Close Rolls, March 1229

Close Rolls, March 1229

Pro priore Sancte Trinitatis Cantuarie.—Dominus rex de lx m. que exiguntur per summonicionem Seaccarii de priore Sancte Trinitatis Cantuarie de amerciamento coram rege facto, perdonavit eidem priori x m. Et mandatum est baronibus de Scaccario quod sic inrotulari faciant. Teste rege apud Geldef', v die Marcii.
Et mandatum est vicecomiti Kancie quod pacem eis inde habere permittat. Teste ut supra.

Hibernia. Pro Nicholao de Veredun'.—Mandatum est Ricardo de Burgo, justiciario Hibernie, quod loquelam que est in curia regis apud Dublin' inter Radulfum Bagot petentem et Nicholaum de Verdun' tenentem de manerio de Rath' cum pertinentiis, et loquelam que est in eadem curia inter Willelmum le Rockere petentem et Philippum de Nugent tenentem de una carucata terre cum pertinentiis extra pontem de Drocheda, unde idem Philippus vocavit predictum Nicholaum ad warrantum, quem quidem rex retinuit in servicio suo in Anglia, ponat in respectum usque ad festum Sancti Johannis Baptiste, anno etc. xiij°. Teste ut supra.

Pro R. comite Cornubie.—Mandatum est Radulfo filio Radulfi de Cheyneduit quod lv m. per quas finem fecit cum rege pro relevio suo de xj feodis militum de parvo feodo, que tenuit de honore de Berchamsted' in capite, concessit dominus rex fratri suo R. comiti Cornubie de dono, et quod predictas lv m. eidem fratri suo reddat. Mandatum est etiam vicecomiti Hertford' quod predictas lv m. eidem R. comiti Cornubie reddi faciat. Teste rege apud Guldef', v die Marcii.

Pro Henrico de Sancto Elario.—Gunnora de Sancto Elario venit coram rege et in presentia sua spontanea voluntate sua se demisit de tota terra quam tenuit in Corfton' de Galfrido de Dynant de feodis que tenuit de rege in capite, et ad instantiam ipsius Gunnore cepit rex homagium Henrici de Sancto Elario, filii sui postgeniti, de terra predicta. Et mandatum est vicecomiti Sumerset' quod de terra illa cum pertinentiis eidem Henrico sine dilatione plenam saisinam habere faciat. Teste ut supra.

De damis datis.—Mandatum est Hugoni de Nevill quod faciat habere R. comiti Cornubie et Pictavie decem damas in foresta de Brehull' ad ponendas in parco suo de Beckel' de dono. Teste ut supra.

Pro magistro Roberto coco justic'.—Dominus rex concessit magistro Roberto, coco suo, liberationem duorum denariorum quam Willelmus Caretter, quondam nuntius regis, percipere solebat singulis diebus de elemosina regis constituta. Et mandatum est baronibus de Scaccario quod liberationem illam ei habere faciant. Teste ut supra.

Pro priore Sancte Trinitatis Cantuarie.—Dominus rex perdonavit priori Sancte Trinitatis Cantuarie quinquaginta marcas de centum marcis unde amerciatus fuit coram rege, et de quibus centum marcis perdonavit ei quadraginta marcas alias per litteras suas quas inde facte fuerunt vicecomiti Kancie. Et mandatum est baronibus de Scaccario quod ipsum priorem de predictis 1 m. quietum esse faciant. Teste ut supra.

Pro Willelmo de Vescy.—Mandatum est vicecomiti Norhumbrie quod non obstante mandato regis quod ei fecit de terris Willelmi de Vescy capiendis in manum regis, ei inde sine dilatione plenam saisinam habere faciat. Teste rege apud Farnham, vij die Marcii.
Eodem modo scribitur vicecomitibus Eboraci et Linc'.

