Feb. 18. Confirmation of the prorogation of the truce with France for Picardy and the sea until Jan 1, 1411 (141 ½), dated Lenlingham, Dec. 23; also of the truce for Guyenne, &c. Westm.
O. viii. 668. H. iv. p. i. 184. |
De Confirmatione Treugarum, in Terra particularium, & in Mari Generalium, cum Commissariis Franciae.
An. 12. H. 4. Franc. 12. H. 4. m. 24.
Le Roy &c. a tous ceulx, qui cestes Lettres verront ou orront, Salutz.
Savoir faisons Nous avoir veues certaines Lettres, Seelles des Seaulx de, le Reverent Pier en Dieu, Henry Evesque de Seint David, & de, noz amez & foiaulx, Henry Seignur de Beaumont, & Johan Catryk Licencie en Decrees,
Des quelles le Teneure s'ensuit,
Nous Henry, par la Permission Divine, Evesque de Seint David, Henry Seignur de Beaumont, & Johan Catrik Licencie en Decrece,
Commys & Deputeez du Roy nostre Tresredoubte & Sovereign Seignur, par assembler en la Marche de Picardie, ou de Flandres, avec, Reverend Pier en Dieu, Pierre Evesque de Noyon Per de France, &, honures Seigneurs, Jaques de Chastillon, Seigneur de Dampnierre & de Rolancourt, Admirall de France, Guillem Seigneur de Tygnouville, Chivalers, & Maistre Gouter Col, Commys & Deputeez pour l'Adver saire de France, ou avec aultres Parsonnes a ceo comys, & aians Povoir sufficeant du dit Adversair, pour aucunes Graundes Bousoignes & Affairs, touchantz & regardantz grandement le Bien & Utilite deux Roiaumes d'Engleterre & de France, & le Bien Publique d'iceulx,
Sicome par les Lettres de Commission, d'ycelluy Seigneur, a Nous sourcey baillez, POET APPAROIR,
Des quelles le Teneure s'ensuit,
Henricus, Dei gratiâ, Rex Angliae & Franciae, & Dominus Hiberniae, omnibus ad quos praesentes Literae pervenerint, Salutem in Domino Sempiternam.
Noverit Universitas vestra quòd,
Ad Honorem Dei, & Sanguinis Christiani effusionem, malaque ac dampna irreparabilia evitanda, quae, stante Guerrâ inter Nos & Adversarium nostrum de Francia, verisimiliter & sine dubio poterunt evenire, prout jam veraciter evenerunt, sicut transacti temporis cursus edocet manifestè,
Inclinamur & assentimus ad Tractandum cum dicto Adversario nostro de Francia,
Et, ob hanc Causam, mittimus, de praesenti, versus partes Picardiae, Reverendum in Christo Patrem, Henricum, Dei gratiâ, Episcopum Menevensem, necnon Dilectos & Fideles nostros, Henricum Dominum de Beaumont, Johannem Cheyne Militem, & Magistrum Johannem Catryk in Decretis Licentiatum,
De quorum fidelitate, discretione, & Industriâ, pleniùs confidentes,
Ipsis Quatuor, Tribus, vel Duobus eorumdem, Dedimus, Concessimus, & Commisimus, ac Damus, Concedimus, & Committimus per praesentes, sufficientem Auctoritatem, plenamque ac liberam Potestatem, & Mandatum generale ac speciale, pro Nobis & nomine nostro, necnon pro Subditis, Colligatis, & Confoederatis, Regnis, Terris, & Dominiis nostris citra & ultra Mare, quibuscumque Locis & Temporibus oportunis, cum dicto Adversario nostro de Francia,
De & super omnibus & singulis Contentionibus, Quaestionibus, Litibus, Querelis, Guerris, Debatis, Demandis, & Discordiis quibuscumque, cum omnibus suis Circumstantiis, Incidentibus, Emergentibus, Dependentibus, & Connexis,
Inter Nos, Subditos, Colligatos, & Confoederatos nostros, Regna, & Do-
minia nostra citra & ultra Mare, ex una parte, & dictum Adversarium nostrum de Francia, Subditos, Colligatos, Consoederatos, & Dominia sua, ex parte altera qualitercumque motis vel habitis,
Necnon de & super quarumcumque Treugarum, in hac parte initarum, Violationibus, ac earum Reformationibus, & contra earum formam Attemptatorum Reparationibus & Emendis, Dandis, Faciendis, & Recipiendis,
