24 February 1550-1.
The baillies and counsale ordanis the butter mercatt to be in the fleschous
quhill the Passioun owlk nixttocum, be ressoun that the samyn is regraittet
quhair it is now.
(Townis breid, 4 d. laif, 13 vnce; payne escheitt; nummer 4 d., 2 d., 6 d., 8 d.
breid. Owtlandis breid, 19 vnce, payne escheitt.—Tr.)
25 February 1550-1.
Merchands sailland and of skippers.
We do yow to witt: Forswamekill as thair is ane act of parliament (fn. 1) maid
be vmquhill our Souerane Lord of guid mynd that last deceissit, quhome God
assolyie, ratefeand and apprevand the acts of parliament maid be vmquhill King
James the Thrid (fn. 2) and King James the Ferd, (fn. 3) quhome God assoilyie, twicheand
merchands passand furth of the realme with merchandice to France, Flanderis,
or ony vther pairts, that na merchand saill without he haif half ane last of guids
of his awin, or ellis in governance as factour to vther merchands, to be putt to
executioun in all poynts, and thairfore ordanit the prouest and baillies of burrowes situat at ilk port of this realme to serche and seik the persouns brekkares
of the said statutes, and that thai distreyngyie ilk persoun brekkare thairof for the
sowm of xx li. to be applyet on this wyse:— the ane half to our Souerane Ladeis
vse, and the vther half to the saidis prouest [and] baillies for thair lawbouris;
and gif the prouest and baillies be negligent in the exerceing of thair offices
gevin to thame that thay sall be oblist to pay the said xx li. for ilk man that
passis and saillis contrair the said act at the port quhair thai haif jurisdictioun;
and als it wes ordanit that na skippers, maisters, awneris of schips, resaue any
merchants to saill in thair schips without thai haif the names of thame in
tikkatt subscryvet be the saidis prouest and baillies hands, vnder the payne
foresaid, for ilk persoun that thai resaue,—as at mair lenth is contenit in the
said acts of parliament maid thairvpoun; and als that thair is ane writting
subscryuet be my Lord Gouernouris Grace makand mentioun that his Grace is
suirly informit of the evill bruitt and lichtleing of this realm and lieges thairof
in pairts of Flanderis and France be passing of certane sempill persouns thair
in merchandice cled in vyle array, and speciallie sen the treting of this last peice
with Flanderis; and for the eschewing thairof, and willing that the said act of
parliament be keipit, ordanit and als commandit and chairget the prouest of
Edinburgh that thai diligently causit attend at the port and heavin of Leyth
and all sic pairts within the fredome of Edinburgh that na sic merchandis pas
be sey to the pairts foresaidis haueand les guidis nor is contenit in the said acts
of parliament, reservand the effect thairof to the said prouest to be obseruit
and sett furth be him in all poynts, as at mair lenth is contenit in the said
writting direct thairvpoun. Quhairfore I command and chairge in our Souerane
Ladeis name, my lord gouernouris grace, and in name and behalf of the prouest
baillies and counsale of this burgh, that na maner of persoun tak vpoun hand
to saill fra this port of Leyth to France, Flanderis, or vther pairts our sey, in
merchandice, without thai haif swa mony guidis as half ane last guidis of thair
awin or in gouernance conform to the tenour of the saidis acts of parliament,
and vnder the payne contenit thairin; and that na skipper, maister or awners
of schips, resaue ony merchants to saill in thair schips without thai haif thair
names subscryuet be the prouest and baillies, vnder the payne foresaid specifiet
in the said act.—(Convict buik end.—Tr.)
13 March 1550-1.
It is statute and ordanit be the prouest baillies and counsale that ony
seriand and officer that takis ony decreitt for ony maner of persoun, that he
putt the samyn to executioun within xlviij houris after the ressaitt thairof,
vnder the payne of depriuatioun of thame fra thair office for euir; and that
nane of thame refuis to putt ony act to executioun vnder the said payne.
