Close Rolls, February 1237

Close Rolls, February 1237

[m. 17d].

Alanus filius War', attornavit loco suo Johannem de Gopeshull' (fn. 1) ad lucrandum vel perdendum in loquela que est in comitatu Wiltes' contra Henricum de Chanflur', tenentem de xx. et vij. solidatis redditus in Hulecot', et vj. solidatis et viij. denaratis redditus in Shalke. Teste rege apud Kenynton', iij. die Februarii.

Mandatum est baronibus de Scaccario quod summoneri faciant Hugonem Wak' et Johannam, uxorem ejus, et Eustachium de Stutevill' quod sint coram eis in octabis Clausi Pasche ad respondendum regi de debitis que Nicholaus de Stutevill' regi debuit, et ad recipiendum judicium suum quis eorum respondere debeat de predictis debitis, quod quidem judicium eis facient secundum consuetudinem Scaccarii regis. Teste rege apud Kenynton', iiij. die Februarii.

Johannes de Kirkeby attornavit loco suo Walterum de Tatham' ad lucrandum vel perdendum in loquela que est in comitatu Eboraci inter eum et Johannem de Curtenay et Matillidem, uxorem ejus, et Johannem de Kanfeud de consuetudinibus et serviciis. Teste rege apud Kenet', v. die Februarii.

Radulfus filius Bernard attornavit loco suo Galfridum le Moyne ad lucrandum vel perdendum in loquela que est in comitatu Kancie inter eum et Ricardum de Berghested' de feodo dimidii militis in Bykenore. Teste rege ut supra.

Henricus de Scaccario attornavit loco suo Thomam Ivyngho ad lucrandum vel perdendum in loquela que est in comitatu Berkes' inter eum et Walterum de la Rive de j. carucata terre in Botelhamested'. Teste rege ut supra.

Mandatum est vicecomiti Norf' quod habere faciat Roberto de Sotindon', custodi episcopatus Norwicensis, returnum omnium brevium regis que ad eum venerunt post vacationem predicti episcopatus (fn. 2) quamdiu fuerit in manu regis (fn. 2) et decetero ventura sunt de placitis et loquelis emersis vel emergentibus infra libertatem predicti episcopatus quamdiu fuerit in manu regis eodem modo quo returnum illud fieri consuevit tempore Th. quondam Norwicensis episcopi, superstitis, et quod sis eidem Roberto in auxilium in hiis que ad predictum returnum pertinent et aliis que commodum et honorem regis respiciunt melius expediendis.

De narratione descensus ab antecessoribus in brevi de recto a tempore H. regis senis anni et diei, provisum est quod decetero non fiat computatio a tam longinquo tempore set a tempore regis H. avi domini regis; et habeat locum ista constitutio et vigorem ad Pentecosten anno regis istius xxj. et non ante, et brevia prius impetrata procedant. [Note in the margin] Approbatur.

Brevia mortis antecessoris et de nativis et de ingressu non excedant reditum regis Johannis de Hybernia in Angliam, et vigorem habeat ista provisio a tempore predicto, et brevia prius impetrata procedant.

Brevia vero nove dissasine non excedant transfretationem regis qui nunc est in Britanniam, et vigorem habeant a tempore predicto, et brevia prius impetrata procedant.
Memorandum quod dominus rex concessit Willelmo de Keu quod terras suas de Mordon' et de Wicton' cum pertinentiis possit tradere ad firmam usque ad terminum vj. annorum, et ei inde litteras suas fecit patentes, et eis qui terras illas a predicto Willelmo receperint ad firmam per cartam suam confirmabit.
Radulfus de Hoyland' attornavit Johannem de Wigetoft ad lucrandum vel perdendum in loquela que est in comitatu Linc' inter ipsum et Radulfum de Fenn' de consuetudinibus et serviciis que exigit ab eo de tenemento in Benyton', et in loquela que est in eodem comitatu inter ipsum et Gerardum de Fenn' de consuetudinibus et serviciis de tenemento in Scirebec, et in loquela que est in eodem comitatu inter ipsum et Thomam de Notingh' et Feliciam, uxorem ejus, de consuetudinibus et serviciis de tenemento in villa Sancti Botulphi. Teste rege apud Westmonasterium, xj. die Februarii.
Stephanus filius Ricardi attornavit Reginaldum filium Laurentii ad lucrandum vel perdendum in loquela que est in comitatu Essex' inter eum et Ranulfum Haliday de xv. acris terre in Twinsted'. Teste rege apud Kenet', vij. die Februarii.

