3 January 1672.
Johnstoune to Edinburgh, tobacco.
Appoyntis Johne Johnstoune to repair to Edinburgh, and ther to
doe all things necessar, and to imploy whom he pleaseth, for stopping of
Sir Johne Watsounes gift to pas the seallis, grantit be his Majestie to him
of thrie shilling vj d. wpon ilk pund of tobacco imported in this kingdome.
4 January 1672.
Call, Gray.
Appoyntis ane call to be given to Mr. Johne Gray, now minister at
Tillieallan, to come heir to this burgh and to be ane of the ordinarie
ministers therin and the baillies, deane of gild and deacon conveiner,
to speik with him theranent.
22 January 1672.
Call and presentatioune, Gray.
There being ane call given to Mr. Johne Gray, minister at Tillieallan,
for transporting himselfe to Glasgow for exerceising his talent therin
in the ministrie, and to preach in ony of the tounes kirkis as he sall be
appoynted, ordaines ane presentatioune to be given to him for ane
thousand pundis of stipend, and four scoir pundis of hous maill, yearly.
16 March 1672.
Levie.
Appoyntis the deane of gild and Hugh Nisbit to repair to Lanerk
against the twentie of this instant, to meit with the gentlemen of the schyre
anent the foot sojouris that ar to be levied in the Kings service, as also
anent ane commissioner to be choysen to the parliament for the shyre in
place of the Lord Lie.
Hie kirk.
Appointis the baillies, the deane of gild and deacon conveiner, to
sight the ruinous pairtes of the Outer Hie Kirk and to report.
Thrugh stones in the hie churchyaird.
The baillies and counsell, taiking to their consideratioune severall abuses
committed be divers persones throw selling of their thrugh stones and tombes
in the Hie churchyaird, they therfor, after matur advyce and deliberatioune
had theranent, doe heirby discharge all manner of persones that non of
them presume or tak wpon hand to sell any thrugh stones or tombes in the
said Hie kirkyaird in tyme coming, without consent of the magistratis
and counsell first had and obteined therto.
6 April 1672.
Leivie.
John Walkinshaw, deane of gild, who was appoyntit to repair to
Lanerk anent the outreik of the tounes pairt of the leivie of foot, quhilkis
ar to be sett out at this tyme for his Majesties service, quherof the haill
shyre and burghs therin ar only to outreick fyftie twa men, and this
burgh pairt, and for Lanerk and Rutherglen, ar to sett out only alevin
men therof, and this burghs pairt of theis alevine ar betwixt nyne and
ten men.
11 May 1672.
Warrandis, thesaurer, levie, seamen.
Ordaines the thesaurer to have ane warrand . . . for the sowme
of ane thousand eight hundredth seavintie nyne pundis viij s. viij d.,
deburst be him for the outreik of the tounes pairt of the land souldiers of
this present levie, and als for the proportioune of the landis of Provand,
and for defraying of the charges of the sex seamen put out be the toune
conforme to the act of the secreit counsell.
Duke Hamiltoune, Coll. Urrie.
Ordaines Peter Gemmill to have ane warrand for the sowme of four
hundreth seavintie four pundis Scotis deburst be him for wyne given be
the toune to the lord duck Hammiltoune at severall tymes within theis
thrie yeares bygaine; and . . . for the sowme of ane hundreth pundis
deburst be him for Collonell Urries house maill preceiding this enshewing
Witsonday.
Warrandis, thesaurer, ministers.
Ordaines the thesaurer to have ane warrand for the sowme of fyftine
pundis starling deburst be him to Mr. Johne Gray, minister, for his
transportatioune from Tillieallane to this burgh to be minister ther, and
for twa hundreth markis given be him to Mr. William Abercrumbie for
his bygaine preaching in the Uter Hie Kirk.
Waist landis.
Ordaines Johne Grahame to put the act against the heritouris of
waist landis within this burgh to executioune. (fn. 1)
Provand mylne.
Appoyntis the deane of gild and baillie of Provand to caus build the
Provand [mylne] and to sklait the same, and to repair the houssis therof
the fittest way they can.
