Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.
This premium content was digitised by double rekeying. All rights reserved.
'Close Rolls, February 1234', in Calendar of Close Rolls, Henry III: Volume 2, 1231-1234, (London, 1905) pp. 549-551. British History Online https://www.british-history.ac.uk/cal-close-rolls/hen3/vol2/pp549-551 [accessed 19 April 2024]
Close Rolls, February 1234
[m. 30d.]
Rex vicecomiti (fn. 1) Salopie salutem. Mittimus ad te ducentas
libras per Baldewinum de Ver ad pacationem militum qui sunt apud
Salopiam, et militum et servientum qui sunt apud Muntgomery ad
solidos nostros faciendam, precipientes tibi quod predictas ducentas
libras ab eo recipias et milites et servientes pacari facias ad viginti
dies per visum predicti Baldewini, videlicet, a Purificatione usque in
xx. dies completos utraque die computata. Et id quod residuum
fuerit de predictis ducentis libris, per visum predicti B. facias
reservari, et inde predictos milites et servientes, cum neccesse fuerit,
pacari faciat. (fn. 2) Teste rege apud Westmonasterium, iij. die Februarii.
Eodem modo scribitur A. de Sancto Amando, N. de Lettres de
d. libris ad eos missis usque Munem' per vicecomitem Glouc, (fn. 3) ad
pacationem faciendam militibus et servientibus apud Munem' etc. ut
supra.
Postea mandatum fuit vicecomiti Salopie quod Willelmo de
Boeles, constabulario de Muntgomery, faciat habere x. libras de
predictis denariis.
Mandatum est Amaurico de Sancto Amando et N. de Lettres
quod Laurencium de Turgovill', militem, et duos servientes quos rex
illuc mittit ad morandum cum eis apud Monem', recipiant et
liberationes suas, sicut aliis, habere faciant.
Postea mandatum fuit predicto Amaurico quod de predictis denariis
capiat ad opus suum x. libras, de dono regis. Teste rege apud
Waleden', x. die Februarii.
Eodem modo scribitur Nicholao de Lettres de aliis x. libris
capiendis ad opus suum de eisdem denariis.
Buk'.—Matildis uxor Willelmi de Thorleg' attornavit Robertum de Thorleg' et Fabianum de Radewint' contra Radulfum Ace petentem, de una virgata terre in Senel'.
Surr'.—Willelmus Blundus attornavit Willelmum filium Galfridi contra Rogerum de Clare et Aliciam, uxorem ejus, de secta facienda ad curiam ipsorum Rogeri et Alicie.
Balliva. (fn. 4) —Rogerus de Turvill' attornavit Galfridum de la Sale contra Ricardum filium Johannis petentem, de medietate unius molendini in Aulton'.
Balliva Ludingland'.—Rogerus de Ludham et Salerna uxor ejus attornaverunt Walterum de Blundeston' contra Stephanum de Lavethorp' tenentem, de uno mesuagio in Lavethorp'.
Balliva Jernem'.—Ricardus filius Reginaldi de Repp' attornavit Simonem de Clipesby contra Pelerinum Ruffum deforciantem, de uno mesuagio in Jernem'.
Norf'.—Reginaldus le Gros attornavit Bartholomeum le Gros contra Bartholomeum de Stivekel' tenentem, de lvij. acris terre in Irsted'.
Norf'.—Rogerus filius Hengest et Walterus, frater ejus,
attornaverunt Henricum filium Rogeri contra Margaretam, que fuit
uxor Ricardi de Mildehal', et Adam filium suum, tenentes, de xl. acris
terre et uno mesuagio in Wiggehal'.
Godefridus Sire et Johannes, frater ejus, attornaverunt Galfridum
Sire contra Alexandrum Cok', Adam filium Ricardi et Alanum filium
Ricardi, tenentes, de una acra et dimidia et una roda terre in Kangham.
Reginaldus filius Warini attornavit Ricardum filium Warini contra
Ricardum le Marchant tenentem, de v. acris terre in Wendling'.
Hunt'.—Willelmus filius Hamelini attornavit Johannem filium Simonis contra Johannem filium Galfridi et Agnetem, uxorem ejus, tenentes, de iiij. acris terre in Mulesworth', et contra Johannem Frankelein tenentem, de dimidia roda terre in eadem villa.
Linc'.—Cecilia uxor Hugonis de Bernak' attornavit ipsum Hugonem
contra Adam le Porter tenentem, de uno mesuagio in Stanford'.
