Rymer's Foedera with Syllabus
April-June 1402

Sponsor

Institute of Historical Research

Publication

Author

Thomas Rymer (editor)

Pages

246-267

Annotate

Comment on this article
Double click anywhere on the text to add an annotation in-line

Citation Show another format:

'Rymer's Foedera with Syllabus: April-June 1402', Rymer's Foedera Volume 8, pp. 246-267. URL: http://www.british-history.ac.uk/report.aspx?compid=115139 Date accessed: 16 September 2014.


Highlight

(Min 3 characters)

April–June 1402

Syllabus EntryFoedera Text
April 1. Louis count palatine of the Rhine releases the inhabitants of Nuremberg and Hagenbach from their allegiance, and orders them to obey his wife Blanche or John Kinthon her deputy. Heidelberg. In German and Latin.
O. viii. 246. H. iv. p. i. 24.
Super Dotalitio Blanchiae, de Homagio & Juramento praestandis.
An. 3. H. 4. Ex Autogr.
Wir Ludewig, von Gots guaden, Pfalczgrave by Rine, und Herczog in Bevern, des des Heilgen Riches, Vicarie in Dutschen Lande, &c. Gibieten den Ersommen bufern Lieben gettrirwen Burgermeiscern Richtern Burgh un Luten Gememlich zri Nuwenburg und zri Hagenbuch,
Darzri gehorent bufer genade un alles gut lieben getirwen unser Lieber Here vnd Vater:
Und wir hand des Konigis Dochter von Engelant Frauroes Blanchia genant die uns, zn vnser elichy Huffrarren gelobt vnd verhprod, ise Berrydempt off Germershenn, Burg vnd stat vndoss Nurrenburg vnd Hagenbuch,
Daz diesbelden Slesze mit allen yren rechten vnd Sigehornagen luten vnd guten ir voqdum sui sollen nach lute der Brieffe die voir ir darnber geben han:
Und also han voir nut huffun getrircoen Diechern von Enselcheny Ricter uber konnen dazer uch rivoer glubde undeyde 'dieir, ym getan haut, von der Pfantfchass, Wegen Als unser lieber Here und Vatter uch yme vor in pfantschaft Innegefeczt, und Inngeben hac gentlichen ledig und loiser sagen und laseren sal anetalle gende Herumb heisen und gebreten uch allen gememlich und Sunderlich veschetlich nut craft diser briefs an unsers lieben heren un vatters stat als Wir des des auch sine gants macht han als balde der obgenant Diecher uch uwer glubde und eide als vorgeschribenscet ledig gesaget hac dozirdann zusaunt aue alles veziehenn der obgenanten Frauruwe Blanchien enser elichen huffrauwen und an we denn Eursommen Meister Jonann Kincton Procuratore des Kuning von Engelant huldent globent und fierent io voydom zusin und vueser darzn kene des Wir von dodes wegen ee obegingen dann sie degw und arroer nach kommen gememlich und sunderlich nut den stetten Nurrenburg und Hagenbuch und nut allenugen rechten sellen und zagehernuyen der obgen Frauwe Blanchien gentzlichen undertemg gehorsam und gewardende sin sollent aue alle gene'de alstange sie gelebet nachlute yre voydoms brieffe die sie darnber hac Orkunde dis. brieffs versigelt nut unsin autran gendem Ingesigel.
Geben zn Heidelberg offden fricag in der oster wochen Nach Cristi geburte virzenhundert Jare und darnach in dem undern Jare.
Eadem Latine reddita.
Nos Ludovicus, Dei gratiâ, Palatinus ad Rhenum, & Dux Bavariae, Sacri Imperii Vicarius in Germaniâ, &c. Nobis Dilectis, Fidelibus Consulibus, Judicibus, Civibus, & Incolis in communi, in Civitatibus Norinberga & Hagenbach.
Chari & boni fideles Subditi Dilecti Domini & Parentis nostri;
Habentes Regis Angliae Filiam
, Dominam Blanchiam dictam, nobis in nostram Conjugem datam & desponsatam, Dominam in Germersheim, in Arcibus & Civitatibus Norinberga & Hagenbach,
Volumus ut eaedem Arces & Civitates, cum omnibus suis Appertinentibus, Fundis, & Bonis, eidem Feudo teneantur, juxta Tenorem Literarum, ei desuper a nobis traditarum:
Et sic, nostro dilecto, fideli
Dieterico de Engeltheim Judici injunximus ut vos a vestro Juramento, eidem a vobis, ratione pignoris (cùm vos noster Dilectus Dominus & Parens ei in pignus tradidisset) praestito, totaliter liberos dimittat;
E contra vobis omnibus, in communi & in particulari, iterùm seriò Mandamus, & strictè Praecipimus, virtute harum Literarum, & vice Dilecti Domini & Parentis nostri (utpotè super hoc ejus plenariam Potestatem & Authoritatem habentes) ut, quamprimùm vos praedictus Dietericus a vestro Juramento & Subscriptione liberos denunciaverit, vos ab omni ejusdem de futuro Obedientia subtrahatis; sed è contrario memoratae
Dominae Blanchiae Conjugi nostrae, vel, vice ejus, Honorabili Domino Johanni Kinthon, Regis Angliae Procuratori, Obedientiam & Homagium exhibere, ei credere & jurare indilatè teneamini.
Casu quo autem Nos, sivè in brevi, sivè longè post, Morte interveniente, ex hac vitâ decedere contingeret, volumus ut vos & Successores vestri, in communi & in particulari, unà cum Civitatibus Norinberga & Hagenbach, ac omnibus earundem appertinentibus, praememoratae Dominae
Blanchiae totaliter Subditi, & Obedientes, & Fideles sitis quoad usque illa vixit, juxta Tenorem Literarum Feudalium quas desuper habet.
In quorum fidem & robur has Literas Sigillo nostro communivimus.
Datae in Heidelberg, feriâ sextâ Dominicae Paschatis, Anno post Nativitatem Christi
1402.
April 3. Similar letter in German and Latin to the people of Germersheim.
O. viii. 247. H. iv. p. i. 24.
Super Dotalitio Blanchiae memorato.
An. 3. H. 4. Ex Autogr.
Vir Ludewig, von Gots guaden, Pfalczgrave by Rine, Undherczog in Beyvern, des Heilegen Riches, Vicarie in Dutschen Landen, Enbienten unser lieben Getruiven Burgermeistern, Rade und Burgn. gememlicn Der Stad Germershenn uns. guade und alles gut lieben getruwen unser lieber Here and Vacter.
Und wir han des Konges Dochtern von Engeland Frauroe Blanchia genand, die uns zn unser Elichen Huffrannen globt und verhirod, ist Boroedomet uff Germorshenn, uff Nuremburg, und uff Hagenbuch, Burge und Sce, und uff Neckeranwe,
Daz Dorffe daz dic selben Glofe und Dorff unt allen iren rechen und zngchornugen lucen und gutten ir wedome sui pallen nach luce der brieffe du wir ir darnber Geben han Homb Herfen un gebieren wir nch allen gememlich und sunderlich vestechlich nut crafft dies. brieffes au uns. lieben Heren und vacts stat als Wir des auch sine gainze macht han daz ir huscut ane alles verzichen der obgentz Frauroe Blanchia unser elichen Hufframven uns an or stad dcm Ersamen Meister Johan Kynthon unser Swchs des Koniges von Engeland und Frauroe Blanchia obgut Procuratore huldent globent und swerent ir wedom zn sui und obe iz Darnz kenewaz Wir Dodes Wegen cc abegnigenn dann. sic daz ir und nro nachkomen gememlerts und Sunderlich Damant Der Scad Germershein und nut allen iren rechten migen vellen und znqchormigen der abgut Frauroe Blanchia gentzlich undertemg, gehorsam, und gewartende sui sollent.
Ane alle yenarde als tange sic gelebet nach Lute nr wedomes Brieffe dic sic barnber hac und wann sic dann von dedes Wegen abegegangen ist so sallent ir aber unser lieben Heren und Vatts und sin Erben Pfalczguen by Rien, und Hczogen in Regn sin in aller mase als ir biz her vor Datum dies. Brieffes gewest sin ane alle generde Urkunde.
Dies. Brieffes usielget nut unser manhangendem Ingescgel Ecben zn Germershein uff den Mantag nach dem Sontage als man singet in der Haligen kirchen QUASIMS geniti Nach Cristi geburte viertzchen hundr Jarc und darnach it dem audern Jarc.
Latine.
Nos Ludovicus, Dei gratiâ, Palatinus ad Rhenum, & Dux Bavariae, Sacri Imperii Vicarius in Germaniâ, Nobis Dilectis, Fidelibus Consulibus, Senatoribus & Civibus in communi Civitatis Germersheim, nostram Gratiam, & omnem Prosperitatem.
Chari & Fideles Dilecti Domini & Parentis nostri;
Habentes Regis Angliae Filiam, Dominam Blanchiam dictam, nobis in nostram Conjugem datam & desponsatam, Dominam in Germersheim, Norinberga, & Hagenbach, Arcibus & Civitatibus, & in Villâ Neckerau,
Volumus ut omninò illae memoratae Arces, Civitates & Villae ejusdem iterum sint, & ad eandem pertineant:
Ea propter, vice Dilecti Domini & Parentis nostri (cujus plenariâ Authoritate & Potestate super hoc fungimur) &, in Virtute Literarum praesentium, omnibus vobis in communi, & singulis in particulari, strictè Mandamus & Praecipimus ut eidem Dominae
Blanchiae Conjugi nostrae, vel Vice ejus Honorabili Domino Johanni Kinthon, Regis Angliae & dictae Dominae Blanchiae Procuratori, indilatè, Obedientiam & Homagium exhibere, ei concredere & jurare teneamini quòd ejusdem fideles Subditi esse & permanere velitis.
Casu quo autem Nos, Morte interveniente, ex hac Vita decedere contingeret, Mandamus & volumus ut vos & Successores vestri omnes in genere, & singuli in specie, & vel maximè Urbs Germersheim, cum omnibus appertinentibus, jam memoratae Dominae
Blanchiae omninò subdita, obediens, & fidelis esse teneatur.
Quod, si verò eandem pariter vitâ defungi contigerit, volumus ut iterum Dilecti Domini & Parentis nostri, ejusdemque Haeredum Palatinorum ad Rhenum & Dominorum in Reinstein omnimodè, prout hactenus ante Datam praesentium Literarum, fideles Subditi permaneatis.
Has Literas, sine omni dolo & fraude, pendulo Sigillo Haeredum de Germersheim signavimns.
Dat. proximo die Lunae post Dominicam, cum in Sacra Ecclesia cantabatur
QUASIMODO GENITI, Anno post Nativitatem Christi 1402.
Nov. 18. Receipt by the treasurer and chamberlain of England from sir William Esturmy and John Kyngton of the documents relating to the marriage of the K.'s daughter Blanche with Louis count palatine. London.
O. viii. 249. H. iv. p. i. 25.
Litera, qua describuntur Instrumenta tangentia Matrimonium Supradictum.
An. 3. H. 4. Ex Autogr.
Haec Indentura Testatur quòd Dominus Thesaurarius Angliae & Camerarii receperunt,
Per manus Willielmi Esturmy Militis, & Johannis Kyngton Clerici, in Negotio Matrimonii, sive Maritagii, Praeclarissimae Dominae, Dominae Blanchiae Domini nostri Regis Filiae senioris, ad partes Alemanniae per eundem Dominum Regem destinatorum,
Nonnullas Literas, per eosdem Willielmum & Johannem a partibus praedictis ad Angliam reportatas, de quibus inferius dicetur,
