1 January 1568–9.
The baillies and counsall, vnderstanding the manesing and boist of
the lordis of the West Cuntre aganis the toun, ordanis the haill inhabitantis
abone the cors gif neids all require, vpoun the warning of the
commoun bell or be the drum, to addres thame to Robert Forratt and
William Litill, baillies, and. the vtheris nychtbouris beneth the tolbuth to
Adam Foullertoun and Alexander Clerk, baillies.
7 January 1568–9.
The baillies and counsall ordanis the deyne of gild to cans mak
ane poupat, portative, to be set vp in the Over Tolbuth for preiching
to the papistis, and to caus mend the intres of the polpat in the hie
The baillies and counsall ordanis that proclamatioun be maid that na
oppin tavernis be haldin the time of preiching on the Saboth day, vnder
the pane of a vnlaw of fyve li.
11 February 1568–9.
The baillies and counsall ordanis maister Thomas Bucquhannane,
maister of the hie scole, to enter to instructt the yowth of this towne on
Mononday nixt, and willis the minister publische the samyn to the pepill.
17 February 1568–9.
Extent, vjc merkis.
[The bailies, council, and deacons of crafts] grantis and consentis
that ane extent of sex hunder merkis be liftit of the haill nychtbouris of
this burgh for furnissing of certane men of weir to my lord Regentis grace
for ane moneth nixt heirafter.
4 March 1568–9.
The baillies and counsell ordanis Andro Stewinsoun,thesaurer, to
pay to Jhone Adamesoun the sowme of fourty merkis for the maill of his
hous occupeit be Jhone Knox the yeir past, deduceand thairof the sowme
of aucht pund debursitt be the said thesaurar in reparalyng of the said
hous in defalt of the said Jhone Adamsoun, being requyrit to do the sam,
and als xij merkis xij s. debursit mair be the said thesaurar in reparing of
the samyn hous by the viij li. abone mentionat debursit be the said Jhonn.
1 April 1569.
The baillies and counsell, after avysment with thair gyft grantit to
thame of the annuellis landis and dewteis quhilk pertenit to the munkis,
preistis and freiris of this burgh, for sustening of the ministrie and
hospitale, fyndis thai haif oursene thame selfis in omitting of the Seynis
furth of thair said gift; and thairfore ordanis the said gift to be maid our
of new, and the four baillies to pas to my lord Regentis grace thair with to
gett the samyn subscryvitt.
6 April 1569.
Proclamatio, villa Sanctandrois.
The baillies and counsell, after avysment with ane writting send to
thame be the prowest and baillies of Sanctandrois, bering that the cuntrie
about thair said toun wes infect with the pest, for the quhilk caus thai
haid dischairgit all mercats and fairis,'and in speciall the fair callit the
Seingyie fair, and thairfore willing that the nychtbouris of this burgli sall
nocht tyne thair tyme, willit thame to be aduertist that thai cum nocht
to thair said towne for the caussis foirsaid, after avisment as said is the
baillies and counsell ordanis proclamatioun to be maid dischairging our
nychtbouris to pas thair to the said fairis, with certificatioun to thame
that dois in the contrair thai sall haif na entres within this toun before
thai be ordorit as suspect personis and pay the vnlaw of ten li. for thair
Villa, Blak Meg.
[The deacons warned to appear before the council to consider what portion of
escheat goods should be given to the " sone and air of vmquhill William Smith and
Blak' Meg, quha wer justefeit for breking of the lawis the tyme of the pest."]
Villa, dene of gild, Prestoun, Somer.
The baillies and counsell ordanis Jhone Harwod, dene of gild, to
requyre of Dauid Somer the greitt clayth quhilk hang vpoun the bak
of thair hie alter the tyme of papistrie, and of maister Jhone Prestoun ane
Dornikbuird clayth, ane dissone of seruetis, and ane grein clayth; and gif
neid be to call thairfore becaus the samyn pertenis to the gude towne.
9 April 1569.
The baillies and counsall ordanis Andro Steuinstoun, with all deligence
possibill, to caus mak ane chope of tymmer to be set vp besyde the mercatt
croce to be ane clypping hous, and ordanis proclamatioun to be maid
chargeing all and sindre that hes money to ressaue or deliuer to bring the
samyn to the said clipping hous, thair to be nummeritt be Nichole Sym,
maister clypper, to the effect the fals money may be clippit and destroyit
conforme to the act of parliament, and the said Nicholl gaif his ayth for
trew executioun of his office dureing thair willis, and thay ordane him to
his awin proper vse the haill fals money clippitt, togidder with Id. of the
pund of the gude money, to be payit be the ressauer for his laubouris.
28 May 1569.
The baillies and counsale ordanis fra this furth, induring the tyme of
symmer, quhan necessitie sall requyre, that the clangeris be everie nycht
at the Grayfreir port be nyne houris at evin and remane thair quhill ten
quhill the baillies or officieris cum for thame, and thairefter to enter to the
clainging of the housis and transporting of the guidis of the housis first
infectit, and incontinent, befoir all vther laubouris, to burye the deid gif
ony be, and put furth the personis of the infectit housis with thame selfis,
sua that nane of thame remane within the toun, and in doing heirof quhill
four houris in the mornyng that the suasche strek.
1 June 1569.
Villa, Leyth, stanis.
The baillies and counsale ordanis Robert Forret, baillie, to appoint and
aggrie with the minister in Leyth for the stanis takin be him fra the kirk
of Leyth for reparing of the bulwark.
15 June 1569.
Villa, waiter yet.
The baillies and counsale ordanis the thesaurer to mak the waiter yet
in Leyth Wynde patent to the nychtbouris for careing furth of thair fuilye,
and to hing on the auld trie yet, mak the lokis, bandis, and barris thairof
sufficient in the auld maner.