Close Rolls, April 1243

Close Rolls, April 1243

Rex perdonavit Johanni de Lexinton' viginti et quinque libras et unam marcam quas regi debuit pro debitis Johannis filii et heredis Johannis Coleman, qui est in custodia sua, et unde reddere debuit per annum xl. solidos ad Scaccarium, et mandatum est barronibus de Scaccario quod eundem Johannem de Lexinton' et prefatum Johannem heredem Johannis Coleman de predictis xxv. libris et una marca quietum (sic) esse faciant. Teste ut supra.

Pro Baldewino de Akeny.—Mandatum est justiciariis ad custodiam Judeorum assignatis quod faciant habere Baldewino de Akeny munimenta que Abraham de Berkhamsted' habet occasione xviij. marcarum que idem B. eidem Judeo debuit, et quas rex eidem B. perdonavit; ne debeat iteratus clamor inde ad regem pervenire. Teste rege apud Burdegalam, iij. die Aprilis.

Pro quadam camera lambruscanda.—Mandatum est Edwardo filio Odonis quod lambruscari faciat cameram illam in qua Scaccarium residere consuevit, et cameram privatam ejusdem camere, et eciam cameram in qua garderoba regis est, (fn. 1) de plana lambruschura sine aliquo alio ornatu aut depictura; ita quod dominus rex cameras illas (fn. 2) in adventu suo sic inveniat paratam (sic). Teste ut supra.

De perdonatione pro Galfrido le Pipere.—Rex perdonavit Galfrido le Pipere v. solidos ad quos nuper talliatus erat. Et mandatum est maiori Sutht' quod ipsum inde quietum esse permittat. Teste ut supra.

De perdonatione pro Thoma de Gresl'.—Rex perdonavit Thome Gresl' c. marcas quas mutuo recepit de thesauro regis (fn. 3) ad transfretationem suam in veniendo ad servicium regis, et x. libras ad quas amerciatus fuit coram justiciariis ultimo itinerantibus in comitatu Oxonie pro disseisina. Et mandatum est baronibus de Scaccario quod de predictis cxv. marcis ipsum quietum esse faciant. Teste rege apud Burdegalam, iiij. die Aprilis.

De perdonatione pro Alano la Zuche.—Rex perdonavit Alano la Zuche ex. marcas de debito quod regi debet ad Scaccarium de debitis patris sui. Et mandatum est baronibus de Scaccario quod de predictis ex. marcis ipsum quietum esse faciant. Teste ut supra.

Ne decetero gwerra moveatur per Ricardum Bauzan.—Mandatum est Ricardo Bauzan quod decetero a guerra alicui movenda desistat ex toto et ad regem veniat, quia oporteret dominum regem omnia dampna et mala que decetero fecerit, eadem dampna sustinentibus restituere. Teste ut supra.

Ut magister Milicie Templi in Anglia Anglia non exeat.—Mandatum est B. de Cryoyl quod ex parte regis prohibeat omnibus ballivis de Quinque Portubus ne permittant magistrum Milicie Templi in Anglia transfretare, donec summus magister Milicie Templi Jerusalem, qui predictum magistrum vocari fecit, quod in Terram Sanctam proficiscatur, cui dominus rex super hoc scripsit, voluntatem suam revocaverit. Teste rege apud Burdegalam, vj. die Aprilis.

De pictura ymaginum et aliis.—Mandatum est Edwardo filio Odonis quod diademata et coronas ymaginum Beatorum Edwardi et Edmundi, coronam pendentem ultra ymaginem Beati Edwardi, claves ymaginis Beati Petri et gladium ymaginis Beati Pauli bene deaurari faciat; et quod perquirat ad opus regis iij. casulas meliores et ditiores quas poterit, et ij. capas sericas breudatas, ita quod rex eas promptas habeat in adventu suo. Depingi eciam faciat duos leones magnos facie ad faciem in gabulo occidentali camere regis Westmonasterii. Teste ut supra.