Quibuscumque Locis & Temporibus oportunis, cum dicto Adversario nostro, seu ejus sufficienter Deputatis vel Deputandis in hac parte, Conveniendi, Tractandi, Componendi, Paciscendi, Transigendi, ac finaliter Concordandi,
Necnon Treugas, Tolerantias, & Abstinentias generales, & speciales, seu particulares, tàm per Terram, Aquam, & Mare, simul vel separatim, melioribus viis, modo, & forma quibus fieri possit, tamdiu, & tanto tempore duraturas, secundum quod dictis, Episcopo, Henrico, Johanni, & Johanni, Quatuor, Tribus vel Duobus eorumdem placebit in eventum, cum dicto Adversario nostro de Francia sufficienter Deputatis seu Deputandis ab eodem, Ineundi, Ordinandi, Faciendi, Perficiendi, Capiendi, & Concedendi, cum quibuscumque Clausulis, Conditionibus, Modificationibus, & Circumstantiis necessariis, utilibus, vel oportunis,
Ac etiam Commissarios, seu certos Deputatos, Gardianos, Judices, seu Conservatores, tot & tales, ac in locis ubi expedire videbitur, pro stabili, firmâ, & fideli Conservatione Treugarum, Tolerantiarum, & Abstinentiarum hujusmodi, ac pro debita Reformatione & Reparatione omnium & singulorum, quae contra vim, formam, & effectum ipsarum Treugarum, Tolerantiarum, & Abstinentiarum qualitercumque attemptari contigerit in futurum, Dandi, Deputandi, Constituendi, Praeficiendi, & Ordinandi,
Necnon quòd Nos, pro Nobis, Haeredibus, & Succefforibus, ac Subditis, Colligatis, & Confoederatis nostris, Treugas, Tolerantias, Abstinentias, & Ordinationes quascumque & qualefcumque,
Circa Praemissa, per praesentes Commissarios seu Deputatos nostros, Quatuor, Tres, vel Duos eorumdem, cum dicto Adversario nostro, vel suis in hac parte sufficienter Deputatis seu Deputandis,
Faciendas, Ordinandas, Conveniendas, Concedendas, & Habendas,
Cum omnibus suis Clausulis, Modis, Conditionibus, Circumstantiis, & Appenditiis quibuscumque,
Firmè, fideliter, & inviolabiliter observabimus, &, quantum in nobis est, observari faciemus,
Necnon de debitè Reformando totum & si quid in contrarium, per Partem nostram (quod absit) contigerit attemptari, in Animam nostram, sub verbo Regio, ac tactis etiam Sacrosanctis Evangeliis, Jurandi, ac quodlibet aliud genus liciti Sacramenti, Nomine nostro, & pro Nobis, Praestandi,
Necnon quascumque Cautiones solitas & honestas Exponendi,
Dictúmque Adversarium nostrum, Deputatos, vel Deputandos ab eodem consimiliter Jurare Petendi & Audiendi,
Hujusmodique Treugas, Tolerantias, Abstinentias, Ordinationes, & Conventiones quascumque, Personis & Locis quibuscumque, ubicumque, & quandocumque expedire videbitur, Insinuandi, Notificandi, Proclamandi, & Publicandi, Insinuari, Notificari, & Proclamari, Faciendi & Mandandi,
Necnon omnia alia & singula Agendi, Excercendi, & Expediendi, quae in Praemissis vel circa ea necessaria fuerint seu quomodolibet oportuna, etiam si de se Mandatum exigant speciale, & altioris naturae fuerint quàm Capitula expressata, ac quae & qualia nosmet ipsi facere possemus si personaliter interessemus,
Promittimus etiam, bonâ fide, & verbo regio, & sub attestatione divini judicii, Nos, pro Nobis, Haeredibus, Successoribus, & Subditis, Colligatis & Confoederatis nostris, quantum in nobis est, Ratum, Gratum, & Firmum, perpetuis temporibus, habituros totum & quicquid per hujusmodi Commissarios, seu Deputatos nostros, Quatuor, Tres, vel Duos eorumdem, unà cum dicto Adversario nostro de Francia, Deputatis seu Deputandis ab eodem, Actum, Factum, Ordinatum, Concordatum, vel Conventum fuerit in Praemissis vel aliquo Praemissorum,
Et exponimus Cautionem,
Eaque omnia & singula, per Literas nostras, & sub Magno Sigillo nostro, Ratificabimus & Confirmabimus, quotienscumque ad hoc fuerimus requisiti.
