Close Rolls, August 1244

Calendar of Close Rolls, Henry III: Volume 5, 1242-1247. Originally published by His Majesty's Stationery Office, London, 1916.

This premium content was digitised by double rekeying. All rights reserved.

'Close Rolls, August 1244', in Calendar of Close Rolls, Henry III: Volume 5, 1242-1247, (London, 1916) pp. 258-260. British History Online https://www.british-history.ac.uk/cal-close-rolls/hen3/vol5/pp258-260 [accessed 25 March 2024]

Image
Image
Image

Close Rolls, August 1244

Mandatum est vicecomiti Eboraci quod fieri faciat perambulationem inter terram Walteri de Kirkeham, decani Eboracensis, in Stocton' et terram Willelmi de Lanum, archidiaconi Dunholmensis, in Morton'.
Mandatum est vicecomiti Devonie quod omnes illos de comitatu suo qui assignati erant ad servicium suum in Wallia faciendum, quod facere debuerant in partibus Scocie, venire faciat ad partes Wallie ad mandatum Johannis de Munemuth' et Ricardi de Clar' vel alterius eorum, et idem vicecomes et omnes jurati ad arma quos mitti rex preceperat ad partes predictas, remaneant in partibus suis ad majorem securitatem parcium illarum. Teste rege apud Novum Castrum super Tynam, j. die Augusti.
Eodem modo scribitur vicecomiti Sumers'.

Mandatum est maiori et ballivis Eoboraci (sic) quod non permittant decetero quod aliquod mercatum de victuabus (sic) teneatur in villa sua, set omnes mercatores omnium modorum victualium mittat (sic) post regem cum predictis victualibus in insulam de Hayleland. Teste. (fn. 1)
Eodem modo scribitur ballivis de Chardeburg' et vicecomitibus Eboraci, Linc' et Norf' ne aliquod mercatum de victualibus teneatur prope portus maris, set omnes mercatores etc. ut supra.

Mandatum est vicecomiti Norhumbrie quod fieri faciat perambulationem inter terram Galfridi de Lucy in Angreham et terram abbatis de Novo Monasterio in Kideland', quia uter eorum posuit se etc.

Rex vicecomiti Norht', salutem. Precipimus tibi quod per sacramentum xij. proborum et legalium hominum de comitatu tuo appreciari facias omnia blada existencia in terris alienatis de serjantiis que de nobis tenentur in capite in balliva tua, et similiter vesturas pratorum que capte sunt in manum nostram occasione alienationis predicte, et exitus molendinorum et reddituum assisorum et omnium aliorum profectuum [et] per prefatum precium dimittas eis qui terras illas prius tenuerunt, accepta ab eis securitate quod ipsi de precio omnium predictorum nobis respondebunt in crastino Sancti Martini anno etc. xxix., deducto tamen de precio illo custo quod ipsi apposuerunt ad terras predictas excolendas et seminandas et quod ipsi apponent ad predicta blada et fena colligenda, et precium vesture singularum portionum terrarum predictarum, pratorum et omnium exituum molendinorum, reddituum assisorum et aliorum profectuum, sub sigillo tuo et sigillis eorum per quos appreciata fuerint, nobis distincte significes. Permittas eciam quod ipsi interim terras illas excoli et seminari faciant, si voluerint. Omnes autem mulieres que dotate sunt de serjantiis predictis, permittas dotes suas pacifice possidere, et si quid de predictis terris, pratis et molendinis, redditibus et aliis profectibus ceperis, id eis reddi facias. Teste rege apud Novum Castrum super Tynam, j. die Augusti.
Eodem modo scribitur omnibus vicecomitibus Anglie.

Mandatum est vicecomiti Eboraci quod omnes assise nove disseisine que arramiate sunt in comitatu suo coram justiciariis ad proximum adventum suum ad partes illas, venire faciat coram rege apud Eboracum in proximo adventu suo ibidem, et habeat ibi attachiamenta earundem assisarum et breve. Teste rege apud Novum Castrum super Tynam, v. die Augusti.
Postea quia rex non intendebat transitum facere per Eboracum, mandatum erat vicecomiti Eboraci quod assisas predictas venire faciat coram W. de Eboraco, Henrico de Bathonia, Godefrido de Craucumb' et Jeremia de Caxton' die Dominica proxima post festum Assumptionis beate Marie, et habent inde litteras patentes.

[m. 4d.]

