Close Rolls, March 1235

Close Rolls, March 1235

Pro W. Karleolensi episcopo, de fustis.—Mandatum est constabulario de Windes' quod in foresta de Windesor' habere faciat W. Karleolensi episcopo sex fusta ad planchias inde faciendas, de dono regis. Teste rege apud Strafford', j. die Marcii.

De navibus deliberandis.—Mandatum est ballivis de Portesm' quod duas naves Ricardi filii Ranulfi de Barbefl', quas arestari fecerunt occasione precepti regis de navibus arestandis, sine dilatione deliberari faciant et ipsas quo voluerint sine impedimento ire permittant. Teste ut supra.

De mercatoribus et navibus deliberandis.—Mandatum est majori et vicecomitibus Lond' quod omnes mercatores, sive sint de potestate regis Francie sive aliunde, qui arestati sunt Lond' per preceptum regis, cum navibus, hominibus mercandiis, et omnibus rebus suis ubicumque sint, in ecclesia vel extra, sine dilatione et absque omni impedimento libere recedere et ire quo voluerint permittant; et ita per totam civitatem illam clamari faciant. Teste ut supra.

Eodem modo mandatum est ballivis:—
de Lenn',
Bristolli,
Eboraci,
de Beverlaco,
Grimesby,
Wintonie,
Gernemuth',
Norht',
de Novo Castro super Tinam,
majori et civibus Linc',
Suhampt',
Dertesm',
Lincoln',
Stanford',
Norwici,
Gyppewici,
Wigornie,
Waterford',
Portesm',
eo excepto quod non fit mentio de navibus in litteris directis ballivis, ubi non sunt portus.

[m. 17.]

Pro E. Cantuariensi archiepiscopo, de custodia episcopatus Roffensis.— Rex vicecomiti Cantie. Scias quod concessimus venerabili patri E. Cantuariensi archiepiscopo quod habeat seisinam episcopatus Roffensis vacantis et omnium terrarum ad eundem episcopatum pertinentium, salvo jure nostro et omnium aliorum, si qui in custodia predicti episcopatus jus sibi vendicent. Et ideo tibi precipimus quod de predicto episcopatu vel de aliquibus terris et possessionibus ad eundem episcopatum pertinentibus in nullo te intromittas; et, si quid inde cepisti vel amoveri fecisti, id eidem archiepiscopo reddi facias. Teste rege apud Stratford', j. die Marcii.
Eodem modo mandatum est vicecomiti Norf' et Suff'.

Pro priorissa de Strafford'.—Rex perdonavit priorisse de Stratford' quatuordecim solidos et quatuor denarios, qui ab ea exiguntur per summonitionem Scaccarii de quadragesima mobilium suorum. Et mandatum est baronibus de Scaccario quod ipsam inde quietam esse faciant. Teste ut supra. Per H. de Burgo, comitem Kantie.

Pro Ernaldo capellano Philippi de Albiniaco.—Mandatum est ballivo foreste de Chippeham quod habere faciat de dono regis Ernaldo capellano Philippi de Albiniaco quoddam fustum in eadem foresta ad maeremium inde faciendum. Teste ut supra. Per W. de Kirkeham.

Pro abbate de Strafford', de perdonatione.—Rex perdonavit abbati de Strafford' decem libras que ab eo exiguntur per summonitionem Scaccarii pro Waltero de Candelwekestrate, quondam civis (fn. 1) Lond', qui ad illas x. libras tailliatus fuit et postea se reddidit conversum in abbatia predicta. Et mandatum est baronibus de Scaccario quod ipsum abbatem de predictis x. libris quietum esse faciant. Teste ut supra.

Rex. De vinis retinendis et eligendis contra adventum archiepiscopi Coloniensis.—Mandatum est Johanni de Colemere quod eligat quatuor dolia de melioribus vinis regis que sunt in custodia sua, et ea sine dilatione poni faciat apud Novum Templum London' in aliquo celario ibidem ad opus H. Coloniensis archiepiscopi, ita quod vina illa clara sint in adventu ipsius archiepiscopi ibidem. Teste rege apud Havering', ij. die Marcii.
Mandatum est vicecomiti Eboraci quod in presentia duorum vel trium de discretioribus et legalioribus militibus comitatus sui, quos secum viderit adducendos, in propria persona sua accedat usque abbatiam de Eboraco, ubi reposita est quadragesima regis de comitatu Norhumbrie, et, presente abbate ejusdem domus cui rex dedit in mandatis quod quadragesimam illam ei liberet, illam ab eo recipiat, et, sicut signata est et sicut collectores ejusdem quadragesime illam dimiserunt in abbatiam predictam, illam sine dilatione salvo venire faciat ad Scaccarium regis apud Westmonasterium in crastino clausi Pasche, anno etc. xix. Teste rege apud Chelmereford', iij. die Marcii.

[m. 17.]

Et mandatum est predicto abbati quod quadragesimam illam liberet vicecomiti predicto sicut predictum est. (fn. 2)

Pro Bartholomeo Bygod et Roberto de Monasterio.—Rex concessit Bartholomeo le Bygod et Roberto de Monasterio terram quam Willelmus de Crepping' tenuit de ballio regis in manerio de Aufreton', ad se sustentandum in servitio regis quamdiu regi placuerit.
Et mandatum est vicecomiti Essex' quod predictis Bartholomeo et Roberto sine dilatione plenam seisinam inde habere faciat. Teste ut supra.
Et memorandum quod dominus rex interim quietus erit de annuo feodo suo etc.

