Close Rolls, February 1236

Close Rolls, February 1236

Dors'.—Ricardus de Syfrewast attornavit Robertum filium Reginaldi versus abbatem de Binedon' tenentem, de una carucata terre cum pertinentiis in Winterburn'. Teste rege apud Wintoniam, iij. die Februarii.

De quodam brevi in forma indebita concepto, ut dicitur.—Mandatum est justiciariis regis itinerantibus in comitatu Wilt' quod breve originale de loquela que est coram eis inter Adam le Ireys petentem et Richardum filium Aucheri tenentem, de x. virgatis terre cum pertinentiis in Cnuke, quod breve non est in debita forma conceptum ut dicitur, regi mittant, dictam loquelam tenentes in suspenso donec rex aliud inde preceperit. Teste rege ut supra.

1235.

Raleg'.—Rex Willelmo Marmium, salutem. Ostendit nobis Galfridus de Lucy quod occasione seisine, quam tibi fieri precepimus de terris que aliquando fuerunt in manu Wintoniensis episcopi in Thorenton,' et de quibus nobis dedisti intelligi quod disseisitus fuisti per voluntatem nostram, disseisivisti ipsum Galfridum et Nicholaam uxorem ejus de terris quas ipsi tenuerunt nomine dotis ipsius Nicholae in eadem villa. Et quia non debet aliquis injuste disseisiri de libero tenemento suo, set si aliquis crediderit se jus habere sibi perquirere debet per legem terre, tibi precipimus quod eisdem Galfrido et Nicholae seisinam suam sine dilatione rehabere facias, ne oporteat eos conqueri propter quod ad hoc manum opponere debeamus. Et si credideris te jus habere in terra illa per legem terre, tibi inde perquiras. Et si seisinam eorum eis rehabere non feceris secundum quod tibi precipimus, mandavimus vicecomiti nostro Linc' quod illam eis sine dilatione rehabere faciat. Teste rege apud Wintoniam, iij. die Decembris.

1236.

Rex venerabili patri in Christo — eadem gratia archiepiscopo Auxitano salutem. Ut de communicatis vobis gaudiis et honoribus regiis gaudium paternitati vestre accrescat et exultatio, notum fieri volumus dilectioni vestre quod die Lune in erastino octabarum Epiphanie Domini desponsavimus apud Cantuariam Alienoram filiam comitis (sic) sororem regine Francie, quam die Dominica sequenti una nobiscum apud Westmonasterium sollempniter coronari fecimus; et ut hoc sit ad exaltationem et salutem nostram et regni nostri et omnium subditorum nostrorum communem utilitatem, divinam clementiam interpellare velitis pro eodem optinendo preces per provinciam vestrum generaliter fieri statuentes. Ceterum cum capte et assecurate sint treuge inter regem Francie et nos usque in quinque annos a festo Assumptionis beate Marie proximo preterito, quas quidem in presentia nuntiorum ipsius regis ad nos in Angliam propter hoc destinatorum nuper in animam nostram jurari fecimus, dilectionem vestram rogamus attentius quatinus treugas memoratas firmiter teneatis et a subditis vestris teneri faciatis. Teste rege apud Wintoniam, vij. die Februarii.

[m. 18d.]

Eodem modo Lescar' episcopo, Lincor' episcopo, archiepiscopo Burdegalensi, Baionensi' episcopo, Vasatensi episcopo, episcopo de Cumenges et abbati de la Selve, Aquensi episcopo.