1 June 1672.
Common good set.
[Common good set for a year as follows:—mills, 9,000 merks (besides 50 bolls
malt as formerly); ladles, 3,500 merks; mealmarket and pecks, 860 merks; tron,
1,150 merks; bridge, 1,600 merks.]
22 July 1672.
Warrandis, thesaurer, brig.
Ordaines the thesaurer to have ane warrand . . . for thrie
hundreth markis given doune be the toune to James Davidsoune aff the
last yeares dewtie of the brig throw occasioune of the falling of the
yondmost bow therof.
Grein dyk.
Recommendis to the deane of gild and deacon conveiner to sight the
dyk at the Grein, on the north syd therof, and to caus big it with stone
and kaip it the lenth of the brig at Johne Loukis hous.
Howgait.
Appoyntis Patrick Bryce and Androw Elphingstoune to sie to the
way at the Howgait, and to caus repair the same and mend it, and that
the tounes people be wairned for casting doune the dykis and filling up
the same.
3 August 1672.
Kings commissioner.
Appoyntis the proveist, baillies, deane of gild, with utheris whom they
please to tak for their assistance, to provyd quhat things sall be thought
most fitt and necessar for interteaning of the Kings commissioner at his
coming to this burgh.
Tax, Baxter and Bowie, Keppoch.
Ther was a tak subscrivit to John Baxter and John Bowie, in
Keppoch, equallie betwixt them, of that hill in commoune callit the
Quarrellhill, and that peice grund at the Kepoch hill foot, for nyntine
yeares fra Mertimes last, for payment of four scoir ten pundis yearly.
19 August 1672.
Miller, hous foiranent the College.
Appoyntis the deane of gild and his bretherin to visit the hous
foiranent the Colledge belonging to Thomas Miller and to suffer him
come out als far as they think convenient.
26 September 1672.
Warrand, M'Gilcreist.
Ordaines Donald M'Gilcreist to have ane warrand for the sowme of
[£2,092 17s. 8d.] Scotis monye deburst be him for the charges and
expenssis, both ordinarie and extraordinarie, the toune was at in interteaning the commissioner and theis who wer with him quhen they wer
here at Glasgow.
28 September 1672.
Baillies unlawes.
The present thrie baillies gave in compt of their haill unlawes and
fynes receivit be them this year, both in the toune court and justice
court, since Michaelmes last, quhilk was all fund deburst in puting of
poor prenteissis to treds and to uther poor people, conform to the comptis
quhilkis wer red and allowed.
Warrandis M'Cuir, late archbishop.
Ordaines Robert M'Cuir to have ane warrand for the sowme of sex
hundreth eightie seavine pundis Scotis deburst be him to James Fairie,
as havand right be assignatioune from the executores of umquhill Androw
lait archbishop of Glasgow, in satisfactioune of the bygaine few dewties
and tynd tak dewties restand be the toun to him the croptis and yeares of
God 1661, 1662 and 1663.
1 October 1672.
Electioun of the magistrats.