Pro Ricardo vicario de Wytham.—Mandatum est Johanni de Colemere quod habere faciat Ricardo vicario de Wytham unum dolium vini de vinis regis que sunt in custodia sua apud Lond'. Teste rege apud Wytham, iiij. die Marcii. Per Willelmum de Kirkham.

Pro Hamone Pecch'.—Quia rex accepit per inquisitionem quam inde fieri fecit quod una carucata terre cum pertinentiis in Oxecroft, que fuit Stephani de Oxecroft suspensi pro malo retto, extitit in manu regis per unum annum et unum diem, et quod terram illam tenuit de Hamone Peche, exceptis una acra et dimidia; mandatum est vicecomiti Cantebrigie quod eidem Hamoni de predicta terra, exceptis una acra et dimidia, plenam seisinam habere faciat. Teste me ipso apud Colecestr', v. die Marcii.

Pro Wischardo Ledeth.—Wyschardus Ledet fidelitatem fecit domino regi de terris suis quas tenere debet de herede G. quondam comitis Glouc', qui est in custodia regis. Et mandatum est Ricardo de Lada et Ade filio Willelmi, escaetoribus regis, quod occasione fidelitatis predicte ipsum Wyschardum decetero non vexent vel vexari permittant. Teste rege apud Sanctam Ositham, v. die Marcii.

Pro abbate Sancte Osythe, de fustis.—Mandatum est constabulario Colecestr' quod habere faciat abbati Sancte Osithe ad operationem refectorii sui quindecim fusta in bosco regis de Colecestr', de dono regis. Teste ut supra. Per W. de Kirk'.

Pro Petro filio Hereberti. (fn. 3) —Mandatum est Johanni de Colemere quod tria dolia vini, que Petrus filius Hereberti (fn. 3) emi fecit ad opus suum apud Suht' et que arestari fecit, ut dicitur, eidem Petro sine dilatione deliberari faciat. Teste rege apud Gipewicum, viij. die Marcii. Per G. de Craucumb'.

Pro Tristramo de Rindham, de perdonatione.—Rex perdonavit Tristramo de Rindeham septem marcas ad quas amerciatus fuit pro falso sacramento coram justiciariis regis ultimo itinerantibus in comitatu Suff'. Et mandatum est vicecomiti Suff' quod ipsum Tristramum de predictis septem marcis quietum esse permittat, et catalla et averia ipsius Tristrami, que occasione predicta cepit, sine dilatione deliberari faciat. Teste rege ut supra. Pro magistro Nicholao de Farnham. Per G. de Craucumb'.

Pro abbate de Colecestr', de quercubus.—Mandatum est Ricardo de Lalad' et Ade filio Willelmi (fn. 4) quod faciant habere abbati Sancti Johannis de Collecestr' septem quercus in parco de Roleg' et in parco de Hadleg' octo quercus de dono regis, ita quod incontinenti predictas quercus prosterni et inde abduci faciat infra Pascha proximo instans ad ultimum. Teste rege apud Buttell', ix. die Marcii.

Pro Johanne de Maris.—Quia rex accepit per inquisitionem quam inde fieri fecit, quod nec Johannes de Maris nec aliquis de predecessoribus suis sectam facere consueverunt aliquo tempore ad curiam manerii de Osspring', antequam manerium illud devenisset in manus H. de Burgo, comitis Kantie; mandatum est vicecomiti Kantie quod predictum Johannem ad sectam faciendam ad curiam predictam de Osspring' non distringat, set inde ipsum quietum decetero esse permittat. Teste rege ut supra.

Pro Alexandro Bacun.—Rex concessit et licentiam dedit Alexandro Bacun seminandi terram que fuit Radulfi de Bochardeby, unde littere de inquisitione facienda directe sunt vicecomiti Cumberland', videlicet, quantum terre predictus Radulfus tenuit de rege in capite et quantum valeat etc. Et mandatum est eidem vicecomiti quod predictum Alexandrum terram illam seminare permittat. Teste ut supra.
Memorandum quod offert domino regi pro custodia x. marcas.

De tradendis in ballium.—Quia rex accepit per inquisitionem quam inde fieri fecit, quod Hugo de Weston' et Henricus de Mer', capti et detenti in prisona regis Staff' pro morte Willelmi filii Johannis Gille, appellati sunt de morte predicta odio et atia et non eo quod inde culpabiles sint; mandatum est vicecomiti Staff' et Salopie quod, si uterque eorum invenerit ei xij. liberos et legales homines qui manucapiunt eos habere coram justiciariis regis ad primam assisam cum in partes illas venerint ad standum inde recto, si quis versus eos inde loqui voluerit, tunc predictos Hugonem et Henricum a prisona regis deliberet et predictis xij. hominibus tradat in ballium, sicut predictum est. Et habeat ibi nomina predictorum xxiiij. etc.

De partitione bosci de Blokesham'.—Rex vicecomiti Oxonie salutem. Quia, sicut accepimus, per partitionem quam fieri fecimus de bosco de Blokesham, quod (fn. 5) boscus ille partitus est per forestarios et viridarios in presentia tua ita quod una pars remanet versus occidentem, quam ad opus nostrum elegimus retinendam, et altera pars versus orientem, que remanere debet dilecto et fideli nostro Amaurico de Sancto Amando tanquam pertinens decetero ad illam partem manerii de Blokesham que est in manu ipsius Amaurici; tibi precipimus quod de predicta parte bosci predicti versus orientem cum pertinentiis, alia parte versus occidentem cum pertinentiis ad opus nostrum retenta, eidem Amaurico sine dilatione plenam seisinam habere facias. Teste rege apud Bungeye, xj. die Marcii.