In Primis, Unam Literam Patentem, Sigillo Majestatis, Christianissimi Principis, Domini Ruperti Romanorum Regis, semper Augusti, in pendente sigillatam, de & super Ratificatione & Approbatione tàm Matrimonii inter Dominum Ludowicum, Comitem Palatinum Reni, & Ducem Bavariae, ipsius Filium seniorem, ac Praeclarissimam Dominam, Blanchiam dicti Domini nostri Regis Filiam seniorem, Primò Londoniae, per Procuratores Dominorum Regum, Ludowici & Blanchiae praedictorum initi vel contracti, quàm etiam deinde aliorum, per Procuratores alios eorumdem Regum, necnon Ludowici & Blanchiae, in Oppido Dordracensi, factorum & concordatorum, quae sic Incipit,
Rupertus, Dei gratia, Romanorum Rex, semper Augustus, Recognoscimus per Praesentes Nos quasdam Literas vidisse & palpasse quorumdam Procuratorum nostrorum parte ex una, & Illustris Principis Henrici Regis Angliae & Franciae & Domini Hiberniae parte ex altera, Primò London, &c.
Et sic Finit; Dat. Heidelberg die Primâ Mensis Augusti, Anno Domini Millesimo Quadringentesimo primo, Regni verò nostri Anno Primo.
Item, Unam Literam Patentem, de & super Terminis & Loco solutionum Quadraginta Millium Nobilium Cunei Angliae, in Dotem dicti Dominae Blanchiae, per dictum Dominum nostrum Regem, praemissorum, Sigillis Nicholai Burchman, & Tilmani Smalenberg, necnon Willielmi Esturmy, & Johannis Kyngton, dicti Romanorum Regis ac Ludowici, ipsius Filii Senioris, necnon Domini Regis antedicti, hincinde Procuratorum, in pendenti Cerâ rubeâ sigillatam,
Quae quidem Litera sit Incipit; NOVERINT UNIVERSI quòd, cùm aliàs inter Illustrissimas & Magnipendissimas personas, Dominum Ludowicum Comitem Palatinum Reni & Ducem Bavariae, Filium Seniorem Domini Ruperti Christianissimi Regis Romanorum, semper Augusti, ex una, & Dominam Blanchiam &c.
Et sic Finit: Dat. Dordraci praedicti, Anno Domini Millesimo Quadringentesimo primo, die Decima sexta Mensis Augusti.
Item Procuratorium, Nicholai & Tilmanni proximò praescriptorum, eisdem per Dominum Regem Romanorum & ipsorum Filium praenominatos, occasione proximorum Praemissotum factum, Sigillo Majestatis dicti Regis Romanorum in pendenti Sigillatum,
Quod sic Incipit; RUPERTUS, Dei gratiâ, Romanorum Rex, semper Augustus, Et Ludowicus Filius suus Senior, eadem gratia, Comes Palatinus Reni &c.
Et sic Finit; Dat. in Opido nostro Heidelberg, Quinto die Mensis Augusti, Anno Domini Millesimo, Quadringentesimo primo, Regni verò nostri Primo.
Item, Obligationem dicti Domini Regis Romanorum, Majestatis suae Sigillo in pendenti sigillatam, quâ se Obligavit, sub Poena Centum Millium Nobilium, ad Observanda omnia & singula, primò Londoniae per procuratores Dominorum Regum, Ludowici, & Blanchiae, praedictorum conventa & concordata, ac deinde alia omnia per Procuratores alios eorumdem Dominorum Regum, ac Ludowici & Blanchiae praedictorum, in Opido Dordracensi inita, & condicta,
Quae sic Incipit; RUPERTUS, Dei gratia, Romanorum Rex, semper Augustus, Omnibus ad quos praesentia devenerint Salutem &c.
Et sic Finit; Dat. Heidelberg Prima die Mensis Augusti, Anno Domini Millesimo Quadringentesimo primo, Regni verò nostri Primo,
Item, Cartam, de & super Assignatione Castrorum, Opidorum, Villarum, & aliorum, ob Donationem propter Nuptias, eidem Dominae Blanchiae facta, sigillis dictorum Dominorum Regis Romanorum & Ludowici in pendenti sigillatam,
Quae sic Incipit; Nos RUPERTUS, Dei gratia, Romanorum Rex, semper Augustus, Nosque Ludowicus ejus Filius senior, eadem gratia, Comes Palatinus Reni & Bavariae Dux &c.
Et sic finit; Datum Venetiis ultimo die Mensis Decembris, Anno Domini Millesimo Quadringentesimo primo, Regni verò nostri Ruperti Anno Secundo.
Item, Literam Procuratorii, dicti Domini Regis Romanorum, ejusdem Majestatis sigillo consignatam, ad tradendum Procuratoribus dictae Dominae Blanchiae Possessionem Castrorum, Opidorum, & Villarum ob Donationem propter Nuptias eidem assignatorum,
Quae sic Incipit; In Dei Nomine Amen &c.
Et sic Finit; Dat. Venetiis die Decima nona Mensis Januarii, Anno Domini Millesimo Quadringentesimo Secundo, Regni verò nostri Anno Secundo.
Item, Unam Aliam Literam Patentem, ipsius Domini Regis Romanorum Sigillo in pendenti Sigillatam,
Quae sic Incipit; RUPERTUS Dei gratia, Romanorum Rex, semper Augustus, Universis innotescere cupimus per Praesentes &c.
Et sic Finit; Datum Venetiis Sexta Feria post Festum beati Antonii Confessoris, Anno Domini Millesimo Quadringentesimo Secundo, Regni verò nostri Anno Secundo,
Item, Duas Alias Literas, sigillo dicti Domini Ludowici consignatas, in vulgari Almannico conceptas,
Quarum quaelibet sic Incipit; WIR LUDOWIG, van gots gnaden, &c.
Et sic Finit; In dem an dern Jare.
Item, Literam Obligatoriam, ex parte dictorum Dominorum Regis Romanorum & Ludowici Filii sui, per nonnullos Dominos Alemanniae factam & Duodecim sigillis Obligatorum in eadem sigillatam,
Quae sic Incipit: OMNIBUS & SINGULIS, ad quos praesentia pervenerint, & praesertim quorum interest, Nos Stephanus Dux Bavariae & Comes Palatinus Reni, Fredericus Burggravius Nurenbergen, &c.
Et sic Finit; Datum Maguntiae Secunda die Mensis Julii, Anno Domini Millesimo Quadringentesimo Primo.
Et Est Attendendum quòd omnia & singula Sigilla, de quibus superius memoratur, fuerunt, tempore Liberationis eorundem, sana & integra.
In cujus rei Testimonium tàm praefati Willielmus Esturmy, & Johannes Kyngton Clericus sigilla sua, quàm praefati Thesaurarius & Camerarii Sigillum Officii praesentibus alternatim apposuerunt.
Dat. Londoniae, xviij die Novembris, Anno Regni Regis Henrici Quarti post Conquestum Quarto.
April 12. Request for a general safe conduct for Richard Grisby, the K.'s physician. Westm.
O. viii. 250. H. iv. p. i. 25.
De Requestu pro Physico Regis.
An. 3. H. 4. Franc. 3. H. 4. m. 4.
Rex Universis & Singulis Regibus &c. Salutem in omnium Salvatore.
Universitatem Vestram, multipliciter honorabilem, & quemlibet vestrûm per se, attentiùs, & efficaciùs, quo possumus, Tenore Praesentium, Requirimus & Rogamus quatinus, dilectum Familiarem nostrum, Magistrum Richardum Grisby Phisicum nostrum,
Qui, per Regna, Dominia, Civitates, Loca, Passus, Pontes, Jurisdictiones, & Territoria vestra, pro quampluribus Negotiis nostris expediendis, suos dirigit gressus in Praesenti,
Cùm ipsum per Regna, Dominia, Civitates, Loca, Passus, Pontes, Jurisdictiones, & Territoria vestra seu alicujus vestrùm, cum Novem Servientibus Familiaribus suis, Decem Equis, Valesiis, Armis, Auro, Argento, Jocalibus, Hernesiis, ac aliis Rebus & Bonis suis quibuscumque, Transire, seu inibi Morari contigerit,
Nostri Statûs intuitu, & harum Precum nostrarum speciali interventu, ac contemplatione Nostra propensiùs recommendatum habeatis,
Eundemque Magistrum Richardum, cum Servientibus, Equis, Valesiis, Armis, Auro, Argento, Jocalibus, Hernesiis, ac aliis Bonis, & Rebus suis prae- dictis, totiens quotiens Transire, Morari, ac Reverti voluerit, liberè, expeditè, & absque Impedimento aliquo, ac sine solutione alicujus Dacii, Pedagii, Gabellae, Fondi Navis, aut alterius Exactionis seu Tributi, ac absque apertione Literarum, Maniticarum, Valesiorum, aut aliorum Hernesiorum suorum quorumcumque, favorabiliter & benivolè permittatis,
Non inferentes eis, nec quomodolibet inferri permittentes, in Corporibus, seu Bonis aut Rebus eorumdem, Dampnum, Impedimentum, jacturam, Violentiam, Injuriam, Molestiam seu Gravamen,
Quin potius, si egeant, eis de Guidis provideatis, ac etiam eis in eorum Agendis ministrare dignemini Consilium, Auxilium, & Favorem, ac Scortam, salvumque & securum Conductum, &c. ut in similibus de Requestu Literis.
Dat. apud Palatium nostrum Westm. xij die Aprilis.
Per ipsum Regem.
April 13. Robert Brykehill and Thomas Perie, are ordered to provide conveyance for the property of the lady Blanche, the K.'s daughter, to the sea. Westm.
O. viii. 251. H. iv. p. i. 25.
De Cariagio pro Blanchia Filia Regis.
An. 3. H. 4. Pat. 3. H. 4. p. 2. m. 25. d.
Rex, Dilectis sibi Roberto Brykehill & Thomae Perie Salutem,
Sciatis quòd assignavimus vos ad sufficiens Cariagium, ad opus, carissimae Filiae nostrae Blanchiae, quae versus partes Almanniae profectura est, pro diversis Victualibus & aliis Hernesiis suis versus Mare ducendis & cariandis, pro Denariis suis rationabiliter & promptè solvendis, tàm infra Libertates, quàm extra (Feodo Ecclesiae ac Affris Carucarum dumtaxat exceptis) Arestandum & capiendum;
Et ideo vobis & alteri Vestrûm Praecipimus quòd circa praemissa diligenter Intendatis, & ea faciatis & exequamini in forma praedicta:
Damus autem universis & singulis Vicecomitibus, Majoribus, Ballivis, Constabulariis, Ministris, & aliis Fidelibus & subditis nostris, tàm infra Libertates quàm extra, tenore Praesentium, firmiter in Mandatis quòd vobis & alteri vestrûm in Executione Praemissorum Intendentes sint, Consulentes, & Auxiliantes, quotiens & quando per vos seu alterum vestrûm, super hoc fuerint requisiti ex parte nostra.
In cujus &c. per Duos Menses duraturas.
Teste Rege apud Westmonasterium, xiij die Aprilis.
April 17. Power for Henry earl of Northumberland, Ralph de Nevill, earl of Westmoreland, and sir Henry de Percy, to treat with the K. of Scotland, and to receive Scotch nobles into the K.'s grace. Westm.
O. viii. 251. H. iv. p. i. 25.
De Tractando cum Adversario Scotiae.
An. 3. H. 4. Scot. 3. H. 4. m. 1.
Rex, Carissimo Consanguineo suo Henrico Comiti Northumbriae, Carissimo Fratri suo Radulpho de Nevill Comiti Westmerlandiae, ac dilecto & fideli Consanguineo suo Henrico de Percy le Filz Militi, Salutem.
Sciatis quòd Nos,
De fidelitate, circumspectione, & industria vestris providis plenissimè confidentes,
Vobis,
Ad Tractandum conjunctim & divisim, & prout vobis, juxta sanas discretiones vestras, meliùs & utiliùs, pro commodo & honore nostris & Regni nostri, videbitur expedire, pro Nobis & Nomine nostro, cum Adversario nostro Scotiae,
Et admittendum, per eundem Tractatum, quicquid ipse Nobis rationabiliter offerre voluerit,
Ac ulterius ad Recipiendum ad Gratiam & Obedientiam nostras omnes illos de Regno Scotiae, tàm Duces, Comites, Barones, Milites, Armigeros, quàm alios (cujuscumque Statûs, Gradûs, seu Conditionis fuerint) qui se Nobis reddere & submittere, ac Ligei nostri devenire voluerint,
Plenam & solidam (Tenore Praesentium) Comittimus & Concedimus Potestatem, ac facultatem & auctoritatem, tàm generales, quàm speciales,
Ratum & Gratum habituri quicquid per vos, seu aliquem vestrûm, Actum sive Gestum fuerit in Praemissis;
