27 January 1513–14.
The provest bailies and counsall consentis and grantis oblissand thame
and thair successouris till thair louittis Maister Adame Otterburne, Ihone of
Craik, Williame Thomesoun, and Thomas Steill, forsamekle as thai haue tane
vpoun hand for to deliuer to Unicorne Herald the sowme of ten li.gs. for his
waigis and passage in the paritis of Flanderis for the commoun weill of merchandice,
that heirfor the saidis personis sall haue full power till tak and
ressaue of everye sek of guidis reparand this nixt wayage within the Dukis
landis xviij gs., and of all vther guidis efferand thairto, and gif thai get na payment
thairof the toun sall pay thame heir at hame ten notfor the li. gs., thai
deliuerand the names of thame that thai get na payment of, and the saidis personis
to haue twa li. gs. for their labouris, and of the excrescens gif thai happin
ony to gett aboue the xij li. gs. in the haill, thai to mak reknyng thairof to the
toun, with intimatioun to thame that hes the saidis guidis and thai will nocht
pay the said xviij g. thai sall pay heir at hame for ilk xij gs. v s. scottis.
17 March 1513–14.
walling of the
The president baillies counsall and communite hes grantit and consentit
that ane extent be gatherit of the haill communitie extending to the sowme
of veli., with the dettis awand to the toun for the furnesing and defens of the
samyn, efter the forme and effect of our Souerane Lordis writingis direct for
24 May 1514.
Alexander dominus Home, magnus camerarius Scotie, prepositus.
[Alexander Lord Home, Great Chamberlain of Scotland, provost.]
My lord principle provest hes interponit his ordinar jurisdictioun and
authoritie, chargeand his president and baillies that thai incontinent ingather
the extent maid vpoun the nychtbouris of the toun for the strenthing of the
saymn, and furnesing of artailyerie for the resisting of the auld innemeis of
Ingland, and that thai be nocht disobeyit be nane of the persones wedowis nor
vtheris that are taxt in the said extent, and euerie wedow sustene sum, and sum
twa or ma conforme to thair substance, for the defence of the said toun, and that
ilk person haifand heidyaird dykes that thai big vp the samyn within xv dayis,
vnder the payne till euerye ane of thame v li. to the kirk werk.
28 July 1514.
The president baillies and counsall hes statute yitt as of befoir for the
reull to be had in the commoun mylnis betuix the maisteris of the baxter craft
within this burgh, viz., that in tyme of scant watter ilk nychtbour thairof sall
haue facultie and priuelege to grynd four laid of quheit in his dew place, and
viii laid to be brokin in his roume as accordis, and sa ilk nychtbour efter vther
to be servit, and quhane ony persoun cumis nocht till keip his roume it sall be
lesome to the persoun that sould be nixt to occupy that place for that tyme, and
sa his followare to have the dew cours; and quhat persoun of the said craft that
beis apprehendit brekand the said statute sall be xx s., xv s. to the kirk werk, and
v s. to thair awin altar, and Alexander Gray serchour heirof to be recompansit
for his laubouris, and the burges of the toun and multur quheit till haue thair
priuelege as thai war wount till haue.
29 July 1514.
be men of
In presens of my lord chammerlane, principall provest, baillies and counsall
of Edinburgh, it was proponit and allegeit agains Walter Ker induellar in
Leyth that he had brokin the priueliegis of the burgh and toun of Edinburgh
grantit to thame be diuers Kingis of guid memorie vnder thair greit selis,
specialie now of lait in the bying of certane schippis and guidis takyne and
brocht be Frenchmen within thair watter port and havin of Leith, nocht sufferand
the samyn to be sauld to the fre merchandis and burgessis within this
burgh according to the lawis of the realme and priuilege grantit to the said
burgh as said is. The bying of the saidis guidis the said Walter grantit and put
him in the townis will thairfore, and as than thai wald nocht gif extreme sentence
thairvpoun in the escheiting of the haill guidis, bot ordanit that the saidis
guidis or the availl thairof sall be furthcumand to the commoun proffit of the
toun efter the forme of thair infeftmentis and priuilegis forsaidis at my said
lord principall provestis will, and thairfoir Patrik Barroun, bailye, is becumin
souertie, and the said Walter is oblist to keip him skaythles, and als the said
Walter hes oblist him that he sall nocht hourt the tounis priuilege in siclyke
caissis in tyme to cum.
