Close Rolls, November 1243

Calendar of Close Rolls, Henry III: Volume 5, 1242-1247. Originally published by His Majesty's Stationery Office, London, 1916.

This premium content was digitised by double rekeying. All rights reserved.

'Close Rolls, November 1243', in Calendar of Close Rolls, Henry III: Volume 5, 1242-1247, (London, 1916) pp. 131-138. British History Online https://www.british-history.ac.uk/cal-close-rolls/hen3/vol5/pp131-138 [accessed 24 March 2024]

Image
Image
Image
Image
Image
Image
Image
Image

Close Rolls, November 1243

De quercubus datis.—Mandatum est eidem quod faciat habere Selvestro de Everdon' iij. bonas quercus in haya de Hanl' ad maeremium, de dono regis. Teste rege apud Westmonasterium, ij. die Novembris.

Mandatum est custodibus episcopatus Wintoniensis quod faciant habere abbati Westmonasteriensi x. quercus in Widistrod' ad maeremium, de dono regis. Teste ut supra.

De damis datis.—Mandatum est G. de Segrave, justiciario foreste, quod in foresta de Whichewud' faciat habere Hugoni Paynel iij. damas, de dono regis. Teste rege apud Westmonasterium, iij. die Novembris.

De busca emenda.—Rex mittit usque Windes' Willelmum de Rading' (fn. 3) ad emendum ad opus regis vj. navatas busci (sic). Et mandatum est ballivo de Wind' quod ad hoc ei consilium prebeat et auxilium, et ei naves habere faciat ad buscam illam Lond' cariandam, et cum rex custum sciverit, illud reddi faciet. Teste ut supra.

De vinis ad opus regine.—Mandatum est custodibus vinorum regis apud Windes' quod faciant habere Bernardo de Sabaudia de vinis regis que sunt in custodia sua, ij. dolia boni vini ad faciendum inde preceptum regine pro ij. doliis vini que rex mutuo recepit ab eadem regina in Wasconia. Teste ut supra.

De damis capiendis.—Rex mittit Hamonem filium Philippi militem et Willelmum Luvel et Warinum, venatores, ad capiendum xx. damas in parco de Storteford', et xx. damas in parco de Crundon', et xxv. damas in parco de Clakinton' ad opus regis, et mandatum est custodibus episcopatus Wintonie (sic) quod ipsos ad hoc admittant. Teste ut supra.
Mandatum est G. de Segrave, justiciario foreste, quod permittat Willelmum Luvel et Warinum, venatores regis, capere xl. damas in foresta de Hatfeld' ad opus regis. Teste ut supra.

De tradendo in ballio.—Quia rex accepit per inquisitionem quod Galfridus le Barker', detentus in prisona Eboraci pro morte Nikke Judee, unde rettatus est, rettatus est de morte odio etc., et quod Rogerus filius Rogeri Kinesman de morte illa est culpabilis, mandatum est vicecomiti Eboraci quod si predictus Galfridus invenerit ei xij. legales homines etc., qui eum etc. Teste ut supra.

De quercubus datis.—Mandatum est Ricardo de Wrotham quod faciat habere Hugoni de Vivon' x. quercus in foresta de Cettre ad maeremium, de dono regis. Teste rege apud Croynden', iiij. die Novembris.

De j. dolio vini.—Mandatum est custodibus vinorum regis apud Oxoniam quod faciant habere Magistro Petro Russinol j. dolium boni vini pro j. dolio vini quod rex accepit Lond' a Paulino Peyvr'. Teste ut supra.

De perdonatione.—Rex perdonavit priori de Benetleg' totum lucrum quod excrevit super lx. solidos quos mutuo accepit a Mosseo filio Jacobi Crespin et Isaac fratre ejus. Et mandatum est justiciariis ad custodiam Judeorum assignatis quod ipsum priorem de lucro predicto quietum esse faciant, et ipsos Judeos de ipsa sorte lx. solidorum contentos esse faciant. Teste ut supra.

De vinis datis.—Mandatum est custodibus vinorum regis apud Wind' quod de vinis que sunt in custodia sua, faciant habere Edwardo filio regis iiij. dolia vini. (fn. 4) Teste ut supra.