Pro episcopo Karleolensi.—Rex concessit episcopo Karleolensi custodiam terre et heredis Johannis de Jarpunvill'. Et mandatum est vicecomiti Norf' Suff' quod eidem episcopo habere faciat plenam saisinam de predicto herede et de omnibus terris que fuerunt predicti Johannis in ballia sua, de quibus seisitus fuit die quo obiit. Teste rege apud Norwicum, xij. die Marcii, anno regni nostri xix.

Pro abbate de Bona Requie.—Rex venerabili in Christo patri T. etc. Norwicensi episcopo salutem. Paternitati vestre significamus quod, si dilectis nobis abbati et monachis de Bona Requie gratiam facere volueritis de ecclesia de Baauburg' eis in proprios usus concedenda, bene placet nobis quod, non obstante presentatione nostra prius vobis facta de dilecto clerico nostro Johanne Maansel ad ecclesiam predictam, predictis abbati et monachis ipsam in proprios usus tenendam concedatis. Teste ut supra. Per Karleolensem.

Pro hominibus de Scaleby.—Rex (fn. 6) vicecomiti Eboraci salutem. Precipimus tibi, sicut alias precepimus, quod permittas homines nostros de Scaleby tenere villam nostram de Scalleby ad firmam, sicut illam eis dimisimus, nec ipsos distringas ad respondendum tibi super aliquo quod pertineat ad firmam suam ville predicte unde nobis debent respondere, donec aliud a nobis inde habueris mandatum. Teste rege apud Bromholm', xiij. die Marcii.

Pro Isabella sorore domini regis.—Mandatum est Johanni de Colemere, camerario London', quod habere faciat Isabelle sorori domini regis commoranti in Turri London' unum centum amigdalarum, de dono regis. Teste rege apud Bromholm', xxiij. die Marcii.

Pro filio et herede Edmundi de Tuddeham.—Rex dilecto et fideli suo Ade filio Willelmi salutem. Scias quod concessimus Johanni de Tudeham, filio et heredi Edmundi de Tudeham', quod habeat seisinam de xij. solidatis redditus cum pertinentiis in Gosebec', de quibus predictus Edmundus fuit seisitus die quo obiit et que capte fuerunt in manum nostram, eo quod credebatur quod idem Edmundus teneret eas de nobis in capite; ita quidem quod predictus Johannes sit coram nobis a die Pasche in xv. dies apud Lond', ut tunc sciamus per inquisitionem quandam quam de predicto redditu fieri fecimus, utrum idem Johannes redditum illum tenere debeat de nobis in capite an de heredibus Briani le Ewer, qui dicunt quod idem Johannes redditum illum tenere debet de ipsis. Et ideo vobis mandamus quod predicto Johanni de redditu predicto cum pertinentiis plenam seisinam habere faciatis, sicut predictum est. Teste rege apud Walsingh', xv. die Marcii.

Pro magistro hospitalis Sancti Lazari de Brottun'.—Mandatum est vicecomiti Eboraci quod distringat magistrum hospitalis Sancti Lazari de Burttun' ad reddendum domino regi quadraginta et duos solidos quos recepit de catallis Roberti de Erdintun', hominis sui, qui se ipsum suspendit, que quidem catalla ad regem pertinent occasione suspensionis predicte et non ad ipsum magistrum; et, postquam denarios ipsos receperit ad opus regis, ita quod notarium (fn. 7) sit quod illos receperit tanquam ad regem pertinentes pro facto predicto, secundo die vel tertio postea illos habere faciat caritative predicto magistro de dono regis, ita quod occasione hujus gratie regis nullum jus sibi vendicare possit processu temporis in aliquibus catallis hominum suorum quibus contigerit hujusmodi infortunium. Teste ut supra.

Pro magistro Johanne Blundo.—Mandatum est Hugoni filio Roberti quod habere faciat magistro Johanni Blundo quadraginta fusta in bosco de la Lagh', ad se hospitandum apud Cunesdour', de dono regis. Teste rege apud Walsingh', xv. die Marcii.
Mandatum est vicecomiti Salopie quod de petra et calce veterum murorum aule regis de Cunesdour', quantum magister J. Blundus neccesse habuerit ad se hospitandum ibidem, quod rex dedit predicto magistro J. ad se hospitandum ibidem, ipsum magistrum a curia regis de Cunesdour' abducere et extrahere permittat. Teste ut supra.

Pro Midelsent de Muntfichet.—Mandatum est vicecomiti Norf' quod per sacramentum proborum et legalium hominum de comitatu suo diligenter inquirat que feoda militum, que fuerunt Willelmi de Warenn', assignata sunt Milesente que fuit uxor predicti Willelmi in dotem in comitatu predicto, et si de feodis predictis ei in dotem assignatis seisita fuerit vel non, et si qua escaeta de feodis predictis exciderit postquam inde dotata fuit. Et, facta super hoc inquisitione diligenti, de omnibus feodis militum, que per inquisitionem predictam invenerit eidem Milesente fuisse assignata in dotem, et de escaetis que postea inde exciderunt, eidem Milesense plenam saisinam habere faciat; quia H. de Burgo, qui filiam et heredem predicti Willelmi duxerat in uxorem, posuit se coram domino rege in inquisitionem predictam. Teste rege apud Sanctum Edmundum, xviij. die Marcii.