21 August 1514.
of the custome
In presens of the baillies president counsale and communitie, thir personis,
conburgessis vnderwritten, hes grantit and consentit till len and diliuer thir
sowmes followand, intitillit vpoun thame for the expenssis to be maid vpoun
the doun getting of the custome of France, xij deniers of the frank in all guidlie
haist, and the personis foirsaid for this burgh of Edinburgh, Ihone Foulertoun
commissar for the burgh of Air, Duncane Patersoun and Robert Arnot commissaris
for Streveling, hes oblist thame and thair commissioneris till pay the
said soumes agane to the saidis personis, ilk ane thair awin seuerale pairt, at
Fastronisevin nixttocum, and thairvpoun to be bundin vnder thair commoun
selis in dew forme for the said repayment to be maid as said is; and als thai
to be considerit for thair beneuolence into the taxt and extent to be gatherit
for the said repayment.
Thir ar the personis followand that promittit, viz.:—
|Dauid Maivill, president
|Edward Litill and Ihone Marioribankis
||jc l frankis.
||jc l frankis.
|Maister Adame Otterburne, Francis Towris, baillie,
||ijc l frankis.
|Francis Towris, baillie,
2 October 1514.
Secundo die Octobris anno Domini jmvcxiiii° hora xi ante merediem. In
mei notarii publici et testium subscriptorum presencia personaliter constituti
discreti et honesti viri Henricus Bardum burgensis de Grippiswald infra regnum
Dacie, ex vna, et Alexander Meldrum burgensis burgi de Edinburgh partibus
ab altera, in presencia honorabilis viri Patricii Baron vnus balliuorum dicti
burgi de Edinburgh. Quiquidem Alexander ad hoc interrogatus per dictum
Henricum affirmauit se fidemedia emisse a prefato Henrico centum et sexaginta
bollas saliginis et quamlibet bolla pro precio et summa nouem solidorum vsualis
monete regni Scocie. Super quibus etc. predictus Henricus Bardum petiit
instrumentum. Acta erant hec in botha Henrici Strathauchin notarii publici.
Testibus Thoma Bard, Roberto Glen, Petro Roberton, et Thoma Arnot.
[On the second day of October, in the year of our Lord one thousand five
hundred and fourteen, in the eleventh hour before noon,— In the presence of me,
notary public, and the witnesses subscribing, appeared personally discreet and honest
men, Henry Bardum, burgess of Grippiswald, within the Kingdom of Denmark, on
the one part, and Alexander Meldrum, burgess of the burgh of Edinburgh, on the
other part, in presence of an honourable man, Patrick Baroun, one of the bailies of
the said burgh of Edinburgh. Which Alexander being interrogated thereanent by the
said Henry, asserted solemnly that he had bought in good faith from the said
Henry a hundred and sixty bolls of salt, and each boll for the price and sum of
nine shillings of the usual money of Scotland. Upon which etc. the foresaid Henry
Bardum asked instruments. These things were done in the booth of Henry Strathauchin,
notary public. Witnesses, Thomas Bard, Robert Glen, Peter Robertson,
and Thomas Arnot.]
4 October 1514.
The quhilk day it is thocht expedient statute and ordainit be the provest
baillies and counsale for eschewing of this contagious seiknes of pestilence be
Goddis grace that the towne sall be diuidit in four quarteris to be assignit to
four baillis with thair quarter maisteris as after followes:
Item, frae the Castelhill to Alexander Cant's close to be ane quarter, quhilk
is assignit to James of Jhonestoun baillie, with his seriand Jhone Broun, and
his quarter maisteris, viz. Andro Moncur, Alexander Der, Jhone Fischear,
William Rind, Jhone Adamesoun eldare, and Alexander Mure.
Item, fra Alexander Cant's close to Leyth Wynd that to be the secund
quarter, quhilk is assignit to Jhone Ireland baillie, with his seriand William
Patersoun, and his quarter masteris, viz. Edward Littill, William Lokart,
Harbart Wardlaw, Jhone of Kirkpatrick, Jhone of Levingtoun, and Henry
Item, frae the Lopelie stayne with the Cowgaitt till Lord Borthuiks close
to be the thrid quarter, quhilk is assignit till Patrick Barroun baillie, with his
seriand Thomas Arnott, and his quarter maisteris Thomas Fowlare, Jhonne of
Lethen, Robert Glen, William Lawder, Jhone Diksoun, Thomas Baird, and
Item, fra Borthuiks close to the Castelhill with under the wall to be the
feird quarter, quhilk is assignit till William Clerk baillie, with his seriand
Dauid Purves, and his quarter masteris Jhone of Mariorbankis, Allane Mosman,
William Mele, Thomas Smyth, James Layng, Jhone Martyne, Patrik
Flemyng, and James Stury.