De monilibus et j. casula.—Rex Edwardo filio Odonis, salutem. Mandamus vobis quod sicut nos et honorem nostrum diligitis, nullo modo omittatis quin sitis ad nos hac die Veneris vel die Sabbati mane apud Faveresham et deferatis vobiscum ad opus nostrum quoddam monile aureum cum lapidibus preciosis precii xxx. marcarum, et aliud monile aureum similiter cum lapidibus preciosis precii xx. marcarum, et tercium monile de pondere precii vj. marcarum, ita tamen quod non omittatis, si necesse fuerit, quin in hiis iij. monilibus emendis ponatis usque ad quater xx. marcas. Ematis eciam ad opus nostrum et vobiscum deferatis unam casulam de mediocri samito, proviso tamen quod aurifragia ejusdem casule lata sint; et nos precium eorundem monilium et casule statim reddi faciemus a custodibus archiepiscopatus Cantuariensis. Teste rege apud Otteford', v. die Novembris.

De vinis arestandis.—Mandatum est ballivis Cantuarie quod omnia vina inventa in civitate Cantuarie arestari faciant ad opus regis contra adventum suum. Teste ut supra.

De perdonatione.—Rex perdonavit Galfrido de Brideport xl. marcas de fine quem fecit coram Rogero de Thurkelbi et sociis suis, justiciariis ultimo itinerantibus in comitatu Sumerset', unde regi reddidit quater xx. marcas. Et mandatum est baronibus de Scaccario quod ipsum inde quietum esse faciant. Teste ut supra.

De vinis ad pigmentum et claretum faciendis.—Mandatum est custodibus vinorum regis apud Westmonasterium quod Magistro Radulfo de Neketon' liberent quantum voluerit de vinis regis per sexteria ad pingmentum et claretum inde facienda ad opus regis.

De quercubus datis.—Mandatum est constabulario de Sancto Briavello quod in diversis ballivis foreste de Den' habere faciat Fratribus Predicatoribus Glouc' xv. quercus ad maeremium cum omnibus exkaetis suis ad fabricam ecclesie sue, et ad constructionem domorum suarum, ubi commodius et vicinius capi possint ad opus suum in predicta foresta. Teste ut supra.

De vinis ad opus regis capiendis.—Mandatum est camerario regis Lond' quod de melioribus vinis novis que de novo venerunt, que sunt in civitate Lond', scilicet de Wasconia vel aliis, capiat ad opus regis xl. dolia liberanda vicecomitibus Lond' carianda usque Westmonasterium (fn. 5); et cum rex custum sciverit illud acquietari faciet. Teste ut supra.

Mandatum est constabulario castri Dovor' quod si vina Wasconie applicuerint in partibus suis, capi faciat ad opus regis xx. dolia que liberet vicecomiti Kancie carianda quo provisum est, videlicet xvj. dolia usque Cantuariam, et iiij. usque Faveresham, et si vina Wasconie in partibus illis non applicuerunt (sic), tunc capi faciat xx. dolia vini albi Gallici et cariari ad loca predicta, videlicet xvj. dolia usque Cantuariam, et iiij. usque Faveresham. Similiter eciam si vina nova Wasconie inventa non fuerint, viij. dolia vini de garnisona castri Dovor' recari et cariari faciat usque Cantuariam una cum predictis xx. doliis vini Gallici, et cum rex custum vinorum predictorum et cariagii eorundem sciverit, illud reddi faciet. Teste ut supra.

De vinis datis.—Mandatum est custodibus vinorum regis apud Westmonasterium quod de veteribus vinis que venerunt de Gudeford', faciant habere Johanni Maunsel ij. dolia boni vini, de dono regis. Teste rege apud Maydenestan', vj. die Novembris.

De perdonatione.—Rex perdonavit Ricardo de Clifford' qui fuit in servicio regis in Wasconia, scutagium suum de feodis iij. militum, scilicet de feodo j. militis quod tenet de Waltero de Clifford' in comitatu Glouc', et feodis duorum militum que tenet de Radulfo de Wilinton' in eodem comitatu. Et mandatum est baronibus de Scaccario quod eum de predicto scutagio quietum esse faciant, et si quid inde receptum fuerit ad Scaccarium, id ei reddi faciant. Teste rege apud Faveresham, vij. die Novembris.

De vinis capiendis ad opus regis.—Mandatum est camerario regis Lond' quod preter xl. dolia vini que rex nuper capi precepit ad opus suum, capiat adhuc lx. dolia novi vini Wasconie de primis vinis que venient Lond'. Teste rege apud Cantuariam, ix. die Novembris.

De fagis datis.—Mandatum est custodibus episcopatus Wintoniensis quod faciant habere Olivero de Asprevill' v. fagos in bosco de Ivingeho ad focum suum, de dono regis. Teste rege apud Cantuariam x. die Novembris.

De damis capiendis ad opus regis.—Rex mittit Robertum des Mares et Reginaldum Ruffum ad capiendum xx. damas in parco de Hatleg' ad opus regis. Mandatum [est] custodi ejusdem parci quod ipsos ad hoc admittat. Teste ut supra.