The quhilk day, being the ordinarie day for the electioune of the
magistratis of this burgh of Glasgow for a year to come, there was sent
doune, be the archbishop of Glasgow his servant, ane paper subscrivit
be the said archbishop, of this dait, bearing him to desyre for this tyme,
for certaine consideratiounes moving him therto, to know quhom the
toune counsell of Glasgow and the bodie of the burgessis, or major
pairt of them, doe desyre to be their magistratis for the enshewing year,
and that they meit for this end, trusting they will be cairfull to manage
this affair without tumult; and first he desired to know, as being him
selfe impartiall in that, whom they wold have their proveist; and the
persone whom they should recommend (unles his grace upon very
weightie reasones to the contrair) sall lykly be nominat be the said archbishop, as the said paper in it selfe beares, being thus subscrivit:
R. Lightoune. And in obedience therto the whoill counsell being mett,
about nyne houres in the morning, and acquant with the said desyre,
they did among themselfes all nominat Williame Andersoune, present
proveist, to be the persone; and therafter conveining the merchand rank
in their hospitall, quher the said paper was red of new againe in their
presens, and the crafts being lykwayes conveined the double of the said
paper was red to them (there being conveined of merchandis and craftis
nyne hundreth persones or therby); and having put on lyt, with the said
William Andersoune, James Campbell, Johne Bell and Johne Andersoune, younger of Dowhill, to the effect they might recommend quhilk
of them they should think fitt to the said archbishop to be proveist of the
said burgh for the year enshewing, there wer sex of the said haill number,
both merchandis and craftis, votted in favouris of the said James Campbell, thrie of both merchandis and craftis in favouris of the said Johne
Bell, and eight of both in favouris of the said Dowhill younger, being
seavintine to them thrie, and the haill remanent of the said number in
favouris of the said William Andersoune. Therafter the magistratis and
counsell, being again conveined for setting doune the lytis of theis
persones on counsell who wer to be lytted both for merchandis and craftis,
they did set the samyne doune in manner fallowing, that out of the lytis
of the merchand rank twa might be choysen and ane out of the treds, to
bear office as baillies of this burgh for the enshewing year, viz., the
merchand rank wer divyded into sex lytis, being twa persones in ilk lyt,
out of the quhilkis there wer theis sex persones choysen, viz., Peter
Gemmill, Donald M'Gilcreist, Johne Braidie, Robert M'Cuir, Walter Gibsone, and John Andersoune. And the tredis wer divydit in thrie lytis,
being four persones in ilk lyt, out of quhilk thrie lytis theis thrie persones
wer choysen, viz., James Fairie, Johne Gilcreist and Archibald Bogle.
Quhilkis lytis made up the number of nyne persones, and theis nyne
persones in lyt wer presentit to the archbishop of Glasgow his grace be
Johne Walkinshaw, Robert Rae, William Wallace and Patrick Bryce,
appoyntit to that end, to the effect the said archbishop might out therof
mak choyse of twa of the said merchand rank and ane of the said tredis
to bear office as baillies of this burgh for the year enshewing. And
accordingly all being presentit, to wit, the votis for the proveistis electioune and lytis for the baillies electioune, the said archbishop did
first nominat the said William Andersoune to be proveist of this burgh
for the enshewing year; and out of the said nyne persones did nominat
theis thrie persones to be baillies therof the said year, viz., Peter Gemmill,
Donald M'Gilcreist, for the merchand rank, and James Fairie for the
tredis. Quhilk nominatioune being againe reportit to the counsell, and
the saidis William Andersoune, Peter Gemmill, Donald M'Gilcreist and
James Fairie, being all present, did accept the said respective offices in
and upon them and gave their oathes as use is.
4 October 1672.
Town council.
[The provost and bailies of this and the two preceding years, with four
persons to make up the number of twelve, elected thirteen merchants and twelve
craftsmen to be on the council for the ensuing year.]
9 October 1672.
Dean of guild, etc.
[Office-bearers chosen for the ensuing year:—John Walkinshaw, dean of guild;
Patrick Bryce, deacon-convener; Simon Tennent, treasurer; John Findlay,
visitor of maltmen and mealmen; John Braidie, water bailie; Thomas Bogle,
master of work; William Wallace, bailie of Gorbals; Robert Tennent, visitor of
gardeners.]
12 October 1672.
Breid, tallow, candle.
[The 12 d. wheat loaf to weigh 13 oz. 3 drops; stone of rough tallow to be
sold for 41 s. 4 d.; well made candle to be sold for 48 s. the stone.]
19 October 1672.
Pooris rollis.
Appoyntis baillie Gemmill [and nine others] to meit and convein
with theis appoyntit be the kirk sessioune for rectifieing of the poors rollis.
2 November 1672.
Survay.
Appoyntis theis who wer ordained befor to survey the toune for
trying out of new intrant beggers to mak ane new survay theranent,
conforme to the act of counsell sett doune anent the same on the xxvij of
May 1671, and ratifies and approves the samyne act in all poyntis conforme therto.