Apprysings; Awaiting on; Causualiteis.
Item, that the dewteis concerning the officeris and seriandis, sic as apprysing
of guidis, sesings, brevis, be commounly delt amangs the haill officeris and
seriands and euerilk twa of thame to appryse all guidis that sall happin
within this burgh to be apprysit within xiiij dayes, and Rychart Kilgour and
William Cowttis to serue and appryse fra Mononday nixttocum furth be the
space of xiiij dayes, and after thame Patrik Baldrany and Thomas Todrik,
and thridly James Henrysoun and James Andersoun, ferdly Jhone Wawchlott
Patrik Wychtman; and siclyk the officeris qubilkis apprysis guidis the nixt
xiiij dayes thairafter to awaitt vpoun the prouest and vthers foure by thai twa,
and thame that awcht to appryse awaitt vpoun the four baillies; and siclyke
ordanis the haill aucht seriands to convene in the tolbuith daylie the tyme
that the prouest and baillies sittis at x houris and remayne contenually quhill
thai ryse, saiffand the saidis twa officeris that ar apprysand. And anent the
proffeitts of the dewteis foresaidis, ordanis the samyn to be putt in ane commoun
boxe to be keipit be Rycbart Trohop, Edinburgh, masour, and
oppynnit at the saidis officeris plesour.—(Convict buik end quhilk begynes 1535.
It is statute and ordanit quhair it may be verefeit that ony merchand be
him selff or his seruands callis vpoun any man beand of purpose to by merchandice
and passand to ane vther mannis buith, or beand thairin, that he content
and pay to the kirkwark the sowme of xl s.—(In ane convict buik end.—Tr.)
It is statute and ordanet be the provest baillies and counsale that na maner
of persoun burges man nor vtheris sett ony geir or buirds on the Hiegaitt, in
buyth durris, commoun venellis, passages, or owtwith thair buith durris or
windowes to be sawld except it sall be lesum to thame to haif thair stand outwith
thair buith dur to sell thair geir on the mercat day quhilk is statute
within the realme, viz., Mononday. And it sall be lesum to ony maner of burges
haiffand ane laich buith to haif ane buird to cum na farder furth nor the over
stop of the said buith dur to lay his geir on daylie, becaus of the want of his
buith window, vnder the payne of the skemils and buirdis quhairon the said
geir shall happin to stand. And that this statute be putt to executioun be the
officeris, and gif thai failyie thairin to be depryvet for euir.
7 April 1551.
We do yow to witt: It is statute and ordanit be the prouest baillies and
counsall of the burgh of Edinburgh, for stayncheing of derth, and that sic partiis
as purpose to vphald the samyn may be knawin and pvnist, that in all tymes
cuming quhen thair arryves ony strayngers at this port of Leyth laidnit with
victuallis, sic as rye quheitt beir or vther stufe, that na maner of persoun freman
of the said burgh or ony vthers lieges of this realme, tak vpoun hand to
by ony of the said victuallis vnto the tyme the price thairof be maid be the
said prouest baillies and counsale, vnder the payne of escheitt of the stufe that
beis bocht to the byer, and the pryce being maid that na maner of persouns
foresaidis tak vpoun hand to by ony mair of the said victuall nor will sustene
his awin howshawld allanerly, vnder the payne aforesaid.
10 April 1551.
(Townis 4d laif, 18 vnce; paynes xl. s., v li., and spayning; and ilk baxter
haif his awin merk. Owtlandis breid, 22 vnce; paynes ar deilling.—Tr.)
In presens of the baillies and ane pairt of the counsale sittand in jugement,
Robert Pyndale, Inglisman, confessit and grantit that he cuttit his
veluitt and vther guidis in small peices and sawld the sam in Leyth, and
thairby brak the acts of this burgh and fredome thairof, for the quhilk caus he
become in the townis will, and thai decernit him to pay ten merkis to be
applyet to the commoun werkis of the town.
