Close Rolls, January 1244

Close Rolls, January 1244

Pro Uldrico de Secus'.—Mandatum est vicecomiti Eboraci quod si de bobus, vaccis aut de instauro quod Leo Judeus de Eboraco habuit in manerio de Culton', aliquid per ipsum vel ballivos suos ammotum esset, antequam rex concessit manerium illud Uldrico albo de Secus', illud eidem Uldrico habere faciat de dono regis, et si quid de redditu ejusdem manerii captum fuerit a tempore quo manerium illud devenit in manum regis, illud ei reddi faciat. Teste rege apud Wind', j. die Januarii.

De pauperibus pascendis.—Mandatum est Hugoni Giffard et Magistro Willelmo le Brun quod die Veneris proxima post Epiphaniam pasci faciant in aula de Windes' ad bonum focum omnes pueros pauperes et egenos quot invenire poterint, ita quod aula impleatur, si tot inveniantur; et pueros regis ponderari et mensurari et pondus et mensuram pro eorum salute dari faciant. Teste rege apud Westmonasterium, vij. die Januarii.

De damis datis.—Mandatum est G. de Sedgrave, justiciario foreste, quod habere faciat Johanni de Curtenay viij. damas et duos damos vivos in foresta de Blakemor' ad quendam parcum suum instaurandum, de dono regis. Teste ut supra. Per Johannem de Pless'.

De dote assignanda.—Mandatum est vicecomiti Oxonie quod Matillidi que fuit uxor Johannis le Mire, faciat habere rationabilem dotem de terra que fuit prefati Johannis in Linham, quam idem Johannes tenuit de filio et herede J. quondam comitis Linc' et constabularii Cestrie, et que est in manu regis ratione custodie ipsius heredis et terrarum suarum in manu regis existentis. Teste ut supra.

De vinis.—Mandatum est ballivis Sutht' quod de quater xx. xviij. doliis vini contentis in navi Walteri le Fleming', que nuper applicuit ibidem, per senescallum Wasconie regi missis in Angliam, discarcari faciant xviij. dolia, liberanda custodibus vinorum regis et ponenda ibidem in celario regis, et residua quater xx. dolia mitti faciant in eadem nave usque London', liberanda ibidem custodibus vinorum regis et ponenda in celario regis Westmonasterii. Teste ut supra.

Et mandatum est custodibus vinorum regis Sutht' quod illa xviij. dolia vini recipiant et in eelario regis Sutht' salvo custodiant, donec rex aliud inde preceperit. Teste ut supra.
Et mandatum est Waltero le Flemeng' quod predictam navem suam cum predictis quater xx. doliis vini London' divertere permittat, et frettum navis predicte quod ei debebitur pro predictis vinis cariandis, (fn. 1) in debito quod regi debet, ei faciet allocari. Teste ut supra.

De quercubus datis.—Mandatum est G. de Segrave, justiciario foreste, quod in haya de Kenilwurth' faciat habere Johanni de Plesseto quindecim quercus ad maeremium ad reparationem domorum suarum de Warewik, de dono regis. Teste rege apud Westmonasterium, vij. die Januarii.
Mandatum est constabulario de Sancto Briavello quod in foresta de Den' faciat habere W. Eboracensi archiepiscopo iij. bonas et grossas quercus ad maeremium faciendum, de dono regis. Teste rege ibidem, ix. die Januarii.

De dote assignanda.—Quia sufficienter probatum est coram rege per testes idoneos et fidedignos et per cartam Willelmi Musard quod idem Willelmus dotavit Amiciam uxorem suam ad hostium ecclesie, quando eam desponsavit, de manerio de Bulkinton' cum pertinenciis, mandatum est vicecomiti Wilt' quod de predicto manerio cum pertinenciis eidem Amicie nomine dotis pro tota terra sua quam habuit, plenam seisinam habere faciat. Teste ut supra.

De perdonatione pro Willelmo le Moyne.—Rex perdonavit Willelmo le Moyne xxv. marcas per quas finem fecit cum rege pro custodia terrarum et heredum Ricardi de Avilers una cum maritagio eorundem heredum. Et mandatum est baronibus de Scaccario quod de predictis xxv. marcis predictum Willelmum quietum esse faciant. Teste ut supra.

De bremiis datis.—Mandatum est Galfrido de Langel', custodi honoris de Arundell', (fn. 2) quod faciat habere Herberto filio Mathei vj. matrices bremias in vivario de Pallingeham, de dono nostro (sic). Teste rege apud Westmonasterium, xj. die Januarii.

De rotulis liberandis.—Mandatum est Bertramo de Cryoyl et Jeremie de Kaxton' quod rotulos archiepiscopatus Cantuariensis quos aliquando rex eis liberari precepit, ut certiores efficerentur de valore predicti archiepiscopatus et aliis eundem archiepiscopatum contingentibus, liberent B. Peche et W. Hardel, custodibus ejusdem archiepiscopatus ex parte B. electi Cantuariensis, ut ipsi de predictis similiter possint certificari, Teste ut supra.