Mandatum est Ade filio Willelmo (fn. 5) et Willelmo de Sancto
Edmundo quod accedant usque Plesset' ad Matildem comitissam
Essex', que languida est, ut dicitur, ad audiendum etc. in loquela
que est in comitatu Buk' inter Johannem de Swaneburn' petentem,
et ipsam comitissam tenentem, de manerio de Querendon', et id
significent predicto vicecomiti Buk', cui rex precepit etc.
Et mandatum est vicecomiti Buk' quod ex quo ipsi significaverint
per literas suas quem (fn. 6) eadem comitissa attornaverit, illum ad hoc
recipiat.
Mandatum est constabulario Dovr' quod decetero non permittat
quod aliquis serviens vel alius applicans cum equis et armis in
balliva sua ulterius in terram regis procedat, nisi prius accepta
prius bona et sufficiente securitate ab eodem quod ad alterius
servicium quam regis se non divertet; et quam cito ballivis de
Witsand' scire faciat quod hujusmodi servientes vel alios in terram
regis venire volentes premuniant quod sine mandato regis cum equis
et armis nullatenus terram regis intrare presumant.
Sussex'.—Beatricia uxor Henrici filii Alani attornavit Ricardum de Cycestr' contra Thomam filium Roberti petentem, de duobus virgatis terre in Fokingh'.
Norht'.—Thomas magister hospitalis Sancti Johannis de Norht' attornavit Willelmum Bibias et Hugonem de Hospitali contra Henricum de Stowe petentem, de una virgata terre in Kiselingebir'.
[m. 29d.]
Rex vicecomiti Kancie salutem. Scias quod per commune
consilium regni nostri provisum est quod quilibet liber homo qui
sectas debet nobis in comitatibus, hundredis, wapentacis et aliis curiis
nostris, libere faciat attornatum suum coram ballivo nostro ad sectam
illam faciendam et curias domini sui et libertates exigendas, et ad
loquelas prosequendas et defendendas pro dominis suis motas in
comitatibus, hundredis, wapentacis et aliis curiis nostris sine litteris
nostris. Provisum est etiam quod quilibet liber homo qui
sectam debet ad curiam cujuscunque sive ecclesiastice persone sive
laice, attornatum suum faciat sine difficultate ad sectam pro eo
faciendam et ad curias domini sui et libertates exigendas, et ad
loquelas prosequendas et defendendas pro dominis suis motas
in curiis predictis sine litteris nostris, ut predictum est; precipue
cum in carta de libertatibus concessis probis bominibus regni
nostri contineatur quod tales libertates quales nos pro nobis et
heredibus nostris eis concessimus, tales teneant suis et aliis in curiis
et libertatibus suis. Et ideo tibi precipimus quod hanc provisionem
nostram et concessionem clamari facias et teneri per totam ballivam
tuam. Et si quis distringatur ad sectam faciendam in curiis vel
libertatibus alicujus vel impediatur quominus possit attornatum suum
facere ad loquelas prosequendas et defendendas pro dominis suis
motas sine litteris nostris in curiis et libertatibus predictis, contra
hanc provisionem nostram, tunc averia sua propter hoc capta sine
dilatione deliberari et plenam justiciam inde exhiberi facias. Teste
me ipso apud Sanctum Edmundum, xij. die Februarii.
Eodem modo scribitur omnibus vicecomitibus Anglie.
Mandatum est Roberto Passel' quod mille libras, si tantum fuerit
in thesauraria regis, sine dilatione aliqua cariari faciat usque Norht'
contra adventum regis; et si tantum non habuerit, accepto eo quod
habet et perquisito de mutuo vel aliter quocunque modo poterit quantum
defecerit de mille libris, eas illuc cum festinatione faciat cariari. Teste
rege apud Chipeham, xxj. die Februarii.
Leic'.—Robertus de Monte attornavit Radulfum de Halecton' contra Willelmum filium Willelmi tenentem, de dimidia virgata et vj. rodis terre in Morton'.
Oxonia.—Willelmus filius Osberti attornavit Willelmum filium
Roberti contra Robertum le Bonde et Margaretam, uxorem ejus, tenentes,
de uno mesuagio et ij. acris terre in Cliffton'.
Frater Radulfus, camerarius Lewes', attornatus prioris Lewes',
essoniavit se de malo lecti versus regem per Widonem filium Ricardi
in octabis Purificationis de placito terre. Et datus est ei dies etc.
a crastino earundem octabarum in tres septimanas. Aff[idavit].