[m. 16d.]

Willelmus de Wy et Matillis, uxor ejus, attornaverunt Stephanum de Bewell' in loquela que est in comitatu Kancie inter ipsos et Lucam de Fonte de vij. acris terre et dimidia in Westerham. Teste rege apud Cantuariam, vj. die Marcii.

Die Mercurii proxima post Purificationem anno regni etc. xxj. coram domino rege et coram domino Eboracensi episcopo et aliis de consilio domini regis tractatum fuit de forestis et officio capitalium justiciariorum forestarum, et de officio ballivorum dominica domini regis custodientium, inter quos contentio fuit quis eorum debuit respondere de viridi et venatione. Et tandem ita provisum est coram domino rege quod capitales justiciarii plenam habeant potestatem custodiendi omnes forestas, tam de dominicis domini regis quam de aliis, et quod ballivi domini regis de dominicis suis habeant in boscis dominicis domini regis ea que pertinent ad maneria sua, videlicet nuces et mel et pessonem et etiam agistationem per visum agistatorum et forestariorum et herbagium ad staurum domini regis per visum et consilium capitalium justiciariorum ad majus commodum domini regis et ad minus nocumentum foreste sue. De caplecio fiat commodum domini regis per visum viridariorum et forestariorum Et dominus rex habeat in singulis villis suis forestarium suum sine arcu et sagittis, et qui non vivat de patria; set capitalis justiciarius apponat forestarios cum arcu et sagittis, tales quod de eorum facto respondeant. Et si aliqui bosci sint qui non pertineant ad aliquod manerium domini regis, tunc capitalis justiciarius illum custodiat et inde absolute respondeat. De parcis clausis ballivi de dominicis sint custodes et non respondeant.

De forestariis qui feoffati sunt per cartas et qui fuerunt disseisiti per ballivos domini regis ita provisum est, quod rehabeant seisinas suas in eodem statu in quo illas prius habuerunt; et postea, si domino regi placuerit, summoneantur ad ostendendum warantum suum, et secundum legem terre deducantur.
Postea apud Kenynton' coram ipso domino rege et consilio suo provisum est, et qui hoc concessit quod ballivi sui qui mittendi sunt ad nundinas vel alibi pro vinis et pannis et aliis mercandisis ad opus domini regis emendis, plus non capiant ad opus domini regis quam ipse dominus rex necesse habuerit, nec plus quam continebitur in litteris domini regis eis super hoc conficiendis, nec aliud nisi id unde habuerint breve domini regis ad warantum. Et cum ad nundinas venerint, statim capiant et sine longa mora merces et mercandisas pro quibus ibi missi fuerunt ne mercatores aliqui per eos injuste graventur ut antea gravari solebant. Et ballivi tales habeant litteras quod iiij. legales mereatores de singulis nundinis secundum diversa genera mercandisarum que ad opus domini regis emende sunt in fide qua Deo et domino regi tenentur rationabile precium imponent predictis mercandisis.

Assisa vinorum.—Rex vicecomiti Eboraci, salutem. Precipimus tibi quod per totam balliam tuam et in civitate Eboraci et in aliis villis in quibus vina venduntur clammari facias et firmiter prohiberi ex parte nostra quod sextercium vini albi Gallici non vendatur carius quam ad viij. denarios, et sextercium vini rubei carius quam ad x. denarios, et quod dolium vini, si vendatur in grosso, non vendatur carius quam assisa predicta sexterciorum deposcit; et in singulis villis predictis deputari facias duos legales homines qui videant quod assisa predicta vini, tam in grosso quam aliter, firmiter observetur, sicut predictum est, ita quod ad te et ipsos nos capere non debeamus; et, si quem inveneris qui vinum vendat contra assisam predictam postquam id clammari feceris et prohiberi, vina ipsius in manum nostram capias et ea salvo custodias donec aliud inde preceperimus. Teste rege apud Kenet', vij. die Februarii.
vicecomiti Essex' eo adjecto quod in villis que parum distant a portubus in quibus vina applicant, quod sextercium vini rubei vendatur ad x. denarios et non carius, et vini albi Gallici ad viij. et in villis que distant a portubus per xx. leucas et amplius vendatur sextercium vini rubei ad xij. denarios et vini albi Gallici ad x. et non carius.