Rex mittit eosdem ad capiendum xxx. damas in parco de Havering' ad opus regis. Mandatum [est] custodi ejusdem parci quod eos ad hoc admittat. Teste ut supra.

De terris extendendis.—Mandatum est vicecomiti Hertford' quod in propria persona accedat ad manerium de Wylye et per visum ipsorum hominum per quos predictum manerium fuit extensum, assignari faciat secundum extentam illam Hugoni de Botiun, vadletto regis, in predicto manerio x. libratas terre per certas metas et bundas tam in dominicis redditibus quam in aliis exitibus terrarum, et ex quo predictam terram ei assignaverit, scire regi faciat sub sigillo suo et sigillis eorum per quos assignatio illa facta fuerit, per quas metas et bundas facta fuerit, et in quibus dominicis redditibus et aliis exitibus terrarum extiterit. Teste rege apud Cantuariam, xij. die Novembris.

De vinis datis.—Mandatum est custodi vinorum regis Roff' quod de vinis regis faciat habere Johanni de Sandwic', vinetario, j. dolium vini albi pro j. dolio vini albi quod rex habuit ab eodem Johanne apud Faveresham. Teste ut supra.

De tradendo in ballio.—Quia rex accepit per inquisitionem quod Johannes le Tayllur, captus et detentus in prisona Cyrencestr' pro morte Rogeri de Juveny, unde rettatus est, rettatus est de morte illa odio et atia etc., mandatum est vicecomiti Glouc' quod si predictus Johannes invenerit ei xij. etc., qui eum manucapiant etc. Teste ut supra.

Pro Judeo.—Mandatum est justiciariis ad custodiam Judeorum assignatis quod faciant habere Aaron de Eboraco, Judeo, brevia pro debitoribus suis distringendis ad debita in quibus ei tenentur, eidem Judeo solvenda secundum consuetudinem scaccarii Judeorum sine bysancio quod pro hujusmodi brevibus capi consuevit. Teste ut supra.

De damis datis.—Mandatum est Philippo Mimekan quod in bosco qui vocatur la Cuwe, capi faciat ij. damas et eas habere faciat abbati Westmonasteriensi ad opus Magistri Gilberti de Byham, cui rex eas dedit. Teste rege apud Dovor', xvj. die Novembris.

Pro marcatoribus (sic) vinorum.—Mandatum est maiori et ballivis Suhampt' quod mercatores qui applicuerunt apud Hamele cum vinis suis ut auferant regi prisas suas et contra libertates ville Suhampt', venire faciant sine dilatione cum navibus et vinis suis usque Suhampt', vel quod ibidem faciant quod facere debent tam de prisa regis quam de consuetudine ville regis Suhampt'. Teste ut supra.

De fine Judeorum.—Rex mittit Robertum Passelewe et Paulinum Peyvr' ad finem recipiendum una cum Johanne Maunsel a Judeis London'. Mandatum est P. de Vallibus, constabulario Turris Lond', quod nisi prefati Judei talem finem facere voluerint cum eisdem fidelibus regis de quo sint contenti, ipsos Judeos capiat et in prisona Turris prefate ponat. Teste rege apud Faveresham, xviij. die Novembris.

De perdonatione.—Rex perdonavit Nicholao de Bolevill' scutagium suum feodorum ij. militum que tenet in dotem Alicie uxoris sue de baronia Nicholai filii Martini. Et mandatum est baronibus de Scaccario quod ipsum de scutagio illo quietum esse, et eidem Nicholao filio Martini in scutagio quod regi debet pro transfretatione sua in Wasconiam, scutagium predictorum feodorum faciant allocari. Teste ut supra.

Wasconia.—Mandatum est Nicholao de Mol', senescallo Wasconie, et Henrico de Wingeham quod de exitibus terre Wasconie emi faciant in partibus illis ad opus regis xv. miliaria cere, xx. boylluns amigdalarum et ij. milia de rys. Et hec omnia regi mittat in primo adventu vinorum rectatorum in Angliam, et ea rex eis faciet allocari. Teste ut supra.

De vinis capiendis ad opus regis.—Mandatum est Michaeli emptori vinorum regis quod eat usque Sutht', et de melioribus vinis que nuper illuc venerunt, capiat ad opus regis lxxiij. dolia vini, et per probos et legales homines ea faciat appreciari, et liberet ea ballivis Sutht' carianda quo rex eis precepit, et scire regi faciat precium predictorum lxxiij. doliorum, quod cum rex sciverit, satisfaciet de eo mercatoribus quorum vina predicta fuerunt. Teste rege apud Westmonasterium, xxiij. die Novembris.