In cujus rei testimonium has Literas nostras Patentes fieri, & Magni Sigilli nostri munimine fecimus roborari.
Dat. in Palatio Regis Westm. sexto die Augusti, Anno Regni, nostri Undecimo.
Savoir Faisons que, par vertue d'ycelles Lettres dessustranscriptez, & pur vaquer & entendre diligeaulment aux Choses dessusdites, avons este Assemblez, plusours foitz, & a diverses Journees, avec le dit, Reverend Pier en Dieu, Pierre Evesque de Noyon, Jaques de Chastillon, Guillem Seigneur de Tygnouille, & Maistre Gouter Col, Commys & Deputez pour le dit Adversaire de France,
Avec les quelles, & par vertue du Poair A EULX DONNE,
Du quele la Tenure s'ensuit,
Charles, par la grace de Dieu, Roy de France, a toutz ceux, qi ces presentes Lettres verront, Salutz.
Savoir faisons que,
Pour Honour & Reverence de Dieu, & pour escuir l'effusion de Sanc Humein, & les autres Maulx & Dommages innumerables & irreparables, que pur le fait & occasion de Guerres, que le temps passe ont este, en ceste Roiaulme, entre noz Predecessours Roys de France, & Nous, d'une part, & nostre Adversaire d'Engleterre, & ses Predecessours Roys d'Engleterre, d'autre part, a que vraisemblablement sont en disposicion d'avenir de jour en jour, si Provision & Remede covenable ne estoient mys,
Desirans, de tout nostre Cuer, venir a bon Pais & Concorde avec nostre dit Adversaire d'Engleterre, par quoy le Poeple, que Dieu Nous ad baillie & Commys a Governer, puisse, en nostre temps & soubz Nous, viver en Pais & Tranquillite,
Confiantz a plein des Sens, loiaultees, circumspections, prudences, & diligences de, noz ameez & foiaulx, Pierre Evesque de Noyon Per de France, Jaques de Chastillon Seignur de Dampierre, & Admiral de France, Guillem Seignur de Tignouville Chambellein, Chivalers, & Maistre Gouter Col nostre Secretair,
Yceulx ensemble, & les Trois, ou Deux d'eulx, en l'absence des autres, avons ordenez, Commys, & Deputez, Ordennons, Commettons, & Deputons, par la Tenure de ses Presentes, pur & en lieu de Nous, pur assembler avec Henri Evesque de Seint David, Henri Seignur de Beaumont, Johan Cheyne Chivalirs, & Maistre Johan Catrik, Ambaxateurs, Ordenez, Commis, & Deputez par nostre dit Adversair, & avec queconques autres Parsones a ceo Commis, eiantz Povoir sufficeant de nostre dit Adversair, ou de la partie d'Engleterre, en quelconques Villes, Chasteux, Lieus, & Places de Paiis de Picardie, ou de Flandres, que bon lour semblera,
Et lour avons Done & Donons, aussi, par la teneure de ces presentes, & au Trois, ou Deux d'eulx, come dit est, plein Povoir, Auctorite, & Mandement especiale d'accorder & prendre prorogacion des presentes Treues particulers, ou de les prendre & accorder nouvelx, tant es Marches de Picardie & Duchie de Guyenne, & en quelconques autres Paiis de nostre Roiaume, come generalx en la Meer, ou autres queconques maniers de Treues generalx ou particulers, tant en Terre, come en Mer, pur Nous, noz Subgies, Amis, Confederes, & Allies queconques, soit a brief temps ou a long, deca & dela la Mer, ainsi que bon, honourable, & proufitable lour semblera pur le bien de la busoign, & pour pluistost venir a bon Pais entre nous & nostre dit Adversaire,