4 May 1551.
In presens of the provest, James Carmichaell, Allane Dikkesoun, baillies,
Jhone Charters, Mr Robert Hereot, Alexander Park, William Craik, Alexander
Young, Alexander Ka, Adame Purves, William Coldane, of the counsale,
sittand in jugement, comperit M. Walker, Inglisman, and confessit and grantit
that he sawld ane pairt of his battery inbrocht be him to this burgh in small,
and weyit the same in small, sic as pund, half pund, and half staynis, and
thairby brak the statutes [of] the town and priueleges of this burgh, for the
quhilk falt he become in the townis will, and thai ordanit him to remayne in
warde or find cawtioun for the fulfilling of the said will.
11 May 1551.
The prouest baillies and counsale ordanis the thesaurer Robert Grahame
to content and pay to Jhone Dalmahoy the sum of xij merkis for his fie sen
Mairtymes last to Mairtymes nixttocum allowand thairin samekill as is payit
to him sen the said feist of Mairtymes thairof quhilk beand payit etc.—
[Nota.—This man was officer of the heavin of Leyth.]
The prouest baillies and counsale ordanis that Jhone Dalmahoy thair
seriand and officer of the port and heavin of Leyth in all tymes cuming keip
the mesouris callit the watter metts of salt, rye, quheitt and beir and siclyke the
firlotts for meill and sic victuall, and to vplift the proffeit of the mesoring
thairof, viz., viij d. of the chalder and vther sic dewteis as vsit to be tane before;
provyding alwayes that this gift hurt nor preiuge nocht the fermerer of the
wyld auentures present nor nane to cum twicheing his rycht of the said
27 May 1551.
The prouest baillies and counsale fyndis that the chesing of the metteris
of all victuall and salt inbrocht to Leyth aucht to be be the counsale and the
juges, and that the mesouris suld be delyuerit to the fermerers of the wyld
auentures to be vsit be quhome he pleisis assigne thairto, and thairfore hes
chosin the persouns following to be mettares, viz., Jhone Gottray, Adam Welderstoun
and Thomas Haisty quhilkis wer sworne thairto, and ordanis all the
commoun mettis to be delyuerit to Frances Tennend fermerer of the wyld
auentures, and ordanis the said mettares to be equall pertiners of wynning in
7 October 1551.
The quhilk day, the prouest baillies and counsale sittand in jugement consentit
all in ane voce that the haill vnlawis and dewteis of wrangis done to the
towne in the yeir tocum be vpliftit and tane be the baillies and seriandis and
the samyn incontinent thairefter to be deliuerit and put in ane box to be
[kepit] be the thesaurer Robert Grahame, and at the [completing] of the yeir the
sayd box to be opynnit and the haill [sums of] money being thairin to be distreibut
be the saidis prouest baillies and counsale as thai sall think expedient,
saiffand the vnlaw of xviij s. of convict and viij s. to be distreibut or ressauit
[be the] saidis baillies as thai sall think best.
9 October 1551.
of the seriandis.
The quhilk day, the prouest baillies and counsale sittand in jugement
vnderstandand and findand that the haill seriandis of this burgh hes failyeit in
executioun of thair offices anent the ackis maid the xiij day of Merche last
bypast and vtherwys, thairfor hes depryveit and dischargeit the said seriandis
simpliciter of thair offices in tyme cumming, and ordanis the foure baillies to
ressaif euery ane of thame sic twa habill men to be presentit to the counsale
and fund abill be tham as sall be thair seriandis for the yeir tocum and that
the saidis seriandis be astreikit and find cautioun for obseruing of the saidis
statutis and ansuering of sic gudis as thai salhappin to intromet with.
