|
| Syllabus Entry |
Foedera Text |
May 2. Ratification by the three estates of the bailiwick of Amiens. Montreuil.
O. xii. 628. H. v. p. iv. 103. |
Ratificatio Pacis & Amicitiae per Tres Status de Monstreoill ou Baillage d'Amiens.
An. 11. H. 7. Ex Autogr.
Atous Ceulx, qui ces presentes Lettres verront ou orront, Jehan de Noielle, Bourgois de Monstroeul, a present Garde du Seel Royal de la Baille d'Amiens, establi en la Ville & Prevoste de Monstroeul pour seeller & confermer les Contractz, Convenenches, Marchies, Obligations & Recongnoissances qui sont & seront faittes passes & recevees es mettes de la ditte Prevost, Salut.
Scavoir Faisons que au Jourdhuy, par devant Maistre Nicolle des Plancques Licencie es Loix, & Porrus Hourdel, Auditeurs Reaulx Manans au dit Monstroeul, au Mandement & Commandement de David de Burier Lieutenant Premier & General de Monsieur le Bailli d'Amiens en la Ville & Prevoste du dit Monstroeul, & en eussez le Coppie du contenu es Lettres du Roy nostre dit Seigneur par Luy envoies a mon dit Seigneur le Bailli, & par icelluy Monsieur le Bailli, avecque ses Lettres envoies au dit David, se sont Assambles les Trois Estas de la Prevoste de Monstroeul; cestassavoir,
Pour L'est At De L'eglise,
Damp. Guillaume de la Pasture Abbe de Saint Saulve en Monstroeul,
Damp. Mahieu de le Warenne Abbe de Saint Josse sur le Mer,
Monsieur l'Abbe de Dampmartin,
Monsieur l'Abbe de Saint Andreu,
Walleran du Molin, Nepueu & Procureur de Dampnicolle de Hannault Prieur d'Ardre,
Maistre Jehan Gousset Licencie en Derret Doyen & Chanoine de l'Eglise Kathedral de nostre Dame de Theroenne,
Et Maistre Jehan Foeullet Aussy Licence en Decrect Chanoine du dit Theroenne pour les Doyen & Chapel du dit Lieu,
Maistre Guy le Prevoste Doyen de Saint Fremin au dit Monstroeul pour les Doyen & Chaple du dit Lieu,
Monsieur Jehan de Monchy Chevalier Seigneur de Ignescent tant pour Luy comme pour Monsieur Pierre de Monchy aussy Chevalier Seigneur de Montaurel son Pere,
Monsieur Franois de Crequy Chevalier Seigneur de Ramboual,
Josse de Sains Procureur de Monsieur d'Aiimcour,
Andrieu de le Haye Procureur de Courteville Seigneur de Milfault,
Jehan de Rochebaron Seigneur de Lignon,
Anthonie de Brumen,
Ferri de Marle Seigneur du dit Lieu de Marle,
Jaques Daboual,
Raulequin de Bernastres Seigneur de le Motte,
Maistre Nicolle de Bours Seigneur Druregm,
Jehan de Hodicq Seigneur Danocq,
Jehan Rumilli,
Andrieu Davesnes,
Maistre Robert de le Pasture Seigneur du dit Lieu,
Guillaume de Bethencourt,
Jehan de Bulleux,
Maistre Nicaise Hourdel Maieur de la ditte Ville de Monstroeul, pour le Corps & Communaulte de la ditte Ville,
Guille de Thieure & Jehan le Grave pour le Bailli & Eschevins du dit Lieu d'Ardre,
Jaques le Mangnier Procureur des Maieur & Eschevins de Faulquenbergne & Quibourse Lieutenant de la Ville de Heuchin pour le Corps & Communaulte d'icelle Ville.
