Close Rolls, June 1229

Close Rolls, June 1229

De amerciamentis comitatuum Norf' et Suff'.—Rex vicecomiti Norf' et Suff' salutem. Quia datum est nobis intelligi quod propter urgentem paupertatem hominum de baillia tua, amerciamenta nostra de itinere justiciariorum nostrorum ultimo itinerancium in comitatibus tuis absque nimio gravamine et dispendio illorum qui amerciamenta illa nobis debent, colligi ad presens non possunt, modum colligendi amerciamenta illa tue duximus relinquere discrecioni, qui paupertates et facultates hominum illorum novisti; precipientes quatinus ea amerciamenta que absque magno gravamine in comitatibus predictis colligi possunt, sive in parte sive in toto, ad opus nostrum ad presens colligi facias, et amerciamenta illa que absque nimio gravamine colligi non possunt, ponas in respectum usque super proximum compotum tuum ad Scaccarium Sancti Michaelis anno regni nostri xiij°. Teste me ipso apud Dunstapl', primo die Junii.

De calce ad operationem castri de Muntgomery.—Mandatum est Roberto le Enfant et Andree filio Huberti quod calcem domini regis que est infra ballium castri Salopie, faciat (sic) habere Willelmo filio Warini, constabulario castri de Muntgomery, ad operationem ejusdem castri. Teste rege apud Norhampt', iij die Jun'.

Pro comite Cornubie de perdonatione amerciamentorum de honore de Berchamsted' et aliorum.—Mandatum est baronibus de Scaccario quod dominus rex concessit R. comiti Cornubie amerciamenta que exiguntur per summonicionem Scaccarii ab hominibus tenentibus de honore de Bercamested', qui est in manu sua de ultimo itinere justiciariorum in comitatu Hertford', et mandatum est eis quod eis pacem inde habere faciant. Teste ut supra.
Eodem modo scribitur eis de amerciamentis que exiguntur ab hominibus tenentibus de terris J. regine, que sunt in manu sua de ultimo itinere justiciariorum in comitatu Devonie.
Et mandatum est vicecomiti Devonie quod permittat baillivos ipsius comitatus amerciamenta illa colligere sine inpedimento ad opus ipsius. Et si quid inde ceperit, id ei reddat. Teste ut supra.

Pro canonicis de Croxton'.—Dominus rex quadraginta cheverones qui prostrati sunt et restant de maeremio quod rex dedit G. quondam Elyensi episcopo in foresta de Shirewud', dedit abbati et canonicis de Croxton' ad operationem ecclesie sue. Et mandatum est Hugoni de Nevill' quod illos xl cheverones eis habere faciat. Teste ut supra.

De quodam prisone deliberando.—Mandatum est constabulario castri Linc' quod Reginaldum le Taverner in prisona Linc' detentum, qui apud Hul captus fuit in navi illa que depredata fuit in portu de Sandwic', sine dilatione liberari et sine inpedimento quo voluerit abire permittat. Teste ut supra.

De fustis datis.—Mandatum est Hugoni de Nevill' quod habere faciat priorisse de Catesby x fusta in foresta de Selveston' extra parcum regis, ad operationem ecclesie sue. Teste ut supra.

De damis datis.—Mandatum est Hugoni de Nevill' quod habere faciat W. comiti Albemarl' duos damos in foresta de Selveston' de dono regis. Teste rege apud Davintr', vj die Junii.

De reparatione balistarum regis apud Dovr'.—Mandatum est constabulario Dovr' quod omnes balistas regis lesas et deterioratas in castro Dovr', que reparatione indigent, liberari faciat Willelmo de Gyenne, latori presentium, balistario regis, ad ipsas reparandas infra predictum castro Dovr'. Teste ut supra.

Hibernia. Pro uxore regis Connacie.—Mandatum est R. de Burgo, justiciario Hibernie, quod si viderit domino regi expedire et licite ac salvo honore regis fieri possit quod de Imena, que fuit uxor regis Connacie, quam habet in prisona, capiatur ad opus regis de suo pro deliberatione sua, tunc de suo capiat prout regi viderit expedire, et eam liberari faciat; et si absque honoris domini regis conservatione hoc fieri non possit, tunc ab ea nichil ad opus regis capiat pro deliberatione sua, set eam libere et sine inpedimento liberari et quo voluerit eam abire permittat. Teste ut supra.