10 October 1551.
It is statute and ordanit be the prouest baillies and counsall that all maner
of baxtaris within this burgh baik thair breid gud and sufficient stuf, and that
the iiij d. laif wey xx vns, vnder the pane of xl s. for the first falt, v li. for the
secund falt, and the third spanyng of thame fra the occupatioun, and that al baxtaris
within this burgh haue thair mark vpoun thair awin breid, togidder with sa
mony hoillis besyde the samyn as the breid will cost pennyis, and that the outland
baxtaris haue thair breid gude and sufficient stufe as said is, and that the iiij d.
laif wey xxiiij vnce vnder the pane of deling of thair breid, and that thair be
na breid bakyn within this burgh nor brocht to the merket to sell except twa
penny breid, four penny breid, sex penny breid, and aucht penny breid, vnder
the panis foirsaidis.
It is statute and ordanit that na maner of maltmen within [this burgh]
tak vpoun hand to sell ony darrer malt fra this day furth nor nyne furlettis
grundin malt for lij s., vnder the pane of v li. to be tane als oft as they failye,
and siclik that na maner of broustaris nor dry tappistaris within this burgh tak
vpoun hand to sell ony darrer aill fra the said day furth nor for iij d. the pynt,
vnder the pane of xviij s. for the first falt, striking furth of thair caldroune
boddomes for the nixt, and the third spanyng of thame fra the occupatioun.
It is statute and ordanit that na maner of persone man nor woman that
bringis ony meill to the mercat within this toun strik vp the samyn quhill nyne
houris before none, and that na persouns hous the samyn within ane house quhill
foure efter none, vnder the pane of viij s. als oft as thay failye, and that na mettaris
of meill mak ony metting thairof within this toun, bot the awneris of the
meill met the samyn thairself to all oure Soueranes liegis vnder the pane of
putting in the ernis at the croce for xij houris for the first, and banissing the
nixt, and na maner of parsonis man nor woman regrait meill to sell in small
vnder the pane foirsaid, and that nane that ar regratouris or metteris of meill
in tyme bygane be fund in the merket in ony maner vnder the pane foirsaid;
and that na caikbakstaris be fund in the merket.
It is statute and ordanit that na maner of persone man nor woman regrait
or tak ony fische to sall agane to the nychtboures of the toun nor to oure
Souerane Ladyis liegis quhill xii houris be strikin at none and fra ane hour
efternone quhill vi houris at ewin, vnder the pane of banissing of the toun, and
that na parsonis pas out of the toun to the poirtis or ony vther place to by
ony fische to regrait agane vnder the said pane, and that na maner of parsonis
that ar regratouris be fund in the merket amangis byaris and sellaris quhill
the houris foirsaid vnder the pane foirsaid.
It is statute and ordanit for the commone weill of this burgh and all oure
Souerane Ladyis liegis reparand thairto, that all maner of parsonis that sellis
pultre, duelland within this burgh or outwith reparand thairto with siclik stuf
to sell in tyme cuming, that thay bring thair stuf foirsaid powtre and wyild foule
oppynlie to sell to the merket croce, and nocht to be haldin incouerit vnder cloikis
and gownis nor yit in thair houssis, bot commonlie to be sauld to oure Souerane
Ladyis liegis, and euery day heirfore to be ane merket day at the merket croce and
na vther place and that thay begyn thair merket betuix viij houris and nyne
houris before none and contynew quhill xij houris, and at twa efter none to
contynew quhill sex efter none in winter and quhill sex houris at ewin in somer,
and the straingeris bringand sic stufe to the merket and out duellaris to haue
the merket daylie siclik, and that na nychtbouris man nor woman by fra straingearis pryweatlie nor oppynly to sell or regrait agane ony maner of wyld foule
or tame, nor that nane pas out of the toun to by ony wild foule or tame to
regrait agane be the space of vj myllis vnder the pane of banissing of the
toun and eschete of thair stufe that beis fundin with thame, and that nane of
the saidis regratouris be sene in the merket amangis byaris and sellaris vnder
the panis foirsaidis.