De damis datis.—Mandatum est G. de Segrave, justiciario foreste, quod in diversis forestis regis capi faciat l. damas, ubi capi poterunt ad minus nocumentum forestarum regis, et eas habere faciat R. comiti Pictavie et Cornubie contra instans festum Natalis Domini, de dono regis. Teste ut supra.

De tradendo in ballio.—Quia rex accepit per inquisitionem quod Willelmus Gromet, captus et detentus in prisona de Ayllesbir' pro morte Thome le Fraunceys, unde appellatus est, appellatus est de morte illa odio et atya etc., mandatum est vicecomiti Buk' quod si idem Thomas (sic) invenerit ei xij. etc. qui eum manucapiant etc. tune eum tradat etc. Teste ut supra.

[m. 18.]

De lambruschura.—Rex custodibus operum de Windes', salutem. Mandamus vobis quod de die et de nocte lambruscari faciatis altam cameram supra murum castri secus capellam nostram in superiori ballio castri, ita quod prompta sit et decenter lambruscata hac die Veneris cum illuc venerimus, scilicet bordis radiatis et coloratis, et quod nichil inveniatur in lambruschura illa reprehensibile. Fieri eciam faciatis ad quodlibet gabulum ejusdem camere unam fenestram vitream albam extra fenestram interiorem cujuslibet gabuli, ita videlicet ut cum reserate fuerint interiores fenestre, extrinsecus appareant ille fenestre vitree. Teste rege apud Westmonasterium, xxiiij. die Novembris.

Pro Uldrico Albo de Secus.—Rex concessit Uldrico Albo de Secus', fratri Magistri Henrici de Secus', manerium et (fn. 6) terram (fn. 7) cum pertinentiis in Coleston', quod (fn. 8) fuit Leonis Judci, habendum et tenendum tota vita sua ad sustentationem suam eo modo quo predictus Judeus illud (fn. 9) tenuit. Et mandatum est vicecomiti Eboraci quod de predictis manerio et terra (fn. 10) cum pertinentiis eidem Uldrico plenam seisinam habere faciat, sicut predictum est. Teste rege ibidem, xxvj. die Novembris. Per Gwidonem de Russilun.

Et habet inde litter as patentes.

De damis datis.—Mandatum est G. de Segrave, justiciario foreste, quod faciat habere Johanni de Gatesden' vj. (fn. 11) damas et iiij. (fn. 12) damos vivos in foresta de Whytlewude ad instaurandum quendam parcum suum, de dono regis. Teste ut supra.

Pro priore de Bullington'.—Quia rex accepit per inquisitionem quod mesuagium in Linc' quod Stephanus Belle, qui fugit pro morte hominis, tenuit de priore de Bulington', extitit in manu regis per unum annum et j. diem, mandatum est vicecomiti Linc' quod predicto priori de predicto mesuagio plenam seisinam habere faciat. Teste ut supra.

De perdonatione.—Rex perdonavit Henrico de Trublevill' xiij. marcas quas debuit Sleme Judee London' super jocalia sua que ei impignoravit. Et mandatum est baronibus de Scaccario quod in debito quod regi debet in fine xx. milium marcarum quem Judei ultimo fecerunt cum rege, predictas xiij. marcas ei allocari faciant. Teste ut supra.

Mandatum est Bertramo de Cryoyl et Jeremie de Kaxton', custodibus archiepiscopatus Cantuariensis quod. [Cancelled.]

De apris datis.—Mandatum est Roberto de Ros, justiciario foreste, quod in foresta de Pikering' faciat habere R. comiti Pictavie et Cornubie contra Natale x. apros de dono regis. Teste ut supra.

De coronatoribus eligendis.—Mandatum est vicecomiti Middelsex' quod eligi faciat ij. coronatores, qui prestito sacramento etc., quorum nomina regi scire faciat. Teste ut supra.

Pro Wyldrico Albo.—Mandatum est vicecomiti Eboraci quod omnes boves et carucas, blada (fn. 13) et alia catalla que Leo Judeus habuit in manerio et (fn. 14) terra de Colton', (fn. 15) habere faciat Wyldrico Albo, de dono regis, cui rex manerium et terram predictam concessit ad vitam suam. Teste ut supra.

De damis datis.—Mandatum est Ricardo de Munfichet quod faciat habere Petro Braunch' ij. damas in balliva sua de dono regis. Teste rege apud Westmonasterium, xxviij. die Novembris.

