Close Rolls, December 1231

Close Rolls, December 1231

[m. 19d.]

Essex'.—Robertus de la Rokell' attornavit Henricum de la Rokell' contra Radulfum filium Willelmi petentem, de ij. carucatis terre et uno molendino in Wigefosse et Waleden'.

Buk'.—Idem attornavit eundem contra Godefridum de Rokell', petentem, de quarta parte feodi j. militis in Estwod'.

Dereb'.—Galfridus de Athour' attornavit Rogerum de Athour' contra Willelmum de Muntgomery defendentem, de rationabilibus divisis faciendis inter terram ipsius Galfridi et Matildis uxoris ejus in Snelinton' et terram predicti Willelmi in Cubelegh'.

Kancia.—Margareta de Ripariis attornavit Johannem de Hareham contra Willelmum le Butiller deforciantem de consuetudinibus etc. in Wicham, Culing et Creye.
Memorandum

Dors'.—Henricus abbas de Shireburn' venit ad curiam domini regis et petiit perambulationem fieri inter terram suam in Horton' et terram Willelmi de la Pentic', Willelmi de Serland', Rollandi prioris (fn. 1) Domus Dei de Suhamt' in Gessing.

Oxonia.—Willelmus de Draicot' et Egidia uxor ejus atornaverunt Simonem de Draicot' et Hugonem de la Val versus Johannem filium Martini de tenemento in Nord Eston'.

Berk'.—Abbas Rading' attornavit Cristianum de Togfeld' et Petrum de Rading' contra Adam de Mora de j. virgata terre in Berghefeld', exceptis tribus acris more.

Kancia.—Cecilia uxor Rothulfi filii Roberti attornavit ipsum Rothulfum contra Bartholomeum de Nenham tenentem de xlviij. acris terre in Wicham.

Mandatum est ballivis de Sandwico et de Winchel' quod omnibus mercatoribus in portum suum venientibus cum vinis et aliis mercandisis scire faciant quod salvo et secure in terram Anglie veniant et in civitatem Lond' cum vinis et mercandisis suis, faciendo inde rectas et debitas consuetudines, nec sibi timeant de malis toltis quas eis faciat rex vel in terra sua fieri permittat, vel quod de vinis vel aliis mercandisis ad opus regis capiendis eis aliquam injuriam sive pacationis sue dilationem fieri permittat. Teste rege apud Lamh', ij. die Decembris.

[m. 18d.]

Magister Henricus de Cern', Willelmus de Cherlecot' et Matildis uxor ejus in curia regis coram justiciariis suis apud Dorcestr' recuperaverunt saisinam suam de advocatione ecclesie de Melecumbe versus Robertum de Turbervill', per assisam ultime presentationis ibidem inter eos captam. Et mandatum est R. Sarrisburiensi episcopo quod ad presentationem predictorum Henrici, Willelmi et Matildis ad eandem ecclesiam idoneam personam admittat. Teste Alvredo de Linc' apud Dorcestr', xj. die Novembris.

[m. 17d.]

Justiciariis de Banco. Staff'.—Robertus Michaelis venit coram rege die Mercurii post festum Sancte Lucie, (fn. 2) et petiit terram suam et pasturam ad quadringentas et xlj. oves in Bugsaghe et in Cherlet' sibi replegiari, quam Willelmus Lungesp' clamat versus eundem Robertum per breve regis, et que capta fuit in manum regis pro defalta ipsius Roberti. Teste rege apud Lamh', vij. die Decembris. (fn. 3)

Linc'.—Abbas de Kirkested' attornavit fratrem Robertum de Kyrkested' contra Reginaldum de Benington' de j. mesagio in villa Sancti Botulfi, et contra Willelmum de Tymelby de consuetudinibus et serviciis.

Essex'.—Robertus Blundus et Albreda uxor [ejus (fn. 4) ], Nicholaus de Saundon' et Agneta uxor ejus attornaverunt Johannem de Saundon' contra Walterum de Ranwell' tenentem, de una virgata terre in Belcham.

Kancia.—Henricus de Waltham attornavit Engeram de Seford' contra Thomam de Bavelingham querentem, de consuetudinibus etc. in Thurneham.

Kancia.—Willelmus de Ceriton' attornavit Gilebertum de Froingham contra Mariam filiam Roberti de Setvans de una carucata terre in Mapeldrechans.

Linc'.—Johannes de Nevill' attornavit Alvredum de Leisseby contra Ernisium de Nevill' deforciantem, de consuetudinibus etc. in Netleton'.

Norf'.—Adam de Raclesden' et Agneta uxor ejus attornaverunt Thomam de Duntun' et Rogerum contra Hugonem de Reymes et Aliciam matrem ejus, de quarta parte feodi unius militis in Overstrand' et Northrepp'.

H. rex etc. vicecomiti Kancie salutem. Scias quod constituimus dilectos et fideles nostros Stephanum de Sedgrave, Thomam de Muleton', Robertum de Lexington' et Willelmum de Insula justiciarios nostros ad itinerandum in comitatu tuo, et ad omnes assisas et omnia placita in eodem comitatu, tam de corona nostra quam de aliis, que emerserunt postquam justiciarii nostri ultimo itineraverunt in comitatu tuo, placitanda apud Roffam in crastino Sancti Hylarii anno regni nostri xvj. Et ideo tibi precipimus quod summoneri facias per bonos summonitores omnes archiepiscopos, episcopos, comites, barones, milites et libere tenentes in comitatu tuo, et de qualibet villa quatuor legales homines et prepositum, et de quolibet burgo ejusdem comitatus xij. legales burgenses, et omnes alios qui coram justiciariis itinerantibus venire debent et solent, quod sint coram predictis justiciariis nostris predictis die et loco audituri et facturi preceptum nostrum. Facias etiam venire coram eis omnia placita corone que placitata non sunt, et omnia attachiamenta ad placita illa pertinentia, et omnes assisas et omnia alia placita que ad justiciarios pertinent placitanda, cum brevibus assisarum et placitorum; ita quod assise ille et placita pro defectu tui vel summonitionis tue non remaneant. Facias etiam clamari et sciri in comitatu tuo quod omnes assise et omnia placita que emerserunt postquam justiciarii nostri ultimo itineraverunt in comitatu tuo, tunc sint coram eisdem justiciariis. Summoneri etiam facias omnes illos qui in comitatu tuo vicecomites vel coronatores fuerunt postquam justiciarii nostri ultimo itineraverunt in eodem comitatu, quod tunc sint ibidem cum brevibus assisarum et placitorum, que tempore suo receperunt, ad respondendum de tempore suo sicut responderi debet et solet coram justiciariis itinerantibus; et habeas ibi summonitores et hoc breve. Teste rege apud Meredon', xxvij. die Decembris, anno regni regis xvj.
Et mandatum est singulis predictorum justiciariorum per litteras separatas, quod sociis suis ibidem adhoc occurrant.
Postea substitutus fuit magister R. de Sardelawe loco R. de Lexinton' propter infirmitatem suam, qua detinetur.
Et scribitur archiepiscopis, episcopis etc.
Et mandatum est S. de Sedgrave et sociis suis etc. quod ipsum magistrum R. loco predicti R. in socium ad hoc admittant.
Postea assignavit rex Willelmum de Releg' ad itinerandum cum predictis in comitatu Kancie; et dirigitur breve archiepiscopis etc.