Et ideo vobis Mandamus quòd circa Praemissa, cum omni diligentia & efficacia, quibus commodè poteritis aut sciveritis, Intendatis, ac ea faciatis, expleatis, & exequamini in forma praedicta:
Nos de eo quòd per Vos seu aliquem vestrûm Actum sive Gestum fuerit in hac parte, in Cancellariam nostram, sub Sigillis vestris vel alicujus vestrûm, distinctè & apertè, certificantes, ad finem & intentionem quòd Nos pro Regardo & Sustentatione illorum, qui sic de Obedientia nostra esse voluerint, ordinare valeamus, ut ipsi eâ consideratione sint magis contenti, ipsique & alii ad veniendum atque fideliter permanendum sub hujusmodi Obedientia nostra libentius desiderent & affectent in futurum.
In cujus &c.
Teste Rege apud Westmonasterium, xvij die Aprilis.
Per ipsum Regem & Concilium.
April 18. The K. declares that his licences to sue to Rome for benefices do not extend to benefices in the patronage of the crown. Westm.
O. viii. 252. H. iv. p. i. 26.
De Declaratione intentionis Regis super Collatione Beneficiorum.
An. 3. H. 4. Pat. 3. H. 4. p. 2. m. 18.
Rex Omnibus, ad quos &c. Salutem.
Licet nuper (per diversas Literas nostras Patentes) Concesserimus & Licentiam Dederimus diversis Ligeis nostris quòd ipsi Provisiones sive Gratias, sibi per Dominum Summum Pontificem, in diversis Ecclesiis Cathedralibus, Collegiatis, & Conventualibus, factis, ac de & super diversis Collationibus Beneficiorum Ecclesiasticorum, ad Collationem sive Praesentatonem Patronorum spiritualium spectantium, exequi possent, sub certis modo & formâ, in dictis Literis nostris contentis, Statutis sive Ordinationibus, in contrarium editis, non obstantibus, prout in eisdem Literis pleniùs continetur,
Quia tamen Intentionis nostrae non fuit, nec adhuc existit, quòd hujusmodi Licentiae de Beneficiis Ecclesiasticis, quae Nos regio Jure nostro Conferre, aut ad quae eodem Jure Nos Praesentare extunc contingeret exequerentur, nec ad hujusmodi Beneficia se aliqualiter extenderent,
Volumus, & Tenore Praesentium Concedimus & Declaramus, quòd Licentiae praedictae aut earum aliqua ad aliquod sive aliqua hujusmodi Beneficium seu Beneficia, ad quod vel ad quae Nos dicto Jure nostro regio Praesentare, aut quae sive quod eodem Jure nos conferre de caetero contigerit, nullatenus se extendant sive extendat,
Nec de eisdem Beneficiis, sub Poenis, in Statutis & Ordinationibus praedictis contentis, quomodolibet exequantur:
Volumus insuper, & Tenore praesentium Concedimus & Declaramus, quòd si aliqui sive aliquis Ligeorum nostrorum praedictorum, aliquas sive aliquam hujusmodi Licentias sive Licentiam, contra Vim, formam, & effectum praesentium Voluntatis, Concessionis, & Declarationis nostrarum, exequi praesumpserint sive praesumserit extunc, ipso facto, omnes & singulae hujusmodi Licentiae, eisdem Ligeis nostris, sic prosequi praesumentibus, & eorum cuilibet sic per Nos concessae, omni vigore, virtute careant & effectu,
Et, ne aliquis, per ignorantiae caecitatem, in Poenas praedictas in hac parte incidat, praemissas Voluntatem, Concessionem, & Declarationem nostras, omnibus & singulis, quorum interest, innotescimus per Praesentes.
In cujus &c.
Teste Rege apud Westmonasterium, xviij die Aprilis.
Per Breve de Privato Sigillo.
April 26. The request for a general safe conduct for James de Mantua, bp. of Jalma. Westm.
O. viii. 252. H. iv. p. i. 26.
De Requestu pro Episcopo Jalmensi.
An. 3. H. 4. Franc. 3. H. 4. m. 4.
Rex Universis & Singulis Regibus &c. Salutem in omnium Salvatore.
Universitatem vestram, multipliciter honorabilem, & quemlibet vestrûm per se, attentius & efficacius quo possumus, Tenore Praesentium, Requirimus & Rogamus, quatinus, Venerabilem Patrem, Jacobum de Mantua, Episcopum Jalmensem, Latorem praesentium,
Qui, pro diversis Negotiis expediendis, ad varias & longinquas Mundi Partes dirigit Gressus suos in praesenti,
Cùm ipsum Episcopum per Regna, Dominia, Loca, Jurisdictiones, & Territoria vestra, vel alicujus vestrûm, cum Familiaribus & Rebus suis, transire seu inibi morari contigerit,
Nostrae Magestatis intuitu, & harum Precum nostrarum speciali interventu,
Propensiùs recommendatum habentes,
Eundem Episcopum, cum Familiaribus suis, Bonis & Rebus suis Transire, Reverti, ac Morari, liberè, & absque solutione Gabelli, Tributi, seu alterius Exactionis cujuscumque, & absque aperitione literarum, Manticarum, Valesiorum aut Hernesiorum suorum quorumcumque, benivolè permittatis:
Non inferentes eis, nec quomodolibet inferri permittentes, in Corporibus seu Bonis eorumdem, Dampnum, &c. ut in Similibus de Requestu Literis.
In cujus rei testimonium has Literas nostras Patentes fieri, & Magni Sigilli nostri munimine fecimus consignari.
Dat. in Palatio nostro Westm. xxvj die Aprilis.
April 27. Power for Richard bp. of Worcester, John earl of Somerset, Walter lord FitzWalter, sir William Esturmy, and two others, to make a treaty of alliance with Rupert K. of the Romans. Westm.
O. viii. 253. H. iv. p. i. 26.
De Tractando super Foedere, cum Ruperto Imperatore.
An. 3. H. 4. Franc. 3. H. 4. m. 5.
Rex Omnibus, ad quos &c. Salutem.
Inter gloriosas Reipublicae Curas, & regalium Solicitudinum Fructus uberes, aestimamus illud esse aliorum praecipuum aliorum Principum & Regum Sublimium sibi copulare praesidia, & cum talibus Ligarum, Affinitatum, & Amicitiarum specialium inire Foedera, per quos Principatus, hinc indè Amoris indissolubilis nexu conjuncti, Insurgentibus ex adverso resistere, & ab omni Oppressionis clade, coadunatis viribus, poterunt se tueri,
Quod dùm intra mentis nostrae praecordia diligentiùs tractaremus, tandem cum, Serenissimo Fratre nostro, Ruperto, Dei gratiâ Romanorum Rege, semper Augusto, hujusmodi Amoris Foedera stringere, Ligasque firmas, speciales, & perpetuas prae caeteris contrahere censuimus & inire,
Maximè cùm per Matrimonii Foedus,
Inter Illustrissimum Principem Dominum Lodowicum, Dei gratiâ, Comitem Palatinum Reni & Ducem Bavariae, Serenissimi Fratris nostri praedicti Filium Seniorem, & Carissimam Primogenitam nostram Blanchiam, de ipsius Regis & nostro unanimi & expresso consensu, jam pridem initum & firmatum,
Inter eundem Regem & Nos Affinitas (prout Altissimo placuit) sit contracta,
Nos itaque,
Volentes ulterius in hac parte disiderii nostri fines attingere,
Ac de Circumspectione, legalitate, & industriâ, Venerabilis Patris Richardi, Dei gratiâ, Wygorniensis Episcopi, Carissimi Fratris nostri Johannis Comitis Somersetiae, ac dilecti & fidelis nostri Walteri Domini Fitz Water, ac dilecti & fidelis Militis nostri Willielmi Esturmy, Johannis Kyngton Bacallarii in Legibus, & Thomae Polton Archidiaconi Tanton in utroque Jure Bacallarii, plenius confidentes,
Ad Tractandum, Paciscendum, Ordinandum, & finaliter Concordandum, cum Ambassiatoribus, Procuratoribus, Nunciis, seu Deputatis praedicti Fratris nostri Romanorum Regis, sufficientem ad Infrascripta Potestatem habentibus, super Ligis, Confoederationibus & Amicitiis, Fraternitatibus & specialibus, temporalibus, vel perpetuis, inter eundem Fratrem nostrum Romanorum Regem, Subditos suos, Regna, & Dominia sua quaecumque ex una, & Nos, subditos, ac Regna, & Dominia nostra quaecumque ex Parte altera, Contrahendis & iniendis,
Ac Communicationibus inter Subditos, hincinde in Mercimoniis & aliis licitis securè fraternaliter Faciendis,
Necnon ad ea, quae sic Tractata, Conventa, & Concordata fuerint, omni Securitate honestâ & debitâ nomine nostro firmandum,
Consimilémque Securitatem pro Nobis & Nomine nostro Petendum, Stipulandum, & Recipiendum,
Ac Jurandum, in Animam nostram, quòd Tractata, Conventa, & Concordata hujusmodi Rata habebimus atque Grata,
Caeteráque omnia & singula Faciendum, Excercendum, & Expediendum, quae in Praemissis, & circa ea necessaria fuerint seu etiam quomodolibet oportuna, & quae qualitas & natura Negotiorum hujusmodi exigunt & requirunt, & quae Nos faceremus seu facere possemus, si personaliter Praesentes essemus, etiam si talia sint quae Mandatum quantumcumque exigant speciale;
Praedictos, Richardum, Johannem, Walterum, Willielmum, Johannem, & Thomam, & Tres eorum, nostros veros, & legitimos, & indubitatos Procuratores, Negotiorum Gestores, Com- missarios, Deputatos, & Nuncios speciales, Facimus, Ordinamus, & Constituimus per Praesentes;
Promittentes, in verbo Regio, Nos Ratum & Gratum perpetuò habituros quicquid per ipsos, Sex, Quinque, Quatuor, aut Tres eorum, Actum, Gestum, seu Procuratum fuerit in Praemissis aut aliquo Praemissorum.
Dat. in Palatio nostro Westm. Sub Magni Sigilli nostri Testimonio, xxvij die Aprilis.
Per ipsum Regem.
April 27. The same commissioners have power to treat with the duke of Gueldres.
O. viii. 254. H. iv. p. i. 26.
De Tractando, cum Duce Gelriae.
An. 3. H. 4. Ibid. m. 6.
Rex Omnibus, ad quos &c. Salutem.
Sciatis quòd Nos (de & super Materia infrascripta, maturâ & plenâ deliberatione praehabitâ) ex certa nostra scientia,
Constituimus, Ordinavimus, & Fecimus, Creamusque, Ordinamus, & Facimus, per Praesentes, nostros veros & legitimos Procuratores, Negotiorum Gestores, ac Nuncios speciales,
Venerabilem Patrem Richardum, Dei gratiâ, Wygorniensem Episcopum, Carissimum Fratrem nostrum Johannem Comitem Somersetiae, ac dilectum & fidelem nostrum Walterum Dominum Filtz Water, dilectum & fidelem Militem nostrum Willielmum Esturmy, ac Johannem Kyngton Bacallarium in Legibus, necnon Thomam Polton Archidiaconum Tanton in utroque Jure Bacallarium, ipsos Sex, Quinque, Quatuor & Tres illorum,
Ad Tractandum, Paciscendum, & finaliter Concordandum cum, Carissimo Consanguineo nostro, Reginaldo Duce Gelrensi, vel ipsius Procuratoribus, Nunciis, seu Deputatis, in hac parte plenariam Potestatem ab ipso Duce habentibus, de & super quibuscumque Amicitiis, Alligantiis, ac mutuis Auxiliis (videlicet) inter Nos, Haeredes & Successores nostros Reges Angliae, pro Nobis, Regnis, Terris, Dominiis, ac Subditis nostris quibuscumque ex parte una, & praefatum Ducem pro Se, Terris, Dominiis & Subditis, & aliis quibuscumque ex parte altera, mutuò ineundis & praestandis,
Et specialiter ad Tractandum, Paciscendum, & Concordandum, super Homagio per eundem Ducem, Nobis, & dictis Haeredibus, & Successoribus nostris, Regibus Angliae, praestando,