Hibernia. Pro Ricardo de Burgo, justiciario.—Mandatum est thesaurario et baronibus de Scaccario, Dublin', quod de denariis regis qui sunt in custodia sua, habere faciat R. de Burgo, justiciario Hibernie, id quod ad ipsum pertinet de termino Sancti Michaelis, anno etc. xiij°, de quingentis libris quas percipit a rege per annum pro custodia terre et castrorum regis Hibernie, allocatis ei de eodem termino Sancti Michaelis c et xxv m. de ducentis et 1 marcis quas domino regi reddit per annum de terra que fuit Thome filio Antonii, que est in manu sua per preceptum regis. Teste ut supra.

Pro Nicholao de Verdun.—Dominus rex retinuit secum (fn. 1) in Anglia Nicholaum de Verdun usque ad proximum autumpnum futurum anno etc. xiij°. Et mandatum est R. de Burgo, justiciario Hibernie, quod interim permittat eum habere respectum de terra sua firmanda, non obstante precepto regis, quod alias fecit, quod omnes de partibus illis terras suas firmarent. Cum autem idem Nicholaus terram suam firmare voluerit, ei sit consulens et auxilians in locis in quibus ipse potest et debet claudere. Teste ut supra.

De denariis veterum vinorum venditis [sic].—Mandatum est ballivis Linc' quod denarios regis, qui sunt in custodia sua de xviij doliis veterum vinorum venditis in nundinis Sancti Botulfi, facias (sic) habere Johanni de Colemere, clerico, ad negocia nostra que ei injunximus facienda. Teste rege apud Bannebir', vij die Junii.

Pro Matheo de Haversegh'.—Mandatum est vicecomiti Noting' et Dereb' quod occasione mandati domini regis quod ei fecit de terra Mathei de Haversegh', quam de rege tenet in capite, in manum regis capienda, ipsum inde non dissaisiat; et si forte eam ceperit in manum regis, sicut ei preceptum fuit, plenam saisinam ei inde sine dilatione habere faciat. Teste ut supra.

Pro leprosis Sancti Leonardi Lancastr'.—Mandatum est Rogero Gernet quod leprosi hospitalis Sancti Leonardi de Lancastr' habeant averia sua propria in foresta de Lanc', sicut ea habere consueverunt tempore domini J. regis patris nostri (fn. 2) et nostri. Ita quod nichil inde dent aut faciant pro pastura illa habenda a Pascha proximo preterito anno regni regis xiij° usque in quinque annos, et quod habeant de mortuo bosco in foresta illa ad focum suum; et quod pasturam illam ad averia sua propria in foresta predicta ipsos leprosos habere permittat, sicut habere consueverunt tempore predicto, et quod nichil ab eis capiat infra predictum terminum pro pastura illa, et quod mortuum boscum in eadem foresta ad focum suum eis habere faciat. Teste ut supra.

De facienda quadam assisa venire coram S. de Sedgrave.—Mandatum est vicecomiti Norhamt' quod assisam nove disseisine quam Agnes filia Swetman' aramiavit coram justiciariis ad primam assisam etc. versus Rogerum filium Theobaldi et Willelmum de Hogelin' de tenementis in Norhampt' ad mandatum S. de Sedgrave venire faciat coram eo ad diem et locum quos idem Stephanus ei scire fecerit. Et habeat ibi atachiamentum et hoc breve. Teste ut supra.

Pro Henrico de Castr'.—Mandatum est justiciariis ad custodiam Judeorum assignatis quod seisinam habere faciant Henrico de Castr' de terra sua de Castr' que est vadium Aaron de Eboraco, Leonis filii Salomonis de Linc' et Peitevini filii Jocei de Linc', et faciant ei habere racionabilem finem a predictis Judeis de debito quod eis debet. Ita quod ipse et uxor sua de residuo racionabiliter se possint sustentare. Teste rege apud Campeden', viij die Junii.