De damis capiendis.—Rex mittit Willelmum filium Walkelini ad capiendum xx. damas ad opus regis in parco de Havering' et Warnerum Luvel ad capiendum xx. damas ad opus regis extra parcum predictum, et Willelmum Luvel ad capiendum xx. damas ad opus regis in bosco de Hatfeld'. Mandatum est Ricardo de Munfichet quod ipsos ad hoc admittat. Teste rege apud Westmonasterium, xij. die Januarii.

De bissis capiendis.—Rex mittit Philippum de Candevr', venatorem, ad capiendum x. bissas in warennis episcopatus Wintoniensis. Mandatum est custodibus ejusdem episcopatus quod ipsum ad hoc admittant. Teste ut supra.

Hybernia.—Rex (fn. 3) G. de Turvill', archidiacono Dublunensi, thesaurario regis Hybernie, salutem. Mandamus vobis, sicut mandavimus justiciario, quod operationem aule quam fieri precepimus infra castrum nostrum Dublun', que incepte sunt (sic), bene cooperiri faciatis, ita quod per nullius temporis intemperanciam dampnificentur, ab eisdem operibus hac estate penitus desistentes, eo quod multum pecunia indigemus, vobis mandantes quod ad totam pecuniam quam poteritis, nobis perquirendam sollicitudinem quam poteritis, apponatis, et illam ad nos in Angliam ad cicius quod poteritis, mittatis. Teste ut supra.
Eodem modo scribitur justiciario Hybernie.

Pro abbatissa de Tarent'.—Quia rex didicit quod episcopatus Constantiensis vacans est et jam vacavit per vj. annos, mandatum est vicecomiti Dors' quod manerium de Winterburn' Stikelan' quod pertinet ad episcopatum predictum, in manum regis capiat et tradat abbatisse de Tarent ad convertendum in usos suos exitibus (sic) ejusdem manerii, per visum proborum et legalium hominum ejusdem manerii. Teste rege apud Roff', xiiij. die Januarii.

De quercubus datis.—Mandatum est Roberto de Everingeham quod faciat habere abbati de Neweburn' vj. quercus in foresta de Shirewud' ad maeremium inde faciendum, de dono regis, ubi melius et ad minus detrimentum foreste capi possint. Teste rege apud Cantuariam, xvj. die Januarii.

Pro cardinali Sancte Praxedis.—Mandatum est Magistris Henrico de Secus' et Alexandro le Seculer quod, inquisito quantum dominus cardinalis Sancte Praxedis recipere consuevit ad Scaccarium de annua pensione, ei de pensione unius anni satisfaciant. Teste rege apud Dovor', xvij. die Januarii.

De pauperibus pascendis et cereis faciendis.—Mandatum est W. de Haverhull', thesaurario, quod pasci faciat xv. milia pauperum in atrio beati Pauli London' die Conversationis (sic) ejusdem, et fieri faciat mille et quingentos cereos ponendos in ecclesia beati Pauli London' in festo predicto; et cum rex custum sciverit, illud de exitibus episcopatus Londoniensis acquietari faciet. Teste ut supra.

Pro Paulino Peyvr'.—Rex dedit Paulino Peyvr' ad se sustentandum in servicio regis x. marcas quas Nicholaus de Wavindon' regi debuit de fine l. marcarum quem fecit cum rege pro quadam transgressione, et quas regi reddidisse debuerat ad festum Sancti Michaelis proximo preteritum per plegium ejusdem Paulini. Et mandatum est baronibus de Scaccario quod predictum Nicholaum de predictis x. marcis quietum esse faciant. Teste rege apud Cantuariam, xx. die Januarii.

Rex perdonavit eidem Paulino viij. libras, vj. solidos et viij. denarios de debitis que regi debet ad Scaccarium. Mandatum est eisdem baronibus quod ipsum inde quietum esse faciant. Teste ut supra. Per P. Chaceporc.

De pluribus faciendis apud Cantuariam.—Mandatum est B. Pech' et Willelmo Hardel, custodibus archiepiscopatus Cantuariensis, quod de exitibus predicti archiepiscopatus fieri faciant caminum et verinas in camera regine apud Cantuariam secundum quod rex eis injunxit; reparari eciam faciant columpnas quasdam que jam corruerunt, et cameram privatam de domibus predicti archiepiscopatus de Lamheg', prout rex eis injunxit. Et custum ad hoc appositum per visum et testimonium legalium hominum eis a B. Cantuariensi electo faciet allocari. Teste ut supra.

De damis datis.—Mandatum est Ade de Periton' quod faciat habere Willelmo le Moyne ad opus Alesie uxoris sue (fn. 4) ij. damas in foresta de Braden', de dono regis. Teste rege apud Wind', xxvij. die Januarii.

De vinis.—Mandatum est camerariis regis Lond' quod vj. dolia boni vini emi faciant et ea liberari vicecomitibus Lond' carianda usque Keniton'. Teste ut supra.