Et d'Ordeigner, Instituer, & Commettre, par leurs Lettres, pur Nous & en nostre Noun, certeins Gardeins, Conservateurs, & Juges d'yceles Treues, par eux ainsi Prinsez ou Proroguez, generalx ou particulers, en Mer & en Terre, come dit est, tielx & en tiel Nombre come bien lour semblera, pur la Seurte & Parmanance d'ycelles, & pur duement Refourmer, Corriger, Repairer, & Amender tout ceo qui contre le Teneure, force, & vertue de ycelles Treues auroit este fait ou attempte, en Mer ou en Terre, en aucune manier,
Et Promettons, loialment en bone foi, & en Parole du Roi, avoir & tenir, & fair tenir, a touts jours, Ferme & Stable tout quanque fait serra en nostre Noun par noz ditz Ambaxateurs, Comis, & Deputez desuisnomez, ensemble, ou par les trois, ou deux d'eulx, come dit est, sur toutes & chascune des Choses dessusdites,
Et d'en Donner noz Lettres Confirmatoirs, sealez de nostre Graund Seal, sur toutz les Pointz & Articles que ainsi
serront accordez par eulx, & de les Fair Executer diligeaument, de Point en Point, en tant que en Nous est, selon lour forme & tenure,
Et ceo Promettons sur Cancion & Obligacion de toutz noz Biens, sanz jamais Fair, Dire, ne Purposer, par Nous, ne par autres, en Juggement, ou dehors, aucune Chose a contraire.
En Tesmoignance de ceo Nous avons fait mettre nostre Seal a ces Presentes.
Don. a Paris le xij jour de Septembre, l'An de Grace Mille, Quatrecens & dix, & de nostre Regne le xxx.
Nous Avons Tenu plusours Journes & Consultations sur les Matiers dessusdites,
Entre les quelles Journees & Consultations, Nous & les ditz Commys pour le dit Adversair de France, le xxv jour d'Octobre, darrein passe, les Treues generalx en Mer, & particulers en Terre,
C'estassavoir, en la Marche de Picardie entre la River de Some & la Mer, comprinses en ceo la Vile de Gravelinges & le Paiis de West Flandres jusques a Nuesport, & en la Duchie de Guyen, & Countees de Tolouse & de Poitou,
Ainsi & en la forme & manere, que par Nous & les ditz Messages de France, avoient este Prins, & a regarde de precedens, Prorogueez le xxi jour de Juing darrein passe, & avoient a durer jusques au primer jour de Mois de Novembre darrein passe, ainsi que, par noz & leurs Lettres, puet apparoir,
Prorogasmez jusques a Primer jour de Decembre,
Et depuis, le xxix jour du dit Mois, furent de Rechef Proroguez jusqes a Primer Jour de Januer prochein venant, ainsi que par noz & leurs Lettres poet apparoir,
Apres touts les quelles Prinse & Prorogation des Treues, ainsi faiz, sumez, au jour duy, de Rechief, Assemblez, au dit Lieu de Lienlyngham, avec les dessusdites, Pierre Evesque de Noyon, Jaques de Chastillon, Guillem de Tignoville, & Maistre Gouter, en esperance de trouver voies & maniers honurables & proufitables pur venir a bien de Pees final,
Et,
Apres plusours voies & manieres, overtez & touchez, d'une part & d'aultre, sour la matier dessusdite, & sour ycelles en grande & meure Deliberation,
En esperance de pourir venir a la dite Paix final d'entre les Deux Roiaumes, & pour eschuir l'effusion de Sang humain, & les tresgrandes & innumerables Maulx que, pour occasion de la Guerre, purroient avenir, & aviendroient,