Pro canonicis de Lavenden'.—Rex dilecto et fideli suo Hugoni de Nevill' salutem. Quia constat nobis per inquisicionem quam fieri fecistis per preceptum nostrum et nobis misistis, quod non est ad nocumentum foreste nostre de Salceto si boscus de Erneresden', qui continet duas acras et dimidiam per eandem inquisicionem, sicut per literas vestras nobis significastis, quem dilectus et fidelis noster Willelmus filius Warini dedit abbati et canonicis de Lavenden', claudatur bassa haya et parvo fossato, ita quod bestie nostre possint libere et sine inpedimento intrare et exire, vobis mandamus quod permittatis predictum abbatem boscum illum claudere bassa haya et parvo fossato, ita quod bestie nostre possint libere et sine inpedimento intrare et exire, sicut predictum est. Teste ut supra.

Pro Ada Esturmy.—Rex vicecomiti Glouc' salutem. Scias quod concessimus Ade Esturmy ad se sustentandum in servicio nostro, quamdiu nobis placuerit, dimidiam virgatam terre cum pertinentiis quam Robertus Ailwardi tenuit de dominico nostro in Chilteham, et quam Walterus Hathulfi post mortem ipsius Roberti ingressus est, absque servicio nobis inde faciendo. Et ideo tibi precipimus quod eidem Ade de predicta terra cum pertinentiis suis sine dilatione plenam seisinam habere facias. Teste ut supra.

Pro Roberto de Lexinton'.—Mandatum est Thome de Birkin quod permittat Robertum de Lexinton' habere et sine inpedimento adducere viginti cheverones quos abbas de Rufford' ei dedit de bosco suo infra forestam domini regis, ad domos suas que combuste fuerunt reedificandas. Teste ut supra.

Pro Ricardo filio Willelmi de manerio de Winterburn'.—Rex vicecomiti Glouc' salutem. Precipimus tibi quod de manerio de Winterburn' cum pertinentiis, quod in manum nostram cepisti occasione mortis Ricardi Walensis et cujus custodia pertinet ad Ricardum filium Willelmi filii Stephani, eo quod predictus Ricardus Walensis manerium illud de eo tenuit per servicium militare, eidem Ricardo filio Willelmi plenam seisinam habere facias. Teste ut supra.

Pro abbate de Certes'.—Quia constat regi per inquisicionem quam vicecomes Surr' fieri fecit per preceptum regis, quod terra quam Alicia que fuit uxor Ricardi de Gravenel tenuit in dotem in Thotinges de terris que fuerunt ipsius Ricardi, nunquam fuit de feodo archiepiscopi Cantuariensis, set est de feodo abbatis de Certes', et quod idem Ricardus et antecessores sui tenuerunt predictam terram de eodem abbate per servicium j militis, sicut per eandem inquisicionem rex plenius accepit; mandatum est vicecomiti Surr' quod de predicta terra cum pertinentiis, omni dilatione et occasione postpositis, eidem abbati plenam saisinam habere faciat. Teste rege apud Wygorniam, x die Junii.

De compoto constabularii de Merlebergh' audiendo.—Mandatum est baronibus de Scaccario quod loco Roberti de Meisy, quondam constabularii castri nostri de Merlebergh', recipiant Ricardum de Paleshot et Ricardum, clericum suum, ad audiendum compotum ipsius Roberti de custodia predicti castri de Merlebergh' et de bertona. Teste ut supra.

Pro Wiberto de Rue.—Rex commisit Wyberto de Rue terram in Upton' cum pertinentiis, quam Mallardus quondam armiger W. Marescalli senioris, tenuit de ballio ejusdem comitis, et quam rex capi precepit in manum suam ad se sustentandum in servicio domini regis quamdiu regi placuerit. Et mandatum est vicecomiti Glouc' quod de terra predicta eidem Wiberto plenam saisinam habere faciat, sicut predictum est. Teste ut supra.

Pro Thoma Basset.—Rex commisit Thome Basset ad se sustentandum in servicio regis quamdiu ei placuerit, terram quam Galfridus le Sauser tenuit de ballio domini J. regis etc. in Grendon, et quam idem Galfridus dimisit Johanni Mar', salvis eidem Galfrido c. s. reddendis singulis annis per manum ipsius Thome de eadem terra toto tempore vite ipsius Galfridi, quamdiu idem Thomas terram illam tenuerit. Et ideo mandatum est vicecomiti Buk' quod de eadem terra eidem Thome plenam saisinam sine dilatione habere faciat, salvis eidem Johanni bladis suis et instauro suo que habet in eadem terra. Teste ut supra.