Quod vicecomes Eboraci se intromittat de wapentacis quibusdam.— Rex etc. vicecomiti Eboraci etc. Quia coram justiciariis nostris, qui ultimo itineraverunt in comitatu tuo, per xij milites recognitum fuit et evictum quod tria wapentaca de Gilling', Hang', et Halikeld', que comes Cestrie tenuit in manu sua a tempore pacis facte inter nos et barones nostros Anglie post guerram motam inter dominum J. regem, patrem nostrum, et barones suos, occasione terrarum comitis Britannie in manu sua existencium, semper esse consueverunt et de jure esse debuerunt in manibus predecessorum nostrorum regum Anglie, sicut alia wapentaca comitatus tui, et omnia de wapentacis illis sicut et de aliis provenientia capere; tibi precipimus quod wapentaca illa in manum nostram capias et de omnibus ad ea pertinentibus sicut et de aliis wapentacis nostris in manu nostra existentibus te intromittas, et si quos resistentes inveneris, id nobis singnifices. Teste ut supra.

Pro Johanne de Colum prisone tradendo in ballio.—Mandatum est vicecomiti Devonie quod si Johannes de Colum, captus et detentus in prisona regis pro Sarra filia Willelmi le Gramaire, quam occidisse debuerat, ut dicebatur, et quam idem vicecomes postea vivam reperiit, invenerit etc. xij homines etc. qui eum manucapiant coram justiciariis ad primam assisam etc. ad standum inde recto, tunc ipsum Johannem tradat in ballium, etc. Teste ut supra.

Hibernia. Pro Roberto de Maundevill'.—Mandatum est R. de Burgo, justiciario Hibernie, quod, assumptis secum probis et legalibus hominibus, accedat ad terram illam in honore de Lune, quam J. rex cum ultimo fuisset in Hibernia dedit Roberto de Mandevill' vastam, incultam et inhabitatam, et si per eosdem inquirere possit quod terra illa vasta et inhabitata ei data fuit, et quod postea eam ad custum suum habitavit, et in ea edificavit, tunc de ipsa terra talem ei saisinam habere faciat qualem inde prius habuit, non obstante eo quod cartam predicti J. regis inde non habuit; que quidem terra capta fuit in manum regis in inquisitione facta in Hibernia per J. Mar', Ricardum Duket et Simonem (fn. 1) de dominicis domini regis. Teste ut supra.

Pro Oliva que fuit [uxor] Rogeri Tyrel.—Mandatum est vicecomiti Sussex' quod de terra quam Rogerus Tyrel de rege tenuit in capite de hereditate Olive uxoris sue in Sentinges et quam ipse vicecomes cepit in manum domini regis occasione mortis ipsius Rogeri, eidem Olive sine dilatione plenam saisinam habere faciat. Teste rege apud Wintoniam, x die Marcii. Per breve regis sub sigillo justiciarii.

Pro Willelmo de Beverlaco et marinellis quibusdam.—Rex ballivis Suhamt' salutem. Precipimus vobis quod non obstante mandato nostro quod vobis fecimus de decem doliis vini liberandis Willelmo de Beverlaco, que habuit ut dicit in navi illa que arestata fuit in villa Suhamton' occasione mortis Elye Wyger, de quibus decem doliis non fuerunt inventa apud Suhamt' in eadem navi nisi quatuor dolia, eadem quatuor dolia ei faciatis liberari in forma qua prius mandavimus de predictis decem doliis ei liberandis. Frettum eciam navis illius quod occasione sex doliorum vini de predictis decem doliis, que quidem sex dolia per chiminum vendita fuerunt, marinellis ejusdem navis detinetis, habere faciatis. Teste rege apud Wyntoniam, xv die Marcii.

