Close Rolls, October 1252

37 HENRY III.

Close Rolls, October 1252

Clause de anno Domini regis H. filii regis J. tricesimo septimo.

[m. 27.]

Pro Priore Sancti Johannis Jerusalem in Anglia.—Rex concessit priori Sancti Johannis Jerusalem in Anglia quod loquela, que est coram R. de Thurkilb' et sociis suis, justiciariis de Banco, per breve regis de recto inter Rogerum de Sumery, petentem, et ipsum priorem, tenentem, de duabus carucatis terre cum pertinenciis in Grenham, procedat coram eis in Banco secundum legem et consuetudinem regni regis. Et mandatum est eisdem justiciariis quod eam alibi non atterminent. Teste rege apud Windles', xxviij. die Octobris. Per regem.

Pro magistro Henrico (sic) coco Eduuardi filii regis.—Licet rex nuper preceperit vicecomiti Linc' quod de catallis et bladis autumpni preteriti que fuerunt Walteri de Bromwic' in terra sua, quam habuit de dono regis apud Osewardeby, plenam seisinam habere faceret Juliane que fuit uxor ejusdem Walteri, vel certo nuncio suo litteras illas deferenti, mandatum est eidem vicecomiti quod magistro Willelmo coco Edwardi, cui rex blada illa dederat, habere faciat de eisdam bladis custum quod circa eadem blada posuit colligenda et attornanda racionabiliter. Teste ut supra. Per R. Waler'.

Pro Radulfo filio Nicholai.—Rex reddidit Radulfo filio Nicholai, cui concessit custodiam terre et heredis Fulconis de Coudray usque ad legittimam etatem eorundem heredum (sic), manerium de Sutrop', quod fuit predicti Fulconis, tanquam pertinens ad custodiam predictam. Et mandatum est vicecomiti Suhamt' quod eidem Radulfo de predicto manerio cum pertinenciis plenam seisinam habere faciat sicut predictum est. Teste rege apud Windes', xxix. die Octobris. Per regem.
Et mandatum est ballivo S. de Monteforti de Odiham quod de predicto manerio in nullo se intromittat. Teste ut supra.

Hybernia.—Mandatum est J. filio Galfridi justiciario Hibernie quod, si pro lege et consuetudine habeatur in Hibernia quod nullus distringatur ad debita antecessoris sui reddenda dum fuerit infra etatem et in custodia, tunc districcionem, quam facit super Radulfum filium Nicholai, cui rex concessit custodiam terre et heredis Stephani de Hereford', pro debitis ejusdem Stephani ponat in respectum usque ad legittimam etatem eorundem heredum (sic). Teste ut supra. Per regem et R. Waler'.

Mandatum est baronibus de Scaccario quod, scrutatis rotulis Scaccarii, diligenter inquirant quantum Willelmus de Warenna, quondam comes Surr', percipere consuevit per annum ad Scaccarium nomine comitis predicti comitatus Surr'; et, secundum quod invenerint, tantum habere faciant annuatim Johanni de Warenna filio et heredi predicti comitis ad Scaccarium predictum quantum predictus comes pater ejus percipere consuevit. Teste ut supra. (Cancelled.)

De compoto Galfridi de Langel' recipiendo.—Mandatum est baronibus de Scaccario quod sine dilacione recipiant compotum Galfridi de Langel' per Rogerum de Tingwik', quondam constabularium suum, et Johannem le Bel, clericum suum, de tempore quo idem G. fuit custos operacionum castri regis de Rokingham et foreste cum honore inter pontem Stanford' et pontem Oxon'. Et significent regi arreragia sua siqua regi debeat de tempore predicto. Teste ut supra. Per regem.

Pro abbatissa et monialibus de Fonte Ebroldi.—Quia rex talliari fecit dominica sua per Angliam, mandatum est vicecomiti Bedeford' quod, si manerium de Lecton' cum pertinenciis quod abbatissa et moniales de Fonte Ebroldi tenent de dono predecessorum regis, regum Anglie, fuit antiquum dominicum ipsorum regum et talliari consueverit, tunc ipsis monialibus rationabile tallagium habere faciat. Teste ut supra. Per regem.

De damis datis.—Mandatum est custodi foreste de Cette quod in eadem foresta faciat habere Willemo de Valenc' xx. tam damos quam damas vivas de dono regis ad parcum suum de Benham inde instaurandum. Teste ut supra. Per regem.

Pro abbate de Wautham.—Quia rex accepit per inquisicionem, quam a constabulario suo de Windes' fieri fecit, quod assartum, quod rex concessit puellis leprosis de Windes', et parcum regis in foresta de Windes' sunt sita infra metas parochie abbatis de Wautham de Windes', mandatum est Godefrido de Lyston', custodi foreste de Windes', quod eidem abbati de assarto illo et de molendino quod est in predicto parco decimas habere faciat. Teste rege apud Windes', xxx. die Octobris. Per regem et per abbatem de Persor'.