Pro priore hospitalis de Bannebir'.—Rex concessit priori hospitalis Sancti Johannis de Bannebir' vetus maeremium gaiole de Warewic' ad se hospitandum. Et mandatum est vicecomiti War' quod eidem priori maeremium illud habere faciat. Teste ut supra.

[m. 8.]

Pro Ricardo de Gray.—Rex concessit Ricardo de Gray terram in Barton' cum pertinentiis, quam Philippus Marc' tenuit de ballio regis ad ipsum Ricardum sustentandum in servicio regis quamdiu ei placuerit. Et mandatum est vicecomiti Eboraci quod eidem Ricardo de predicta terra plenam saisinam habere faciat, sicut predictum est, salvis eidem Philippo omnibus bladis et catallis suis in eadem terra inventis et seminatis. Teste rege apud Wigorniam, xj die Junii.

Pro abbate Ville Nove in Britannia.—Mandatum est ballivis nundinarum Sancti Botulfi Hoiland' quod habere faciant fratri Durando, monacho abbatie Ville Nove in Britannia, ad opus abbatis et monachorum predicti loci, x li. de elemosina Constantie quondam comitisse Britannie constituta in predictis nundinis. Teste ut supra.

[m. 8.]

Pro Radulfo de Thoeny.—Rex baronibus suis de Scaccario salutem. Sciatis quod quietum clamavimus pro nobis et heredibus nostris Radulfo de Thoeny et heredibus suis inperpetuum servicium feodi dimidii militis quod Robertus de Saham tenet in villa ipsius Radulfi de Saham; quam quidem villam cum pertinentiis suis dominus J. rex, pater noster, dedit Rogero de Thoeny, patri ipsius Radulfi et heredibus suis, et cujus servicium idem Radulfus dicit ad se pertinere occasione predicte ville predicto Rogero et heredibus suis sic concesse; ita quod decetero predictus Robertus et heredes sui respondeant predicto Radulfo et heredibus suis de predicto servicio, de quo prius tenebatur domino J. regi, patri nostro, et nobis, et quod servicium exigebatur ad Scaccarium nostrum ante istam concessionem tempore ipsius patris nostri et nostro. Et ideo vobis mandamus quod ipsum Robertum de predicto servicio pacem habere permittatis et ipsum inde quietum inrotulari faciatis, sicut predictum est, cum omnibus arreragiis que exiguntur ad Scaccarium nostrum de toto tempore preterito, tam de tempore ipsius patris nostri quam nostro. Teste ut supra.

Pro quibusdam pauperibus de Geres'.—Mandatum est Willelmo de Sancto Johanne quod per probos et legales homines de insula de Geres diligenter inquirat de quanta terra Philippus de Albin', dum habuit custodiam ejusdem insule per preceptum nostrum, dissaisivit priorem del Silet, Nicholaum le Mineter, Stephanum de Aldeport, Nicholaum Godefridi, Ricardum Fabrum de Faleduit, Anketillum Marcel, Umfridum de Monasterio, in valle Castri de Geres' et in Curtillet, et quantum terra illa valeat per annum, et qui eam tenent, et qua occasione idem Philippus eos inde dissaisivit, et utrum sit ad nocumentum castri nostri de Geres' vel non si terram illam eis dimittamus excolendam; et si per inquisitionem inde factam constiterit nobis quod predicta terra, de qua idem Philippus eos dissaisivit, non contineat nisi vj acras terre et sex acras pasture vel parum plus vel parum minus, et quod servicium inde faciunt tanquam eam in manu sua haberent, ut dicunt, et quod non sit ad nocumentum predicti nostri (sic) de Geres' si illas xij acras ipsis dimittamus tenendas et excolendas, tunc de illis xij acris eis plenam saisinam habere faciat et in pace eas tenere permittat. Teste ut supra.

