2 July 1563.
Tuiching the red in the Blakfreris yarde.
The prouest baillies and counsale ordanis Andro Craig [and four
others,] with all deligence, vpoun [thair] awin expenssis, to cary away the
red laid be thame in the Blakfreir Kirk yaird, to the effect that wark of the
hospitale may proceid without impedyment thairof; quhilkis failling,
ordanis the maisteris of wark of the said hospitale to caus carye [the]
samyn away vpone thair expenssis, and actis to be gevin to officeris to
4 July 1563.
[The provost, bailies and council ordained, "conform to thair auld ordinances,
that na merkat nor bargane be maid of woll, byde, skyn, butter, cheis, vpoun the
Sounday oppinlie nor priuatlie, vnder pane of confiscatioun to the gude townis
6 July 1563.
The prouest baillies counsale and dekynnis abone writtin, vpoun consideratioun
of the greit laubouris and expenssis maid be Robert Hendersoun,
cherurgeane, at the command of thame and thair predecessouris, baillies,
on diuers personis hurt within this toun, and in speciall vpoun ane deid
woman rasit furth of the graif efter scho had lyin tua dayis in the samyin
allegit to haue bene wyrreit, curing and mending of tua fals noteris quhais
handis war striken of, dressing and mending of ane man and ane woman
strikin throuch the bodeis with ane suerd be the Franchmen, ordanis
maister Jhonne Prestoun, thesaurer, to deliuer to the said Robert the sowne
of tuentye merkis.
12 July 1563.
[The bailies and council resolved] incontinent to big the hale calsay
fra the Gray Freris to the West Port and to mak the samyn (blank) futtis
braider on ilk side, and to close the mouthis of all the oppin conductis
quhilk cumis to the hie streit, and to charge the hale heritouris to mak
gude and sufficient conductis within thair bigingis, sua that the hie passage
be keipit clene, vnder the pane of x li. to be taikin of euerye ane that
faillis, vnforgevin, and that this calsay be biggit vpoun the expenssis of the
heritouris according to the ordour obseruit in the rest of the Cowgait.
23 July 1563.
[The treasurer ordained to pay hundred merks, being the rent of a "greit
lugeing taikin be the gude toun at Witsounday 1562, at the command of the Quenys
Maiestie, for seruing of the King of Swaithnis ambassadour."]
In presens of the prouest [bailies, council and deacons fo crafts,] comperit
Robert Norwell burges of this burgh and producit the supplicatioun
efter following:—To yow my lord prouest baillies counsale and dekynnis
of this burgh of Edinburgh humlie menis and schewis your seruitour
Robert Norwell, burges of the said burgh, that forsamekle as, having sure
report of sum my freindis and companyconis, familier seruitouris to my lord
abbot of Hallirudhous, that the said abbot wes of mynd to dispone and set
in fewferme to ane seruand of his, duelland within the Cannogait, strangear
fra the commoun weill of this burgh, the kirk place kirk yard and croft of
the Grenesyde, with the peice grene liand besouth the samyn to your playfeild,
to be haldin of him and his successouris vpoun certane conditionis
and for certane yeirlie proffit and seruice to be gevin and done to him
and thame, and forseing the samyn to be hurtfull to your fredome and
rycht quhilk I vnderstand ye haue to the bigingis and boundis foresaid, as
alsua for eschewing of querrell and dissensioun that mycht follow thairupoun
betuix the said lord abbot and your wisdomes gyf he had disponit the
samyn in maner abone writtin, I, be greit laubour, nocht onelie of myself bot
of vtheris greit courteours, my freindis and fauoraris, hes obtenit his gyft,
vnder the commoun seill, of the said place, with sesing following thairupoun,
as the samyn heir present to schaw will testifie, and sen trew it is that past
memor of man thair hes bene continuale debait and stryfe betuix your
predecessouris and the abbottis of Hallirudhouse past for the said boundis of
Grenesyde, and that my lord abbot now present is bruder to oure Souerane
and great in court and may be mair trubbilsum to yow nor vtheris in case ye
wald mowe questioun to this his gyft and sesing quhilk I haue obtenit,
quhairfor, and for eschewing of all trublis betuix him and yow, gif it be your
plesour, seing the said place of Grenesyde as it presentlie standis is bot
and spelmea and den for thevis murderaris and filthie personis, to despone
and gyf the samyn to me with the boundis forsaid in few ferme to be
haldin of yow and your successouris I maist glaidlie desyre the samyn
and sall gyf yow yeirlie proffit seruice and dewtie thairfor, and quhair the
samyn wes of before bot ane den of idolatrie and abhominatioun I sall big
fair houssis, yairdis, stankis, and gyf I may haue the myre to the samyn
fair buttis and prik merkis, for seruing of the nychtbouris in honest and
necessar pastyme within your awin boundis, in the quhilk boundis and
houssis nocht onlie the nychtbouris bot all vtheris our Soueranis lieges, sa
far as the samyn may serue, sall at all tymes neidfull be honestlie and weill
seruit in bedding meit and drink, and sall forther gyf and transfer in your
wisdomes my gyft and sessing obtenit of the said abbot, selyt and subscriuit,
qubilk being done your wisdomes may be assurit to be fre of all
trublis or pretence of rycht that the said abbot of his successouris had hes
or may clame or haue to the said place of Grenesyde and boundis thairof.