Pro quibusdam Walensibus de comitatu Lanc'.—Rex vicecomiti Lanc' salutem. Ostenderunt nobis homines nostri de balliva tua qui vocantur Walenses Banastr' quod nunquam aliquo tempore talliari solent, set cum talliaremus dominica nostra si requisiti essent a predecessoribus et a nobis, auxilium eis et nobis de voluntate sua faciebant, quod magis nobis asserunt cessurum ad commodum quam si eos per vicecomitem nostrum talliaremus, sicut jam eos talliasti ad xx m. occasione precepti nostri quod tibi inde fecimus. Et ideo tibi precipimus quod tallagium illud ponas in respectum usque in unum mensem a die Pasche anno etc. xiij°, et ad eundem terminum facias venire usque Westmonasterium xij de discretioribus et legalioribus hominibus ex ipsis Walensibus ad ostendendum quo warranto clamaverunt immunitatem illam, et ad audiendam voluntatem nostram. Teste ut supra.

De vinis capiendis ad opus regis.—Rex Henrico filio Aucheri etc. et Gervasio le Cordewaner etc. salutem. Mandamus vobis quod de vinis que de novo venerunt usque Lond', capi faciatis ad opus nostrum xx dolia boni vini super meram; videlicet, xv de Wasconia et v de Andegavia; et illa cariari usque Westmonasterium et ibidem in celario nostro poni faciatis, et cum custum inde scierimus, illud mercatoribus reddi faciemus. Teste rege apud Wintoniam, xvj die Marcii.

De tradendis in ballio.—Mandatum est vicecomiti Linc' quod si Simon de Wathe et Rogerus le Roter capti et in prisona regis detenti pro morte Ade filii Margarete, unde ipsa Margareta eos appellat, invenerint ei xxiiij probos et legales homines, videlicet uterque eorum xij, qui eos manucapiant habere coram justiciariis ad primam assisam etc. ad standum inde recto, tunc ipsos tradat eis in ballium, sicut predictum est. Teste ut supra.

Pro Galfrido Balistario.—Rex vicecomiti Lanc' salutem. Scias quod dedimus, concessimus et hac carta nostra confirmavimus Galfrido Balistario pro homagio et fideli servicio suo totam terram de Hamelton' cum perti nentiis suis, quam Willelmus de Colemore habuit de ballio domini Johannis regis, patris nostri, et quam idem Willelmus habet de ballio nostro, tenendam toto tempore vite sue, habendam et tenendam de nobis et heredibus nostris eidem Galfrido et heredibus suis, reddendo inde singulis annis nobis et heredibus nostris quamdiu idem Willelmus vixerit xvj s. et predicto Willelmo toto tempore vite sue annuatim xxiiij s. Ita quod post decessum ipsius Willelmi predictus Galfridus et heredes sui reddent nobis et heredibus nostris de predicta terra annuatim xl s. pro omni servicio, et quod predicta terra imperpetuum quieta sit de tallagio ad nos vel heredes nostros pertinente. Et ideo tibi precipimus quod in predicta forma eidem Galfrido plenam saisinam habere facias de predicta terra et pertinentiis suis. Teste me ipso apud Wintoniam, xviij die Marcii, anno regni nostri xiij°.

Pro Philippo de Albiniaco.—Rex custodi honoris de Walingeford' salutem. Scias quod concessimus dilecto et fideli nostro Philippo de Albiniaco scutagium de feodis quatuor militum pertinentibus ad manerium nostrum de Watlinton', quod est in manu sua per preceptum nostrum; scilicet, de scuto duas marcas pro exercitu nostro de Kery. Et ideo tibi precipimus quod eidem Philippo scutagium illud habere facias de dono nostro. Teste ut supra.

Pro Milone de Sumery.—Mandatum est vicecomiti Essex' quod catalla que fuerunt Milonis de Sumery in baillia sua, et que in manum domini regis cepit occasione mortis sue, reddi faciat executoribus testamenti ipsius Milonis ad execucionem testamenti sui faciendam, nisi catalla ipsa capta fuerint in manum domini regis propter debitum quod nobis debet. Teste ut supra.
Eodem modo scribitur vicecomiti Cantebrigie.

