Close Rolls, October 1230

Close Rolls, October 1230

De prisone custodiendo.—Mandatum est custodi gaole de Neuwegath' quod Stephanum Camelyn captum pro latrocinio et probatorem regis quem Willelmus le Bygod ei tradet, recipiat et salvo custodiat donec aliud preceptum receperit. Teste S. de Segra, apud Westmonasterium, ij° die Octobris.

Pro Petro Pictavensi.—Mandatum est vicecomiti Sumerset' quod de terra de Stonieston', quam Robertus de Barrevill' tenuit de ballio regis et quam postea commisit rex Petro Pictavensi ad se sustentandum etc., ipsum Petrum non disseisiet occasione precepti regis quod ei fecit de saisina inde facienda Henrico fratri regis, cui rex eam commiserat ad se sustentandum quamdiu regi placeret. Et si occasione illius precepti eidem Henrico inde saisinam habere fecerit, non obstante saisina illa eundem Petrum inde sine dilatione faciat resaisiri. Teste ut supra.

Pro H. de Burgo de maneriis quibusdam que fuerunt Mauricii de Gant.—Mandatum est vicecomiti Glouc' quod ad opus H. de Burgo etc. de castro de Beverestan' et de maneriis de Beverestan', Weston', Oure, Radewic' et Albricton', que fuerunt Mauricii de Gant in balliva sua, sine dilatione plenam saisinam habere faciat fratri Waltero de Kinardesl' et Willelmo de Blockel' senescallis ipsius justiciarii vel eorum alteri has literas deferenti. Teste ut supra.

Pro Theobaldo de Engleskevill'.—Quia constat regi per inquisicionem factam per preceptum regis quod una carucata terre cum pertinentiis in Cumpton' est pertinens ad terram de Theingwic', quam Henricus de Ponte Audomari tenuit de ballio J. regis etc. et quod predictus Henricus non tenuit illam carucatam terre aliter quam occasione predicte terre de Theingwic' tamquam ejus pertinentiam; mandatum est vicecomiti Sussex' quod de illa carucata terre cum pertinentiis sine dilatione plenam saisinam habere faciat Theobaldo de Engleskevill', qui predictam terram de Theinwic' habet de ballio regis ad se sustentandum in servicio regis quamdiu regi placuerit.
Eodem modo vicecomiti Suht' de xx s. redditus in Wintonia pertinentibus ad predictam terram de Theinwic' etc. ut supra.

Pro electo Landaffensi.—Rex eleccioni facte de magistro Elya thesaurario Heref' in episcopum Landaffensem, regium adhibuit assensum et favorem. Et mandatum est ballivis W. comitis Penbr' de Netherwent' quod de omnibus terris, rebus, redditibus et omnibus possessionibus ad predictum episcopatum pertinentibus in balliva sua, ei sine dilatione plenam saisinam habere faciat. Teste ut supra.
Eodem modo scribitur ballivis G. comitis Glouc' de Wlatmorgan'.

Pro Willelmo de Vescy.—Dedit regi intelligi Willelmus de Wescy quod cum habuerit de concessione regis scutagium suum de exercitu de Kery et literas regis inde optinuisset, vicecomes Norhumbr', eo quod in brevi regis ei directo de scutagio illo habendo taliter fuit erratum quod ubi apponi debuit scutagium de Kery, appositum fuit scutagium de Muntgomery, distringit ipsum Willelmum ad predictum scutagium de Kery solvendum. Et mandatum est vicecomiti Norhumbr' quod si ita est, tunc eidem Willelmo de predicto scutagio de Kery pacem habere permittat. Teste S. de Sedgrave apud Westmonasterium, iiij die Octobris.

De navibus deliberandis.—Mandatum est ballivis portus de Portesm' quod navem Simonis de Bulewarh' et navem Johannis de Kaleis, carcatas mercandisis Johannis Gace et sociorum suorum, et quatuor alias naves carcatas mercandisis mercatorum de Rothomago, que quidem naves sic carcate nuper venerunt usque Portesm' de Suhamt', sine impedimento abire et transfretare permittant. Teste S. de Sedgrave apud Westmonasterium, v die Octobris.

Mandatum est ballivis portus Suhamt' quod navem Constantini de Dunewic' carcatam vinis Johannis del Verger et P. de Torcy et sociorum suorum mercatorum de Sancto Johanne, qui habent literas regis de conductu de vinis illis ducendis quo voluerint, hac vice permittant sine inpedimento abire quo voluerint. Teste ut supra.

Pro Johanne filio et herede Johannis de Cawude.—Mandatum est B. de Insula quod terras, res et possessiones que fuerunt Johannis de Cawude nuper defuncti, quas in manum regis cepit eo quod idem Johannes terram suam tenuit de rege per serjantiam foreste regis inter Use et Derewent', Johanni filio et heredi predicti Johannis terras illas, res et possessiones sine dilatione reddat, accepta securitate quod ballivam suam fideliter servabit. Teste ut supra.