Rex vicecomiti Wiltes', salutem. Precipimus tibi quod per totam balliam tuam clammari et firmiter prohiberi ex parte nostra facias ne quis sextercium vini rubei carius vendat quam pro x. denariis nec sextercium vini albi Gallici carius quam pro viij. denariis, et hanc assisam ita teneri facias ne pro transgressione suas (sic) nos ad eos graviter capere debeamus.

Mandatum est M. justiciario Hibernie, quod diligenter audiat querelas N. Clochorensis episcopi, quas audivit et coram eo deponet per preceptum regis super injuriis, gravaminibus, spoliationibus terrarum et ecclesiarum ei et suis irrogatis ab archiepiscopo Armacano et suis, et querelis suis plenius auditis et intellectis secundum legem et consuetudinem terre Hybernie plenam et celerem justitiam ei exhibeat. Nec remaneat aliquatenus eidem exhibitio justicie facienda occasione litterarum regis quas aliquando rex ei transmisit pro parte prefati archiepiscopi contra memoratum archiepiscopum (sic) de captione hominum ipsius episcopi quos ipse archiepiscopus regi suggessit esse excommunicatos; quia ipse archiepiscopus in impetratione earum per procuratores suos regem circumvenit, cum ipse et sui fautores tempore impetrationis earumdem litterarum essent excommunicati, sicut regi postea plenius innotuit ex mandato venerabilium patrum, archiepiscopi Cantuariensis et episcopi Cycestrensis, cancellarii regis, conservatorum cause memorati episcopi contra prefatum archiepiscopum, qui ad mandatum venerabilis patris L. Dublinensis archiepiscopi, et dilecti regi in Christo D. prioris Omnium Sanctorum Dublin', quibus prefati archiepiscopus Cantuariensis and episcopus Cycestrensis vices suas commiserant super executione predicta per litteras suas patentes, eis significaverunt. Teste rege apud Kenet', x. die Februarii.

Vitalis Engayne attornavit Reginaldum de Hedon' in loquela que est in comitatu Norht' contra Walterum de Buketon' de terra in Pisteslee. Teste rege apud Westmonasterium, xij. die Februarii.

Jacobus de Hotton' attornavit Henricum de Litleton' contra Leticiam de Hotot, Elenam de Hotot, et Amiciam que fuit uxor Ivonis de Hotot, et Willelmum Pistorem, de terra in Duntesberne.

Mandatum est constabulario Turris Lond' quod libere sustineat quod parentes Galfridi de Burghers ei possint necessaria victus sufficienter ministrare et armaturam ad duellum faciendum necessariam; et quod antequam percutiat aliquod duellum, se possit cum scuto et virga tribus vel quatuor diebus ad duellum faciendum habilitare, dum tamen sit in salva et secura custodia. Teste rege apud Dovor', xxiiij. die Februarii.

Ernisius de Dunheved' et Johanna, uxor ejus, attornaverunt Hugonem de Coudray in assisa nove disseisine quam Philippus, prior Sancti Johannis de Trum, aramiavit coram Mauricio filio Geroldi, justiciario regis Hybernie, versus predictos Ernisium et Johannam de tenemento in Balymunenham'. Teste rege apud Cantuariam, xxvij. die Februarii.

Amauricius de Sancto Amando, Bertramus de Crioil, Johannes de Plessetis et Silvester de Everdon', clericus, missi fuerunt ex parte regis apud Roffam xiij. die Marcii ad judices delegatos ad inhibendum eis ne procederent in causa que ventilabatur coram eis inter dominum Cantuariensem et priorem Sancte Trinitatis Cantuarie de patronatu ecclesiarum, quia hujusmodi placita spectant ad coronam et dignitatem regis et, si hujusmodi cause coram eis terminarentur, in ejus prejudicium verteretur.