9 January 1523–4.
Forswamekill as Helene Bayne that heir standis is notourly kend ane
commoun regrater, and will nocht forbeir, and now laitlie this day apprehendit
byand eggis and brokin the statutes of the town, quhairfore the provest baillies
and counsall banissis hir this towne induring thair willis, and nocht to cum
thairin quhill scho obtene licence vnder the payne of deid, and to devoyde
within xxiiij houris, and als the provest baillies and counsale commandis
and chairges that na maner regreters be fundin brekand the statutes within
this towne fra this furth vnder the said payne on banissing, and at na buirdis
nor standis be fundin on the Hiegaitt fra this tyme furth with cheis eggis
butter vnder the payne of escheting.
9 August 1524.
The quhilk day, the baillies counsale communitie and dekynnis of craftis
decernis and ordanis, and als thinkis expedient for the commoun weill of this
gude toun, and all our Souerane Lordis lieges reparand thairto, that all the
flechouris quhilk vassis the land mercat, fremen and vnfremen that duellis
within this toun, haif full fre faculte and licens till slaa thair stuf nolt and
scheip within thair awin houssis that thay pay maill for on Setterday and vther
dayis neidfull, and to sell the samyn commonlie in the mercatt till all our
Souerane Lordis lieges on the tua mercat dayis lymmyt thairto, viz. Sounday
and Monunday allanerlie, without onye stop or impediment to be maid to thame
thairfore be the fleschour crfat or vtheris in thair names in tymes to cum; and
ordanis that the act maid to the said craft or flechouris the ix day of October
the yeir of God Jm iiijc Ixxxxvj yeris haue na strenth force nor effect in tyme
to cum, because it wes vnderstandin that the samyn wes maid and is agains the
commoun weill and proffit of this gude toun.
13 August 1524.
The quhilk day, the prouest baillies and counsal ordanis that Jhonne
Stevinsoun flechour, or the chaiplane of the said craft, pas at all tymes with
ane officer of the toun throw all the vnfremen of the said craft and serch and
seik thame grf thay sell thair stuf in thair houssis or ony vther places of the
mercat dayis lymmit to tham, and certifie the toun thairor, and iustice salbe
ministrat to tham, and gyf onye of the said vnfremen steikis thair durris wilfullie
sua that thay may haue na entres to seche thame as said is, it salbe lefull to
the said offiecer beand with thame to mak oppin durris and nocht be the
of the said merket dayis.
18 August 1524.
Provest baillies counsall and communitie of our burgh of Edinburgh, we
pray and als chairgis yow to gif firme credence in our name to our familiar
seruitour aduocat and justice clerk Mr James Wischert conceryuyung the
office of the said procuratorie and bailyereis, and that ye do as he sall thairin
schaw yow in our name. Subscrivit with our hand at our Palice of Halieruidhous
the xviij day of August instant.
Mr Framces Bothuell at the command of the king left his office of Provestrye.
The quhilk day, Maister James Wischert justive clerk till our Souerane
Lord the KIng, declarit be his credence in presens of the provest and counsall
that it wes the mynde and will of our said Souerane Lord that the provest cedit
and left his office of provestrie in the townis hand, and that in presens of the
counsall and men of guid, Maister Francis Bothuell provest, at the command
and will of our Souerane Lord the King, cedit and left his office of provestrie in
the townis hand, protestand that the leving of it swa be na dirogatioun nor hourt
nocht the priuelege of the toun, and thairvpoun askit instuementis. Witnes
the laird of Glen, Mr Adame Ottiuburne, Mr James Lawsoun, Mr James Haliburtoun
Gilbert Lauder, James Dickesoun.
The samyn day, Mr James Weschert in presens of the baillies counsall
and communitie requirit and als chairgit thame in our Souerane Lord the Kingis
name that thai sould cheis my Lord Maxvell thair provest, and als chairgit
the said lord beand present that he sould accept the said office of Provestrie.
Robertus dominus Maxwell effectus est burgenis et conceditur gratis.
Quo die nobilis et potens dominus Robertus domunus Maxwell de mandato
Supremi Domin nostri Regis electus est prepositus burgi de Edinburgh communi
[Robert Lord Maxwell is made burgess, and it is granted gratis.
On which day the noble and potent lord, Robert Lord Maxwell is, by commond
of our Supreme Lord the King, chosen provost of the Burgh of Edinburgh by the
19 August 1524.
The quhilk day, the provest baillies counsall and communitie ordanis all
the nychtbouris of this burgh craftismen and vtheris till forgather in thair best
arry, bodin for weir, at Moneday or ony vther day neidfull till pas with my
lord provest to mak the Kingis Grace seruice, and to convene at the Netherbow
vnder the pane of ane vnlaw; and alsua ordanis thame to be reddy boddin for
weir at all tymes quhane neid is, and forgather hastelie betuix the Tolbuith and
the mele mercatt at the clynk of the common bell, till awayt vpoun my
lord provest for the stanching of truble gif it sal happin, vnder the pane of ilk
peroun that beis away of escheit of all thair guidis.
6 September 1524.
Villa actioun officiall.
The quhilk day, teh provest baillies and counsall statutes and ordanis that
na maner of nychtbour nor induellar within this burgh call nor summoun ane
vtehr befoir the official in the consstorie for na actioun nor mater that may
be decydit befoir the provest and bailies, and specialie for na materis that concernis
the commoun guid of the toun, bot all sic materis be callit befoir the
provest and baillies, and that na actioun pas to the consistorie bot thai causis
that concernis the priuilege thairof.
29 October 1524.
The water baillie of Edinburgh may hold his courtis upon the schoir of
Leith, under the stair of the Kingis wark.