De coronatore eligendo.—Rex vicecomiti Suhampton' salutem. Precipimus tibi quod in pleno comitatu tuo et per assensum totius comitatus eligi facias de fidelioribus et discretioribus militibus ejusdem comitatus, loco Walteri de Rumes' quondam coronatoris nostri ejusdem comitatus, alium coronatorem qui prestito sacramento, sicut fieri solet, extunc faciat et conservet una cum sociis suis coronatoribus nostris ejusdem comitatus ea que ad coronam nostram pertinent in eodem comitatu, et talem eum eligi facias qui ad hoc melius sciat et velit intendere. Teste ut supra.

Pro Roberto Coco.—Rex vicecomiti Suh' salutem. Quia constat nobis per inquisicionem quam fieri fecisti per preceptum nostrum et nobis misisti, quod Robertus Cocus captus et detentus pro morte Ade de Drayton', Johannis filii Martini, et Asceline filie Martini, unde Thomas de Drayton' eum appellat, non est culpabilis de morte predicta et quod predictus Thomas appellat ipsum Robertum odio et atya de ipsa morte, tibi precipimus quod si predictus Robertus invenerit tibi xij probos et legales homines de comitatu tuo qui manucapiant eum habere coram justiciariis nostris ad primam assisam cum in partes illas venerint ad standum inde recto, tunc eum tradas in baillio illis xij probis et legalibus hominibus, sicut predictum est, et habeas ibi nomina illorum xij et hoc breve. Teste ut supra. (fn. 2)

Pro Ysabella abbatissa Sancte Marie Wintonie.—Rex vicecomiti Wiltesir' salutem. Scias quod Isabella abbatissa Sancte Marie Wintonie, attornavit coram nobis loco suo Johannem Duelye ad sequendum comitatum Wiltesir' et hundreda nostra de hiis que ad nos pertinent in eodem comitatu. Et ideo tibi precipimus quod ipsum Johannem ad hoc loco ipsius abbatisse admittas. Teste ut supra.
Rogerus filius Elye et Henricus de Isenherst attornati sunt ejusdem abbatisse ad sequendum comitatum Suhampton' et hundreda de hiis que ad dominum regem pertinent. Radulfus de Gretford' attornatus est ipsius abbatisse ad sequendum comitatum Linc' et wapentaka et trethingas.

Pro Matillide que fuit uxor Galfridi de Serland'.—Rex vicecomiti Linc' salutem. Scias quod perdonavimus Matillidi, que fuit uxor Galfridi de Serland', scutagium quod ab ea exigis de tenemento quod de nobis tenet in capite in Bundeby, pro exercitu nostro de Kery. Et ideo tibi precipimus quod eidem Matillidi de scutagio illo pacem habere permittas. Teste ut supra.

Pro Willelmo Picot.—Mandatum est vicecomiti Suhampton' quod si Willelmus Picot captus et detentus in prisona domini regis apud Suhamt' pro morte Martini de Monte Sancti Egidii, qui per inquisicionem quam fieri fecit per preceptum domini regis non est culpabilis de eadem morte, invenerit ei xij probos et legales homines qui manucapiant eum habere coram justiciariis itinerantibus etc. tunc tradat eum illis etc. Teste ut supra.

Pro priore de Andevr'.—Mandatum est Michaeli de Columbar' quod habere faciat priori de Andevr' quadraginta cheverones in baillia sua de dono domini regis ubi competencius capi possint et ad minus nocumentum foreste domini regis, ad reparacionem domorum ipsius prioris que combuste fuerunt. Teste ut supra.

De terra capta in manum domini regis salvo custodienda.—Mandatum est Johanni de Munemuth' quod terram quam in manu domini regis cepit per preceptum domini regis, de qua abbas de Bello Campo saisinam habuit per episcopum Wintoniensem et Willelmum Briwer,' salvo custodiri faciat donec aliud ei inde preceptum fuerit; ita quod blada per averia non vastentur et domus ibidem non prosternatur. Teste ut supra.
Mandatum est vicecomiti Suhampton' quod unam virgatam terre in Froyles, quam Gilbertus de Camera emit de Elya de Froyles, et quam idem Gilbertus, quando iter peregrinacionis versus Terram Sanctam arripuit, legavit abbatie Sancte Marie Wintonie, in manum domini regis capiat et eam liberari faciat abbatisse ejusdem loci. (fn. 3)

[m. 13.]