Necnon ad Recipiendum, vice & nomine nostro, a praedicto Duce Gelriae Homagium suum, Nobis, Haeredibus, & Successoribus nostris, Regibus Angliae, ut praemittitur, faciendum,
Ac super Retinentia sua, penes Nos, & eosdem Haeredes, & Successores nostros, in omnibus Guerris Nostris & ipsorum Haeredum & Successorum nostrorum,
Et certis Servitiis, per ipsum Ducem Nobis & eisdem Haeredibus & Successoribus impendendis, durante totâ vitâ ejusdem Ducis,
Dantes & Concedentes, ex certâ scientiâ & nostrâ liberâ voluntate, eisdem Procuratoribus & Nunciis nostris plenariam, sufficientem, & liberam Potestatem, ad omnia & singula Praemissa, seu ea quomodolibet concernentia, Tractandum, Concordandum, Paciscendum, Faciendum, & Expediendum, ac de & super eisdem finaliter concludendum,
Necnon omnia & singula, sic Tractata & Concordata, Firmandum & Roborandum Cautionibus quibuscumque licitis & honestis,
Ac omnia alia & singula Faciendum, Excercendum, & Expediendum, quae circa Praemissa necessaria fuerint seu oportuna, etiam si Mandatum exigant speciale,
Promittentes Nos, omnia & singula, sic Tractata & Concordata pro parte nostra, Grata & Rata habituros & in bonâ fide firmiter & inviolabiliter observare, prout iidem Procuratores & Nuncii nostri nomine nostro fecerint & promiserint in Praemissis, & sicuti Nos ipsi omnia & singula in Persona propria fecissemus.
Dat. &c. xxvij die Aprilis.
Per ipsum Regem.
May 9. The K. orders W. bp. of Carlisle, Henry de Percy, earl of Northumberland, and the sheriffs of Cumberland and Westmoreland, to arrest those ecclesiastics and other persons who assert that Richard II. is alive and in Scotland. Westm.
O. viii. 255. H. iv. p. i. 27.
De certis Personis Ecclesiasticis arestandis.
An. 3. H. 4. Pat. 3. H. 4. p. 2. m. 18. d.
Rex, Venerabili in Christo Patri W. eadem gratiâ, Episcopo Karliolensi, ac Dilecto Consanguineo & Fideli suo Henrico de Percy Comiti Northumbriae, necnon Vicecomitibus Cumbriae & Westmerlandiae, Salutem.
Quia datum est nobis intelligi quòd diversae personae Ecclesiasticae, tàm Exemptae, quàm non Exemptae, ac aliae Personae Seculares infra Dioecesim vestram (vos praefate Episcope) publicè dicunt & Populum nostrum pleniùs informant,
Quòd Dominus Ricardus, nuper Rex Angliae, Secundus post Conquestum, adhuc superstes est, & in Partibus Scotiae moram trahit,
Nos,
Volentes Terrori dicti Populi nostri in hac parte, ac Dissensionibus & aliis Malis & Gravaminibus, quae per hujusmodi falsam & malivolam Informationem de facili evenire possunt, praecavere, & hujusmodi Personas juxta eorum Demerita debitè castigari,
Assignavimus vos, conjunctim & divisim, ad omnes & singulas Personas praedictas, ubicumque infra Comitatus praedictos, tàm infra Libertates, quàm extra, inveniri poterunt, sine dilatione Arestandum & Capiendum, & proximis Gaolis nostris Mancipandum, in eisdem salvò & securè custodiendas quousque pro eorum Deliberatione aliter duxerimus ordinandum;
Et ideò vobis & cuilibet vestrûm Mandamus quòd circa praemissa diligenter Intendatis, & ea faciatis & exequamini in forma praedicta:
Damus autem universis & singulis Majoribus, Constabulariis, Ballivis, Ministris, & aliis Fidelibus & Subditis nostris, Comitatuum praedictorum, tàm infra Libertates, quàm extra, Tenore Praesentium, firmiter in Mandatis quòd vobis & cuilibet vestrûm, in Praemissis faciendis & exequendis, Intendentes sint & Auxiliantes, prout decet.
Teste Rege apud Westmonasterium, ix die Maii.
Per ipsum Regem, Nunciante Thesaurario Angliae.
May 11. The K. orders E. bp. of Exeter, sir John Arondell, sir John Grenevill, sir John Herle, and seven others, to contradict the reports that the K. does not intend to keep his promise to observe the laws, and to prevent the circulation of such a report. Similar commissions for Somerset and Dorset. Westm.
O. viii. 255. H. iv. p. i. 27.
De Inquirendo, pro Rege contra Mendacia praedicantes.
An. 3. H. 4. Ibid. m. 51. d.
Rex, Venerabili in Christo Patri E. Episcopo Exoniae, ac Dilectis & Fidelibus suis Johanni Arondell Chivaler, Johanni Grenevill Chivaler, Johanni Herle Chivaler, Willielmo Lambron, Thomae Peuerell, Johanni Colshull, Willielmo Talbot, Johanni Tremayn Seniori, henrico Fulford, Rogero Trewythenek, ac Vicecomiti & Escaetori Regis in Comitatu Cornubiae, Salutem.
Recolentes qualiter nuper, Consideratis Exhaeredationibus, Depauperationibus, & Enormitatibus non modicis, quae, tempore Regis Ricardi Praedecessoris nostri, Populo Regni nostri Angliae multipliciter & indies illatae fuerunt, Cupientésque, prout ad praesens ex intimis Cordis nostri totisque Viribus nostris Desideramus & affectamus, Populum nostrum ad Dei Laudem & Honorem Regi & Gubernari pacificè & quietè, pro hujusmodi Exhaeredationibus, Depauperationibus, & Enormitatibus (Dei adjutorio) amovendis & penitus exstirpandis, juxta posse nostrum, in Regnum nostrum praedictum applicuimus,
Et insuper factâ primitùs Resignatione Regni nostri praedicti per praefatum nuper Regem, eóque, de assensu Dominorum, Magnatum, & Communitatis Regni nostri, totiusque Parliamenti, exhabundanti Deposito, Divinâ favente Clementiâ, Regni nostri Gubernacula suscepimus prout vobis eunctísque ipsius Regni nostri Ligeis plenè liquet,
Qualiterque aliqui Subditorum nostrorum, in hujusmodi detestabili Proposito adhuc permanentes, Legesque & Consuetudines dicti Regni nostri laudabiles, ac bonum Regimen ejusdem Regni & Fidelium Ligeorum nostrorum in eadem degentium, pro eorum posse subvertere & destruere, Populúmque nostrum nequiter commovere nitentes, ut sic eorum Malitiis liberiùs vacare possent, quorum aliqui ad praesens capti, & in Prisonâ in Turri nostra Londoniae detenti existunt,
Jam noviter in diversis partibus Regni nostri praedicti quamplura Mendacia, in Tabernis, & aliis Populi nostri Congregationibus (instigante Diabolo) asserunt & affirmant falso & malitiose, inter caetera sua Mendacia, praedicando quòd, licet Nos in Adventu nostro in Regnum nostrum praedictum, ac in Coronatione nostra, necnon in Parliamentis & Conciliis nostris Promiserimus, quòd Leges & laudabiles Consuetudines ejusdem Regni nostri faceremus debitè & meliùs solito conservari, tamen illius Promissionis Contrarium ut asserunt experitur, hoc defectui nostro imputantes, unde non modicum conturbamur,
Volumus & intendimus (Auxilio mediante Divino) hujusmodi Mendaciis & Periculis, quae exinde in Populi nostri Terrorem & Commotionem, Legumque & Consuetudinum praedictarum Subversionem & Destructionem, cedere verisimiliter possent (quod absit) obviare, & de Remedio in hac parte congruo providere ut tenemur;
Et ideò vobis Mandamus quòd ad certos Dies & Loca, Vobis & Ligeis nostris Comitatûs praedicti magis accommoda, infra eundem Comitatum per vos assignanda, honesto modo Conveniatis, & ad omnium & singulorum Ligeorum nostrorum Comitatûs praedicti, quos in hac parte videritis evocandos, juxta sanas Discretiones vestras, Notitiam deducatis & deduci faciatis,
Quòd Intentionis nostrae semper fuit, est, & erit, quòd Respublica Bonumque Commune, ac Leges & Consuetudines ejusdem Regni nostri, observentur & custodiantur de Tempore in Tempus,
Quódque eorumdem Impugnatores & Violatores, ac hujusmodi falsorum Mendaciorum praedicatores, Fautores, & Manutentores juxta eorum demerita castigentur & puniantur, ad Hoc enim in Regnum nostrum praedictum credimus nos Dei nutu advenisse,
Et insuper assignavimus vos, conjunctim & divisim, ad Inquirendum per Sacramentum Proborum & Legalium Hominum Comitatus praedicti, tàm infra Libertates, quàm extra, juxta Discretiones vestras praedictas, de Nominibus omnium & singulorum, hujusmodi Reipublicae Bonique communis, ac Legum & Consuetudinum, Impugnatorum, Perturbatorum, & Violatorum, Mendaciorumque praedictorum Praedicatorum, Fautorum & Manutentorum, & vos in hac parte debitè Informandum,
Et insuper ad vos, in Resistentiam hujusmodi Malitiae, viis & modis quibus juxta dictas discretiones vestras fore videritis faciendum, Praeparandum & Ordinandum, Sacramenta adinvicem, si vobis placuerit, in hac Parte praestantes, Statutis & Ordinationibus in contrarium editis non obstantibus,
Assignavimus vos etiam ad omnes alios Ligeos nostros Comitatûs praedicti, cujuscumque Gradûs seu Conditionis fuerint, quos in hac parte juxta discretiones vestras praedictas fore videritis evocandos, coram vobis ad Dies & Loca praedicta quietè & honestè convenire faciendum, & ad eos Informandum in forma praedicta, ipsosque & eorum quemlibet de eorum assensu ad hujusmodi Resistentiam excitandum & inducendum viis & modis, quibus, pro quiete & tranquilla Gubernatione Populi nostri, vobis & eisdem Ligeis nostris videbitur faciendum,
Necnon ad omnes illos, quos hujusmodi Mendacia Praedicantes sive Pronunciantes inveneritis, Arestandum & Capiendum & Prisonis nostris Mancipandum, in eisdem moraturos quousque pro eorum Punitione duxerimus ordinandum, & ad Nos & concilium nostrum de Nominibus Arestatorum hujusmodi, ac de toto Facto vestro in hac parte, sub Sigillis vestris vel alicujus vestrûm, distinctè & apertè, de tempore in tempus, Certificandum;
Mandantes vobis quòd circa Praemissa diligenter Intendatis, & ea faciatis & exequamini in Forma praedicta:
Damus autem universis & singulis Vicecomitibus, Majoribus, Ballivis, Ministris, & aliis Fidelibus & Subditis nostris, infra Libertates & extra, Tenore Praesentium, firmiter in Mandatis, quòd vobis & cuilibet vestrûm, in Executione Praemissorum, Intendentes sint, Consulentes, & Auxiliantes prout decet.
In cujus &c.
Teste Rege apud Westmonasterium, xj die Maii.
Per ipsum Regem & Concilium.
Eodem modo assignantur subscripti in Comitatibus subscriptis, sub eadem Data; videlicet,
Henricus Episcopus Bathonien.
Petrus Courtenay.
Robertus Haryngton
Chivaler.
In Comit. Somers.
Humfridus Stafford Chivaler.
Thomas Brooke Chivaler.
Willielmus Stourton.
In Com. Somers.
Johannes Manyngford.
Ac Vicecomes & Escaetor Regis in eodem Comitatu.
R. Episcopus Sarum.
Humfredus Stafford &c
.
In Comit. Dors. &c.
May 23. The K. orders the sheriffs of Nottingham and Derby, York and four other counties, to summon the people to be ready to resist the intended invasion by the duke of Albany and the earl of Douglas. Westm.
O. viii. 257. H. iv. p. i. 28.