Hibernia. Pro Radulfo de Norwic' de episcopatu Imelicensi.—Rex concessit Radulfo de Norwic' omnes exitus provenientes de episcopatu Imelicensi de termino Pasche anno etc. xiij° usque ad festum Sancti Michaelis anno eodem, ad prosequendum causam pro rege que vertitur inter regem et magistrum Johannem, qui se gerit electum Imelicensem, super electionem ejusdem episcopatus. Et mandatum est R. de Burg', justiciario Hybernie, quod predictos exitus eidem Radulfo habere permittat usque ad predictum terminum, sicut predictum est. Et si quid inde ceperit de predicto tempore, id ei sine dilatione reddat. Teste ut supra.

Pro Matheo Bukerel'.—Mandatum est majori et vicecomitibus London' quod terram et redditus Mathei Bukerel fratris Ricardi Renger in London', qui sunt in manibus Abrahe filii Muriell' et Mossy de Colecestr' Judeorum, pro debito quod de predictis terra et redditibus exigunt, faciant ei replegiari usque ad adventum regis in partes illas. Teste ut supra.

Hibernia. Pro civibus Dublin'.—Rex Ricardo de Burgo, justiciario suo Hybernie, salutem. Sciatis quod concessimus civibus nostris Dublin' quod eligant singulis annis de se ipsis majorem, in perpetuum, et in fine anni ipsum amoveant et alium substituant vel eundem si voluerint retineant, sicut plenius vobis constare poterit per cartam nostram quam eis inde fieri fecimus, et quam vobis exhibebunt. Et pro hac concessione nostra predicti cives nos quietos clamaverunt de trescentis et xij libris quas xij cives nostri Dublin' pro universitate tocius civitatis Dublin' commodaverunt H. quondam archiepiscopo Dublinensi, tempore quo idem archiepiscopus fuit justiciarius noster Hybernie ad negocia nostra expedienda in expedicione contra H. de Lascy, ad indempnitatem et defensionem nostram terre nostre Hybernie, quando ultimo in partes illas venerat ad guerram contra nos movendam. Ita tamen quod predicti xij cives Dublin', qui predictam pecuniam dicto archiepiscopo commodaverunt, literas ipsius archiepiscopi quas habuerunt de predictis trescentis et xij libris eis reddendis, nobis per manus vestras pre manibus reddent, antequam majorem sibi eligant, ut predictum est. Insuper etiam concessimus predictis xij civibus ad indempnitatem eorum qui predictam pecuniam predicto archiepiscopo commodaverunt pro universitate civitatis predicte occasione predicta, quod predicta pecunia assideatur per totam universitatem civitatis Dublin' secundum facultates singulorum per sacramentum proborum et legalium hominum ejusdem civitatis, ita quod singuli illorum duodecim recipiant de predicta universitate quantum mutuo dederunt predicto archiepiscopo pro eadem universitate, computata singulis eorum xij porcione sua que eos contingit de eodem talliagio secundum facultates illorum. Et ideo vobis mandamus quod ex quo receperitis a predictis xij civibus literas ipsius archiepiscopi de predictis trescentis et xij libris quas eidem archiepiscopo commodaverunt, et tallagium predictum in civitate predicta fuerit assisum, et predictis xij civibus de eadem pecunia satisfactum, sicut predictum est, tunc permittatis predictos cives nostros majorem sibi singulis annis eligere, et in fine anni ipsum amovere, et alium substituere, vel eundem si voluerint retinere. Teste me ipso apud Hereford', xviij die Junii.

De quercubus datis.—Mandatum est Rogero de Clifford' quod habere faciat Rogero Ailard' de Bristoll' unam quercum in foresta de Sancto Briavell' de dono regis, ubi competentius poterit capi, ad warengas et alia necessaria facienda ad operationem navis sue quam fieri facit. Teste rege apud Sanctum Briavell', xxj die Junii.
Mandatum est Hugoni de Nevill' quod habere faciat Rogero Ailard de Bristoll' duas quercus in parco de Alewestan' de dono regis, ad warengas et alia facienda etc. ut supra. Teste ut supra.

De pertica utenda in itinere justiciariorum.—Mandatum est Hugoni de Nevill' et sociis suis, justiciariis itinerantibus ad placita foreste, quod secundum quod pertica continere solet vel xxiv vel xxv pedes manupedum temporibus H. regis avi regis, R. regis avunculi, et J. regis patris domini regis, sic placet domino regi et consilio suo quod pertica magis usitata et continente in longitudine xxiiij vel xxv pedes manupedum in essartis mensurandis, que facta fuerunt post principium secundi anni prime coronacionis regis lstius, utantur in itinere suo, et hoc relinquit rex discretioni eorum. Teste ut supra.