Pro Hugone Paynnel'.—Rex vicecomiti Linc' salutem. Scias quod concessimus dilecto et fideli nostro Hugoni Paynnel ad se sustentandum in servicio nostro de dono nostro xxxj m. que ab eo exiguntur per summonicionem Scaccarii nostri de prestito Pictavie ei facto tempore domini Johannis regis, patris nostri. Et ideo tibi precipimus quod de demanda predictarum triginta et unius m. quam eidem Hugoni per summonicionem Scaccarii nostri facis, ei pacem habere permittas; averia autem ipsius Hugonis ea occasione capta, ei sine dilatione deliberari facias. Teste me ipso apud Merleberg', xxj die Marcii, anno regni nostri xiij°.
Et mandatum est baronibus de Scaccario quod ipsum Hugonem inde quietum esse faciant. Teste ut supra.

Pro Rannulfo Britone.—Rex vicecomiti Buking' salutem. Scias quod confirmavimus dilecto et fideli nostro Rannulfo Britoni donacionem et concessionem quam Ernaldus de Turevill' ei fecit de duabus carucatis terre in Chalfhunt' cum libera warenna in eadem villa. Et ideo tibi precipimus quod warennam illam per bailliam tuam clamari facias et prohiberi ne quis sine licencia ipsius eam ingrediatur, super forisfacturam nostram x li. Teste ut supra.

Pro Amaurico de Sancto Amando.—Rex vicecomiti Oxonie salutem. Scias quod commisimus dilecto et fideli nostro Amaurico de Sancto Amando ad se sustentandum in servicio nostro quamdiu nobis placuerit, terram illam quam Walterus de Verdun tenuit in Eaburebir' de baillio nostro. Et ideo tibi precipimus quod de predicta terra eidem Amaurico plenam seisinam habere facias. Teste ut supra.

Tichesfeld'.—Rex vicecomiti Suhamt' salutem. Scias quod volumus quod warenna decetero teneatur in manerio nostro de Tycchesfeld', ita quod nullus terram nostram ejusdem manerii intret ad currendum in ea ad leporem vel aliam bestiam sine licentia nostra vel ballivorum nostrorum ejusdem manerii super forisfacturam nostram. Et ideo tibi precipimus quod warennam illam sic clamari facias et teneri. Teste rege apud Merlebergh', xxiiij die Marcii.

De bosco de Chauton'.—Rex viridariis foreste sue de Porcestr' salutem. Mandavimus Roberto de Waleton', senescallo comitis Cestrie, quod permittat vos sine inpedimento boscum domini sui de Chauton', qui modo est in foresta, ingredi sicut facere consueverunt viridarii, antequam perambulacio foreste facta fuisset, temporibus predecessorum nostrorum regum Anglie, ad faciendum id quod ad vestrum pertinet officium de viridi et venatione. Et ideo vobis mandamus quod decetero boscum illum ingrediamini et officium vestrum in eo plenius exequamini, tam de viridi quam venatione, sicut fieri debet et consuevit ante perambulacionem predictam. Teste ut supra.

Pro magistro Ricardo Cantuariensi electo.—Mandatum est Bertramo de Cryuel et Alano Puingnant quod electioni facte per dominum papam de magistro Ricardo quondam cancellario Linc' in archiepiscopum Can tuariensem, adhibuit dominus rex assensum et favorem, et quod de toto archiepiscopatu cum pertinentiis et de stauro ad dictum archiepiscopatum pertinente, quod fuit in eorum custodia, eidem electo sine dilatione plenam seisinam habere faciant. Teste ut supra.