Rex Magistro Martino, clerico camere domini regis, et ejus nuncio, salutem. Non capit in vobis sermo noster nec recipit impressionem sermonis nostri cor vestrum lapideum quod erga nos est nimium induratum. Nos autem illud mollificabimus et de necessitate virtutem vos facere faciemus, quum subversionem quam in regno nostro intenditis attemptare non possumus nec volumus sustinere. Ad memoriam quidem, si vultis, bene poteritis revocare qualiter pluries vobis scripsimus satis recenter quod nullo modo sustinebimus abbatem de Burgo Sancti Petri presentationibus ecclesiarum ad patronatum suum spectancium privari ad presens, ad quas nostros presentavit clericos speciales. Porro non credimus vos latere et, si placet, vobis presentibus innotescat quod legati in regnum nostrum non veniunt nisi per nos a sede apostolica specialiter postulati, et qui hucusque postulati venerunt, et in majori officio missi fuerunt, nunquam mandatum apostolicum pervertere et jura nostra et magnatum nostrorum subvertere intenderunt, nec id effectui manciparunt; et de majoribus magnatibus nostris episcopos et abbates merito reputamus qui inter alios majores possident baronias, quos sicut et laicos, si regnum nostrum conservare velimus, necesse habemus protegere et tueri. Discretionem igitur vestram attente rogamus precibus inculcatis quatinus presentationes predictas impediri nullatenus presumatis, attencius attendentes quod magnates nostri non modicum contra pacienciam nostram obmurmurant super beneficiorum surreptione quam in regno nostro facere incepistis, quam nec nos possumus nec volumus nec ipsi possunt nec volunt equanimiter tollerare. Vos igitur tam in premissis quam in aliis agendis vestris in regno nostro vos ita modeste gerere studiatis quod jura nostra et magnatum nostrorum nullatenus perimatis, quam si secus egeritis protervitati vestre et injurie frenum debitum imponemus, non sine revelatione execrabilis facti vestri quod domino pape et omnibus cardinalibus et toti Romane ecclesie curabimus intimare. Si quod autem mandatum presentationibus predictis contrarium episcopo Lincolniensi direxeritis, id celeriter revocetis. Teste rege apud Novum Castrum super Tynam, x. die Augusti.

Mandatum est vicecomiti Linc' quod permittat Willelmum de Flikeburg' habere respectum de se milite faciendo usque ad festum Omnium Sanctorum anno etc. xxix. Teste rege apud Alverton' xviij. die Augusti.

Prior de Gyseburn' attornat loco suo Rogerum Born' et Alexandrum de Munceaus vel alterum eorum contra Jacobum de Dinaunt. Dies datus est apud Windes' in crastino Nativitatis beate Marie.

Rex W. de Haverhull', thesaurario suo, (fn. 1) et constabulario suo Lond', salutem. Mandamus vobis quod Judeos assignatos ad custodiam catallorum et debitorum que fuerunt David Judei Oxonie distringatis, ita quod illi Judei (fn. 2) manucapiant (fn. 3) finem quinque millium marcarum quem Licoricia que fuit uxor predicti David, fecit nobiscum pro habendis catallis et debitis ipsius David, ut eam (fn. 4) habeamus terminis assignatis de tallagio Judeorum nobis solvendo; et ipsam Licoriciam a prisona deliberari faciatis, ita tamen quod nullam habeat administrationem de catallis et debitis predictis ante instans festum Nativitatis beate Marie, donec post idem festum vobis inde mandaverimus. Et sciatis quod remisimus Aaron Judeo Eboraci custodiam predictorum catallorum et debitorum pro fine quem propter (sic) fecit nobiscum, et quem solvit in garderoba nostra, et loco ejus subrogavimus Bonami Judeum Cantuarie. Teste. (fn. 5)

[m. 3d.]

Mandatum est vicecomiti Buk' quod fieri faciat perambulationem inter terram Ricardi de Clar' in Merlawe et terram J. comitisse Oxonie in Medmeham per sacramentum etc., ita quod perambulatio illa fiat etc., quia predicti Ricardus et comitissa posuerunt se in perambulationem illam. Teste. (fn. 5)

[m. 2d.]

Nicholaus de Bolevill' attornat Rogerum Doget vel (fn. 6) Ricardum de Blakedon' contra homines comitisse Oxonie de Abeton' in loquela que est coram rege de imprisonatione hominum ipsius Nicholai.

Mandatum est vicecomiti Cornubie quod in propria persona accedat usque terram Hamelini de Bocton' in Treueran et terram Roberti le Gras in Karewurge, et per sacramentum xij. legalium et discretorum militum fieri faciat perambulationem etc., ita quod perambulatio illa fiat etc.

Footnotes

  • 1. Substituted for 'regis' which is struck out.
  • 2. The word 'qui' is here struck out.
  • 3. Altered from 'manuceperunt.'
  • 4. The words 'ut eam' (sic) are interlined.
  • 5. Incomplete.
  • 6. Interlined and 'et' struck out.