Presens les quelz le Paix faicte & conclue & entre le Roy nostre dit Seigneur & le Roy d'Angleterre a este leue tant en Latin comme en Laingaige Franchois, la quelle Paix les dessusnommes pour Iceulx Trois Estas & comme les Representant ont Conferme, Ratiffie & Approuve, & le Promis Tenir par leurs Sermens Inviolablement & sans Jamais aler a l'encontre, tout ainsi qu'il a pleu au Roy le faire, & que contenu est en icelle Paix, qui a este leue, comme dit est, aux dessus nommes, & de le Coppie des Lettres envoies par le Roy a
Monsieur le Bailli au dit David le Burier Lieutenant dessus nomme, avecque de la Coppie des Articles de la ditte Paix, en ordre la Teneur s'ensuit,
Artus de Longueval Chevalier Seigneur de Cheveilles conseillier & Chambellan du Roy nostre dit Seigneur en son Bailli d'Amiens, Salut.
Savoir Faisons que Nous avons Veu & Tenu & diligement Regarde, mot apres aultre, unes Lettres Donnes du Roy nostre dit Seigneur, des quelles la Teneur s'ensuit.
Charles, par la grace de Dieu, Roy de France, au Bailly d'Amiens, ou a son Lieutenant, Salut.
Comme, puis aucun temps en ca, aions fait certain Traicte & Appoinctement de Paix, &c. ut supra, mutatis mutandis.
Donne au Montilz les Tours, le xxvij. Jour de Fevrier, l'An de Grace Mille, Quatrecens, Quatrevings & Quinze, & de nostre Regne le Treiziesme.
En la Marge des quelles Lettres estoit Escript,
Par le Roy.
Vous Maistre Charles de Haultboys Conseiller en Parlement, & autres Presens.
Et signe,
Robertet.
En Tesmoing de ce Nous avons mis le Contreseel du dit Bailliage a ces Lettres de Vidimus ou Transcript Donnees Amiens le vj. Jour d'Apuril l'An Mille Quatrecens Quatrevings & seize apres Pasques.
Item, de par Monsieur le Bailli Amiens,
David le Burier de Bon Coeur avons me Recommande.
Depuis huit Jours encha, j'ay Receu les Lettres Patentes du Roy, par les quelles M'est expressement Commande faire Assambler en Brief les Estas de mon Bailliage (est ascavoir) Gens d'Eglise constituez en Dignite, comme Abbez, Prieurs, Doyens, Chevalieurs & Nobles tenans Seignouries, avec les Eschevenaiges des bonnes Villes & Nombre competent,
E, pour y proceder selon l'intention du dit Seigneur j'ay fait Scavoir au tous ceulx depar decha qu'ilz soyent en ceste Ville a ce Joeudy prochain venant en Huit Jours,
Mais pour ce que les Villes de Monstroeul & Theroenne sont loings d'icy, & que les ditz Estas seroient trop traveillez s'ilz estoient constraintez eulx y trouver, il semble qu'il vauldroit mieulx que faittes Assambler ceulx de la Prevoste de Monstroeul au dit Lieu de Monstroeul a tel Jour que aviserez,
Et, ad fin que soyes plus diligent, Je vous envoye ung Vidimus des dittes Lettres, par les quellez vous congnoisterez la Matiere pour quoy cest, & s'y vous envoiray en dedens Huit Jours la Coppie du Traictier, dont mention est faitte, pour le tout communiquier entre Vous, & y proceder plus sainement & aisement, a l'intention du Roy nostre dit Seigneur si avant que l'en verra estre a faire par Raison, & y besognies tellement que n'en soyes Reprins de negligence a tant a Dieu.
Escript a Amiens ce Marde v Jour d'Auril.
Item, Philippus de Crevecoeur Dominus des Querdes & de Lannoy Marescallus Franciae Locumtenens &c. ut supra.
Des Quelles Choses dessusdites, Jehan de Rusticat, Procureur de Roy nostre dit Seigneur au dit Monstroeul, a Requis Lettres aus dits Auditeurs, qui Luy ont este accordees, pour valloir ce que de Rayson, tout ce dessus Nous ont les dits Auditeurs Tesmoignie estre vray par leurs Seaulx, & Nous a leur Tesmoignaige avons mis le dit Seel Roial a ces presentes Lettres.
Faictes & Donnees au dit Lieu de Monstroeul le Second Jour de May l'An de Grace Mille Quatrecens Quatrevingts & Seize.
Villers.
Sub Tribus Sigillis nigris pendentibus a totidem caudis Pergamenae. |
May 4. Receipt for 25,000 francs from Charles K. of France. Westm.