Wasconia. De treugis tenendis.—Rex dilecto consanguineo et fideli suo B. de Mastak', comiti Bygor', salutem. Ut de communicatis vobis gaudiis et honoribus regiis vobis accrescat gaudium et exultatio, dilectioni vestre significamus quod in uxorem duximus Alyenoram filiam comitis Provincie, sororem regine Francie, certam in Domino spem ponentes quod id cedat ad regiam exaltationem et communem subditorum nostrorum utilitatem. Ceterum cum capte et securate sint treuge inter regem Francie et nos usque in quinque annos a festo Assumpcionis beate Marie proximo preterito, quas quidem in presentia nuntiorum ipsius regis ad nos in Angliam propter hoc destinatorum nuper in animam nostram jurari fecimus; vobis mandamus firmiter injungentes quatinus, sicut nos et honorem nostrum diligitis, dictas treugas firmiter teneatis et a subditis vestis firmiter teneri faciatis. Teste ut supra.
Eodem modo scribitur Seneburno de Lespair', Alexandro de Caumunt', Ernaldo de Blakeford', Emeryco de Lenebret, Reimundo Garsie de Naval', Elye Ridel', vicecomiti de Frunzac.

[m. 17d.]

Suhampt'.—Mandatum est vicecomiti Suht' quod, assumptis secum xij. de legalioribus militibus de comitatu suo, accedat usque Froyle et la Welle et per sacramentum illorum fieri faciat perambulationem inter terram abbatisse Sancte Marie Wintonie in Froyl' et terram Hugonis de Wingeham in la Welle, ita quod perambulatio illa fiat per certas metas et divisas, quia tam predicta abbatissa quam predictus Hugo posuerunt se coram rege in perambulationem illam. Et predictam perambulationem distincte et aperte factam in scriptum redactam sub sigillo tuo et per quatuor legales milites ex hiis, qui perambulationi illi interfuerunt, habeat coram justiciariis regis ad primam assisam cum in partes illas venerint, per quas metas et divisas predicta perambulatio facta fuerit. Et habeat ibi nomina illorum xij. et hoc breve. Teste rege apud Wintoniam, viij. die Februarii.
Eodem modo mandatum est vicecomiti Eboraci quod fieri faciat perambulationem inter terram Johannis de Lascy, comitis Linc', in Sneth' et terras Thome de Poulinton', Ade filii Radulfi, Luce filii Alexandri, Willelmi filii Reginaldi, Ricardi et Ade molendinar' in Poulinton'.
Rex justiciariis suis itinerantibus apud Wilton', salutem. Quia Willelmus de la Hulle et Dionisius filius Thome, capti et in prisona nostra apud Sarrisburiam detenti pro morte Roberti filii Thome, quem rota cujusdam carecte transeuntis quam dicti Willelmus et Dionisius duxerunt oppressit ad mortem per infortunium, non sunt de morte illa culpabiles, sicut accepimus per litteras vestras; vobis mandamus quod ipsos Willelmum et Dionisium a prisona nostra deliberari et de morte predicta quietos esse faciatis. Teste ut supra.
Rex justiciariis suis itinerantibus in comitatu Wiltes', salutem. Mandamus vobis quod non obstante eo quod Baldewinus de Veer vocat nos ad warantum de duabus carucatis terre et quadraginta solidatis redditus cum pertinentiis in Fitelton', quas Marsilius de Trowell' et Beatricia uxor ejus clamant versus predictum Baldewinum per breve nostrum de morte antecessoris, assisam inde aramiatam capiatis. Judicium autem pronuntiare differatis usque ad aliquem certum diem post Pascha, anno regni nostri xx. partibus terminum prefigentes quod ad diem quem statueritis post Pascha sint coram nobis, ut predictus Baldewinus tunc proferat coram nobis cartam nostram, si quam habuerit a nobis, de terra et redditu predicto, vel aliud inde nobis warantum ostendat. Teste ut supra.

Suhampt', de Judeo suspenso.—Mandatum est vicecomiti Sudhampt' quod permittat Judeos Wintonie sepelire Abraham Pinch', Judeum illum qui nuper tractus et suspensus fuit apud Wintoniam de licentia regis, ita tamen quod alibi non sepeliatur quam subtus furcas in quibus suspensus fuit. Teste rege apud Assel', x. die Februarii.

