Close Rolls, October 1253

Close Rolls, October 1253

Pro priore de Lewes.—Mandatum est Rogero de Wycestr' quod non expectata presencia Henrici de Bathon', quem ei rex associavit ad attinctam capiendam, quam prior de Lewes arramiavit versus Galfridum de Coppeford' et Julianam uxorem ejus et Ricardum de Runtinton' de tenemento in Hetfeld', ad capcionem ejusdem attincte procedat ad certos diem et locum quos duxerit providendos, si predictus Henricus ad diem illum et locum non venerit. Testibus A. regina et R. comite Cornubie apud Westmonasterium vij. die Octobris.

Pro priore de Bermundes'.—Memorandum quod Mabilia conversa recepit de priore de Bermundes' unam marcam pro exhibucione sua in domo predicta per duos annos a festo Purificacionis Beate Marie proximo sequente.

De terra replegianda.—Simon le Mathe venit coram consilio regis die Lune proxima post festum Sancti Michaelis et petiit terram suam in Butlinghull' sibi etc. que etc. versus Johannem de Boysl'. Et mandatum est justiciariis de banco. Testibus ut supra.
Lucas de Densted' venit etc. die Mercurii proxima ante festum Sancti Dionisii et petiit terram suam in Densted' sibi etc. que etc. versus Radulfum filium Thome de Densted'. Et mandatum est justiciariis de banco. Testibus ut supra.

Norf'.—Datum est regi intelligi quod Johannes filius Martini de Audeburg' in pleno comitatu convictus et captus fuit tanquam sigilli regis falsonarius manifestus, et vicecomiti Norf' liberatus in carcerem detrudendus: unde mandatum est eidem vicecomiti quod consilio regis commoranti in Anglia scire faceret qualiter prefatus falsonarius, pro tam grandi et enormi crimine incarceratus, sine prefato consilio regis a carcere sit liberatus; et ita caute huic mandato regis respondeat ne dampnum incurrat, quia, si sua sit culpa, illam nullatenus rex relinquet inpunitam. Testibus.

De terra replegianda.—Willelmus de Elmigham, Ricardus Payn et Isabella uxor ejus et Ricardus filius Reynery venerunt coram rege die Sabati proxima post festum Sancti Dionisii et petierunt terram suam in Weston' et Helmigham sibi versus Willelmum de Blicling' et Margeriam uxorem ejus. Et mandatum est justiciariis de banco.

De providencia ad thesaurum regis ducendum in Vasconiam.—Rex baronibus et ballivis suis de Wincheles' salutem. Mittimus Thomam Abelin et Johannem de Stratford' clericum nostrum usque Wincheles' ad emendum de denariis nostris per consilium et auxilium vestrum cablas, ancoras et aliud atillium quod necessario indiget ad navem illam, de qua nobis providistis ad ducendum thesaurum nostrum ad nos in Vasconiam, preter atillium et armamenta in eadem nave inventa, et eis injunximus quod totum attillium quod de denariis nostris ad navem illam muniendam emerint, liberent constabulariis predicte navis per vos electis et duobus probis hominibus per vos et predictum Thomam et Johannem eligendis loco iiij. proborum hominum, quos de vobis ipsis ad hoc eligi nuper mandavimus, qui presint marinellis et constabulariis predictis ad navem illam cum predicto thesauro ad nos secure ducendam in Vasconiam; ita quod iidem constabularii et duo homines predicti clerico nostro vel alii de nostris, cui custodiam predicti thesauri una cum ipsis duobus hominibus commiserimus, totum attillium illud liberent ad opus nostrum, cum predicta navis in partibus Vasconie applicuerit. Et ideo vobis mandamus quod predictis Thome et Johanni ad predicta facienda consilium vestrum et auxilium in hac urgenti necessitate nostra taliter inpendatis quod diligenciam vestram merito debeamus habere commendatam, provisuri quod navis illa, cum toto predicto attillio et cum marinellis et balistariis, qui bene sciant de mari, et de quibus vobis nuper scripsimus, et cum constabulariis et predictis duobus hominibus, sit apud Portesm' cum omni festinacione parata ad predictum thesaurum ad nos ducendum in Vasconiam. Testibus ut supra.

Pro episcopo Norwicensi.—Mandatum est B. de Crioll', constabulario Dovor', quod permittat W. Norwycensem episcopum, qui de licencia regis profecturus est ad partes transmarinas, sine inpedimento transfretare in portu suo Dovor' cum equis, hernesio et familia sua, quos secum ducet. Testibus ut supra. Per comitem Cornubie.

