House of Lords Journal Volume 1: Anno Septimo Regine Elizabethe

Anno Septimo Regine Elizabethe.

MEMORANDUM, quod hodie, 4 die Octobris, Anno Regni Elizabethe, Dei Gratia, Anglie, Francie, et Hibernie Regine, Fidei Defensoris, etc. Septimo, in quem diem presens hoc Parliamentum prorogatum fuerat, convenerunt Domini tam Spirituales quam Temporales, quorum nomina subsequuntur:

Parliament prorogued.

QUI cum convenissent, una cum Populi atque Burgensium, ut vocant, satis magna Frequentia, predictus Marchio Wynton, paucis verbis, declaravit Conventum Procerum et Populi, quem Parliamentum vocant, in hunc diem destinatum a dicta Domina Regina, certis quibusdam de Causis et Considerationibus Illam ad id specialiter moventibus, differri in septimum diem Februarii proxime futurum; atque ut tam Proceribus quam Populo palam fieret Regiam Majestatem ita constituisse, Literas Commissorias dicte Domine Regine Francisco Spelman, Armigero, Clerico Parliamenti, publice et clara voce legendas, in manus tradidit. Earum autem tenor in hec verba sequitur:

Writ for the Prorogation.

"Elizabetha, Dei Gratia, Anglie, Francie, et Hibernie Regina, Fidei Defensor, etc. Reverendissimo in Christo Patri Matheo, eadem Gratia, Cantuar. Archiepiscopo, totius Anglie Primati et Metropolitano, ac Charissimis Consanguineis et Consiliariis suis Willielmo Marchioni Wynton, Thesaurario Anglie, Thome Duci Norff. Comiti Marescallo suo Anglie, ac etiam Charissimis Consanguineis suis Thome Comiti Sussex, Capitali Justiciario suo omnium Forestarum, Parcorum, et Chaciarum suarum, intra Regnum Anglie, citra Trentam, Ambrosio Comiti Warr. Magistro Ordinationum suarum, nec non Reverendis in Christo Patribus Edmundo Episcopo London. Edmundo Episcopo Roffen. ac Predilectis et Fidelibus Consiliariis suis Edwardo Domino Clynton, Magno Admirallo suo Anglie, Willielmo Domino Howard de Effingham, Domino Camerario suo, ac etiam Predilectis et Fidelibus suis Thome Domino Wentworth, et Henrico Domino de Hunsdon, Salutem.

"Cum nuper, pro quibusdam arduis et urgentibus Causis, Nos, Statum et Defensionem Regni Nostri Anglie ac Ecclesie Anglicane concernentibus, presens hoc Parliamentum Nostrum, apud Civitatem Nostram Westm. 12 die Januarii, Anno Regni Nostri Quinto, inchoari et teneri ordinaverimus; a quo die idem Parliamentum Nostrum tunc et ibidem tentum et continuatum fuerat usque decimum diem Aprilis tunc proxime sequentem; ac, post diversas Prorogationes, idem Parliamentum Nostrum usque ad (fn. 1) et in instantem diem quartum Octobris prorogatum fuerat, ibidemque tunc tenendum et prosequendum. Sciatis tamen, certis urgentibus Causis et Considerationibus Nos specialiter moventibus, idem Parliamentum Nostrum ulterius prorogandum duximus. De Fidelitate igitur, Prudentia, et Circumspectione, vestris plurimum confidentes, de Avisamento et Assensu Consilii Nostri, assignavimus vos Commissarios Nostros, dantes vobis, decem, novem, octo, septem, sex, quinque, quatuor, et tribus vestrum, tenore presentium, plenam Potestatem, Facultatem, et Auctoritatem, hoc instante die Jovis, ad presens Parliamentum Nostrum, nomine Nostro, ad et in septimum diem Februarii proxime jam futurum, usque predictam Civitatem Nostram Westm. prorogandum et continuandum, ibidemque tunc tenendum et prosequendum. Et ideo vobis mandamus, quod circa premissa diligenter intendatis, ac ea in forma predicta effectualiter expleatis. Damus autem universis et singulis Archiepiscopis, Ducibus, Marchionibus, Comitibus, Vicecomitibus, Episcopis, Baronibus, Militibus, Civibus, et Burgensibus, ac omnibus aliis quorum interest ad dictum Parliamentum Nostrum conventuris, tenore presentium, firmiter in Mandatis, quod vobis, in premissis faciendis, agendis, et exequendis, pareant, obediant, et intendant, prout decet. In cujus rei Testimonium, has Literas Nostras fieri fecimus Patentes. Teste Meipsa, apud Westmonast. quarto die Octobris, Anno Regni Nostri Septimo."