Ut guerra per portus maris prohibeatur.—Cum inita sit treuga inter dominum regem et regem Francie, mandatum est Eboracensi archiepiscopo, Karleolensi episcopo et W. de Cantilupo quod clamari et prohiberi faciant per omnes portus maris quod nullus decetero alicui de potestate regis Francie vel alii per mare dampnum faciat aut gravamen, et quod non permittant quod mercatores venientes in terram regis aut inde recedentes super rebus et mercandisis suis impediantur. Teste ut supra.

De credencia.—Henricus de Wingeham habet litteras de credencia directas comiti Ricardo et maiori et probis hominibus Lond'. Teste ut supra.

De perdonatione pro Jacobo Hoese.—Rex perdonavit Jacobo Hoese xv. marcas et dimidiam quas regi debet de debitis Henrici patris sui. Et mandatum est baronibus de Scaccario quod ipsum inde quietum esse faciant. Teste rege apud Burdegalam, x. die Aprilis.

De perdonatione pro Warino filio Geroldi.—Rex perdonavit Warino filio Geroldi xx. marcas de debitis que idem Warinus debet Abrahe filio Aaron, (fn. 4) Judeo Lond'. Et mandatum est (fn. 5) justiciariis ad custodiam Judeorum assignatis quod ipsum inde quietum esse faciant. Teste ut supra.

[m. 9.]

De picturis faciendis.—Mandatum est custodibus operationum de Windles' quod in capella regis depingi faciant Vetus Testamentum et Novum, et quod claustrum regis ibidem lambruscari faciant. Teste ut supra.

De perdonatione pro Henrico Engaine.—Rex perdonavit Henrico Engayne xxx. marcas de fine quem Vitalis Engaine pater suus fecit cum rege pro debitis que Clemencia de Saukevill' regi debuit de terra de Ho, quam idem Henricus habet de dono predicti Vitalis patris sui. Et mandatum est baronibus de Scaccario quod eundem Henricum et predictum Vitalem (fn. 6) de predictis xxx. marcis quietum (sic) esse faciant. Teste rege apud Burdegalam, ix. die Aprilis.

Pro Rogero de Pavely.—Rex concessit Rogero de Pavely terram illam cum pertinentiis in Nortwaud' que fuit Reginaldi de Pavily, fratris sui, in recompensationem xx. libratarum terre quas rex ei concessit de dote matris sue post mortem ejusdem matris sue, si tantum valeat. Et mandatum est Eboracensi archiepiscopo, Karleolensi episcopo et W. de Cantilupo quod eidem Rogero de predicta terra cum pertinentiis plenam seisinam habere faciant, et fieri faciant extentam rationabilem quantum predicta terra valeat per annum, et de valore ejus regi certificent. Teste ut supra.

De perdonatione pro Thoma de Muleton'.—Rex perdonavit Thome de Muleton' xxvij. libras quas debet Salomoni (fn. 7) le Evesk et Elie le Blund, Judeis, et xx. libras quas debet Aaron le Blund. Rex eciam perdonavit (fn. 8) eidem Thome de xlv. marcis quas debet Leoni de Eboraco, Judeo, xxix. marcas et dimidiam. Et dominus rex concessit eidem quod de residuis xv. marcis et dimidia habeat respectum usque ad festum Sancti Martini anno etc. xxviij. Et mandatum est justiciariis ad custodiam Judeorum assignatis quod de predictis xxvij. libris, xx. libris, xxix. marcis et dimidia ipsum Thomam quietum esse, et de residuis xv. marcis et dimidia respectum illum ei habere, et munimenta que predicti Samuel (sic), Helias, Aaron et Samuel (sic) habent a predicto Thoma, ei sine dilatione habere faciant. Teste rege apud Burdegalam, xij. die Aprilis. Summa ipsius perdonationis in universo c. marce.

Littere directe hominibus de Regula, de Sancto Makario, de Langun.— Mandatum est probis hominibus de Regula, de Sancto Makario et de Langun quod non veniant vel aliquem de suis venire permittant usque Burdegalam ad succursum faciendum alicui de civibus Burdegale contentionem habenti contra alium in eadem villa; quia, si id facerent, dominus rex graviter se ad eos caperet. Teste ut supra.