Iceles Treues, generalx en la Mer, & particulers en la Terre,
Par Nous ainsi Prins & Prorogues le dit xxi Jour de Juing, come dit est,
En la dite Marche de Picardie, comprins en ce la Ville de Gravelinges & le Paiis de West Flandres, jusques a Nuesport, tout en la fourme & manere qu'elles ount este Prins en la Marche & Paiis dessusdites, & generalx en la Meer, come dit est, & pluis a plein est contenu es Lettres, sour ceo faiz & sealez, par Nous & les ditz [Messages] de France, le dit xxi jour de Juyng darrein passe, & depuis confermez par les Seigneurs d'une part & d'aultre,
Nous, par vertue de nostre dit Pouoir dessustranscript, & d'une commune & mutuel Accorde, avons a jour duy, avec les dessusdiz Comys pour l'Adversair de France, de Rechief Proroguez & Aloignez, Proroguons & Aloignons, & Preignons de Nouel, se mestier est, par le Teneure de ces Presentes, pour & en noun de Roy nostre Seigneur, du dit primer jour de Januer proschein venant, jusques a primer jour de Januer apres ensuiant touz encluz, l'An revolu, qui serra l'An Mille Quatre Cens Unzisme,
Et les ditz Commis, pour le dit Adversair de France dessusnomez les ont semblablement Prinsez, Proroiguez, & Aloignez, de lour part, en la fourme & manere dessusdite,
Et, a fin que ces presentes Treues soient meulx & pluis diligeaulment Gardez, sanz Enfreindre, en ascune manere, durant le dit temps, nous, par vertue du dit Povoir, a nous donne, avons Faiz, Ordonnez, & Establiz, &, par la Teneure de ces Presentes, Faisons, Ordonnons, & Establissons Conservateurs generalx d'iceles Trieues, pour la partie d'Engleterre, en la Marche de Picardie, & Paiis de West Flandres dessusdiz, les Lieutenantz de Calais, & de Guynes, qui sont, ou pur le temps serront, jointement, & severalment, & en le Mer l'Admiral d'Engleterre, ou son Lieutenant, & le Lieutenant de Cinque Ports d'Angleterre,
qui sont, ou pur le temps serront, jointement, & severalment,
Si Donnons en Mandement aux dessusdiz Conservateurs, & Enjoignons, tant expressement come pluis poions, depar le Roy nostre dit Seigneur, & par vertue du dit Povoir, a touz les Justicers, Officers, & Subgiz d'icelluy, sur quanque ils se pouent Meffaire envers Luy, & a chescun de eux, sicome a Luy appartient, que cest present Prins & Prorogation des Treues, Particulers en la dite Marche de Picardie, comprinse einz la Ville de Gravelinges & la Paiis de West Flandres, jusques a Nuesport, come dit est, & Generalx en Mer, ils facent Crier & Publier solempnelment, par tout ou il est accustume de faire Criez & Publications,
Et iceles Teignent & Gardent, & facent Tenir & Garder, chescun en droit soi, fermement & inviolablement, selon lour fourme & teneure, de Point en Point, sanz Enfreindre, ne souffrer estre Enfreintz, en Meer, ne en Terre, en ascune manere, durant le temps dessusdit,
Et nous Promettons, en bon foi, que cest present Prins & Prorogations des dites Treues Nous ferrons Confermer & Ratifier par le Roi nostre dit Seigneur, & par ses Lettres Patentz sealez de son Grande Seal.
En Tesmoign de ceo nous avons mis noz Sealx a ces Presentes.
Donn. au dit Lieu de Lenlingham, le xxiij jour de Decembre, l'An de Grace Mille CCCC & Dix.