O. xii. 630. H. v. p. iv. 103. |
De Acquietando.
An. 11. H. 7. Franc. 11. H. 7. m. 26.
Rex universis, praesentes Literas inspecturis, Salutem.
Sciatis Nos Recepisse & Habuisse, Die confectionis Praesentium, ab Illustrissimo Carissimoque Fratre & Consanguineo nostro Carolo Gallorum Principe, per Manus apud Villam nostram Calesii, Viginti & quinque Millia Francorum in Coronis Auri (unoquoque Franco Viginti Solidos Turonenses, & unaquaque Corona Triginta & quinque Solidos Turonenses valentibus) Nobis Primo Die Maii, Anno Domini Millesimo, Quadringentesimo, Nonagesimo sexto solvi debitorum, quae erat Septimus Terminus pro Parte Solutionis Summae Septingentarum Quadraginta & quinque Millium Coronarum Auri Aestimationis praedictae, peripsum Fratrem & Consanguineum nostrum vel Haeredes suos, Nobis vel Haeredibus nostris solvendam, prout in Literis dicti Fratris & Consanguinei nostri superinde confectis (quarum Data est apud Stapulas supra Mare Die Tertiâ Mensis Novembris, Anno Domini Millesimo, Quadringentesimo, Nonagesimo secundo) plenius continetur;
De quibus quidem Viginti & quinque Millibus Francorum in Coronis Auri & Aestimationis praedictae Fatemur Nobis fideliter esse Solutum, & eundem Consanguineum nostrum superinde fore Quietum & exinde plenè Exoneratum.
In cujus &c.
Teste Rege apud Westmonasterium, Quarto Die Maii.
Per ipsum Regem. |
May 18. Ratification of the treaty of Etaples by the three estates of Saintonge.
O. xii. 630. H. v. p. iv. 103. |
Ratifficatio per Tres Status Xaintonge.
An. 11. H. 7. Ex Autogr.
Philippus de Crevccuer &c. quod in Prioribus.
L'An de Grace Mille, Quatrecens, Quatrevingts & Seize, le huitiesme jour de May, a Nous Amaury Sulien Lieutenant General de Monseigneur le Seneschal de Xaintonge, par Maistre Anthonie Cothart son Disant Lieutenant particulier du dit Monseigneur le Seneschal, Nous furent presentees les Lettres du Roy nôtre Seigneur,
Des quelles la Teneur s'ensuit,
Charles, par la Grace de Dieu, Roy de France, au Seneschal de Xaintonge ou a son Lieutenant, Salut.
Comme puis aucun temps &c. ut in superioribus mutatis mutandis.
Par Vertu & Auctorite des quelles Nous Assemblasmes, en la Ville & Cite de Xaintes, le Sameday xiv Jour du dit Moys, les Prelatz, Chappiters, Convens & autres Gens d'Eglise, les Seigneurs, Comtes, Barons, Chastellains, Haultz justiciers, Bourgeovs, Marchans & Communaultes du dite Pais de Xainctonge, au Ressort du Siege Ville & Cite de Xaintes, d'entre les Rivieres de Charante & de Gironde, en grant bon & competant Nombre, les quelx furent par Nous Mandez, tant par es ditz Generaulx, que par Lettres particulieres, faisants les Troys Estatz du dite Pais de Xaintonge,
Et le Mercredi ensuyvant xviij Jour du dit Moys de May Nous Assemblasmes, en la Ville de Saint Jehan d'Angely, les Troys Estatz du dite Pais de Xaintonge du Siege & Ressort de la dite Ville Saint Jehan d'Augeley, tant Prelatz, Chappitres, Convens & autres Gens d'Eglise, les Seigneurs, Comtes, Barons, Chastellains, Haultz Justiciers, Bourgeoys, Marchans & Communaltez, en grant bon & compettant Nombre, les queulx furent aussi par Nous Mandez tant par es ditz Generaulx que par Lettres particulieres faisants les Troys Estatz du dite Paiis,
Tous les queulx, empres Lecture faite des dictes Lettres, aussi des Articles du Traicte de Paix attaches es dites Lectres, le Double des queulx est cy attache, fait entre le Roy Trescrestien Roy de France nôtre Souverain Seigneur & Treshault & Trespuissant Prince le Roy d'Angleterre leurs Royaulmes & Seigneuries, ont liberallement Conferme, Ratiffie & Approuve le dit Traictie de paix, par & scelon la Teneur des ditz Articles accordes entre le Roy nôtre dit Seigneur & le Roy d'Angleterre, en Rendant Graces & Louanges a Dieu nôtre Createur, par qui la dite Paix Union & Concorde a este
faite passee & accordee, Promettans de jamais faire ne venir encontre, mais de les Entretenir Observer & Garder sans aucune difficulte.