Mandatum est eisdem quod centum marcas, quas posuistis per preceptum nostrum in terris ejusdem archiepiscopatus excolendis et seminandis, quietas clamavimus dilecto nostro magistro Ricardo Cantuariensi electo. Teste ut supra.

Pro Nicholao de Molis.—Rex vicecomiti Oxonie salutem. Scias quod concessimus dilecto et fideli nostro Nicholao de Molis ad se sustentandum in servicio nostro, quamdiu nobis placuerit, terram que fuit Ade de Mora, falconarii, in Horton'. Et ideo tibi precipimus quod de predicta terra cum pertinentiis suis eidem Nicholao sine dilatione plenam saisinam habere facias, sicut predictum est. Teste ut supra.

Memorandum quod predictus Nicholaus (fn. 4) non percipiet xxx li. quas percipere consuevit annuatim, occasione terre predicte, ad perficiendum feodum c li.

Pro Alano Bassett.—Rex Hugoni de Nevill' salutem. Quia nobis significastis quod pars illa bosci Alani Basset de Wutton que est in foresta, quam voluit de licencia nostra claudere simul cum bosco suo de Fetstrern', qui est extra forestam, et facere parcum, continet tantum tres acras et dimidiam, et quod magis erit ad commodum quam ad detrimentum foreste nostre de Braden' si cum predicto bosco claudatur in parcum; vobis mandamus quod ipsum sine inpedimento partem illam ita claudere permittatis. Teste ut supra.

Pro sagena ad opus domini regis.—Rex baillivis suis de Brideport' salutem. Mittimus ad vos Adam filium Militis, servientem nostrum, mandantes quatinus per visum ipsius statim visis literis istis fieri faciatis ad opus nostrum unam bonam sagenam, et eam cum festinacione ad nos mittatis, et nobis scire faciatis custum quod apposueritis. Nos enim denarios, quos in ea facienda et ad nos carianda posueritis, per illos quos ad nos miseritis ad vos transmittemus. Teste ut supra.

Pro Gilberto Basset.—Rex vicecomiti Wiltes' salutem. Quia per inquisicionem quam fecisti per preceptum nostrum, nobis constat quod Galfridus Wynebaud, qui fugit pro morte hominis, tenuit de Elya de Wrockeshal' xx acras terre, unum mesuagium et quatuor denarios et dimidiam libram cimini redditus cum pertinentiis in villa de Wrockeshal', quam dilectus et fidelis noster Gilbertus Basset tenet ad firmam de ipso Elya, et quod ipsa terra et redditus exstiterunt in manu nostra a quindena ante festum Sancti Michaelis anno regni nostri xiij° usque ad festum Annunciacionis Dominice proximo sequens, tibi precipimus quod de predictis terra et redditu prefato Gilberto plenam seisinam habere facias, tenendis quamdiu ipse predictam villam de ipso Elya teneat ad firmam. Quia eidem Gilberto concessimus id quod nobis a retro est de anno nostro non completo. Teste ut supra.

Pro Griffino.—H. Dei gratia rex Anglie etc. dilecte sibi in Christo M. que fuit uxor Wenunwen, salutem. Sciatis quod concessimus dilecto nostro Griffino filio vestro ad se sustentandum in servicio nostro, quamdiu nobis placuerit, firmam quam nobis reddere consuevistis ad Scaccarium nostrum pro manerio nostro de Assesford'. Et ideo vobis mandamus quod de firma illa ipsi filio vestro intendentes sitis et respondentes, sicut predictum est. Teste ut supra.

Rex baronibus suis de Scaccario salutem. Sciatis quod concessimus Griffino filio Wenionwen ad se sustentandum in servicio nostro, quamdiu nobis placuerit, firmam quam Margareta mater ipsius Griffini consuevit reddere ad Scaccarium nostrum pro manerio nostro de Assesford'. Et ideo vobis mandamus quod ita inrotulari et fieri faciatis. Teste ut supra.