Nous, aiantz fermes & Agreables icelles, Lovons, Greons, Ratifions, & Approuvons, & par le Tenure de ces Presentz de nostre certein science Confermons,
Et promettons, en bonne foie, & en parole de Roy, ycelles Tenir & Garder, & fair Tenir & Garder, de nostre Povoir, entierment, saunz Enfraindre, en aucune manerie, par noz Foiaulx & Subgitz quelxconques, Selon leur Fourme & Teneur.
En tesmoign. de ceo, Nous avons fait mettre nostre Seel a ces Lettres.
Donne a nostre Palois de Westm. le xviij jour de Feverer, l'An de Grace Mille CCCC & Dix, & de nostre Regne Duszisme.
Le Roy a touz ceux, qui cestes Lettres verront ou orront, Salutz.
Savoir faisons Nous avoir vewe certaines Lettres, sealez des Sealx de, le Reverent Pier en Dieu, Henry Evesque de Saint David, & de, noz amez & foialx, Henry Seigneur de Beaunont, & Johan Catrik Licencie ou Decrete,
Des quelles le Tenure s'ensuit.
Nous, Henry, par la Permission Divine. Evesque de Seint David, Henry Seigneur de Beaumont, & Johan Catryk Licencie en Decrete,
Commis & Deputez, du Roy nostre tresredoubte & Soverein Seigneur, pour Assembler en la Marche de Picardie, ou de Flandres, avec, Reverend Pier en Dieu, Pierre Evesque de Noyon, & honures Seigneurs, Jaques de Chastillon Seigneur de Dompierre & de Rolancourt, Admirall de France, Guillem Seigneur de Tignoville & Meistre Gouter Col, Commis & Deputez pour l'Adversair de France, ou avec autres Parsones a ceo Commis, & aiants Povoir suffisant au dit Adversair, pour aucunes Grandes Busoignes & Affairs touchantz & regardantz grandement le Bien & Utilite des Deux Roiaulmes d'Angleterre & de France, & le Bien Publique d'icelx,
Sicome par les Lettres de Commission d'ycelluy Seigneur, a Nous sur ceo bailez, poet apparoir,
Des quelles le Tenure s'ensuit.
Henricus &c. ut supra usque ibi undecimo, & tunc sic.
Savoir Faisons que, par vertue d'ycelx Lettres dessustranscriptz, & pour vaquer & entendre diligeaument aux Choses dessusdites, avons este Assemblez, plusours fois & a diverses Journees, ca en arier, avec les ditz, Reverend Pier en Dieu, Pierre Evesque de Noyon, Ja. de Chastillon, Guillem de Tignoville, & Maistre Gouter Col, Commis & Deputez pour le dit Adversair de France,
Avec les quelles, & par vertue du Povoir a eulx donne,
Du quell le Teneure s'ensuit.
Charles, &c. ut supra usque ibi, & nostre Regne le xxx, & tunc sic,
Nous avons tenu plusours Journes & Consultacions sour les Materes dessusdites,
Entre les quelles Journees & Consultacions nous & les diz Commis, pour le dit Adversair de France, le xxv jour d'Octobre darrein passe, les Treues particulers,
Que lors avoient cours en le Duchie de Guyen, & en le Countee de Tholouse, & celle de Poitou,
Et Generalx en le Mer,
Ainsi & en la forme & manier que, par Nous & le diz Messages de France, avoient este Prinse &, a regarde de precedens, Proroiguez le xxi jour de Juing darrein passe, & avoient a durer jusques au primer jour de Mois de Novembre darrein passe, ainsi que par noz & leurs Lettres poet apparoir,
Prorogasmez jusques au primer jour de Decembre,
Et depuis, le xxix jour du dit Mois, furent de rechief Proroiguez jusques au primer jour de Januer proschein venant, ainsi que par noz & leurs Lettres puet apparoir,
Apres touz les quelles Prinse & Prorogation de Treues, ainsi faiz, somez, a jour duy, de rechief au dit Lieu de Lenlyngham, avec les dessusdites P. Evesque de Noyon, Ja. de Chastillon, Guillem de Tignoville, & Maistre Gouter, en esperaunce de trouver voies & maniers honurables & proufitables pour venir au bien du Paix final,