En Tesmoing des quelles Choses Nous avons Signe ces Presentes de noustre Seing & aussi des Seings Manuelz des Greffiers de la dite Seneschaucie & fait seeler du Seel de la dite Seneschaucie le xviij. Jour de May, l'An Mille, Quatrecens, Quatrevingts & Seize.
A. Sulien.
A. Cotineau.
Greffier a Chappeau, Greffier a Xangton.
Sub Sigillo, Papiro obducto, pendente a cauda Pergamenae. |
May 30. Ratification by the three estates of the county of Boulogne. Boulogne.
O. xii. 631. H. v. p. iv. 104. |
Ratification des Trois Estatz de Bolounoys.
An. 11. H. 7. Ex Autogr.
Atous ceulx, qui ces presentes Lettres verront, Francoys de Crequi Chivalier Seigneur de Dourier, de Moliene, Fontaines & Hayans, Conseillir & Chambellan du Roy nostre Seigneur & son Seneschal & Governeur de Boullon Commissaire d'icelluy Seigneur en ceste Partie, Salut.
Savoir faisons que, des le xiv Jour de ce present Moys de May, Nous avons Receu certains Lettres & Mandemens Patens du Roy nostre dit Seigneur, seellees de son Seau en simple Queive & Cire Jaune, Donnees aux Montilz les Tours en Datte du xxvij. Jour de Feburier dernier passe, & de l'An Mil, Quatrecens, Quatrevings & quinze, ensemble certains Traictie, Acord, Couvenances de Paix, Aliances, & Confederations faiz & concludz en la Ville de Staples, en ceste Conte de Boullon, le iij, Jour de Novembre, l'An Mille, Quatrecens, Quatrevings douze, entre le Roy nostre dit Seigneur d'une Part, & Treshault, Tresexcellent, & Trespuissant Prince le Roy d'Angleterre d'autre Part,
En vertu des quelles Lettres & pour proceder a l'execution d'icelles sy avant que par le Roy nostre dit Seigneur Nous estoit Mande estre fait, avons fait Evocquer & Appeller, par devant Nous, en ceste Ville de Boulloigne, a aujourdehuy les Gens des Trois Estatz de ceste Conte & Seneschaucie de Boullon, c'estassavoir, les Gens d'Eglise, Nobles, Bourgois & Corps des bonnes Villes, estans es Mettez & en la Jurisdiction de la dite Conte,
Les quelz sont Comparus devant Nous en la dite Ville de Boullon en grant & convenient Nombre,
Et eulx tous ensemble & chascun d'eulx en droit soy & d'un comun acord,
Apres avoir Veu, Oy, & Visite le Contenu des dites Lettres Royaulx & Traictie de Paix, Recongnoissans en verite iceulx Traictie, Acordez, Convenances de Paix, Aliances & Confederations avoir este & estre faitz par le Roy nostre dit Seigneur pour le Bien de son Royaulme ses Paiis & Subgectz,
Ont Conferme, Loue, Ratiffie & Approuve les dits Traictie, Acordez, Covenances & Aliances de Paix, d'ont dessus est faicte mention, & Promis les Observer, Garder & Entretenir du tout, selont & ainsi qu'il est contenu au dit Traictie de Paix.
En Tesmoing de ce Nous avons fait mettre le Sel de la dite Seneschaulcee a ces presentes Lettres, Faites & Donnees en la dite Ville de Boullon le penultieme Jour du dit Moys de May, l'An Mille, Quatrecens, Quatrevingts & Seze.
Fousse.
Sub Sigiilo rubeo pendente a caudâ Pergamenae. |