De manerio de Derteford'.—Rex commisit Johanni de Burgo manerium de Derteford' quod fuit comitis Sancti Pauli ad se sustentandum in servicio regis quamdiu regi placuerit. Et mandatum est vicecomiti Kancie quod ei redditum ejusdem manerii de hoc termino Sancti Michaelis habere faciat. Teste S. de Sedgrave apud Westmonasterium, viij die Octobris.

De castro Hertf' et maneriis de Esenden' et Beyford'.—Et mandatum est vicecomiti Hertford' quod habere faciat eidem Johanni, cui rex commisit castrum Hertford' cum molendinis regis ibidem et maneria de Esenden' et de Beiford' ad se sustentandum in servicio regis quamdiu ei placuerit, redditum de maneriis de hoc termino Sancti Michaelis anno etc. xiiij°. Teste ut supra.

De operationibus hominum de Esinden' et de Beyford' et aliis maneriis.—Eidem etiam vicecomiti mandatum est quod operationes hominum de Esinden' et de Beyford' permittat habere Willelmo Pucin et Martino Gulafre assignatis ad debita Reymundi de Burgo acquietanda [et] ad blada predictorum maneriorum colligenda et adunanda, et si quid ab eisdem hominibus cepit pro operationibus predictis, id eisdem assignatis sine dilatione reddi faciat. Teste ut supra.

Et mandatum est vicecomiti Essex' quod operationes hominum de White Rothing', de Dunmawe, de Alfreston' et de Farnham, que fuerunt comitis de Sancto Paulo, permittat habere Willelmo Pucin et sociis suis militibus, quibus Reymundus de Burgo commisit terras predictas ad se sustentandos in servicio suo; et quibus rex commisit easdem terras ad se sustentandos in servicio regis quamdiu regi placuerit. Et si quid a predictis hominibus ceperit pro predictis operationibus vel aliis, id eisdem Willelmo Pucyn et sociis suis sine dilatione reddi faciat. Teste ut supra.

De ballia foreste de Shirewod' quam Thomas de Birkin habuit, commissa G. Spigurnel.—Rex commisit Godefrido Spigurnel balliam foreste de Shireuuod', que fuit in custodia Thome de Birkin' qui mortuus est, custodiendam una cum forestariis de feodo in eadem ballia constitutis; quamdiu regi placuerit. Et mandatum est B. de Insula quod eidem G. de ballia predicta cum pertinentiis sine dilatione plenam saisinam habere faciat. Teste S. de Sedgrave apud Westmonasterium, viij die Octobris.
Et mandatum est per literas patentes forestariis de feodo et viridariis ejusdem ballie et omnibus aliis infra eandem balliam constitutis quod eidem G. in omnibus etc. sint intendentes et respondentes. Teste ut supra.

De tradendo in ballio.—Radulfus de Clenward', quem Willelmus Silverloc appellat de morte Alani filii Ricardi odio et athia et non eo quod inde culpabilis sit, ut constat regi per inquisicionem, habet literas quod tradatur in ballium xij etc. usque ad adventum justiciariorum etc. Teste ut supra.

De quodam homine priorisse de Clerkenewell' et de Othone filio Willelmi et serviente suo de . . . . . transgressione.—Mandatum est vicecomiti Glouc' quod accepta securitate a Rogero Dolbog', homine priorisse de Clerkenewell', de stando recto quando rex preceperit de transgressione illa quod permisit in bosco de Wudemannecot' quem habuit in custodia dum Mauricius de Gant superstes esset, cujus boscus ille fuit, venditionem fieri post mortem suam sine waranto; tunc ipsum Rogerum quem ob hoc inprisonavit, a prisona deliberet. Teste ut supra.

Mandatum est etiam eidem vicecomiti quod, accepta consimili securitate ab Othone filio Willelmi et Nicholao le Rus serviente ejus, qui vastum inde fecerunt vendendo quercus ejusdem bosci, propter quod terram ipsius Othonis cepit idem vicecomes in manum regis et ipsum Nicholaum ponere minatus est in prisonam regis, eidem Othoni de terra sua saisinam habere faciat et eidem Nicholao pacem habere permittant (sic). Teste ut supra.

Pro Hereberto filio Mathei de manerio de Were.—Mandatum est vicecomiti Sumerset' quod sine dilatione plenam saisinam habere faciat Hereberto filio Mathei custodi filii et heredis Willelmi Paynel de manerio de Were cum pertinentiis, quod Mauricius de Gant qui mortuus est tenuit de predicto herede, salvis executoribus testamenti ipsius Mauricii bladis et catallis suis in eodem manerio inventis ad executionem illam faciendam. Si quid autem proficui quod ad regem pertinet inde ceperit, id ei sine dilatione reddi faciat. Teste ut supra.