Pro Herberto filio Mathei.—Rex concessit Herberto filio Mathei quod ipse et heredes sui imperpetuum (fn. 9) libere et sine impedimento fugare possint et capere in omnibus forestis regis (fn. 10) in comitatibus Sutht', Wilt', Dors', Sumers', Norhampt' et Oxonie leporem, wlpem, lupum et catum, exceptis dominicis warennis regis. Et mandatum est Gilberto de Segrave, justiciario foreste, quod libertatem illam in singulis comitatibus predictis eidem Herberto habere permittat. Teste rege apud Burdegalam, xv. die Aprilis.

De mensuris inveniendis.—Mandatum est W. de Haverhull', thesaurario regis, quod inveniri faciat xv. mensuras circa feretrum Beati Edwardi usque ad adventum regis in Angliam. Teste ut supra.

De vinis datis.—Mandatum est camerariis regis Lond' quod faciant habere (fn. 11) Rogero de Ros unum dolium vini de dono regis. Teste ut supra.

De perdonatione pro R. de Cantuaria.—Rex perdonavit Roberto de Cantuaria xxx. libras quas recepit de exitu cambii Cantuarie per manum Willelmi Hardel, custodi (sic) ejusdem cambii, de prestito regis. Et mandatum est baronibus de Scaccario quod ipsum Robertum de predictis xxx. libris quietum esse faciant, et eas predicto Willelmo in exitu cambii predicti allocari faciant. Teste rege apud Burdegalam, xviij. die Aprilis.

De perdonatione pro Johanne de Balun.—Rex perdonavit Johanni de Balun xxv. marcas de debitis que debet Mokke filio Hamonis, Judeo Hereford'. Et mandatum est justiciariis ad custodiam Judeorum assignatis quod ipsum inde quietum esse faciant. Teste ut supra.

De quercubus datis.—Mandatum est J. de Munemuth' quod faciat habere abbati de loco Sancti Edwardi viij. quercus in Nova Foresta de dono regis. Teste ut supra.
Eodem modo scribitur Galfrido de Lucy quod faciat habere eidem abbati vij. quercus in foresta de la Bere de dono regis. Teste ut supra.

Pro abbate de loco Sancti Edwardi et pro conversis London'.— Mandatum est baronibus de Scaccario quod distringant executores testamenti P. quondam Wintoniensis episcopi ad reddendum regi c. libras quas regi debent de arreragiis debitorum ejusdem episcopi de quibus, ex quo solute fuerint, faciant habere abbati de loco Sancti Edwardi l. marcas ad fabricam ecclesie sue dono regis; residuas eciam c. marcas liberari faciant W. de Haverhull' et Edwardo filio Odonis ad terras emendas ad opus conversorum London' ad sustentationem eorundem. Teste rege ibidem, xx. die Aprilis.
Et mandatum est predictis Willelmo et Edwardo quod denarios illos ab eis recipiant, et terras ad opus predictorum conversorum emant, ita quod terre predicte empte fuerint citra instans festum Nativitatis Sancti Johannis Baptiste. Teste ut supra.

De perdonatione pro Georgio Diffuble.—Rex perdonavit Georgio Deffuble xij. marcas quas debet Bonefei, Judeo Bristoll', de fine quem fecit cum eo per xxiiij. marcas de omnibus debitis que eidem Judeo debuit, et dominus rex vult quod quietus sit a pena quam commisit versus ipsum Judeum, non observando terminos suos. Et mandatum est justiciariis ad custodiam Judeorum assignatis quod ipsum de predictis xij. marcis et a pena predicta quietum esse, et munimenta sua que idem Judeus inde habet, ei reddi faciant. Teste rege apud Burdegalam, xxij. die Aprilis.

De quercubus datis.—Mandatum est Gilberto de Segrave, justiciario foreste, quod faciat habere Herberto filio Mathei x. quercus in foresta de Melkesham, et x. quercus in foresta de Chipenham de dono regis. Teste ut supra.
Mandatum est eidem quod faciat habere Nicholao de Molis iiij. quercus in foresta de la Wesse de dono regis. Teste ut supra.