It is thocht expedient be the president baillies and counsale, for eschewing
the daynger of this contagious seiknes and vthers inconvenientis that may fall,
that the towne be fermly closit about swa at thair be na entres bot at the ports
of the samyn, and thair is certane lands on the south syde of the said towne
vnder the wall, that is to say, in the first, ane land betuix Jhone Wilschot and
Jhone Williamsonis wyst, ane waist land betuix the laird of Ricardoun and
Thom Beyse, ane land of Jhone Crawfurds, ane land of James Falcownis, a
waist land of Robert Napers, ane land of Sande Wilkysouns, ane waist land of
Sandy Chalmers, ane waist land of Stevin Taillieferis, ane vther land of Stevin
Taillieferis, ane waist of William Rynds, ane waist of Jhone Liddellis, ane
vther land of the samyn, a waist land of William Toddis: The quhilk lands
ar opin and vnclosit throw the quhilks thair is oppin passage in greitt daynger
to the towne and nychtbouris thairof; that thairfore the saidis president baillies
and counsale wairnis and charges all and sindry the possessors and awneris of
the said oppin landis, that is to say, the relict of vmquhill Jhone Williamsoun,
Jhone Wilschot, etc. (vt supra) thet thai and ilk ane of thame big vp thair
heid dykis of thair said waist lands weill and competently of heicht and thiknes
as efferis within viij dayes heirafter, with certificatioun gif thai will nocht big
thair said heid dykes of the said waist lands sufficientlie as said is within the
said time, the said president baillies and counsale will mak the saidis lands
sufficiently closit apoun the expenssis of the awnares thairof, and appryse all
the stufe apoun the grund for the payment of the samyn.
pypes on the
It is statute and ordanit be the president baillies and counsale that all
persouns haveand ony pik or tar barrellis or ony pypis lyand apoun the
hiegaitt, that thai be devoydit and tane away on Setterday at evin nixttocum
vnder the payne of viij s. vnforgevin, and gif thai failyie thairin all the guidis
to be escheitt that beis fundin vpoun the gaitt thairafter.
6 October 1514.
The quhilk day in presens of the president baillies and counsale the kirk
maister of the flescheouris and the laif of the maisteris of the said craft hes
consentit to the act maid of befoir anent the dichting of the gaitt, That is to
say of illk stok on the hie gaitt iiii d. in the quarter saw, that the dichteris of
the gaitt cum at the quarteris and ask thair four pennies. (fn. 1)
7 October 1514.
The president and counsale decernis and ordanis Thomas Patersoun for
the disobeying of Jhone Ireland baillie to cum to the merkatt croce on Mononday nixt to cum in his lynnin clais and thair to ask God mercy for the
breking of his ayth, and als to ask the president and the said Jhone Ireland
baillie forgifenes in the name of the haill towne for his said falt committat;
and this to be done betuix ix houris and x vnder the payne of banesing of
14 October 1514.
The president baillies and counsale deceruis the thesanurer to pas in the
townis behalf and big vp the said heid dykes (fn. 2) of thair waist is aboue
written. because thai wer wairnit of beford be oppin proclamatioun at the
mercat, croce to mak thame sufficiently conformand to nychtbourheid within
a time past, and na thing done thairto, thairfore the said thesaurer gar big
vp the samyn sufficiently after the forme of the said act, and the stufe of the
grund be apprysit for payment of the samyn als far as it extends, and to fall
to the said wark apoun Mononday nixttocum as he will ansuer to the King
and the towne.
23 October 1514.
Forswamekill as Thomas Patersoun was decernit be the president baillies
and counsale till haif cumin to the merket croce of this burgh at certane hour
bypast in his lynning clais till haif askit the toune forgifenes for his compemptioun and disobeysance done to Jhone Ireland baillie vnder the payne of banesing the towne and fredome thairof, failit thairintill, that thairfore the said
president baillies and counsale bannesyes the said Thomas this burgh and
boundis of the asaymn induring the will of the provest president baillies and
counsale, and nocht to cum thairin vnder the payne of strekking throw the hand
and banesing of the towne and bounds thairof for euir, and to devoyd betuix
this and the motn vnder the said payne. Thir wer the persouns that ordanit
the samyn, the president, William Clark, Jhone Ireland, Patrik Baroun, baillies,
Walter Chepman, Johne Adamesoun, William Adamsoun, Frances Touris, Mr
Alexander Borthuik, Thomas Fowlare, Patrik Flemyng, William Lokart,
William Currour, Jhone Levingstoun, Jhone Marche, Jhone Bruse, Bartilmo
Wardlaw, and Hercules Stobo.
24 October 1514.
Ane quit for
his awin defence maid.