Et,
Apres plusours voies & maniers, overtez & touchiez, d'une part & d'autre, sur la matier dessusdites, & sur ycelles eue grande & meure Deliberation,
En esperaunce de pourrir venir a la dite Paix final d'entre les ditz Roiaulmes, & pur eschuir l'effusion de Sang humein, & les tresgrandes & innumerables Maulx, qui pour occasion de la Guerre pourroient avenir, & aviendroient,
Yceles Treues particulers, par Nous ainsi Prinses & Proroiguez, come dit est, es ditz Duchie de Guyen, & Countees de Poitou & de Thoulouse, & Generalx en la Mer, tout en la fourme & manier qu'eles ount este Prinsez & Proroiguez es Duchie & Countee dessusdite, & Generalx en Mer, come dit est, & pluis au plein est contenu es Lettres, sour ce faiz & sealez, par Nous & les diz Messages de France, le dit primer jour de Juing darrein passe, & depuis Confermez par les Seignours d'une Partie & d'aultre,
Nous, par vertue de nostre dit Povoir dessus transcript, & d'une commune & mutuel Accorde, avons, au jour duy, avec les dessusdites Commis pour l'Adversaire de France, de recheif Proroiguez & Aloignez, Proroignons & Aloignons, & Prennons de Nouvel, se mester est, par le teneure de ces Presents, pour & en Noun de Roy nostre Seigneur, du dit primer jour de Januer prochain venant, jusques au primer jour de Januer apres ensuiant touz encluz, l'An Revolu, qui serra l'An Mil, Quatrecens & Unzisme, & le diz Commis, pour le dit Adversair de France dessusnomez, les ont semblablement Prinsez, Proroiguez, & Asloignes de lour part, en la forme & maner dessusdites,
Et, au fyn que ces Presens Treues soient meulx & pluis diligeaument Gardez, sanz Enfreindre en ascune manere, durant le dit temps, Nous, par Vertue du dit Povoir a nous donne, avons Ordennez & Establiz, & par le Tenure de ces presentes Faisons, Ordennons, & Establissons Conservateurs generalx d'iceles Treues, en la Duchie de Guyen, & Countees de Thoulouse & de Poitou dessusdiz, le Seneschal de Guyen, les Mair & Conestable de Bourdeux, qui sont ou pour le temps serront, ou leur Lieutenantz, jointement & severalment, & en la Mer l'Admiral d'Engleterre, ou son Lieutenant, & le Lieutenantz de Cinque Pors d'Engleterre, qui sont ou pour le temps serront, jointement & severalment,
Si Donnons en Mandement aux dessusdiz Conservateurs, & Enjoignons tant expressement come pluis pouons, depar le Roy nostre dit Seigneur, & par vertue du dit Pouoir, a tous les Justicers, Officers, & Subgiz d'icelluy Seigneur, sour qantque ils se poent Meffair envers Luy, & a chescun de eulx sicome a luy appartient, que cest presente Prinse & Prorogation des Treues Particulers es diz Duchie de Guyen, & Countees de Tholouse, & de Poitou, come dit est, & Generalx en Mer, ils facent Crier & Publier solempnelment, par tout ou il est accustume de fair Cries & Publications,
Et yceles Teignent & Gardent, & facent Tenir & Garder chascun en droit soi, fermement & inviolablement, selon leur Fourme & Teneur, de Point en Point, sanz Enfreindre, ne souffrer estre Enfreintz, en Meer n'en Terre, en ascune manere, durant le temps dessusdite,
Et Nous Promettons, en bone foye, que cest present Prinse & Prorogation des ditz Treues Nous ferrons Confermer & Ratifier par le Roy nostre dit Seigneur, & par ses Lettres Patentes seelez de son Grande Seal.
En Tesmoignance de ce Nous avons mis noz Sealx a ces Presentes.
Donne au dit Lieu de Lienlyngham, le xxiij jour de Decembre, l'An de Grace Mille, Quatrecens & Dix.
Novs, aiantz fermes & agreables, &c. ut supra.
Don. ut supra. |