Hibernia. De x marcis assignandis cuidum clerico.—Mandatum est Ricardo de Burgo, justiciario Hibernie, quod Thome de Crayvill', clerico, quem retinuit in servicio suo pro quibusdam agendis suis in partibus suis expediendis, faciat habere x m. singulis annis ad Scaccarium Dublin', ad se sustentandum in servicio regis quamdiu regi placuerit, et quamdiu idem Thomas fideliter servierit. Teste rege apud Flexl', xxv die Junii.

De quercubus datis.—Mandatum est Ricardo de Gray quod habere faciat magistro Rogero de Lacoc tres quercus in foresta de Chipeham et alias tres quercus in foresta de Melkesham, ad se hospitandum apud Lacoc. Teste ut supra.

Pro Ricardo de Gray de perdonatione.—Rex, de v marcis unde Ricardus de Gray amerciatus fuit coram M. de Pat' et sociis suis, justiciariis itinerantibus in comitatu Essex', et unde rex perdonavit ei prius tres marcas per literas suas eidem vicecomiti inde directas, perdonavit eidem Ricardo duas marcas residuas. Et mandatum est vicecomiti Essex' quod de predictis duabus marcis ipsi Ricardo pacem habere permittat. Teste ut supra.

Rex perdonavit Ricardo de Gray pro bono et fideli servicio suo xliiij marcas que ab eo exiguntur ad Scaccarium, de prestito quod J. rex fecit Henrico de Gray, patri suo, in ultimo itinere suo in Pictavia.
Et mandatum est baronibus de Scaccario quod ipsum Ricardum de predictis xliiij m. quietum esse faciant. Teste ut supra.

Pro Nicholao de Stutevill'.—Rex perdonavit Nicholao de Stutevill' iram et indignationem suam quam erga ipsum conceperat, eo quod maritavit filias suas et heredes absque licencia sua. Et mandatum est vicecomiti Eboraci quod de omnibus terris ipsius Nicholai in balliva sua captis in manum regis occasione predicta, sine dilatione plenam ei saisinam habere faciat. Teste ut supra.

Pro Ricardo Strech'.—Rex remisit Ricardo Streche iram et indignationem suam quam erga eum conceperat, eo quod permisit Willelmum de Camvill' prosternere boscum suum de Arewe, qui est infra forestam regis, sine assensu et voluntate regis. Et mandatum est vicecomiti Wigornie quod eidem Ricardo de terris suis in balliva sua captis in manum regis occasione predicta, plenam saisinam habere faciat. Teste ut supra.

De damis datis.—Mandatum est Gileberto de Manneby (fn. 3) quod habere faciat Hugoni Painel tres damos in foresta de Blakemore de dono regis. Teste rege apud Glouc', xxv die Junii.

De reparatione castri de Merleberg'.—Mandatum est Johanni de Eston', constabulario de Merleberg', quod ea que indigent reparatione in castro de Merleberg' et in turri ejusdem castri secundum particulas contentas in literis ipsius constabularii domino regi transmissis, falsa cumbla cooperiri faciat ad presens, ita quod ea salvo et absque detrimento consistere possint in hac instanti hieme; et stagnum regis ibidem modis quibus poterit emendari et reparari faciat, et de molendino de Elcote reparando ad presens sustineat. Teste ut supra.

Hibernia. Pro quodam capellano.—Rex concessit Willelmo de Radeclive, capello (sic) suo ministranti in capella castri Dublin', centum sol. vel x m. redditus in beneficio ecclesiastico, quamcito hujusmodi redditus vacare contigerit in Hibernia de donatione regis, ad ipsum capellanum sustentandum. Et mandatum est Ricardo de Burgo, justiciario Hibernie, quod ex quo data fuerit ei ad hoc opportunitas, de predictis c s. vel x m. redditus in aliquo beneficio ecclesiastico de escaetis ad donationem regis pertinente, eidem capellano provideat. Teste ut supra.