Pro Marchiis defendendis, de Proclamatione facienda.
An. 3. H. 4. Claus. 3. H. 4. p. 2. m. 14. d.
Rex, Vicecomiti Notinghamiae & Derbiae, Salutem.
Quia datum est Nobis intelligi quòd Dux Albaniae, & Comes de Douglas, cum magna multitudine Scotorum Inimicorum nostrorum, Regnum nostrum Angliae, ad mala quae poterunt, nobis & Ligeis nostris dicti Regni nostri in Marchiis Scotiae habitantibus Inferendum, & eos penitùs (quod absit) Destruendum, ingredi intendunt infra breve, nisi eorum Malitiae viriliùs resistatur,
Nos,
Malitiae ipsorum Ducis & Comitis ac aliorum Inimicorum nostrorum praedictorum (Gratiâ favente divinâ) resistere, ac pro Salvatione & Defensione dicti Regni nostri, & Marchiarum praedictarum, ac Ligeorum nostrorum in eisdem habitantium, ordinare volentes ut tenemur,
Tibi Praecipimus firmiter injungentes quòd statim, visis Praesentibus, in singulis locis infra Ballivam tuam, ubi melius expedire videris, ex parte nostra publicè Proclamari facias quòd omnes & singuli Homines Defensabiles, infra dictam Ballivam tuam, Prompti sint & Parati, ac sufficienter Arraiati & Muniti, videlicet (quemlibet eorum juxta statum & facultatem suos) Nobiscum in propria Persona nostra versus Marchias praedictas, in Malitiae ipsorum Ducis & Comitis, ac aliorum Inimicorum nostrorum praedictorum, Resistentiam, ac Marchiarum praedictarum Ligeorumque nostrorum praedictorum Defensionem, vel cum hiis, quos ad proficiscendum versus easdem Marchias ex causa praedicta assignari fecerimus, Profecturi, cum inde ex parte nostra fuerint praemuniti; Et hoc nullatenus omittas,
Teste Rege apud Westmonasterium, xxiij die Maii.
Per ipsum Regem & Concilium.
Consimilia Brevia diriguntur Vicecomitibus Comitatuum subscriptorum; videlicet,
Vicecomiti Eborum.
Vicecomiti Northumbr.
Vicecomiti Lincoln.
Vicecomiti Cumbr.
Vicecomiti Westmerl
.
May 26. Power given by Henry prince of Wales to lord William Bourghcher, Richard Derham, K.'s chaplain, and John Peraunt, serjeant-at-arms, to conclude a marriage with Katharine, sister of Eric K. of Denmark. Sutbury.
O. viii. 257. H. iv. p. i. 28.
Procuratorium Henrici Filii Henrici Quarti pro Matrimonio contrahendo cum Katerina Sorore Erici Regis Daciae.
An. 3. H. 4. Ex Autogr.
In Dei Nomine, Amen.
Per praesens Publicum Instrumentum cunctis appareat evidenter, Quòd Anno ab Incarnatione Domini Millesimo, Quadringentesimo s ecundo, Indictione Decimâ, Pontificatûs Sanctissimi in Christo Patris, & Domini nostri, Domini Bonifacii Divinâ Providentiâ Papae noni Anno Tertiodecimo, & Mensis Maii die octavâ, in Camerâ, Serenissimi in Christo Principis & Domini nostri, Domini Henrici, Dei gratiâ, Regis Angliae & Franciae Illustris, ac Domini Hiberniae, infra Castrum suum sive Turrim Civitatis suae Londoniae situatâ, coram eodem Domino nostro Rege, ibidem personaliter existente,
Constitutus personaliter, Nobilissimus & Excellentissimus Dominus, Dominus Henricus, dicti Domini nostri Regis Filius Primogenitus & Haeres legitimus ac Princeps Walliae, Dux Aquitaniae, lancastriae, & Cornubiae, ac Comes Cestriae, volens, ut dixit, cum Nobili & Egregiâ Muliere & Dominâ, Dominâ Katerinâ, Sorore legitimâ, Excellentissimi Principis & Domini, Domini Erici, Dei gratiâ, Regis Daciae, Swetiae, & Norwegiae, ac Ducis Pomeraniae, Matrimonium legitimè contrahere, de Consensu & Voluntate expressis dicti Serenissimi Principis Domini nostri Regis Angliae & Franciae, ac Domini Hiberniae, Patris sui praedicti, & ad contrahendum Matrimonium hujusmodi pro eo, & ejus nomine, cum eadem Domina Katerina,
Certos Procuratores infrascriptos facere & constituere, omnibus melioribus modis, viis, verbis, & formis quibus potuit aut potest, Dilectos sibi in Christo Nobilem Virum, Dominum Willielmum Bourghcher de Camera dicti Domini Principis Walliae Militem, ac Venerabilem & Discretum Virum, Magistrum Ricardum Derham, in Sacra Theologia licentiatum, & Aulae Scolarium dicti Domini nostri Regis Angliae, in Universitate sua Cantabrigiae, Magistrum & Custodem, & ipsius Domini nostri Regis Capellanum, & Johannem Peraunt Armigerum, dicti Domini nostri Regis Servientem ad Arma, Virum Literatum, conjunctim, & quemlibet illorum divisim, & in solidum, ita quòd non sit melior conditio Occupantis, de consensu & voluntate expressis dicti Domini nostri Regis Angliae & Franciae, Patris sui ibidem perexpressè adhibitis & intervenientibus (ut michi Notario & Testibus infrascriptis tunc expressè apparuit) (fn. 1) suos Ordinavit, fecit, & constituit, Ordinat, facit, & constituit Procuratores, & Nuncios speciales,
Deditque & concessit, ac dat & concedit praefatus Excellentissimus Princeps Dominus Henricus Princeps Walliae, ac Dux Aquitaniae, Lancastriae, & Cornubiae, & Comes Cestriae, constituens, praedictis Procuratoribus suis conjunctim, & cuilibet illorum divisim, & in solidum, plenam & liberam Potestatem, & Mandatum speciale, pro ipso Domino Henrico Principe Walliae constituente, & ejus nomine, Matrimonium cum dictâ Nobili & Egregiâ Dominâ, Dominâ Katerinâ, dicti Domini Erici Regis Daciae, Swetiae, & Norwegiae, ac Ducis Pomeraniae, Sorore naturali & legitimâ, per verba de praesenti, mutuum consensum dictorum Domini Henrici Principis Wal. ac Ducis Aquitaniae, Lancastriae, & Cornubiae, & Comitis Cestriae, ac Primogeniti dicti Domini nostri Regis Angliae Constituentis, & praefatae Dominae Katerinae hinc inde de praesenti exprimentia, (fn. 2) melioribus & efficacioribus Modis, verbis, & formis, quibus, de Jure seu de Facto fieri poterit contrahendum, ac ipsam Dominam Katerinam in Uxorem * dicti Domini Henrici Principis Constituentis, per hujusmodi Verba de praesenti, & per alia quaecunque legitima, & ad hoc apta, Capiendum, & eam Affidandum,
Caeteraque omnia & singula Faciendum, Exercendum & Expediendum, quae in Praemissis, vel eorum aliquo necessaria fuerint, vel oportuna, etiamsi Mandatum in aliquo Praemissorum de sui naturâ magis de se exegerint speciale,
Ac promisit praefatus Excellentissimus Dominus, Dominus Henricus Princeps Walliae, ac Dux & Comes praelibatus Constituens, in praesentia dicti Serenissimi Principis, Domini Regis Angliae & Franciae Illustris, Patris sui praedicti, & de ipsius consensu & voluntate expressis (ut dixit) michi Dionisio Notario Publico subscripto, stipulanti & recipienti vice & nomine omnium & singulorum, quorum interest, & intererit, vel interesse poterit in futurum, seipsum Ratum, Firmum, & stabile habiturum totum & quicquid, per dictos Procuratores suos, aut eorum aliquem, Actum, Gestum, Contractum, sive Procuratum fuerit in Praemissis, vel aliquo Praemissorum, sub Ypothecâ & Obligatione omnium Bonorum suorum praesentium & futurorum, & Cautiones exposuit.
Acta sunt haec, prout suprascribuntur, sub Anno Domini, Indictione, Pontificatu, Mense, Die, & Loco praedictis, Praesentibus Serenissimo in Christo Principe & Domino nostro, Domino Henrico, Dei gratiâ, Rege Angliae & Franciae, & Domino Hiberniae, supradicto, ac Reverendis in Christo Patribus & Dominis, Domino Henrcio Lincolniensi, Henrico Bathoniensi & Wellensi, eadem gratiâ, Episcopis, ac Nobilibus & Strenuis Dominis, Domino Edmundo Comite Cantiae, Thomâ Beauford, & Hugone Waterton, Militibus, Fratre Roberto Maskall Sacrae Paginae Professore, dicti Domini nostri Regis Angliae & Franciae Confessore, Domino Nicholao Bubbewyth, Archidiacono Dorsetiae in Ecclesiâ Sarum, dicti Domini nostri Regis Angliae Secretario, Johanne Northbury, & Roberto Waterton, Camerae dicti Domini nostri Regis Armigeris, & aliis multis Testibus ad Praemissa vocatis specialiter & rogatis.
In quorum omnium Praemissorum Testimonium atque fidem, Nos Henricus dicti Domini nostri Regis Angliae & Franciae, & Domini Hiberniae Filius Primogenitus, Princeps Walliae, ac Dux Aquitaniae, Lancastriae, & Cornubiae, ac Comes Cestriae, praedicta omnia & singula, per Magistrum Dionisium de Lopham Clericum, Publicum Auctoritate Apostolicâ, & Imperiali Notarium subscribi, publicari, & in hanc publicam formam redigi Mandavimus, ac Sigilli nostri appositione fecimus communiri.
Dat. apud Castrum nostrum de Tutbury, Lincolnien. Dioecese, xxvi die Mensis Maii, Anno Domini supradicto, & Anno Regni dicti Domini & Patris nostri, Domini Regis Angliae & Franciae Tertio.
Et ego Dionisius de Lopham Clericus Norwycensis Dioecesis, Publicus Apostolicâ & Imperiali Auctoritatibus Notarius, praedicti Serenissimi Principis & Domini nostri, Domini Henrici, Dei gratiâ, Regis Angliae & Franciae, & Domini Hiberniae Illustris consensûs & voluntatis expressione & declaratione, ac praefati Excellentissimi Domini, Domini Henrici Principis Walliae, ac Ducis Aquitaniae, Lancastriae, & Cornubiae, & Comitis Cestriae, praedicti Domini nostri Regis Angliae Filii Primogeniti & Haeredis, Procuratorii Constitutioni, Dacioni Promissionum, & Cautionum expositioni, caeterisque Praemissis omnibus & singulis, dùm sic, ut praemittitur, prout superiùs recitantur &
Unà cum Testibus praenominatis, sub Anno Domini, Indictione, Pontificatu, Mense, Die, & Loco praedictis, in principio praesentis Procuratorii sive Instrumenti superius descriptis, praesens personaliter interfui, eaque sic fieri vidi, & audivi, ac, aliis Negotiis arduis aliunde praepeditus, per alium seribi feci, manuque meâ propriâ me hic subscripsi, & Praemissa de Mandato dicti Domini Principis Walliae, ac Ducis & Comitis antedicti, in hanc publicam formam redegi, & Signum meum hîc apposui consuetum, rogatus & requisitus, in fidem & testimonium omnium Praemissorum.
Constat de interlineatione Dictionis supra penultimam lineam a Capite praesentis Instrumenti computando, non vitio set errore scriptae, quod approbo ego Dionisius Notarius praedictus.
D. Lopham.
Constat etiam michi Dionisio Notario praedicto de verbis (ac omnia & supra & infrascripta expressè tunc auctorisantis & approbantis) in Decimâ tertiâ: ac etiam (Sponsalia per verba de futuro mutuum ipsorum consensum hinc inde de futuro exprimentia) in Decimâ octavâ Lineis, a Capite praesentis Instrumenti computando, non vitio, set errore omissis, & in fine praesentis Instrumenti, ad talia Signa successivè scriptis, quae approbo ego Dionisius Notarius praedictus, scripturae corrigendo defectum.
D. Lopham.