Pro H. de Burgo comite Kancie.—H. Dei gratia rex Anglie etc. Henrico de Aldithel' salutem. Sciatis quod dedimus dilecto et fideli nostro H. de Burgo, comiti Kancie, justiciario nostro, ad operacionem castri de Muntgumery centum libras de denariis nostris, quos recepistis de Johanne filio Alani et qui in custodia vestra remanserunt. Et ideo vobis mandamus quod predictas centum libras habere faciatis dilecto et fideli nostro Willelmo filio Warini ad operacionem predictam. Teste ut supra. (fn. 5)

Divise.—Mandatum est Constabulario Divisarum quod de franca petra que cecidit de muro parci domini regis Divisarum extra parcum vel intra, habere faciat constabulario Merleberg' vel nuncio suo, quem ad eum miserit loco suo, trescentos lapides ad capellam domini regis de Merleberg' augendam et accrescendam. Teste ut supra.

Pro Willelmo le Buteiller.—Mandatum est custodibus episcopatus Elyensis quod dominus rex perdonavit Willelmo le Buteiller talliagium quod assideri fecerunt super eum, et quod ei inde pacem habere permittant. Teste ut supra.

Pro Ricardo de la Ruwe de Insula.—Rex Willelmo de Sancto Johanne salutem. Per transmissas nobis literas vestras ad instantiam Johanne uxoris Ricardi de la Ruwe audivimus quod tempore quo Ricardus de Gray extitit ballivus noster insularum nostrarum, idem Ricardus moram fecisset in Francia ad perquirendum sibi necessaria sua, et in quadam assisa a curia nostra inpetrata, eodem Ricardo absente et in Francia existente, per sacramentum viij hominum de insula de Gerner' facta fuisset inquisitio utrum idem Ricardus fidelis esset vel non, dixerunt ipsi octo homines ipsum esse infidelem. Ita quod terram suam et catalla sua per judicium curie amisit. Postquam autem insulas predictas vobis commisimus custodiendas, prout nobis significastis, idem Ricardus tradidit se in prisonam nostram et posuit se et menbra sua super sacramentum xxiiij legalium hominum utrum esset fidelis nec ne; qui dixerunt super sacramentum suum ipsum fidelem esse. Et ideo vobis mandamus quod non obstante sacramento quod predicti octo homines fecerunt, sicut predictum est, eidem Ricardo de terris et catallis suis que predicta occasione amisit, plenam saisinam habere faciatis. Teste rege apud Merleberg', xxviij die Marcii.

Pro Roberto de Meisy, constabulario Merleberg'.—Dominus rex perdonavit Roberto de Meisy x m. que ab eo exiguntur de feodis quinque militum que de rege tenet in capite; scilicet, de scuto ij m. pro exercitu de Kery, tempore cujus fuit in servicio regis per preceptum suum in castro de Merleberg'. Et mandatum est vicecomiti Suff' quod de illis x m. pacem ei habere permittat. Demandam autem xv li. quam facit eidem Roberto per summonicionem Scaccarii, ponat in respectum usque in xv dies a die Pasche anno etc. xiij°. Teste ut supra.

De prohibendo mercato.—Quia datum est domino regi intelligi quod mercatum de Rammesbir' est ad nocumentum burgi domini regis de Merleberg', mandatum est vicecomiti Wiltes' quod predictum mercatum de Rammesbir' sine dilatione prohiberi faciat, ita quod decetero mercatum ibidem non teneatur. Teste ut supra.

De tradendo in ballium.—Quia constat regi per inquisicionem factam quod Alicia, que fuit uxor Tony le Urser, appellat Simonem filium Thome de morte predicti Tony, quondam viri sui, odio et athia et non eo quod culpabilis inde sit, pro qua quidem morte idem Simon captus et detentus est in prisona regis; mandatum est vicecomiti Line' quod si idem Simon invenerit ei sex probos et legales homines qui eum manucapiant etc. coram justiciariis itinerantibus etc. tunc eum tradat in ballium etc. Teste ut supra.