This maist humlie I desyre of your wisdomes, or vtherwise that I be nocht
trublit in biging and possessing of the saidis boundis conforme to my said
gyft obtenit of the said abbot; and your ansuer
The prouest baillies counsale and dekynnis foirsaid, after avisement
and lang ressonyng with the supplicatioun abone mentionat, fynding the
samyn maist ressonable, and for eschewing of trublis in case my lord
Robert of Hallyrudhous and thay happin to cum in question tuiching the
boundis abone mentionat, as alsua to bring the samyn fra the possession
of the vngodlie vnto thair awin commoun proffit, and vther ressonable
caussis moving thame, all in ane voce gevis granttis and disponis and to
few ferme lattis to the said Robert Norvell, Agnes Sympsoun his spous, and
thair airis, quhilkis failing the said Roberttis airis, all and hale the kirk,
kirk yard, houssis, bigingis and croft of the Grenesyde, hale and togidder,
as the samyn wes occupeit be the freris of before, viz., to the myre on the
eist, the commoun passege to the Leith on the west, the aikerris and landis
pertenyng to the airis of Robert Carmychaell on the north and the grene be
north the play feild hard to the dik of the said croft on the south, togidder
with thair myre striking south and north with the east pairt of the play
feild on the west, the rod and passege vnder Craigingalt on the eist and
south pairttis, and the said myre sa fer as pertenit to thame of before on
the north; and ordanis ane charter of fewferme with sesing to follow thairvpoun
contening the claussis and conditiones following: [First, The
yearly feu-duty to be six shillings and eightpence.] Item The said Robert
sall begin and big quhair the kirk and houssis now standis ane honest
lugeing with hallis chalmeris sellaris and houssis necessar for seruing of
the Quenys leges. Item, The inhabitaris of the saidis houssis sal be of gude
lyfe, fo honest and godlie conversatioun, na dronkarttis, bordalaris, manteinaris
of fylthye and vngodlie personis, na hurdaris nor resettaris of
thevis, pyrattis, brigandis and tulyeouris. Item, Within the said space in
the said myre salbe maid dry buttis and prik merkis, boundit and fixit
within the samyn, for seruing of our Soueranis lieges to lauchfull pastyme,
and sall vphald the samyn. Item, [The said Robert sall nocht [dispone the
lands without the consent of the council.] Item, [The possessors and
occupiers of the lands] salbe subiect to the prouest and baillies of this
burgh, thair lawis and statutis, as ony vther nychtbour duelland within
the wallis of the toun. Item, [The gift and sasine obtained from the abbot
to be renounced and delivered up to the council.]
15 August 1563.
The baillies and counsale ordanis maister Jhonne Spens, baillie,
maister Jhonne Prestoun, thesaurer, and Nychole Vddert of the counsale
to pas to the Quenys Maiestie, and to ressone with hir hienes tuiching the
writing purchest be the men of Leyth anent the biging of thair new
27 August 1563.
The baillies and counsale ordanis maister Jhonne Prestoun, thesaurer,
to intromet with the cornys growand in the Blakfreir Yairdis sawin thair
be William Brokas, smyth, sell and dispone the samyn, and deliuer the
money thairof to the maister of wark of the hospitale, to be applyit vpoun
the said wark, and oblissis thame to keip him skaythles thariof.