It is statute and ordanit that all maner of stabillaris within this burgh
haue thair stabillis weill and sufficientlie furnist with haik and maynger, with
sufficient lokis and catbandis on thair duris for sure keping of the hors that
stabillis with thame, and sall sell thair best corne that wilbe meill to all oure
Souerane Ladyis liegis for x d. the pek, and the secundare for viij d. the pek,
and the stane of hay for vj d. the stane, vnder the pane of xviij s. for the first
fait, the secund for eschete of thair stuf, the thrid spanyng of thame fra the
opparatioun, and that thay tak na stabill fee fra the parsonis that lugeis with
thame, thay byand corne and hay fra the saidis stabillaris, and that thair
mesouris be selit with the townis merk vnder the pane foirsaid.
Item, that na maner of parsonis by aittis nor hay to sell agane except stabillaris, vnder the pane of escheting thairof and banissing of thame the toun.
It is statute that all candilmakeris within this burgh mak thair candill of
sufficient stufe baith in weik and talloun, and that thay sell the pund thairof
commonlie to all oure Souerane Ladyis liegis for nyne pennyis the rag weik and
aucht pennyis the hart weik, and that thay haue thair wechtis and ballandis baith
les and mair and be reddy to sell the samyn in pundis [in] houssis and vtith
gyf tha pas vpoun the He gait, vnder the pane of auchtene schillingis for the
first fait, the secund fait eschete of thair stufe, the thrid spanyng of thame fra
the opperatioun, and quhen thay pas throw the toun that they be honestlie tursit
vnder the pane foirsaid, and that they be had throw the toun as they wer of
before vnder the said pane.
Item, that na talloun be meltit in fore buithis vnder the pane foirsaid
nother in commoun streitis nor common venellis.
Item, that na vagaboundis that hes na occupatioun nor maister to serue
quhairby thay may leif and haue thair sustentatioun, and that na maner of
nychtwalkeris, dysaris, cartaris, remane within this toun, certyfyand thame that
ony sic parsonis be fundin within this toun thay salbe put in fermanis and presone vnto the tyme that inquississioun be tane of thair gyding and maner of
conuersatioun, and gyf thay be fund culpable to be pvnist be deid or vtherwyis
in thar parsonis according to thair demeryteis, and that nane harbery siclik
parsonis bot incontynent schaw to the prouest and baillies thairof vnder the
Item, that na fleschoure nor vther parsoun within this burgh sell ony
talloun to straingeris or inhabiteris of vtheris townis outwith this burgh bot to
the nychtbouris thairof and candilmakaris, and that na fremen vther nor the
candilmakaris by thameself nor thair seruandis melt ony talloun of thair awin
nor of vtheris by the vse of thair candilmaking, vnder the pane of eschete of
thair stuf als oft as thay ar apprehendit doand in the contrair, and payment of
the soume of v li. to the commone warkis and banissing of the toun anent
brekaris of the said statute.
It is statute and ordanit that na maner of parsoun by ony malt in this
merket without thay be fremen of this toun, and to brew the samyn thairselfis
and to serue the quenis liegis thairwith, and nocht to regrait the samyn agane
vnder the pane of eschete of the stuf in the byaris handis gyf thay be apprehendit.
Item, it is statute and ordanit for escheing of ewill sawour pest and seiknes,
that all maner of parsonis haueand fulye and middingis in the Hiegait, Cougait,
and commone streittis, tak the samyn away betuix this and Setterday nixttocum
with certifycatioun and thay failye the baillies will dispone thairupoun and
caus the samyn be cartit away, and siclik that euerry nychtboure on euerry
Setterday at ewin mak clene foment thair awin houssis baith in the Hiegait and vinellis efter the auld vs for keping of the toun clene, vnder the pane
of viii s. to be tane als oft as thay failye; and that the belman pas ilk Saterday
efter none throw the towne that the nychtbouris pretend na ignorance.