Rex vicecomiti Suht', salutem. Quia dilectus serviens noster Adam Salsarius nobis ostendit quod non misisti eum in seisinam omnium eorum que pertinent ad domum illam, que fuit Abrae Pinch', Judei Wintonie, nuper tracti et suspensi apud Wintoniam, et quam dedimus predicto Ade in villa Wintonie; tibi precipimus quod de omnibus pertinentiis ejusdem domus tam in redditibus quam in aliis in villa Wintonie, excepta scola, de qua dubitatur adhuc, eidem Ade plenam seisinam habere facias. Teste rege apud Clarendon', xiiij. die Februarii.

Hibernia.—Mandatum est Roberto de Lexint' et sociis suis, justiciariis itinerantibus in comitatu Wilt', salutem. Mandamus vobis quatinus mittatis nobis recordum et scire nobis faciatis occasionem quare amerciaverint coram eis (vobis erased) in itinere suo (vestro erased) Simonem de Monte Forti.

Rex domino Wigorniensi episcopo, salutem. Ex quo minus honestum vobis videbatur appropriare monachis vestris Wigornie ecclesiam de Bremegrave in forma quam intendebamus, videlicet ut augeretur numerus eorum, discretioni vestre relinquerimus (sic) ut, secundum quod videritis honestius, id fieri posse et anime bone memorie domini J. regis, patris nostri, cui super hoc subveniri cupimus, magis expediri, de appropriatione predicta disponatis secundum tenorem carte nostre; ita tamen quod vicaria mediocris sit et modum nonexcedat, et quod provisionem vestram in hac parte per litteras vestras nobis plenius certificetis antequam ipsam promulgetis vel statuatis. Teste rege apud Wudest,' xxiiij. die Februarii.
Milesant' uxor Fretherici de Dicheford' attornavit Frethericum virum suum et Hugonem Pilet versus Adam Sturmy deforciantem, de consuetudinibus et serviciis que exiguntur a predicto Ada de libero tenemento suo in Brokeberwe.
Memorandum quod dominus rex concessit Galfrido Esturmy quod ad debita in quibus tenetur Benedicto Crespin solvenda rationabiles terminos habere faciat. Teste rege apud Wudest', xxvij. die Februarii.

[m. 16d.]

Oxonia.—Abbas de Eynesham attornavit Reginaldum Godebaud' et Gervasium de Vadis versus Aliciam Clement petentem, de dimidia hida terre cum pertinentiis in Horniton'. Teste rege apud Wudest', xxvij. die Februarii.
Alexander Blundus attornavit Johannem Lescot versus Thomam de Coningesholm' petentem, de tribus acris terre cum pertinentiis in Theletorp'.
Rex etc. Willelmo Talebot, salutem. Significavit nobis dilecta consanguinea nostra Alienora, commorans in castro nostro Glouc', per fratrem Ricardum de Becco quod licet aliquando erga uxorem vestram mota fuisset sive juste sive injuste, propter illud sacrum tempus nunc instans, cum eadem uxore vestra vellet reconciliari, et hoc non mediocriter affectaret. Et ideo vobis mandamus quod, non obstante aliquo mandato nostro quod vobis fecimus de ea vel aliis a consanguinea nostra predicta amovenda, eandem ad prefatam consanguineam nostram revenire faciatis, habituram cum ea colloquium et cum ea moraturam, quamdiu eidem consanguinee nostre placuerit. Teste me ipso apud Wud', xxviij. die Februarii.

Glouc'.—Abbas de Eynesham attornavit Willelmum de Warneburn' et Thomam de Eynesham versus Matillidem filiam Thome de consuetudinibus et serviciis que exiguntur ab ea de libero tenemento quod de eo tenet in Wigewald'.
Johanna uxor Ricardi Attenestan attornavit predictum Ricardum, virum suum, versus Willelmum de Burgo de consuetudinibus et serviciis que predicti Ricardus et Johanna exigunt ab eo de libero tenemento etc. in Sausinton'.

Buk'.—Maria de Salceto, uxor Simonis de Trop, attornavit Rogerum Gulafre loco suo ad lucrandum vel perdendum versus Robertum filium Hugonis in loquela que est coram rege inter predictum Hugonem et predictos Simonem et Mariam et participes suos de terra in Ykel'.