Williame Brocas, smyth, producit ane letter of tak maid to him be freir
Barnarde Stewart, prior of the Blakfreris, with consent of the convent as he
allegeit, of all haill thair yarde callit Baquhannanis yarde, of the dait
at Edinburgh the xvij of Merche 1558 yeris, to indure for the space of five
yeris nixt thairefter, quhilk letter of tak Dauid Symmer offerit to impreif
and the samyn to be fals and fenyeit be the subscriptionis thairof, and
thairfore desyrit the samin to be kept in the iugeis handis.
[Ale to be sold for sixpence the pint, and the fourpence loaf to weigh
11 September 1563.
The baillies and counsale being informyt be directioun fra my lord
prouest that the Quenys Maiestie had appoyntit Setterday nixt, in
Striueling, to the men of Leyth to ressoun vpoun the actioun depending
betuix thame and the gude toun concernyng thari new tolbuth, thairfor
thay all in ane voce appoynttis and ordanis maister Jhonn Spens, baillie,
maister Jhone Prestoun, thesaurer, maister Jhone Marioribankis and
Thomas Reidepeth, of the counsale, to pas to Striueling, and gevis thame
full commissioun to ressoun in the said action.
[Nine firlots ground malt to be sold not dearer than £4 8s.; ale to
be sold not dearer than fourpence the pint.]
18 September 1563.
The baillies counsale assessouris and dekynnis, being informyt be the
report of maister Jhonne Spens, baillie, and the vtheris qubilkis laitlie
war direct to the Quenis Maiestie to Striueling, that hir hienes wes movit
and angrye with the nychtbouris of this burgh, and that scho refusit to
gyf thame speche, the caus vnknawin to thame, heirfor all in ane voce
decernis and ordanis the personis following to ryde vpoun Momunday nixt
to Striueling to hir grace, taiking with thame the townis billis of credence,
to hir hienes and to my lordis of Murray and Lethingtoun, and forther
gevis the saidis personis full commissioun to ressoun in all caissis with
hir hienes in all sic caussis quhairwith scho may burdein the gude toun or
nychtbouris, and sic vther thingis till do as for the commoun weill sall
26 September 1563.
The baillies and counsale, vnderstanding be the complaynt of
Thomas Alexander, burges of this burgh, that he had obteint ane decreit
before thame aganis Jhonn Scott, prenter, extending to ix li., and that the
said Jhonne had na vtheris guddis saifing his prenting irnis and letteris
quhilk war in the townis handis, and without the samyn wer deliuerit to
him he war nocht able to get payment of his said decreit, and thairfor
desyrit thari lordschippis to deliuer him the saidis irnis and letteris for the
caussis forsaid and he sould bind and obliss him, vnder the pane of xl li.
that the saidis letteris and irnis sould neuir cum in the possessioun of the
said Jhonn Scott nor be applyit to ony vngodlie wark as they haue bene
of before, quhilk complaynt the baillies and counsale foresaid thocht
ressonabill and ordanis the saidis letteris and irnis to be deliuerit to the
officeris to be comprisit as vse is, and gyf the said Thomas offerit maist
tharifor to be deliuerit to him, and the said Thomas oblissis him be thir
presenttis to fulfill the premissis vnder the panis abone written.
Note.— In the original the foregoing act is delete, and the following written on
the margin:—"xxj Martii 1564. The irnis, at command of the baillies and counsale,
deliuerit to Thomas Bassenden, and the said Thomas oblist as Thomas Alexander,
and forthari that thair sall nathing be print quhill the samyn be first schewin to the
baillies and counsale and thair licence had and obtenit thairto, vnder the pane
contenit in this present act,"
2 October 1563.
[In an action at the instance of the procurator-fiscal against David Wans, in
Leith, for having "groundit ane wall of asler extending in lenth to tuentie elnis and
in breid to sex elnis, be the space of sex elnis or thairby within the flude mark of
the port and hevin" of Leith, "vpoun the west syde thairof tending thariby
to appropriat the samin to him and mak ane bulwork thairof and to spuilye" the
provost bailies and community of Edinburgh of theri possession of the port and
haven of Leith, the provost and bailies decerned Wans to desist from building of the
wall, and ordered that it should be demolished and taken down.]
mort clayth.; Belman.