De vinis datis.—Mandatum est camerariis regis Lond' quod faciant habere magistro Milicie Templi in Anglia ij. dolia vini ad capitulum suum celebrandum de dono regis, et fratri Johanni elemosinario unum dolium vini de dono regis. Teste rege. (fn. 12)

De perdonatione pro Galfrido de Bakepuz.—Rex perdonavit Galfrido de Bakepuz x. marcas quas debet Mosseo filio David et Annoto fratri ejus, Judeis de Notingeham, de fine quem fecit cum ipsis de debitis que debuit David patri ipsorum. Et mandatum est justiciariis ad custodiam Judeorum assignatis quod ipsum inde quietum esse faciant; et cum de residuo ejusdem finis eis satisfecerit, munimenta que iidem Judei ab eo habent, ei reddi faciant. Teste rege apud Burdegalam, xxiiij. die Aprilis.

Hybernia.—Mandatum est justiciario Hybernie et G. de Turvill', thesaurario Hybernie, quod sub quanta poterint festinatione, regi mittant in Wasconiam omnes denarios quos mittere poterint, ita quod rex ad minus habeat (fn. 13) iij. milia marcarum, et de perquisitis regis fieri faciant in castro Dublun' unam aulam continentem sexcies xx. pedes in longitudine et quater xx. in latitudine, et cum fenestris et verinis ad modum aule Cant' quam satis viderunt, et fieri faciant in gabulo ultra deisium unam fenestram rotundam xxx. pedes in qualibet parte rotunditatis continentem. Depingi eciam faciant ultra idem deisium regem et reginam sedentes cum barnagio suo. Fieri eciam faciant ad introitum ejusdem aule magnum portallum, ita quod dominus rex aulam illam ex toto factam in adventu suo inveniat. Teste ut supra.

Mandatum est eidem justiciario quod de terris que fuerunt Hugonis de Lacy in Ultonia et sunt in manu regis, habere faciat Emeline que fuit uxor predicti Hugonis xl. libratas terre, tenendas de gratia regis, (fn. 14) donec rex aliud inde providerit. Teste rege apud Burdegalam, xxv. die Aprilis.

Mandatum est justiciario Hybernie et Waltero de Godarvill' quod capiant in manum regis manerium de Nober, quod est de terris que fuerunt Hugonis de Lacy, quondam comitis Ultonie, et illud salvo custodiant donec dominus rex certificetur de conventionibus factis inter dominum regem et ipsum comitem de eodem manerio et de aliis terris que fuerunt predicti comitis. Teste ut supra.

Pro Roberto de Mares.—Mandatum est Eboracensi archiepiscopo, Karleolensi episcopo et W. de Cantilupo quod Roberto de Mares faciant habere x. libratas terre de primis exkaetis regis, quamcito acciderint. Teste rege apud Vasatum, xxviij. die Aprilis.

De quercubus datis.—Mandatum est custodibus archiepiscopatus Cantuariensis quod faciant habere Johanni Maunsel xxx. quercus ad maeremium in bosco de Suthmalling' de dono regis. Teste ut supra.

Pro Roberto de Stopham.—Mandatum est Nicholao de Molis quod faciat habere Roberto de Stopham totam avenam, quam seminare fecit in terra de Alvreton' anno etc. xxvj., dum fuit custos terrarum que fuerunt J. quondam comitis Line'. Et rex in exitibus terrarum predictarum avenam illam ei allocari faciet. Teste rege apud Vasatum, xxix. die Aprilis.

Pro Willelmo de Senevill'.—Mandatum est justiciariis ad custodiam Judeorum assignatis quod faciant habere Willelmo de Senevill' respectum de debitis que debet Judeis, usque ad adventum regis in Angliam, ita quod interim non currant usure. Teste ut supra.

De xl. libris Burdegalensibus mutuandis.—Mandatum est Roberto de Mucegros quod mutuo accipiat ab aliquo xl. libras Burdegalenses, solvendas de garderoba nostra, (fn. 15) usque ad adventum regis, ad marrandum (fn. 16) centum targias et centum lanceas quas Hugo le Porter fieri facit ad opus regis apud Burdegalam. Teste rege apud Vasatum, j. die Maii.