Sub Sigillo praedicti Henrici Principis Walliae de cerâ rubrâ pendente a cauda Pergamenae
.
May 14. The K.'s daughter Philippa empowers the above-named commissioners to conclude a marriage with Eric K. of Denmark. Berkhamstead.
O. viii. 259. H. iv. p. i. 28.
Procuratorium Dominae Philippae Filiae Domini Regis Henrici, pro Matrimonio cum Erico, Rege Daciae.
An. 3. H. 4. Ex Autogr.
In Dei Nomine Amen.
Per praesens Publicum Instrumentum cuntis appareat evidenter, quòd Anno ab Incarnatione Domini Millesimo, Quadringentesimo Secundo, Indictione decimâ, Pontificatûs Sanctissimi in Christo Patris & Domini nostri, Domini Bonifacii, Divinâ Providentiâ, Papae Noni Anno Tertiodecimo, & Mensis Maii dei Quartadecimâ, coram Serenissimo in Christo Principe & Domino nostro, Domino Henrico, Dei gratiâ, Rege Angliae & Franciae, & Domino Hiberniae Illustri, ac aliis nonnullis Nobilibus & Potentibus Dominis, & aliis Viris fidedignis & discretis infranominatis,
Constituta personaliter, Nobilis & Egregia Domina, Domina Philippa praefati Serenissimi Principis Domini Henrici Regis praedicti Filia naturalis & legitima, volens, ut dixit, ac michi Notario & Testibus infrascriptis manifestè apparuit, Excellentissimo in Christo Principi & Domino, Domino Erico, Dei gratiâ, Regi Daciae, Swetiae, & Norwegiae, ac Duci Pomeraniae, matrimonialiter copulari, de Consensu & Voluntate expressis praefati Serenissimi Principis & Domini, Domini Henrici, Dei gratiâ, Regis Angliae & Franciae, & Domini Hiberniae Illustris, Patris sui, ibidem personaliter existentis, adhibitis ad contrahendum Matrimonium legiti- mum pro eadem Dominâ Philippâ, ac vice & nomine suis, cum praefato Excellentissimo Principe & Domino, Domino Erico Rege Daciae, Swetiae, & Norwegiae, & Duce Pomeraniae supradicto,
Certos Procuratores infrascriptos, omni meliori modo, causâ, viâ, & formâ quibua potuit facere & constituere de consensu expresso dicti Serenissimi Principis & Domini, Domini Henrici Regis Angliae & Franciae, & Domini Hiberniae, Patris sui praedicti, ut tunc apparuit manifestè, dilectos sibi in Christo Nobilem Virum Dominum, Willielmum Bourgcher Militem Camerae Nobilissimi & Excellentissimi Principis & Domini, Domini Henrici, Dei gratiâ, Principis Walliae, ac Ducis Aquitaniae, Lancastriae, & Cornubiae, & Comitis Cestriae, dictae Dominae Philippae Fratris naturalis & legitimi, Magistrum Ricardum Derham in Sacrâ Theologiâ Licentiatum, Aulae Scolarium dicti Domini nostri Regis Angliae in Universitate suâ Cantabrigiae Magistrum & Custodem, ac dicti Domini nostri Regis Angliae Capellanum & Johannem Peraunt Armigerum, ac dicti Domini nostri Regis Angliae Servientem ad Arma, Virum Litteratum, conjunctim & divisim, & quemlibet illorum in solidum, ita quòd non sit melior conditio Occupantis, de consensu & assensu expressis dicti Domini nostri Regis Angliae & Franciae, & Domini Hiberniae, Patris sui expressè tunc adhibitis in hac parte, * Suos Ordinavit, fecit, & constituit, Ordinat, facit, & constituit Procuratores & Nuncios speciales,
Deditque & concessit, dat & concedit praefata Nobilissima & Egregia Domina, Domina Philippa, de consensu Patris sui praedicti, praedictis Procuratoribus suis, & cuilibet illorum divisim & in solidum, plenam & liberam Potestatem, & Mandatum speciale, pro ipsa Domina Philippa Constituente, & ejus nomine Matrimonium cum praefato Excellentissimo Principe & Domino, Domino Erico, Dei gratiâ, Rege Daciae, Swetiae, & Norwegiae, ac Duce Pomeraniae, per verba de praesenti, mutuum Consensum ipsorum Domini Regis Erici Regis Daciae, & Dominae Philippae hinc inde de praesenti exprimentia, ¶ melioribus modis, verbis, & formis, quibus fieri poterit, in hoc Casu contrahendum, ac ipsum Excellentissimum Principem & Dominum, Dominum Ericum Regem Daciae, Swetiae, & Norwegiae, ac Ducem Pomeraniae, in Dominum & Maritum ipsius Dominae Philippae Constituentis capiendum, & in ipsum ut verum Dominum & Maritum suum consentiendum, & eundem in Maritum suum legitimum capiendum & affidandum,
Caeteraque omnia & singula Faciendum, Exercendum, & Expediendum, quae in Praemissis vel aliquo Praemissorum, aut circa ea necessaria fuerint vel quomodolibet oportuna, etiam si Mandatum in aliquo Praemissorum de sui naturâ magis de se exegerint speciale,
Promisit insuper praefata Domina Philippa Constituens, de Consensu & Voluntate expressis dicti Serenissimi Principis & Domini nostri, Domini Henrici Regis Angliae & Franciae Illustris, Patris sui ibidem personaliter existentis, michi Dionisio Notario Publico infrascripto, stipulanti & recipienti, vice & nomine omnium & singulorum, quorum interest, intererit, vel interesse poterit in futurum, se ipsam Dominam Philippam Ratum, Firmum, & Stabile in perpetuum habituram Totum & quicquid, per dictos Procuratores suos, aut eorum aliquem, Actum, Gestum, Contractum sive Procuratum fuerit in Praemissis, vel aliquo Praemissorum, sub Ypothecâ & Obligatione omnium Bonorum suorum, praesentium & futurorum, & Cautiones exposuit,
Praesentibus tunc ibidem praefato Serenissimo Principe & Domino nostro Domino Henrico Rege Angliae & Franciae Illustri, & Excellentissimo Principe & Domino, Domino Henrico Principe Walliae, ac Duce Aquitaniae, Lancastriae, & Cornubiae, ac Comite Cestriae, Johanne & Vnfredo dictae Dominae Philippae Constituentis Fratribus naturalibus & legitimis, ac Reverendo in Christo Patre & Domino, Domino Henrico, Dei gratiâ, Lincolniensi Episcopo, dicti Domini nostri Regis Angliae Fratre, Dominis, Thomâ Comite Arundeliae & Surriae, Edmundo Comite Cantiae, & Thomâ Domino de Moubray, Dominis, Thomâ & Thomâ Erpyngham, dicti Domini nostri Regis Camerario, & Roberto Corbet, Camerae dicti Domini nostri Regis Angliae Militibus, & Venerabili & Discreto Viro, Domino Nicholao Bubbewyth, Archidiacono Dorsetiae in Ecclesia Sarum, dicti Domini nostri Regis Secretario, & Roberto Waterton dicti Domini nostri Regis Camerae Armigero, & aliis multis.
In quorum omnium praemissorum testimonium Nos Philippa Filia dicti Dom. nostri, Dom. Hen. Regis Angl. & Franc. & Domini Hiberniae Illustris, praemissa omnia & singula, per Magistrum Dio- nisium de Lopham Clericum, Publicum Apostolicâ & Imperiali Auctoritatibus Notarium subscriptum, subscribt & publicari Mandavimus; & nichilominus, pro majori Securitate & firmitate omnium Praemissorum, Nos Philippa, Constituens antedicta, Sigillum dicti Reverendi in Christo Patris Domini Henrici, Dei gratiâ, Lincolniensis Episcopi praedicti, Procuratorio nostro apponi procuravimus.
Et nos Henricus, permissione Divinâ, Lincolniensis Episcopus supradictus, ad personalem & specialem rogatum dictae Nobilis & Egregiae Dominae, Dominae Philippae Constituentis, Sigillum nostrum fecimus hiis apponi.
Data & Acta sunt haec in Castro dicti Domini Henrici Principis Walliae, ac Ducis Aquitaniae, Lancastriae, & Cornubiae, ac Comitis Cestriae, de Berkhamstede Lincolniensi Dioecese, Anno Domini, Indictione, Pontificatu, Mense, & Die praedictis, praesentibus Testibus supranominatis ad praemissa vocatis specialiter & rogatis.
* Ac omnia supra & infrascripta expressè tunc approbantis & auctorizantis.
¶ Seu Sponsalia per verba de futuro mutuum ipsorum Domini Erici Regis Daciae, & Dominae Philippae consensum hinc inde exprimentia.
Et ego Dionisius de Lopham Clericus, &c.
Sigillo avulso
.
June 5. The K. orders the several sheriffs to arrest those persons who spread the report that Richard II. is still living in Scotland. Westm.
O. viii. 261. H. iv. p. i. 29.
Super Fabricatoribus Mendaciorum, de Proclamatione.
An. 3. H. 4. Claus. 3. H. 4. p. 2. m. 13. d.
Rex Vicecomiti Kantiae, Salutem.
Fidedignorum insinuatione ad nostrum pervenit auditum quòd propter immensa Gravamina, quae, circa tempus Guerrae inter Regnum nostrum & Adver sarium nostrum Scotiae noviter suscitatae, idem Adversarius noster & Subditi sui, per frequentem Ligeorum nostrorum Invasionem, hactenus sunt perpessi, & imposterum se pati debere formidant, iidem Inimici nostri Nos & Regnum nostrum ex totis eorum Conatibus callidè destruere satagentes, inter caetera, Mendacia, quae hiis diebus plus solito invalescunt, infra dictum Regnum nostrum indies publicari faciunt & Simplicium auribus intimari, quòd Dominus Ricardus nuper Rex Angliae ultimus Praedecessor noster adhuc vivit in Scotia, quódque in Manu forti, ac Vexillo protenso, veniet unà cum Scotis in dictum Regnum nostrum, Ipsum, & Nos, ac Ligeos nostros protinus Invasurus, cùm in rei veritate praefatus Ricardus sit Mortuus & Sepultus,
Nos igitur attendentes hujusmodi Mendacium esse subtiliter adiventum, quódque (sicut asseritur) Inimici nostri praedicti, ad decipiendum Populum nostrum, quandam aliam Personam, quasi similem dicto nuper Regi Ricardo, producerent, in Regnum nostrum Vexillo suo Personam illam sic fictam publicè praecedente, ad finem ut illi de Populo nostro, qui Rumores audire desiderant, & Mendaciis assuescunt, caeteros de Populo nostro ad Divisionem & Scissurae dispendium valeant commovere, unde Regni nostri Destructio verisimiliter evenire poterit, nisi tantae Malitiae celeriùs obvietur,
Cupientes quoque Pacem & Tranquilitatem ubique per Regnum nostrum confovere, Populumque nostrum ab cujuscumque Commotionis & Dissensionis turbine, praeservari,
Tibi Praecipimus, firmiter injungentes, quòd, in locis infra Ballivam tuam ubi magis videris expedire, sine dilatione quacumque publicè facias Proclamari, nè quis hujusmodi Rumoribus aut Mendaciis fidem adhibeat, set attentè eaveat nè seducatur ex eis, & si quos Rumorum aut Mendaciorum hujusmodi Fabricatores inveneris, ipsos protinus Arestari, & Prisonae nostrae Committi, & in ea salvò custodiri facias, donec pro eorum Punitione aliud duxerimus ordinandum;
Et hoc, sicut Nos & Honorem nostrum, ac Pacem & Tranquillitatem dicti Populi nostri diligis, nullatenus omittas.
Teste Rege apud Westmonasterium, Quinto Die Junii.
Per Concilium.
Consimilia Brevia diriguntur singulis Vicecomitibus per Angliam
.
June 18. The K. notifies that he does not intend by the order above mentioned that his faithful subjects shall be molested. Westm.
O. viii. 262. H. iv. p. i. 29.
Super Mendaciis saepefatis.
An. 3. H. 4. Ibid. m. 10. d.
Rex Vicecomitibus Londoniae, Salutem.