[The dean of guild was ordained "to tak of the beir samekle fyne Frenche blak as
will staik the samin, and to the vthir beir samekill groffer claith as will suffice for ane
vther beir." The neighbours were ordained to pay " to Patie Govane for making of
ilk graue xij d., and for careing of the beir to the hous fo the deid vj d., as alssua
for vertesing of the bretherne with the bell iiij d."]
8 October 1563.
The baillies and counsale ordanis maisteris Richard Strang and
Jhonne Moscrop and maister Jhonne Spens, baillie, to tak inspectioun of
the persoun of Pennecukis euidentis of the prouestrie of the Kifk of Feild,
and to mak sic vther euidentis to be exped at our Soueranis hand, the
handis of the abbat of Halierudehous, and the said persoun, as salbe maist
sure for the gude toun tuiching the alienatioun and dispositioun to thame
of the said Kirk of Feild, houssis, begingis and yaridis thairof, and to produce
the samin before the saidis prouest baillies and counsale, and this to
be done with all diligence sua that the said persoun haue no forder caus
to complene of delay.
13 October 1563.
ordour of the
It is statute and ordanit that in all tymes cuming quhen it salhappin
ony mater or questioun to be proponit the proponar to be harde without
impediment to the end of his purpois, and thairefter that nane of the said
counsale nor vtheris tak vpoun hand to speik or ressoun without leif
impetrat of the iugeis than present, and that nane speik bot ane at anis
vnder the pane of xij d.
The baillies and counsale ordanis maister Robert Glen, baillie, and
maister Richard Strang, assessour, to ride to Striueling to ressoun with
the Quenis maiestie tuiching hir hienes writingis send to thame in fauouris
of the baillies of Leith and Dauid Wans.
The baillies and counsale ordanis to convene the deikins on Fryday
nixt for thair consent to be had anent the disponing of the benefices
vacaud in their hand be deceis of Sir Henry Mow, Sir William Gray and
Sir Symoun Blyth.
15 October 1563.
[The treasurer ordained, "with all deligence, to caus wryt the townis leterris in
the foure formes quhilk thay haue obtenit aganis the inhabitantis of Leyth, in parchment,
and get the samyn exped vnder the quarter seill."
[The water bailie of Leith and his successors ordained not to "mak thair
remaning or duelling in tyme cuming within the said toun of Leith, nor that he or
thai hald or fens ony courtis within the said toun of Leith without the assistence of
ane of the baillies of this burgh the commoun clerk or ane of his deputtis with him."
Nicholl Vdward, bailie, discharged of his office and decerned in an unlaw of
£20, "becaus he departit of the realme in his perticular besynes without licence
had or obteinit of the prouest baillies and counsale." The council resolved that
another bailie should be elected; and ordained that no person bearing office should
leave the town for twenty days withour licence, under the penalty of £20, and
that those leaving the realm should be also discharged of their office.
James, alias Sir James, Crawfurd, ordained to produce "the rentell of the
prebendariis, rentis and dewiteis quhilk pertenit to the queir."
[The council gave to John, alias Sir John, Lithgow, the benefices and prebendary Craigeruke,
of Craigcruke, vacant by decease of Sir William Gray.]
5 November 1563.
the wrangis on
[The bailies council and deacons of crafts] decernis and ordanis the
dikis, wallis and bigingis, veseit be thame vpoun Alhallow evin last, and
biggit vpon thair commontie be the laird of Haltonis tennentis of Brounfeild,
maister Archibald Grahame, Thomas Cant, and vtheris duelland
vpoun thair said commontie, to be castin doun vpoun Thruisday nixt, and
ordanis the saidis baillies to convene certane nychtbouris and to hyre
certane pyonaris for doun casting of the samyn.
The prouest baillies counsale and dekynnis, vnderstanding that the
entres to the hie kirk be the stoppis callit our Ladie stoppis vpoun the
south part thairof is commonlie abusit with filth, and the samin sa odious
that the pepill ar compellit to leve the said passage, for rameid quhairof
and vpoun respect of polacey for avoiding of the said filth, as alsua for the
commoun proffeit [agreed that the space should be set for the erection of
two shops thereon].