Alexander Levingston indyctit and accusit for the art and pairt of the
crewall slauchter of vmquhill Walter Jak vpoun the Borrowmuir of this burgh
of Edinburgh in this last month of September bypast, the quhilk accusatioun
wes put to the knawlege of ane assys aboue writtin, thai beand removit furth
of court and agane in enterit thai fand and deliuerit the said Alexander quitt and
innocent of the said slauchter, becaus thai cleirlie knew it wes in his pure
defence. Jhone Levingtoun petiit instrumentis. Testibus Patricio Barroun et
Johanne Irland balliuis, magistro Jacobo Wischert de Pitgarro clericus Justiciarie S.D.N.Regis, Waltero Chepman decano gilde, Johanne Adamesoun
juniare, Jacobo Barroun, Patricio Flemyng, et multis aliss.
26 October 1514.
The quhilk day, in persens of the president baillies and counsall comperit
the kirk maister and the laiff of the maisters of the flescheoures fremen and burgessis within this burgh, and thair of thair awin beneuolent will, at the avyse
of the said president baillies and counsale, thai haif consentit and grantit that
th vnfremen flescheoures sell thair stufe of flesche beif and mwttoun and
vtheris siclyk stufe pretenand to thair faculty vpoun the Sonday and Mononday
as commoun frie merkat dayis to thame, and in lykwyis all vtheris fre merkitt
tymes sic as proclaimit fairis, to haif na vse of selling of sic stufe flesche nor
siclyke bot on the said merket dayes and vther priuilegeit tymes, vnder the
paynis contenit in the facultie of the towne grantit to the maisters of the said
craft of before.
27 October 1514.
Ansuer to the
It was ansuerit to my Lord Secretare vpoun the bak of his bill send to
the provest baillies and counsall anent the discharge of small customes of his
guidis vt sequitur: The president gaillies and counsall vnderstanding that my
Lord Secretar has bene alwayis thankfull to the toun and thair materis in all
thing belangand his office, and desyris to schaw thair thankis to him agane in
ony thingis he hes ado belangand thame, and ar content that thair small custome and dewiteis of his guddis schippit and to be schippit at this tyme be
remittit and remittis the samyn, and siclyke in tyme cumming quhill thai be
6 November 1514.
Entring bot at the ports.
We do yow to witt straitly chairges and commandis in our Souerane Lord
the Kingis name the provest baillies and counsall within this burgh that ony
maner of persoun man or woman tak vpoun hand fra this hour furth to cum in
and pas furth bot at the commoun ports thairof vnder the payne of royall punitioun of thair persoun and banesing of this towne.
Satutes breking (Candilmakers.) (Staiblers.)
(The candilmakers breking the statutes in selling deir candill convict and ordanit
in amerciament of court.—Tr.)
(Siclyk the staiblers for selling deir corn and hay adjudgeit in amerciament of
court at thai mycht tyne, of law and that was gevin for dome.—Tr.)
21 December 1514.
Anent wyne selling Leyith.
My lord principall prouest president baillies and counsall ordanis the
officeris to warn and charge all men of Leyth, that tappis or sellis wyne or
vther merchand stuf within the said toun of Leyth, in hourting of the privilege
of this toun of Edinburgh, to compeir befoir thame on Friday nixttocum to
ansuer to the saidis lordis provest baillies and counsall quhat thai haue to say to
thame in the saidis materis.
28 December 1514.
The principall provest baillies and counsall hes decernit the xxx elnis of
feyting sauld be Guilliame de la Mayne to be the townis escheit becaus he enterit
nocht the sam in the townis buikis, and als thre ellis veluot sauld to Walter
Ker vnfreman and nocht to the fremen of this toun, and in lykwayis decernit
the last of hydis sauld be the said Walter Ker to the said Frenchman to be
the townis escheit becaus thai war sauld outwith this toun be ane vnfreman till
ane vther vnfreman.
Committ in will of the toun for bying of vittuall.
The samyn say, forsamekle as Walter Ker garantit of before the xxx day
of July last bypast that he had boucht certane victuallis extending to vijxxbollis
malt and vther guidis fra Frenchmen within thair boundis and port of Leyth,
vsurpand the fredome and privilege of this burgh contrare hes promit maid in
the said act of befoir, submittit him to my lord provestis will for the samyn,
and now the said lord hes declarit his will thairintill, with the avys of the
president baillies and counsall, that the said Walter sall content and pay to the
kirk werk bot x li. at this tyme, with the intimatioun that gif he faltis ony
maner of way aganes the priuilege of the said burgh in tyme tocum that the
haill thing salbe tane of him but fauouris, and souertie to be found thairvpoun
as efferit; and heirfore Dauid Ferry is becumyn souertie; and Patrik Barroun
promittis still releif the said Dauid and keip him skaythles of the said souertie