De uno dolio vini commodato ad opus regis.—Mandatum est ballivis [fratris] (fn. 8) regis, comitis Ricardi, de Desinges quod nullo modo omittant quin faciant habere latori presentium, servienti regis, unum dolium vini de melioribus vinis domini sui predicti comitis fratris domini regis cariandum usque Chipeham' ad opus regis, ita quod rex illud inveniat promptum ibidem hac die Lune tempestive; et dominus rex predicto comiti fratri suo dolium illud bene reddi faciet. Teste ut supra.

[m. 17.]

Pro W. Karleolensi episcopo.—Mandatum est justiciariis proximo itineraturis in comitatu Cumb' quod cartas regis, quas fieri fecit W. Karleolensi episcopo et ecclesie sue Karleolensi de quibusdam libertatibus et quietanciis eis a rege concessis, coram eis legi, et libertates et quietancias predictas in predictis cartis plenius contentas, inviolabiliter observari faciant. Teste ut supra.

Pro Hugone de Gurnay.—Rex concessit Hugoni de Gurnay quod ipse et heredes sui inperpetuum habeant unum mercatum apud manerium suum de Cauntel' singulis septimanis per diem Martis, et quod habeant ibidem unam feriam singulis annis duraturam per tres dies, videlicet, in vigilia et in die et in crastino Sancte Margarete, ita tamen quod predictum mercatum et predicta feria non sit (fn. 9) ad nocumentum vicinorum mercatorum et vicinarum feriarum Et mandatum est vicecomiti Norf' quod predictum mercatum et predictam feriam per balliam suam clamari faciat et teneri, sicut predictum est. Teste rege apud Sanctum Edmundum, xix. die Marcii.

Pro hospitali de Boulton'.—Rex Thome de Stratton', forestario suo de foresta sua Norhumbrie, salutem. Sciatis quod concessimus fratri Waltero priori et fratribus leprosis de hospitali Sancti Thome martiris de Boulton' et successoribus suis inperpetuum et per cartam nostram eis confirmavimus pro nobis et heredibus nostris quod sexies viginti acre more cum pertinentiis suis, quas prius eis concesseramus frussiendas et excolendas, juxta boscum suum de Boulton' qui est infra forestam nostram Norhumbrie, et sepcies viginti et decem acre bosci sui predicti de Boulton' ad perticam nostram cum pertinentiis suis, decetero sint et remaneant deafforestate; ita quod tam mora predicta quam boscus predictus, de quo accepimus per inquisicionem quam inde fieri precepimus, quod continet per numerum acrarum sepcies viginti et x. acras, quieti sint de vasto et regardo et de visu forestariorum et viridariorum et omnium ministrorum suorum et de omnibus que ad forestam et forestarios pertinent; et quod predicti prior et fratres leprosi et successores sui inperpetuum, cum voluerint, moram predictam excolere et boscum predictum possint essartare, frussire et in culturam redigere et inde pro voluntate sua libere et sine inpedimento disponere. Et ideo vobis mandamus quod moram predictam et boscum predictum deaforestatum esse et inperpetuum remanere quietum de vasto et regardo et de visu forestariorum et viridariorum et de omnibus que ad forestam et forestarios pertinent, permittatis, sicut predictum est; ita quod contra tenorem carte nostre, quam predicti prior et fratres inde habent, de mora et bosco predicto, in nullo vos intromittatis. Teste me ipso apud Sanctum Edmundum, xix. die Marcii. (fn. 10)

Pro eodem.—Eodem modo scribitur justiciariis proximo itineraturis ad placita foreste in comitatu Norhumbrie.

[m. 17.]

Pro priore de Boulton.—Henricus Dei gratia rex Anglie, dominus Hibernie etc. dilecto et fideli suo Thome de Stratton' salutem. Sciatis quod concessimus et per cartam nostram confirmavimus pro nobis et heredibus nostris Waltero priori et fratribus leprosis de hospitali Sancti Thome martiris de Boultun' et successoribus suis in perpetuum quod sexcies viginti acre more cum pertinentiis suis, quas prius eis concesseramus frussiendas et excolendas juxta boscum suum de Boultun', qui est infra forestam nostram Norhumbrie, et sepcies viginti et decem acre bosci sui predicti de Boultun' ad perticam nostram, et totum manerium de Boultun' cum pertinentiis, quod idem prior habet de dono Roberti de Ros, et quadraginta acre terre cum pertinentiis, quas idem prior tenet in eadem villa ad feodi firmam de monachis de Rivall', et dimidia carucata terre, quam Adam filius Willelmi de Kemoketun' tenet de eodem priore in eadem villa de Boultun' cum pertinentiis suis, decetero sint et remaneant deafforestata in perpetuum; ita quod tam mora sua predicta quam boscus suus predictus et totum manerium predictum de Boultun', sicut predictum est et sicut plenius continetur in carta nostra quam inde habent, quieta sint de vasto et regardo et visu forestariorum et viridariorum et omnium ministrorum suorum et de omnibus que ad forestam et forestarios pertinent; et quod predicti prior et fratres leprosi et successores eorum in perpetuum, cum voluerint, moram predictam excolere et boscum suum predictum possint essartare, frussire et in culturam redigere et aliter inde pro voluntate eorum libere et sine impedimento disponere. Et ideo vobis mandamus quod predictam moram et totum predictum manerium de Boultun' cum predictis quadraginta acris et dimidia carucata terre cum pertinentiis suis deafforestata teneatis, et quieta de vasto et regardo et de visu forestariorum et viridariorum et de omnibus que ad forestam et forestarios pertinent, esse permittatis, sicut predictum est. Teste me ipso apud Sanctum Edmundum, xix. die Marcii, anno regni nostri xix.
Eodem modo scribitur justiciariis proximo itineraturis ad placita foreste in comitatu Norhumbrie.