De bremiis datis.—Mandatum est Petro de Wakering', custodi manerii de Taunton', quod in balliva sua faciat habere Herberto filio Mathei vj. braemias vivas ad quoddam vivarium suum instaurandum, de dono regis. Teste ut supra.

De cera liberanda.—Rex (fn. 16) vicecomitibus Lond', salutem. Precipimus vobis (fn. 17) quod iiij. milia cere que emi precepimus ad opus nostrum et liberari Willelmo de Haverhull', thesaurario nostro, et unde habetis breve nostrum de Computate, liberetis Edwardo filio Odonis aurifabri ad faciendum inde preceptum nostrum. Teste ut supra.

Pro David filio Lewelini et episcopo de Sancto Assaph'.—Rex concessit D. filio L. quondam principis Norwallie et H. episcopo de Sancto Assaph quod tota vita sua habeant hanc libertatem in villa de Salopia, videlicet quod de rebus que ementur in villa predicta ad opus ipsorum et proprie et private familie sue, nullum capiatur thelonium vel alia consuetudo. Et mandatum est ballivis et probis hominibus de Salopia quod ipsos libertatem illam habere permittant. Teste rege apud Westmonasterium, xxix. die Novembris.

De navibus arestandis.—Mandatum est ballivis Sutht' quod si aliqua navis vel naves carcate cera, alemandis, rysis et aliis espiceriis applicuerint in portu suo, vel contingerit aliquam navem carcatam predictis ibidem applicare, non permittant ipsos a predicto portu recedere vel ad opus cujuscumque aliquid de mercandisis in eis contentis vendi, donec id regi scire fecerint, et donec rex ceperit ad opus suum id quod de ipsis duxerit capiendum.
Eodem modo scribitur ballivis de Sandwico.

De elemosinis constitutis.—Mandatum est custodi terrarum que fuerunt J. (fn. 18) quondam comitis Linc' quod elemosinas quas abbas de Kirkestall' percipere consuevit tempore predicti J. de dono predecessorum suorum, eidem abbati sine difficultate reddi faciat; similiter et omnibus aliis quibus alique elemosine annue debentur de dono predicti comitis vel predecessorum suorum, sicut eas percipere consueverunt tempore predicto. Teste ut supra.

De cereis ponendis in ecclesia Westmonasteriensi.—Mandatum est Edwardo filio Odonis quod fieri faciat contra instans festum Natalis Domini iiij. cereos quadratos, quorum quilibet contineat c. libras cere, et xv. mensuras regis, continue ardentes per diem et noctem circa feretrum Sancti Edwardi, quarum quelibet contineat ij. libras cere, videlicet a die Veneris proxima ante festum Sancti Michaelis usque ad festum Beati Petri ad Cathedram. Fieri eciam faciat tot cereos circumquaque in ecclesia Beati Petri apud Westmonasterium ardentes in festo Sancti Edwardi quot rex fieri precepit contra adventum comitisse Provincie. Teste rege apud Westmonasterium, xxx. die Novembris.

Pro B. de Sabaudia.—Mandatum est Galfrido de Langel' quod, occasione rationabilis partis assignande heredibus Th. (sic) quondam comitis Arundell', non disseisiet B. de Sabaudia de terra que fuit predicti comitis in comitatu Sussex', que est terra Normannorum et (fn. 19) quam habet ad sustentationem suam de concessione regis. Et si occasione predicta ipsum (fn. 20) disseisiverit, seisinam suam inde ei rehabere faciat. Teste ut supra. Per R. Passelewe.

Footnotes

  • 3. The words 'usque Windes'' are here repeated.
  • 4. The word 'de' is here cancelled.
  • 5. The words 'usque Westmonasterium' are interlined, and 'quo rex eis precepit' cancelled.
  • 6. The words 'manerium et' are interlined.
  • 7. The word 'illam' is here cancelled.
  • 8. Interlined and 'que' cancelled.
  • 9. Interlined and 'eam' cancelled.
  • 10. The words 'predictis . . . terra' are interlined and 'terra illa' cancelled.
  • 11. Interlined and 'x' cancelled.
  • 12. Interlined and 'viij'. cancelled.
  • 13. Interlined.
  • 14. The words 'manerio et' are interlined.
  • 15. Interlined, and substituted for 'Coleston'.
  • 16. Interlined and 'mandatum est' cancelled.
  • 17. The words 'salutem. Precipimus vobis' are interlined.
  • 18. Substituted for 'W.'
  • 19. The words 'que est terra Normannorum et' are interlined.
  • 20. Substituted for 'ipsam' which is cancelled.