10 November 1563.
[The provost bailies and council] ordanis Alexander Guthrie, dene of
gild, with all diligence possibill, to tak doun the saittis within the traveis
befoir the pulpat, and in the palce thairof he caus big and set up ane sait
and dask in honest maner for the prouest baillies and counsale.
The prouest baillies and counsale foirsaid ordanis that fra this furth
all men that salbe apprehendit in adulterie or fornicatioun to be impresanet
in the presoun hous abone the northwest kirk dur callit the preistis
presounn, and thair to be fed apoun breid and watter induring thari willis,
but preiudice of ferther pvneisment, and to wemen apprehendit be like
wice efter the samin ordoure to be impresonit in the woltis abone the kirk
beside the stepill induring thair willis as said is.
26 November 1563.
of the ministeris.
[The bailies council and deacons of crafts,] efter lang ressonyng and
gude avisement taikin for sustenyng of the ministeris reder and vtheris
officeris of the kirk, fyndis concludis and decernis that induring thair wilis,
or quhill it sall pleis God that better occasioun of releif sall be had, that of
euerye fyre hous within this burgh, and of the inhabitaris and possessouris
thairof, salbe vplift gadderit and inbrocht be the baillies and officeris
present and to cum foure schillingis in the yeir yeirlie at Candylmes and
Lammes, for sustenyng of the saidis ministeris redaris and offiveris ad said
is; and for thr first and begyning of ordour in this caus, ordanis the
baillies of this present yeir to pas throuch thair quarteris and tak deligent
inquisitioun of euery houshalder and fyr kendler within thair quarteris,
put thair names and nwmer in roll and present the samyn befori the
prouest baillies counsale and dekynnis foresaid vpoun Wednisday nixt, to
the effect that calculatioun may be maid and knawlege had quhat the
laif will extend to; and this to be done with all diligence because the saidis
ministeris and redaris wanttis thair stipend for the maist pairt of ane yeir
[A committee appointed "to pas and vesie the Greneside and boundis thairof,
sa fer as Robert Norvell desiris, according to the directioun gevin to thame, and
report thair ansuer on Wedinsday nixt."]
[The council discharged the treasurer of "xx s. maile restand awand the gude
toun be Jhonne Boyll, keipar of the lyme, sand, and wark lwmes at the hospitale, in
recompance of his seruice."]
1 December 1563.
The prouest baillies [and council,] vnderstanding that thay ar to be
callit the morne before the Quenis Maiestie and lordis of secreit counsale,
at the instance of the abbot of Hallirudhous, tuiching thair libertie of the
port and havind of Leyth, and thairfor fyndis gude and ordanis that thair
evidenttis concernyng the samyn be brocht furth of the charter hous, and
the assassouris convenit to consult thairupoun.
24 December 1563.
The prouest baillies [and council] gevis and disponis to William
Abercrummy, tavernar, burges and gildschip fre, at requeist of the abbot
of Sanct Comeis Inche.
That na burges
be maid for
ane yeir gratis.
The prouest baillies and counsale abone writtin statutis and ordanis
that na burgesschip nor gildrie be gevin gratis for ane yeir to cum, vnder
the pane of then pound to be tane of the consentar and gevar, bur favour.
of the kirk.
The prouest baillies and counsale befoir writtin, vnderstanding that
the generale counsale of the kirk is to be haldin at this present within the
tolbuith of this burgh and the nobilitie for that purpois convenit, and
bacaus thai haue sum materis to propone tuiching the glorie of God and
thair commoun weill in the said conventioun, thai constitute and ordanit
James Barroun, maister Clement Littill and maister Johne Merioribankis
to compeir for thame to ressone and propone in thari caussis and sik vtheris
as sall occur, and geifis thame full commissioun sa to do, and siclike ordanis
Richart Trolhope and the gild officeris to wait on the keiping of the tolbuith
dure induring the tyme of the said assemblie and conventioun, and
that the dene of gild see thame furneist in candill fire and vther necessaris
vpoun the tounnis expenssis.
29 December 1563.
The prouest baillies and counsale ordanis Alexander Park, thesaurer,
to by thre twn of the best wyne can be gottin in leyth, togidder with
xx li. worth of torches, to be propynit to the Quenis grace.