[m. 16.]

Pro abbate de Sancto Edmundo.—Rex concessit Henrico abbati Sancti Eadmundi quod ipse et successores sui inperpetuum habeant singulis annis duas ferias in suburbio ville Sancti Eadmundi, videlicet, unam extra portam aquilonarem extra (fn. 11) ejusdem ville ad hospitale Sancti Salvatoris duraturam per tres dies, videlicet, in vigilia et in die et in crastino Transfiguracionis Domini, et aliam extra portam australem ejusdem ville duraturam similiter per tres dies, videlicet, in vigilia et in die et in crastino translacionis Sancti Eadmundi, nisi ferie ille sint ad nocumentum vicinarum feriarum. Et mandatum est vicecomiti quod cartam illam in pleno comitatu suo legi et predictas ferias clamari et teneri faciat, sicut predictum est. Teste ut supra.

[m. 16.]

Pro monialibus de Carhou.—Rex concessit per cartam suam monialibus de Carhou quod predicte moniales et earum successores inperpetuum habeant et teneant omnes terras et possessiones et elemosinas suas cum soka et saka, thol et theam et infangenethef, et cum omnibus libertatibus et liberis consuetudinibus et quietantiis suis in bosco et plano, in pratis et pascuis et in aquis et molendinis, in viis et semitis et in stagnis et vivariis, mariscis et piscariis et grangiis et virgultis infra burgum et extra, et in omnibus locis et in omnibus rebus solutas, liberas et quietas de sectis shirarum et hundredorum et placitis et querelis, de pecunia danda pro forisfacto de murdro et de scutagio et geldo et Danegeldo et hidagio et assisis, et de operationibus castellorum et parcorum et pontium et calcetarum, et de ferdwite et hongwite et de flemenefrith' et de hamsokne et de wardpeny et de averpeny et de blodwite et de flegewite et de leerwite et de hundredepeny et de thithingpeny; ita quod visus franci plegii fiat in curia ipsarum monialium coram serviente regis ad hoc vocato, si venire voluerit; sin autem venire noluerit, non ideo remaneat. Sint etiam ipse moniales quiete per totam terram nostram de theloneo, passagio, pontagio, lestagio et stallagio et de omni seculari servitio et opere servili et exactione et omnibus aliis consuetudinibus secularibus, sicut plenius continetur in carta regis quam predictis monialibus inde fieri fecit. Et mandatum est vicecomiti Norf' et Suff' quod predictam cartam in pleno comitatu suo legi et libertates et quietantias in ea contentas eis teneri et firmiter observari faciat, sicut predictum est. Teste ut supra.

Pro Godefrido de Craucumb', de x. fustis.—Mandatum est Johanni de Nevill' quod faciat habere Godefrido de Craucumb' decem fusta in Wauberg' ad se hospitandum apud Meddelton', de dono regis. Teste rege apud Ely, xxj. die Marcii. Per W. de Kirk'.

Pro Thoma filio Rannulfi.—Mandatum est R. de Warevill' et Johanni de Burgo, custodibus episcopatus Lincolniensis, quod, si Thomas filius Rannulfi terram suam teneat per servitium militare, sicut domino regi monstravit, tunc nullum ab eodem Thoma capiant tallagium nec pro eo dando ipsum distringant vel homines suos qui per consimile servitium teneant. Teste rege apud Ely, xxj. die Marcii. Per W. de Raleg'.

Pro W. comite Albemarl' de perdonatione.—Rex ad instantiam et petitionem W. de Eboraco perdonavit W. comiti Albemarl' amerciamentum, in quod incidit in itinere predicti W. de Eboraco et sociorum suorum, justiciariorum regis itinerantium in comitatu Eboraci, pro escapio et transgressione . . . . Et rex hoc significat eidem comiti ut illud sciat. Teste rege apud Sanctum Neothum, xxiij. die Marcii. Per ipsum regem.

Pro Willelmo de Cantilupo seniore, de quercubus.—Mandatum est constabulario Divisarum quod habere faciat Willelmo de Cantilupo seniori tres quercus in foresta de Chippeham ad maeremium inde faciendum, de dono regis. Teste ut supra.

[m. 16.]

Mandatum est ballivis portus de Portesm' quod loricas Ricardi le Hauberger, mercatoris de Normannia, et alias res et mercandisas suas, quas arestaverunt occasione precepti regis de omnibus mercatoribus de potestate regis Francie arestandis, eidem Ricardo sine dilatione deliberari faciant. Teste ut supra. (fn. 12)

Pro Hugone de Vivon'.—Rex concessit Hugoni de Vivon' quod ipse et heredes sui inperpetuum habeant unum mercatum apud manerium suum de Septon' singulis septimanis per die (fn. 13) Jovis, et quod habeant ibidem unam feriam singulis annis duraturam per tres dies, videlicet, in vigilia et in die et in crastino apostolorum Petri et Pauli, (fn. 14) nisi predictum mercatum et predicta feria sint ad nocumentum vicinorum mercatorum et vicinarum feriarum. Et concessit eidem Hugoni quod ipsi et heredes sui habeant unam liberam warennam in dominicis ejusdem manerii, ita quod nullus decetero currat ad leporem, vulpem vel catum in ea capiendum sine licentia ipsius Hugonis, super forisfacturam regi decem librarum. Et mandatum est vicecomiti Sumerset' quod predictum mercatum, feriam et warennam per totam balliam suam clamari faciat et teneri, sicut predictum est. Teste rege ut supra.