Licet nuper, publicatis & inaniter praedicatis nonullis fabricatis Mendaciis, tàm in Civitate nostra Londoniae quàm alibi infra Regnum nostrum Angliae, per Viros Religiosos diversos, & alios, Insurrectionem & Commotionem Populi ejusdem Regni nostri felonicè, ymmò veriùs proditoriè, contra eorum Ligeantiam nequiter Conspirantes, & ad effectum pro eorum viribus dampnabiliter deducere Cupientes, Quidam eorum, propriis & publicis sui Reatûs Confessionibus, praecedentibus, suisque Demeritis exigentibus in hac parte, Convicti & Morti adjudicati extiterint, Judiciaque, in hac parte reddita debitè fuerint executa,
Considerantes tamen quòd, quamplures Ligei nostri Civitatis & Regni nostrorum praedictorum, qui Nobis & eidem Regno nostro ante haec tempora semper fideles fuerunt & adhuc existunt, quique hujusmodi Mendacia forsita audierunt, & de facili innocenter dixerunt, eisque de Facto nullatenus consenserunt, set hujusmodi Proditoribus & eorum inquis Imaginationibus, si ad ipsorum Notitiam deductae fuissent, resistere semper parati fuerunt & adhuc existunt, prout firmiter speramus, Poenas incurrere ex hac causa verisimiliter formidarent, quod nollemus,
Vobis Praecipimus quòd statim, visis Praesentibus, in locis infra Civitatem praedictam, ubi melius expedire videritis,publicè proclamari, & ad Notitiam eorumdem Fidelium Ligeorum nostrorum Civitatis praedictae deduci faciatis, quòd Intentionis nostrae nullatenus extitit nec existit, quòd aliqui hujusmodi Fideles Ligei nostri Civitatis aut Regni nostrorum praedictorum, occasione Auditionum, Promulgationum, Locutionum sive Publicationum Mendaciorum hujusmodi, per praedictos aut alios Proditores quoscumque (ut est dictum) Affirmatorum sive Praedicatorum, de caetero Occasionentur, molestentur, inquietentur in aliquo seu graventur.
Teste Rege apud Westmonasterium, decimo octavo die Junii.
Per ipsum Regem.
Consimilia Brevia diriguntur singulis Vicecomitibus per Angliam, mutatis mutandis, sub eadem Data
.
June 21. Pardon for previous offences to John Bernard of Offeley, who accused William Balshalf of reporting that K. Richard II. was about to invade England, and asking Bernard to aid him, and who defeated Balshalf in a judicial combat at Totehill. Westm.
O. viii. 262. H. iv. p. i. 30.
De Pardonatione.
An. 3. H. 4. Pat. 3. H. 4. p. 2. m. 15.
Rex Omnibus Ballivis & Fidelibus suis ad quos &c. Salutem.
Sciatis quòd,
Cùm, ut accepimus, Johannes Bernard de Offeley, die Veneris proximo post Octabas Sanctae Trinitatis proximò praeterito, coram Thoma Couele Coronatore de Banco nostro Regio, Recognoverit quòd, circa Festum Ascensionis Domini ultimò praeteritum, quidam Willielmus Balshalf de Comitatu Lancastriae venit ad praedictum Johannem Bernard apud Offeley in Comitatu Hertfordiae, ubi ipse extitit ad Carucam in eadem Villa, & praedictus Johannes petiit a praefato Willielmo quae nova? & ipse dixit quòd Rex Ricardus, qui fuit, est in plena vita in Scotia, & quòd dictus Rex vellet venire in Angliam, circa Festum Nativitatis Sancti Johannis Baptistae proximò sequens, si non venerit antea, & ulterius narravit quòd Serle, qui fuit cum praedicto Rege Ricardo, ordinaverat pro Arraiatione sua ad Ingressum suum in Angliam, & quòd Nos indè habuimus bonam Notitiam.
Occasione cujus Adventûs, & prae metu ejusdem, Cepimus & Collegimus de Ligeis nostris multum Thesaurum, ad Intentionem evacuandi Regnum, & eundi in Britanniam, ad ibidem morandi, & Ducissam Britanniae in Uxorem ducendi, & super hoc Johannes Bernard petiit de praedicto Willielmo quod fuit melius ad faciendum in hac parte? qui sibi respondit, vade & accipe certos Homines & vadas versus praedictum Regem Ricardum: & super hoc praedictus Johannes Bernard accessit ad Johannem White de Offeley, & Willielmum Thresshere de Offeley, & eis narravit totam Materiam supradictam, & dixit quòd ipse voluit obviare praedicto Regi Ricardo ad ipsum fortificandum, & quòd ipse voluit expectare Adventum suum apud Athereston juxta Abbatiam de Merivale, & quaesivit ab eis si ipsi vellent ire cum eo ipsum fortificare, & ipsi ad hoc citò consenserunt; & hoc praedictus Johannes paratus fuit probare per Corpus suum super Corpore praedicti Willielmi Balshalf, si ipse hoc dedicere vellet,
Quam quidem Recognitionem praedictus Coronator ibidem in Curia recordatus fuit, & eam coram nobis ibidem in Curia liberavit,
Super quo venerunt praedicti Johannes Bernard & Willielmus Balshalf, per Marescallum ibidem in Curia ducti, & quaesitum fuit de praedicto Johanne Bernard, si ipse Appellum suum praedictum versus dictum Willielmum Balshalf, vellet manutenere necne? qui dixit quòd sic: & super hoc praedictus Willielmus Balshalf allocutus fuit, qualiter de Rebus sibi superpositis se vellet Acquietare? qui dixit quòd ipse in nullo inde fuit culpabilis, & hoc ipse paratus fuit defendere per Corpus suum, versus praedictum Johannem Bernard, sicut fidelis Homo versus Proditorem & Inimicum nostrum probare debuit, & ei indè Vadiavit Duellum: & praedictus Johannes Bernard dixit, quòd praedictus Willielmus Balshalf fuit culpabilis de Rebus, sibi per eundem Johannem super positis, prout ipse superiùs ipsum Appellavit, hoc paratus fuit probare per Corpus suum super Corpore praedicti Willielmi Balshalf, prout Probator contra Proditorem per Legem Terrae probare debuit, & cepit de eo Duellum,
Super quo dies datus fuit eis apud Totehill, die Lunae proximò post Diem Veneris supradictum, ad Duellum praedictum ibidem faciendum,
Ad quos quidem Diem & Locum venerunt praedicti Johannes Bernard & Willielmus Balshalf Arraiati prout moris est, in Custodia Marescalli, & Duello indè inter eos tunc ibidem percusso, praedictus Probator vicit ibidem praedictum Willielmum Balshalf,
Nos (de Gratia nostra speciali) Pardonavimus praedicto Johanni Bernard de Offeley Sectam Pacis nostre, quae ad Nos versus ipsum pertinet, pro omnimodis Proditionbus, Insurrectionibus, Feloniis, Transgressionibus, & Mesprisionibus per ipsum sic ante haec tempora, modo quo praedictum est, Recognitis, factis, & perpetratis,
Pardonavimus etiam eidem Johanni omnia Cognitiones & Concelamenta, per ipsum de Praemissis aut aliquo eorumdem sic facta,
Ac etiam Cognitionem & Concelamentum Proditionis per ipsum facta penes praedictos Johannem White de Offeley, & Willielmum Thresgere de Offeley,
Et omnia Appella & Appellamenta per ipsum contra praedictos Johannem White & Willielmum Thresshere modo supradicto, facta unde sic Indictatus, Rectatus, vel Appellatus existit,
Ac etiam Utlagarias, si quae in ipsum hiis occasionibus fuerunt promulgatae,
Et firmam Pacem nostram ei indè Concedimus,
Ita quòd stet Recto in Curia nostra, si aliquis versus eum loqui voluerit de Praemissis seu aliquo Praemissorum,
Et insuper, de habundanti Gratia nostra, Pardonavimus praefato Johanni Bernard, Executionem Judicii si quod versus eum, occasione Praemissorum vel alicujus eorumdem, redditum sit aut reddendum.
In cujus &c.
Teste Rege apud Westomonasterium, vicesimo primo die Juni.
Per Breve de Privato Sigillo.
June 21. The K. orders proclamations to be issued that persons desirous of redress for infraction of the truce by the French must appear before the commissioners on July 14. Westm.
O. viii. 263. H. iv. p. i. 30.
De Attemptatis contra Treugas Franciae, emendandis.
An. 3. H. 4. Claus. 3. H. 4. p. 2. m. 13. d.
Rex Vicecomitibus Londoniae, Salutem.
Cùm in ultimo Tractatu, inter nostros Commissarios ex una, & Commissarios Consanguinei nostri Franciae parte ex altera, apud Lullyngham habita, fuerit & sit concorditer Appunctuatum inter eosdem,
Quòd omnes & singuli utriusque Regni nostri, tàm Angliae, quàm Franciae, seu Alligati eisdem (qui pro tunc suas Querelas, de & super Attemptatis in partibus Picardiae & Normanniae, tàm per Terram, quàm per Mare, Partium praedictarum, contra Tenorem Treugarum inter, celebris memoriae, Dominum Ricardum, nuper Regem Angliae & Franciae, & praefatum Consanguineum nostrum simul initarum, minimè coram praefatis Commissariis deposuerunt) quòd suas Querelas, si suâ putaverint interesse Locum tenentibus Vil- larum Calesii & Boloniae, citra primum diem Mensis Martii ultimò praeteritum, deponerent, seu aliàs intimarent cum commodè possent,
Quocirca Volumus & Mandamus quatinus faciatis publicè Proclamari, quòd omnes & singuli Ligei nostri, ac nobis Alligati, Sentientes se fore Aggravatos in Praemissis, suas per se, aut suos in hac parte Procuratores, deponant Querelas, si voluerint, Quartodecimo die Mensis Julii proximò futuro, de & super Attemptatis hujusmodi contra eosdem factis, coram nostris Commissariis tunc ibidem existentibus, suscepturi, facturi, & audituri quod justum fuerit & consonum rationi.
Teste Rege apud Westmonasterium, vicesimo primo primo die Junii.
Per Concilium.
Consimilia Brevia diriguntur subscriptis, sub eadem Data; videlicet,
Thomae Erpyngham Constabulario Castri Regis Dovorriae & Custodi Quinque Portuum suorum, vel ejus Locumtenenti ibidem.
Vicecomiti Kantiae.
Vic. Surr. & Sussex.
Vicecomiti Suth.
Vicecomiti Somer set & Dors.
Vicecomiti Devon.
Vicecomiti Cornub.
Vicecomiti Bristoll.
Vicecomiti Essex.
Vicecomiti Norff. & Suff.
Vicecomiti Lincoln.
Vicecomiti Eborum.
Vicecomiti Northumbr.
Vicecomiti Westmerl.
Vicecomiti Cumbr
.
June 25. The K. orders the several sheriffs to summon those persons receiving fees or wages from the crown to meet him at Lichfield to resist the rebellion of Owen Glyndourdy. Berkhampstead.
O. viii. 264. H. iv. p. i. 30.
De festinando ad Regem, contra Wallenses.
An. 3. H. 4. Claus. 3. H. 4. p. 2. m. 12. d.
Rex, Vicecomiti Notinghamiae & Derbiae, Salutem.
Praecipimus tibi firmiter injungentes quòd statim, visis Praesentibus, in singulis Civitatibus, Burgis, & Villis Mercatoriis, ac aliis Locis in Balliva tua ubi magis expediens fuerit & necesse, publicè ex parte nostra proclamari facias, quòd omnes & singuli Milites, Armigeri, & Valetti de Comitatibus praedictis, qui aliqua Feoda, Vadia, sive Annuitates ex Concessione Domini Edwardi nuper Regis Angliae Avi nostri, vel Domini Edwardi nuper Principis Walliae Avunculi nostri, seu carissimi Domini & Patris nostri, Johannis nuper Ducis Lancastriae; aut Domini Ricardi nuper Regis Angliae Secundi post Conquestum, per Nos confirmata, seu ex Concessione nostra habent & percipiunt, & in Corpore ad laborandum Potentes existunt, super Fide & Ligeantia suis, ac sub Poena Amissionis Feodorum Vadiorum & Annuitatum suorum praedictorum, meliori & securiori modo quo sciverint, se Parent, Arraient, & Armis Muniant, Videlicet, quilibet eorum juxta Status sui exigentiam, ipsique sic Parati, Arraiati, & Armis Muniti, penes Praesentiam nostram apud Lichefeld, cum omni festinatione possibili se trahant, properent, & festinent,
