidie.

Berk'.—Idem attornavit eosdem contra Amauricum de Suleham de debito viij marcarum et dimidie.