Pro Willelmo filio Karoli de la Garderobe.—Rex concessit Willelmo filio Karoli de la Garderobe quod ipse et tenentes sui de Jernem' quieti sint de demanda, que fit eis per summonicionem Scaccarii occasione cujusdam finis quem magister Henricus de Jernem' fecit cum domino J. rege pro habenda gratia sua, dum tamen alie terre et alia tenementa que fuerunt ipsius Henrici et plegiorum suorum sufficiant ad predictum finem acquietandum. Et mandatum est baronibus de Scaccario quod predictum Willelmum et tenentes suos prescripto modo quietos inde esse faciant. Teste ut supra. Per regem.

De robis datis.—Mandatum est Rogero le Taillur quod Ricardo Foliot faciat habere unam robam et capam cum furura militi convenientem, et uxori ejus tunicam, supertunicam et capam cum furura de cuniculis et pallium cum bissis, de dono regis. Teste ut supra. Per regem.

De domibus in castro Glouc' reparandis.—Mandatum est custodibus operacionum Glouc' quod domos regis in castro Glouc' reparari faciant ubi reparacione indigent. Teste ut supra.

Pro magistro et fratribus milicie Templi in Anglia.—Quia Magister et Fratres milicie Templi in Anglia habent et semper habere consueverunt in singulis villis et burgis per Angliam quendam liberum hospitem quietum de tallagio regis, mandatum est baronibus de Scaccario quod de tallagio super eos assesso ad opus regis ipsos quietos esse faciant, provisuri quod tallagium regis in eisdem villis et burgis per hanc relaxacionem non decrescat. Teste ut supra. Per regem.

Pro Radulfo de Levinton'.—Mandatum est justiciariis foreste quod deducant Radulfum de Levinton', qui habet boscos in foresta Cumberland', sicut pares suos qui boscos habent in eadem foresta. Teste ut supra. Per regem.

Pro Willelmo de Micheldevere, vicecomite Surr' et Sussex'.—Quia firma de Suwerk' et firma manerii de Guldeford' semper allocari consueverunt vicecomiti Surr' et Sussex' in firma predictorum comitatuum ut dicitur, mandatum est baronibus de Scaccario quod Willelmo de Micheldevere, vicecomiti regis predictorum comitatuum, firmam illam allocari faciant in firma predictorum comitatuum sicut aliis vicecomitibus allocari consuevit. Teste ut supra. Per abbatem de Persor.'

De quadam casula et alba faciendis.—Rex mittit Eduuardo de Westmonasterio unum pannum de aresta de quo sine dilacione fieri faciat unam casulam ad celebrandum divina diebus ferialibus in capella regis de Windes', et preterea fieri faciat ad eandem capellam quandam albam cum paruris et aliis que ad vestimentum pertinent, et cum facta fuerint ea ibi mittat tradenda capellanis in eadem capella ministrantibus. Teste ut supra. Per regem.

Hybernia.—Mandatum est justiciario Hibernie et thesaurario de Scaccario Dublin' quod omnes demandas, quas faciunt a Galfrido de Jeinvill' et Matillide de Lascy uxore ejus pro debitis Walteri de Lascy; ponant in respectum usque ad quindenam pasche, anno etc. xxxvij. Teste ut supra. Per regem.

Pro militibus et liberis hominibus de comitatu Leyc'.—Ostensum est regi ex parte militum, liberorum hominum et aliorum de comitatu Leyc' quod collectores communis finis iiij^xx marcarum, quem totus comitatus Leyc' fecit cum rege coram justiciariis ultimo itinerantibus in comitatu predicto, plus assident super eos et minus eque quam fini predicto conveniret. Et mandatum est vicecomiti Leyc' quod assignet duos legales milites de eodem comitatu qui una secum predictum finem assideant et colligant fideliter. Teste ut supra. Per regem, presente G. de Segrave.

De damis datis.—Mandatum est custodi foreste Roteland' quod in eadem foresta faciat habere Nicholao de Crioll' tres damas de dono regis. Teste ut supra. Per H. de Wengham.

Pro Willelmo de Binetre.—Mandatum est baronibus de Scaccario quod illum denarium diurnum quem Walterus le Cornwalais percipere consuevit per manum vicecomitis Hereford' de elemosina regis constituta habere faciat Willelmo de Binetr', sumetario capelle regis, ad sustentacionem suam quam diu vixerit, de dono regis. Teste ut supra. Per regem.

De denariis liberandis ad operaciones Lutegarsale.—Mandatum agistatoribus foreste de Chet quod de exitibus agistamentorum predicte foreste sine dilacione faciant habere custodibus operacionum regis de Lutegarsal' (fn. 1) c. solidos ad easdem operaciones inde faciendas. Et rex cum sciverint (sic) quod eas ei liberaverint rex ipsos inde quietos esse faciet. Teste rege apud Windes', xxxj. die Octobris. Per regem.

Pro monialibus de Ancrewyz.—Quia rex reddidit ecclesie parochiali de Windes' omnes decimas provenientes de molendinis suis in parco de Windes' tanquam pertinentes ad eandem ecclesiam de jure communi, quas prius rex per cartam suam concesserat monialibus de Ancrewic', mandatum est abbati de Persore quod in recompensacionem earumdem decimarum alibi in ballia sua provideat eis in quinque solidatis redditus de primis escaetis regis, ubi commodius fieri possit, et locum illum regi scire faciat. Teste ut supra. Per regem.