Ita quòd sint ibidem septimo die Julii proximò futuro ad ultimum, ad Proficiscendum Nobiscum versus partes Walliae, ad Proterviam & Malitiam Owini Glyndourdy, ac aliorum Rebellium nostrorum de partibus illis, qui contra Nos & Magestatem nostram Regiam proditoriè Insurrexerunt (Deo dante) Reprimendum & viriliùs Resistendum,
Et hoc, super Fide & Legeantia tuis, ac sicut Nos & Honorem nostrum, Defensionemque Regni nostri Angliae diligis, nullatenus omittas.
Teste Rege apud Castrum de Berkehamstede, vicesimo quinto die Junii.
Per ipsum Regem & Concilium.
Consimilia Brevia diriguntur Vicecomitibus subscriptis, sub eadem Data; videlicet,
Vicecomiti Warr. & Leic.
Vicecomiti North.
Vicecomiti Oxon. & Berk.
Vic. Cantebr. & Hunt.
Vicecomiti Bed. & Buk.
Vicecomiti Hertford.
Vicecomitibus London.
Vicecomitibus Civitatis Eborum.
Vicecom. Villae Castri super Tynam.
Vicecom. Bristoll.
Vicecomiti Wygorn.
Cancellario Com. Palatini Lancastriae
.
Vicecomiti Rotel.
Vicecomiti Hereford.
Vicecomiti Salop.
Vicecomiti Gloucestr.
Vicecomiti Wilts.
Vicecomiti Staff.
Vicecomiti Midd
.
Rex Vicecomiti Notinghamiae & Derbiae, Salutem.
Praecipimus tibi quòd statim, &c. ut supra usque ibi, Milites, & tunc sic, & Armigeri de Comitatu tuo super Fide & Ligeantia suis, ac sub Forisfactura omnium quae nobis forisfacere poterunt, meliori & securiori modo, &c. ut supra usque ibi, Resistendum, & tunc sic,
Et hoc sub Poena antedicta, & sicut Defensionem & Salvationem Regni nostri Angliae diligis, nullatenus omittas.
Teste ut supra.
Consimilia Brevia diriguntur Vicecomitibus subscriptis, sub eadem Data; videlicet,
Vicecomiti Warr. & Leicestr.
Vicecomiti North.
Vicecomiti Oxon. & Berk.
Vicecomiti Cantebr. & Hunt.
Vicecomiti Bedf. & Buk.
Vic. Hertford
.
Rex Vicecomiti Cornubiae, Salutem.
Praecipimus tibi, &c. ut supra usque ibi, omnes & singuli, & tunc sic, Ligei nostri Comitatûs tui (Personis illis quae penes Praesentiam nostram de Mandato nostro speciali in proximo se trahent dumtaxat exceptis) super Fide & Ligeantia suis, ac sub Forisfactura omnium quae nobis forisfacere poterunt, &c. ut supra usque ibi, & muniti, & tunc sic, permaneant in Defensione Costerarum Regni nostri Angliae, ad Malitiam & Proterviam Inimicorum nostrorum, si qui dictum Regnum nostrum invadere praesumpserint, tàm per Terram quàm per Mare, cum Deo adjutorio Reprimendum & viriliter Resistendum, &c. ut supra.
Teste ut supra.
Per ipsum Regem & Concilium.
Consimilia Brevia diriguntur Vicecomitibus subscriptis, sub eadem Data; videlicet,
Vicecomiti Devon.
Vicecomiti Somers. & Dors.
Vicecomiti Sutht.
Vicecomiti Surr. & Sussex.
Vicecomiti Kanc.
Vicecomiti Essex.
Vicecomiti Norff
.
June 28. Power for Richard bp. of Bangor, sir William Bourghcher, and two others, to treat with Eric and Isabella, K. and Q. of Denmark, concerning the marriages of prince Henry and the princess Philippa above mentioned. Westm.
O. viii. 265. H. iv. p. i. 31.
De tractando, super Matrimoniis, cum Erico Rege Daciae, & Sorore ejus Katerina.
An. 3. H. 4. Scot. 3. H. 4. m. 1.
Rex Omnibus, ad quos &c. Salutem.
Plasmator hominum ipse Deus, Matrimonii piâ consideratione prospiciens, Primo Dominantium Legem dedit, qua & ejus frueretur Bonis, & spem continuaret in Posteris, adjutorii sibi dati liberâ gaudens Conjunctione, sub sincera dilectionis ac Animae & Corporis unitate; ex cujus legalis Conjunctionis Foedere, plerumque provenit Deo grata Sobolis procreatio, linealis Successio, Consanguineorum hincinde laudabilis Alligantia, Amoris soliditas in Dilectis, & Discordantibus via Pacis:
Nos igitur,
Attendentes quòd Serenissimus Princeps, Carissimus Consanguineus noster, Ericus Dei gratia, Rex Daciae, Sweciae, & Norwegiae, & Dux Pomeraniae, prout nobis ex parte sua jampridem extitit intimatum, cum Carissima Filia nostra Philippa Secundogenita, licet nondum annos Pubertatis attingat, Conjugali vinculo sociari desiderat; necnon ut inter Regna praedicta, & Regnum nostrum Angliae, hujusmodi affinitatis intuitu, major & firmior Amoris integritas imposterum valeat conservari, per quosdam Nuncios hactenus destinatos hincinde super Praemissis, certi sunt modi Tractatûs affectuosissimè praelocuti,
Et nedum super hiis, verumetiam super Matrimonio, inter Primogenitum nostrum Carissimum Henricum Principem Walliae Ducem Aquitaniae, Lancastriae & Cornubiae & Comitem Cestriae, & Praeclarissimam Dominam Consanguineam nostram Carissimam, Dominam Katerinam Sororem legitimam Domini Erici Regis praedicti (divinâ mediante gratiâ) contrahendo, Sperantes quoque in illo, per quem omnia Bona succedunt, per hujusmodi tàm placabilia támque accepta Negotia, si fine prospero concludantur, Salutem & Prosperitatem Regnis eisdem, Bonúmque permaximum toti Christianitati debere futuris temporibus provenire, & ob hoc, quantum in Nobis est, affectuosas in hiis operum efficacias impendere cupientes,
De Fidelitate, legalitate, & prudentia, & circumspectione, Venerabilis Patris Richardi Bangorensis Episcopi, dilecti & fidelis Militis nostri Willielmi Bourghcher, ac dilecti Capellani nostri Richardi Dereham in Sacra Theologia Licenciati, & Johannis Peraunt Servientis nostri ad Arma, plene confisi,
Ad Tractandum, Loco, Vice, & Nomine nostris, pro Nobis & praedictis Henrico & Philippa Liberis nostris praedictis, cum Serenissima Domina nostraque Consanguinea dilectissima Isabella Daciae, Sweciae, Norwegiaeque Regina, necnon & praefatis Erico Rege, & Katerina Sorore sua, seu eorum aut alterius eorum in hac parte plenam Potestatem Habentibus, ipsorum Nomine & cujuslibet eorumdem, de & super Sponsalibus seu Matrimoniis & Copulis Conjugalibus, inter praedictos Ericum Regem & Philippam Secundogenitam nostram, & dictos Henricum Filium nostrum & Katerinam Sororem ipsius Regis Erici, & ad Contrahendum & Perficiendem hujusmodi Sponsalia & Matrimonia, praedicto Procuratorio nomine, etiam de expresso Consensu dictorum Liberorum nostrorum coram Nobis tunc praesentium,
Necnon ad Concordandum & Concludendum cum Regina, Erico Rege, & Katerina praefatis, seu eorum Commissariis, Procuratoribus aut Deputatis, sufficiens Mandatum & Potestatem ad hoc ut praefertur habentibus, de & super Summa Dotis, Dotalitiorum, ac Donationis propter Nuptias,
Necnon de Arris & Sponsalitiis largitatibus, & caeteris in hac parte constituendis, eorumque Qualitate & Quantitate,
Ac etiam de Terminis, Modis, & Locis Solutionum & Satisfactionum de eisdem,
Quorumque Expensis, & sub qua forma debebunt singulae Personarum illarum hincinde transmitti,
Tractata etiam & Concordata super omnibus & singulis Praemissis, quatenus Nos & dictos Liberos nostros tangit, omni Securitate legitimâ & honestâ nostro & eorum Nominibus, etiam fidei Sacramento, firmandum & Vallandum, consimilemque Securitatem ex altera parte Petendum, Stipulandum, & Recipiendum,
Jurandumque in Animam nostram quòd Contractus hujusmodi Ratos habebimus, nec Potestatem praesentem dictis Procuratoribus nostris Revocabimus, vel aliquid faciemus aut fieri procurabimus, per quod Contractus hujusmodi seu eorum debita Consummatio, in casu quo sic, ut praemittitur, concludi contigerit, quomodolibet poterint impediri,
Ac etiam ad Petendum Securitatem debitam & sufficientem a Parentibus & Amicis dictorum Erici & Katerinae, quòd nec ipsi nec aliquis eorumdem a Contractibus hujusmodi discedent aut variabunt, ac similem Securitatem ex parte nostra & quatinus ad Nos attinet Faciendum & Praestandum,
Ac praeterea ad Tractandum, Paciscendum, & Concordandum super quibuscumque Amicitiis, Alligantiis, Ligis, ac mutuis auxiliis, inter praefatum Regem Ericum ac Successores suos, ac Regna sua praedicta, pro Se, Terris, Dominiis, & Subditis eorumdem ex parte una, & Nos & Successores nostros, & Regnum nostrum praedictum, pro Nobis, Terris, Dominiis & Subditis nostris ex altera parte, mutuò ineundis & praestandis, ac de Modo, Forma, Quantitate & Qualitate hujusmodi Auxilii, Subventionis, aut Subsidii, hincinde tempore necessitatis mutuò ministrandorum,
Et Communicationibus inter Subditos hinc & inde, tàm in Mercimoniis quàm aliis Licitis, securè fraternaliter faciendis,
Ac omnia alia & singula Faciendum & Excercendum quae in Praemissis & circa ea necessaria fuerint seu quomodolibet oportuna, & quae Nos, aut praefati Henricus & Philippa Liberi nostri, facere possemus, seu aliquis nostrûm facere posset, si in Praemissis personaliter interessemus aut interesset, etiam si Mandatum magis exigant speciale,
Praedictos Episcopum, Willielmum, Richardum, & Johannem, ipsos, videlicet, Quatuor, Tres & Duos eorum, nostros veros, legitimos, & indubitatos Procuratores, Actores, Factores, Negotiorum gestores, Commissarios, Deputatos, & Nuncios speciales Facimus, Ordinamus, & Constituimus per Praesentes,
Promittentes in Verbo regio Nos Ratum, Gratum, & firmum perpetuò habituros quicquid, per dictos Procuratores, Commissarios, & Deputatos nostros, aut Tres, aut Duos eorum, Actum, Gestum, Conventum, Concordatum, Promissum, Firmatum & Procuratum fuerit in Praemissis & quolibet Praemissorum, ac contra ea seu earum aliqua non venire, nec in eis variare, sub Ypotheca & Obligatione omnium Bonorum nostrorum praesentium & suturorum.
In quorum omnium & singulorum Testimonium atque fidem, has Literas nostras Patentes fieri fecimus, & Sigilli nostri Magni Appensione muniri.
Dat. in Palatio nostro Westm. xxviij die Mensis Junii, Anno Domini Millesimo Quadringentesimo, [Secundo,] Et Regni Regis Tertio.
Per ipsum Regem & Concilium.

Footnotes

1 Ad finem in Instrumento cum tali Signo, * ac omnia supra & infrascripta expressè tunc Auctorizantis & approbantis.
2 Ad finem fimiliter cum tali Signo, ¶ ac etiam Sponsalia per verba de futuro mutuum eorum consensum hinc in de exprimentia.