Item, becaus the prouest and baillies hes bene ewill seruit in tymes bygane
quhen thay had ado with assissis or inqueistis, and that the nychtbouris thairof
refusit to cum quhen thay wer chargit, thairfore it is statute and ordanit that
all sik parsonis that ar warnit to assissis or inqueistis be the officeris and refusis
to cum that thay salbe pundit for the vnlaw of xviij s., but fauouris.
standis on the
Item, it is statute and ordanit be the prouest baillies and counsale that na
maner of parsoun, burges man nor vtheris, set ony geir or burdis on the Hiegait,
in buith duris commone passageis or outwith thair buith duris or windokis to
be sauld, exceptand it be lefull to thame to haue thair stand outwith thair
buith dur to sell thair geir on the merket day, quhilk is statute within the
realme Monunday, and it salbe lesum to ony maner of burgessis haueand ane
laich buith to haue ane burd to cum no farther furth nor the owir stop of the
said buith dur to lay his geir on daylie becaus the want of the said windok,
vnder the pane of birnyng of the skemmillis and burdis quhairon the burd
salhappin to stand, and that this statute be put to executioun be the seriandis,
and gyf thay failye thairin to be deprivit of thair officis for euir.
Item, that na maner of maltmen within this burgh nor outwith the samyn
in ony tyme cuming sell ony malt to first to ony parsonis of this burgh bot to
the burges wyffis, honest wedowis that ar substantious, certifyand, thame that
dois in the contrair thairof that thay sall nocht be hard to complene before the
prouest and baillies for the money thairof.
Item, that na maner of flescheouris of this burgh that bringis flesche
thairto cut nor slit ony mwtun in the schulderis nor vther pairtis, nor blaw
ocht the samyn, vnder the pane of eschete thairof.
It is statute and ordanit that all nychtbouris in tyme cuming [passing]
for wyne to ony tauerne haue thair pyntis of just mesoure markit with the
townis mark, and that the samyn haue ane tappone as vs in vther pairtis,
and that the tauernar set to thair stoup to the punscheoun heid and fill the
samyn, and that na ressaving of wyne be fundin in tyme cuming be the tauernaris
choppingis in the nychtbouris pyntis, and that ilk nychtboure caus mak
his stoup in this maner be Johne Rynd.
It is statute and ordanit that ane baillie or ma pas with the officeris and
discharge all maner of regratouris and vtheris within this burgh to by butter,
cheis, eggis, frute, fische, hering or siclik stuf, to sell agane, except samony as
ar fremen or fremennis wyffis and beis admittit be the gude toun, and sall find
souertie ackit in the buikis for keping of the statuteis of the toun, vnder the
pane of eschete of the stuf that beis apprehendit bocht be ony vtheris, and
pvnissing of thair parsonis, and that na frute wyffis stand on the hiegait bot
on the merket day, vnder the pane foirsaid.
[Acts to be
It is statute and ordanit that all nychtbouris of this burgh that thay obserue
and keip all and syndry the foirsaidis ackis and poyntis contenit thairin,
certifying thame that dois in the contrair thairof thay salbe pvnist to the
regoure, but fauouris, as salbe knawin be the first brekaris thairof.
12 October 1551.
William Lowry duelland in the Quenisferry, James Tailyefeir thair, and
Johne Crawfurd duelland within this burgh, apprehendit regratouris of butter
and wictuellis in the merkettis, ar dischargit the samyn, vnder the pane of
eschete of the stufe and banissing of thame the toun.
Robart Lokke, duelland vnder the wall, apprehendit ane commone regratour of butter, is decernit to be put in the arneis of the Croce and thair to
remane be the space of iij houris, and neuir to be fund agane byand butter to
regrait agane, vnder the pane of banissing of the toun.
10 December 1551.
Anent the red.
The quhilk day, the prouest baillies and counsale ordanis the officeris to
warne all sic parsonis that hes red, mwk or stanis lyand on the hiegait or
commone wynnellis of this burgh that ar nocht bigand instantlie, that thay
incontynent with all deligence caus the samyn be tane away with all deligence,
with certifycatioun and thay failye that the samyn salbe sauld and tane away
vpoun the money gottin thairfore.