Pro priore Heref'.—Rex vicecomiti Heref' salutem. Alias tibi precepimus quod averia prioris Heref', que Humfridus de Bohun cepit et injuste detinet, ut idem prior dicit, ei deliberares et eum postea inde juste deduci faceres: et quia, sicut intelleximus, mandatum nostrum in hac parte propter resistenciam hominum ipsius Humfridi exequi nondum potuisti, tibi districte precipimus quod, assumpto tecum posse comitatus tui, quantum necesse fuerit, amota resistencia predicta predicta averia eidem priori sine dilacione deliberes, et eum inde juste et secundum legem et consuetudinem regni nostri deduci facias, ne pro defectu tui iteratus ad nos clamor perveniat. Testibus ut supra apud Westmonasterium xviij. die Octobris. Per H. de Bathon'.

De quibusdam ponendis in ballium.—Rex per finem cum eo facto pro Roberto de Veylly et Odone de Sutton', captis et in prisona regis Eboraci detentis pro quadam transgressione nuper facta in comitatu Ebor' unde rettati sunt, concessit eis quod a predicta prisona deliberentur, ita tamen quod salvos et sufficientes plegios ei in pleno comitatu inveniant ad veniendum coram justiciariis proximo itineraturis (fn. 1) in comitatu suo ad standum recto de predicta transgressione, si quis versus eos inde loqui voluerit: et mandatum est vicecomiti Ebor' quod acceptis ab eis plegiis predictis ipsos sub predicta plevina a predicta prisona deliberet sicut predictum est: et plegios illos inrotulari faciat in rotulis coronatorum comitatus: et habeat ibi hoc breve. Testibus.
Consimiles litteras habet Robertus de Stapelpton', qui est extra prisonam, rettatus de quadam transgressione nuper facta in comitatu predicto quod sit extra prisonam usque adventum justiciariorum ad partes illas, ita quod inveniat plegios. Testibus ut supra.

De brevi invento.—Rex vicecomiti Sussex' salutem. Precipe Johanni abbati de Begeham quod juste et sine dilacione ponat cursum cujusdam aque et in Wertling' et Ninefeld' in rectum cursum suum, quem Reginaldus quondam abbas de Begeham, predecessor ipsius abbatis, injuste et sine judicio divertit ad nocumentum liberi tenementi Ricardi de Esseburnham in Esseburnham, patris Bartholomei de Esseburnham, cujus heres ipse est, post primam transfretacionem etc.: et nisi fecerit, etc., summone etc. quod sit etc. apud Westmonasterium a die Sancti Martini in xv. dies etc. Per H. de Mara.

De respectu milicie.—Rex dedit respectum Benedicto Gernet de se milite faciendo usque ad miliciam Eduuardi filii regis. Et mandatum est vicecomiti Lanc'. Testibus ut supra.
Rex dedit respectum Willelmo de Hervinton' de se melitem (sic) faciendo militem usque ad festum Sancti Johannis Baptiste proximo futurum. Et mandatum est vicecomiti Wygorn'.

Cestr'.—Datum est regi intelligi quod cum quedam terre debeant equaliter partiri secundum consuetudinem Wallie inter consanguineos Griffini de Brimfeud', justiciarius Cestr' uni illorum totam hereditatem ipsorum assingnavit contra consuetudinem predictam, et quia hoc injustum est, mandatum est eidem justiciario quod id sine dilacione emendari faciat, porcionem terrarum illarum unumquemque hereditarie contingentem secundum consuetudinem Wallie assingnando. Testibus ut supra.

De inquisicione facienda.—H. de Bathon' et Henricus de Mara constitutus est (sic) constituti sunt etc. ad inquirendum super articulis et controversiis motis coram eis inter electum Wintoniensem et burgenses Suhamt' in nundinis Winton' die Martis proxima post festum Omnium Sanctorum. Testibus ut supra.

Datum est regi intelligi quod Johannes le Myre et Alicia uxor ejus proponunt vendere et alienare terram suam in Knotton', quam de nobis tenent per serjanciam, sine assensu regis: et mandatum est constabulario Novi Castri subtus Lymam quod ab eisdem bonam et sufficientem securitatem capiat quod prefatam terram de serjancia regis non alienabunt sine assensu et voluntate regis; et si prefatam securitatem ei prestare noluerint, terram ipsam in manum regis capiat et salvo custodiat donec rex aliud inde preceperit. Testibus A. regina et R. comite Cornubie apud Westmonasterium xxiij. die Octobris.

[m. 1d.]

Robertus Basset habet graciam crucesingnatis concessam a die Dominica proxima post festum Sancti Michaelis usque ad finem quinque annorum proximo sequencium. Per magistrum H. de Sancto Edmundo.

Willelmus de Cerring' venit coram consilio regis commorante in Anglia die Dominica proxima post festum Sancti Michaelis et petiit terram suam in Cerring' sibi etc., que etc. propter etc. quam fecit versus Hawysiam que fuit uxor Thome de Cerring'. Et mandatum est justiciariis de banco etc.