[De] custodia filii et heredis Nigelli de Mubray [et t]erris ejusdem.—Rex concessit H. de Burgo comiti Kancie, justiciario Anglie, custodiam terre et heredis Nigelli de Mubray qui nuper obiit, usque ad etatem predicti heredis, una cum maritagio ejusdem. Et mandatum est vicecomiti Eboraci quod de omnibus terris que fuerunt ipsius Nigelli in balliva tua et de quibus fuit saisitus die quo obiit de hereditate sua, eidem justiciario plenam saisinam simul et heredem ipsius Nigelli habere facias. Teste S. de Sedgrave, apud Westmonasterium, x die Octobris.
Eodem modo scribitur vicecomitibus Linc', Noting'.

[m. 1.]

Pro Henrico Teutonico.—Rex concessit Henrico Teutonico terram cum pertinentiis quam Thomas Basset tenuit de ballio regis in Grendon' de terris Normannorum; habendam et tenendam sicut predictus Thomas eam tenuit quousque rex eam recto heredi ejusdem terre reddiderit per voluntatem vel per pacem, ad se sustentandum in servicio regis. Ita quod quamdiu idem Henricus terram illam tenuerit, quietus erit rex de annuo redditu x li. quem percipere solebat ad Scaccarium de dono regis. Et mandatum est vicecomiti Buk' quod de predicta terra cum pertinentiis plenam ei saisinam habere faciat, sicut predictum est. Teste S. de Sedgrave, apud Westmonasterium, xiiij die Octobris.

[De] catallis Thome Basset.—Mandatum est vicecomiti Bukingh' quod res et catalla que Thomas Basset qui nuper obiit habuit in balliva sua, sine difficultate faciat habere executoribus testamenti ipsius Thome ad intencionem ipsius Thome faciendam. Teste ut supra.
Eodem modo scribitur vicecomitibus Glouc' et Oxonie, hoc adjecto, "non obstante mandato ipsius regis de catallis predicti Thome in manum regis capiendis et salvo custodiendis donec aliud preceperit."

[Pro] Nicholao de Lettres.—Rex concessit Nicholao de Lettres ad se sustentandum in servicio suo quamdiu regi placuerit, manerium de Ipelepenn' cum pertinentiis, quod Radulfus de Meuslent de ballio regis tenuit. Ita quod quamdiu idem Nicholaus manerium illud tenuerit, quietus erit rex de annuo feodo suo xxv librarum quod percipere consuevit ad Scaccarium. Et mandatum est vicecomiti Devonie quod eidem Nicholao plenam inde seisinam habere faciat. Teste ut supra.

Pro Gileberto Basset.—Rex concessit Gilberto Basset terram quam Thomas Basset frater ipsius Gilberti habuit in Kertlinton' de dono regis ad se sustentandum in servicio suo, donec certioretur per inspectionem carte quam inde fieri fecit dicto Thome, utrum predicta terra eidem Gilberto tamquam fratri et heredi ipsius Thome in perpetuum remanere debeat in forma qua predictus Thomas eam tenuit, nec ne. Teste ut supra.

[Pro N]icholao de Molis.—Rex dedit, concessit, et carta sua confirmavit Nicholao de Molis pro homagio et servicio suo maneria sua de Carswell' et de Depeford' cum pertinentiis, et cum advocacione ecclesie de Depeford', habenda et tenenda eidem Nicholao et heredibus suis de domino rege et heredibus suis per servicium feodi dimidii militis pro omni servicio. Et mandatum est vicecomiti Devonie quod plenam ei saisinam habere faciat de predictis maneriis cum pertinentiis. Teste ut supra.

[Pro Roger]o de Clifford' de Sloctres.—Rex commisit Rogero de Clifford' manerium de Sloctres ad se sustentandum in servicio regis quamdiu regi placuerit, ita quod quamdiu manerium illud tenuerit, quietus erit rex de annuo censu xxx li. quem percipere consuevit ad Scaccarium et de lv marcis quas percipere solebat per annum ad Scaccarium regis pro custodia foreste de Sancto Briavello. Et mandatum est vicecomiti Glouc' quod de predicto manerio plenam ei saisinam habere faciat, sicut predictum est; et si inde receperit ad opus regis redditum de termino Sancti Michaelis anno etc. xiiij°, id ei reddi faciat. Teste S. de Sedgrave, apud Suht', xxvij die Octobris.

Pro villata de Cosham.—Mandatum est vicecomiti Wilt', Willelmo Gileberti et sociis suis quod occasione illa quod villata de Cosham non venit coram eis ad inquisicionem faciendam per preceptum regis de morte cujusdam hominis, eam non ponat in defaltam; et si eam in misericordiam occasione ipsius defalte posuerit, ei inde pacem habere faciat. Teste rege apud Portesmue, xxvij die Octobris.