Pro pauperibus viduis de maneriis episcopatus Lincolniensis.— Mandatum est Radulfo de Warevill' et Johanni de Burgo quod nullum tallagium assideant super pauperes viduas de maneriis episcopatus Lincolniensis, quia dominus rex vult illas inde penitus esse quietas. Teste ut supra. Per W. de Eboraco.

Pro magistro hospitalis de Melcheburn'.—Mandatum est Johanni de Nevill' quod habere faciat magistro hospitalis de Melcheburn' tres quercus in foresta de Wauberg' ad cendulas et maeremium faciendum, de dono regis. Teste rege apud Hecham, xxiiij. die Marcii.

Pro Gerardo de Lambersard'.—Rex concessit Gerardo de Lambersard' terram cum pertinentiis que fuit Ade de Retherfeld' in Aulton', de quo justitia regis facta fuit apud Wintoniam, ad se sustentandum in servicio regis quamdiu regi placuerit. Et mandatum est vicecomiti Suhampt' quod de terra predicta cum pertinentiis eidem Gerardo plenam seisinam habere faciat, sicut predictum est. Teste rege apud Norht', xxiiij. die Marcii. Per decanum Sancti Martini Lond'.

Pro Theobaldo de Engleschevill'.—Mandatum est vicecomiti Sussex' quod loquelam que est in comitatu suo de quadam lege adjudicata Theobaldo de Engleschevill', quem rex mittit ad Insulas in servitium suum, pro averiis Asceline que fuit uxor Alvredi de Cumpt' captis et ab eodem Theobaldo injuste detentis, ut dicitur, ponat in respectum quam diu idem Theobaldus fuerit in servitio regis per preceptum regis. Teste rege apud Norht', xxv. die Marcii.

[m. 16.]

Pro fratribus predicatoribus de Norht'.—Mandatum est Johanni de Nevill' quod habere faciat fratribus predicatoribus de Norhampt' quindecim quercus in foresta de la Saucey ad maeremium inde faciendum ad fabricam ecclesie sue, de dono regis. Teste ut supra. Per G. de Craucumb'.

De feria Leycestr' clamanda.—Rex concessit probis hominibus Leicestr' quod feria illa que singulis annis teneri solet apud Leycestr' per quindecim dies, videlicet, in crastino Purificationis Beate Marie et per xiiij. die (fn. 15) proximo sequentes, decetero teneatur ibidem per totidem dies, videlicet, quarto die proximo post Inventionem Sancte Crucis et per xiiij. dies proximo sequentes, ita tamen quod feria illa non sit ad nocumentum vicinarum feriarum. Et mandatum est ballivis nundinarum Stamford' quod feriam illam in nundinis Stamford' clamari faciant, sicut predictum est. Teste rege apud Norht', xxv. die Marcii.

Pro Matheo de Renham falconario regis, de perdonatione.—Rex perdonavit Matheo de Renham dimidiam marcam, ad quam amerciatus fuit coram justiciariis domini regis ultimo itinerantibus in comitatu Norf' occasione defalte communis summonitionis. Et mandatum est vicecomiti Norf' quod predictum Matheum de predicta dimidia marca quietum esse permittat. Teste rege apud Norht', xxv. die Marcii. Per G. de Craucumb'.

Pro abbatissa de Godestoua.—Rex venerabili patri J. Bathoniensi episcopo salutem. Quia ex parte dilecte nobis in Christo abbatisse de Godestowa didicimus quod de elemosina constituta ab antiquo percipit centum solidos annuos de manerio de Bannebir', quos quos (fn. 15) occasione episcopatus Lincolniensis vacantis et in manu nostra existentis sine speciali precepto nostro ad presens sicut consuevit habere non potest; vobis mandamus quod, si vobis constare possit quod redditum predictum de manerio predicto percipere debeat, ut dicit, tunc eidem abbatisse id quod de predictis centum solidis restat reddendum a tempore vacationis episcopatus predicti sine difficultate reddi faciatis. Teste ut supra. Per G. de Craucumb'.

Pro Griffino filio Wenhunweyn', de quercubus datis.—Mandatum est custodi foreste regis de Pecco quod habere faciat in foresta predicta Griffino filio Wenhunwein' sex quercus ad se hospitandum apud Assheford', de dono regis. Teste rege ut supra. Per W. de Kirk'.

Pro magistro A. de Swereford'.—Mandatum est Johanni de Colemere quod, ex quo ceperit ad opus regis tot dolia vini quot fuerint capienda de navi Walteri le Flemmeng apud Lond', tunc permittat magistro Alexandro de Swereford' emere ad opus suum tria dolia vini. Teste rege apud Norht', xxvij. die Marcii.

Pro R. advocato Bethunie, de damis datis.—Mandatum est Johanni de Nevill' quod in ballia sua de Brehull' habere faciat Roberto advocato Bethunie, vel Rogero de Quency ad opus ipsius Roberti, viginti damas et quinque damos vivos, de dono regis. Teste rege apud Norhampt', xxvij. die Marcii.

[m. 16.]

Insule. De balistis, quarellis et mangonellis deferendis usque in Insulas regis.—Mandatum est constabulario Turris Lond' quod de balistis regis, que sunt in custodia sua, faciat habere Gerardo de Lambersard' viginti balistas ligneas et decem milia quarellorum deferenda usque Insulas regis, cui rex mandavit quod ea a predicto constabulario recipiat. Teste ut supra.
Mandatum est vicecomiti Suhampton' quod de mangunellis regis qui sunt in custodia sua apud Wintoniam vel apud Porecestr', faciat habere eidem Gerardo duos mangonellos cariandos usque ad Insulas regis. Teste ut supra.
Et mandatum est eidem Gerardo quod predictas balistas, quarellos et mangonellos recipiat et secum deferri faciat ad Insulas predictas. Teste ut supra.

Pro fratribus minoribus Norhampt', de quercubus.—Mandatum est Johanni de Nevill' quod habere faciat fratribus minoribus de Norhampt' decem robora vetera in Salceto regis ad focum suum, de dono regis. Teste ut supra.

De quercubus datis in bosco de Selveston'.—Mandatum est Johanni de Nevill' quod in bosco regis de Selveston' habere faciat priori et monachis Norhampt' decem quercus ad maeremium inde faciendum ad fabricam ecclesie sue; et abbati et canonicis Sancti Jacobi Norht' in Salceto decem quercus ad fabricam ecclesie sue; et monialibus de Sewardel' quinque quercus ad fabricam ecclesie sue; et parochianis ecclesie Omnium Sanctorum Norht' septem quercus ad fabricam ecclesie sue, de dono regis. Teste rege apud Bitlesden', xxviij. die Marcii. Per W. de Kirk', decanum Sancti Martini Lond'.

Pro leprosis hospitalis de Clatercote.—Mandatum est J. Bathoniensi episcopo quod, si ei constare possit quod leprosi hospitalis de Clatercot' percipiunt annuatim sex libras et dimidiam de manerio de Baunebir' de elemosina constituta, tunc reddi faciat priori ejusdem hospitalis id quod restat reddendum a tempore vacacionis Lincolniensis episcopatus. Teste rege apud Bytlesden', xxviij. die Marcii.

De quercubus datis.—Mandatum est Johanni de Nevill' quod habere faciat Hugoni de Burcot' quatuor quercus in bosco regis de Pokesl' ad maeremium inde faciendum, de dono regis. Teste rege apud Wudest', xxix. die Marcii.

De elemosinis constitutis in episcopatu Lincolniensi.—Mandatum est Radulfo de Warevill' et Johanni de Burgo, custodibus episcopatus Lincolniensis, quod elemosinas constitutas in episcopatu Lincolniensi hiis quibus debentur solvi faciant, sicut eas percipere consueverunt temporibus predictorum episcoporum. Teste ut supra.

Pro Willelmo Marthus et aliis mercatoribus Burdegalensibus.—Quia protestatum est coram domino rege quod Willelmus Marthus, Biddau de Farr', Bernardus Muster, Bertramus de Burdegala, Henricus Bissepap' et Robinus le Engleis sunt mercatores Burdegalenses; mandatum est ballivis de Wincheles' quod duas naves suas blado carcatas, quas in portu suo arestari fecerunt credentes ipsos mercatores fuisse de Rupella, ut dicitur, ipsis mercatoribus libere et sine impedimento deliberari faciant, permittentes eos ire quo voluerint cum navibus predictis et omnibus rebus et mercandisis suis. Teste ut supra.

Mandatum est ballivis de Sandwico quod res et mercandisas Radulfi de Essewy et Johannis de Caudres, civium London', que Radulfus de Faversham arestari fecit in villa sua de Sandwico pro dampnis sibi illatis in potestate regis Francie, ut predicti Radulfus et Johannes dicunt, eis sine dilatione deliberari faciant, nisi ob causam aliam rationabilem fuerunt arestate. Teste ut supra.

[m. 15.]

Pro Luca de Drumar'.—Rex dedit Luce de Drumar' centum solidos, quos talliatores dominicorum regis in comitatu Wilt' assederunt anno etc. xviij. super homines manerii de Mer', quod idem Lucas habet de ballio regis. Et mandatum est vicecomiti Wilt' quod de predictis centum solidis predictum Lucam quietum esse permittat, et averia sua, que occasione predicta cepit, eidem Luce sine dilatione deliberari faciat. Teste rege apud Wudest', xxix. die Marcii.

Pro Johanne Cary.—Mandatum est majori et vicecomitibus London' quod, si Johannes Cari de Oxonia, captus et detentus in prisona regis apud London' pro malo retto, (fn. 16) invenerit invenerit (fn. 17) eis salvos plegios ad standum inde recto coram justiciariis regis ad placita corone regis London' si quis versus eum loqui voluerit, tunc ipsum replegiari faciant et quo voluerit, abire permittant. Teste rege apud Wudestok', xxx. die Marcii. Per Karleolensem.

Pro quadam nave de Depe deliberanda.—Mandatum est ballivis de Sandwico quod navem de Depe, quam Remigius de Dunewico ducit, arestatam in portu suo per Thomam Wybert, Johannem de Faversham' et Johannem Paccarye, ut dicitur, eo quod carcata fuit catallis et mercandisis mercatorum de potestate regis Francie, sine dilatione deliberari faciant, permittentes dictum Remigium cum nave predicta ire quo voluerit. Teste ut supra.

Pro Ricardo Giffard' mercatore.—Mandatum est ballivis R. comitis Pictavie et Cornubie de Thopesham quod quater viginti et sexdecim corea boum, que nuper arestaverunt, ut dicitur, et que Ricardus Giffard' dicit sua esse, ei deliberare faciant, si idem Ricardus possit sufficienter probare quod sua sint. Teste ut supra.

Pro Symone de Murdrac.—Rex vicecomiti Oxonie salutem. Ex parte dilecti et fidelis nostri Simonis de Murdrac, qui est in castro nostro Dublin' in servitio nostro, nobis est ostensum quod David de Lindes' terras et catalla ipsius Simonis cepit in manum suam eo quod dicebatur ipsum esse mortuum, et quod idem Simon terras suas de eo tenuit. Quia vero per litteras dilecti et fidelis nostri M. filii Geroldi, justiciarii nostri Hibernie, nuper accepimus quod idem Simon sanus est et incolumis, tibi precipimus quod ipsum Simonem de terris suis in ballia reseisiri facias, et omnia catalla sua servientibus ejusdem sine dilatione deliberari; ita quod clamor iteratus ad nos inde non perveniat. Teste ut supra.

De assignatis ad operationem castri et domorum regis Oxonie.—Quia expedit domino regi quod viri fideles et discreti intendentes sint ad custodiendum operationes castri regis Oxonie et domuum suarum extra predictum castrum, dominus rex vult quod Robertus Audoeny et Galfridus de Stocwell' ad predictas operationes castri Oxonie et domuum regis predictarum et ad denarios regis ad hoc recipiendos et ad pacationes inde pro predictis operationibus, prout neccesse fuerit, faciendas ad presens intendant. Et mandatum est majori Oxonie quod predictos Robertum et Galfridum ad hoc ex parte domini regis constituat. Teste ut supra.

Pro abbate et monachis de Bitlesden'.—Mandatum est Johanni de Nevill' quod habere faciat abbati et monachis de Bitlesden' quindecim fusta in ballia sua ad maeremium inde faciendum ad fabricam ecclesie sue, ubi comodius ad opus predictorum abbatis et monachorum et ad minus nocumentum foreste regis capi poterunt sparsim per loca, de dono regis. Teste rege apud Wudest', xxxj. die Marcii.

Pro abbate Westmonasteriensi.—Rex abbati Glouc' salutem. Datum est nobis intelligi quod Philippus de Colevill', Amphelusia et Avicia, heredes Reginaldi Folet, ad instantiam vestram proposuerunt alienare quandam partem manerii de Langedun', quod tenent ad feodi firmam de abbate Westmonasteriensi, et eam vobis vendere in dampnum ipsius abbatis et in prejudicium nostrum, eo quod idem abbas manerium predictum habuit ex collatione predecessorum nostrorum regum Anglie. Et ideo vobis mandamus, firmiter prohibentes quod de collatione vel venditione predictorum Philippi, Amphelusie et Avicie partem aliquam ejusdem manerii recipere vel illam ingredi sine assensu predicti abbatis nullatenus attemptetis, sicut vos ipsos et domum vestram servare volueritis indempnes. Teste rege ut supra.

De duobus servientibus missis ad Insulas.—Mandatum est Willelmo Hardel' quod, amotis duobus quos melius expedire viderit de servientibus equitibus, quos idem Willelmus mittere providit ad Insulas regis, sicut dominus ei dedit in mandatis, Willelmum de Winceleys et Alanum de Winceleys loco predictorum duorum ad hoc admittat, faciens eis habere easdem liberationes quas alii duo percipere debuissent. Teste ut supra. Per Karleolensem.

Pro priore de Luffeld', de fustis datis.—Mandatum est Johanni de Nevill' quod habere faciat priori de Luffeld' quindecim fusta ad maeremium in ballia sua sparsim per loca ubi commodius ad opus suum capi poterunt et ad minus nocumentum foreste regis, de dono regis. Teste ut supra.

[m. 15.]

Roma. Pro Johanne Saraceno Romano.—Mandatum est vicecomiti Salopie (fn. 18) quod loquelam, que est in comitatu suo per breve regis inter Thomam Corbet petentem et Johannem Saracenum, filium Petri Saraceni, tenentem, de una virgata terre et tribus solidatis redditus cum pertinentiis in Benethl' et Tudel', ponat in respectum usque ad proximum comitatum suum post festum Sancti Michaelis, anno regni etc. xix. Teste ut supra.

Pro abbate de Flexlegh.—Mandatum est constabulario Sancti Briavelli quod permittat abbatem de Flexl' habere talia esiamenta in foresta Sancti Briavelli ad animalia et peccora sua, qualia habere debet et habere consuevit tempore H. regis etc. et R. regis etc. et tempore domini regis etc. usque ad guerram motam inter ipsum regem et barones suos Anglie. Teste rege ut supra.

Pro Willelmo Blom'.—Rex dedit Willelmo Blom' catalla que fuerunt Walteri Gosebert, hominis sui, qui fugit pro latrocinio unde rettatus fuit, et que vicecomes Suht' ab eo exigit ad opus regis. Et mandatum est vicecomiti Suht' quod de catallis illis pacem ei habere permittat. Teste rege apud Abbendon', xxxj. die Marcii.

Rex. Pro Willelmo Blom' misso ad Insulas.—Rex Gerardo de Lambersard' et Willelmo de Dampert salutem. Mittimus vobiscum dilectum et fidelem nostrum Willelmum Blom' ut una vobiscum intersit ad Insulas nostras custodiendas. Et ideo vobis mandamus quatinus ad hoc una vobiscum ipsum admittatis, et mutuo adinvicem consilio et colloquio utamini circa agenda nostra in partibus illis expedienda ad commodum et honorem nostrum. Teste ut supra.