Close Rolls, March 1255

Close Rolls, March 1255

De quercubus ad operaciones regis Wynton'.—Mandatum est custodi foreste regis de Assele quod in bosco regis de la Bere, qui est in predicta foresta, habere faciat Henrico de Farleg', vicecomiti Suhampt', et aliis custodibus operacionum regis Winton' x. quercus ad maremium ad easdem operaciones inde faciendas. Teste rege apud Westmonasterium primo die Marcii.

Pro Reginaldo de Bevyle.—Mandatum est Rogero de Ros et Bonacio Lumbard' quod faciant habere Reginaldo de Bevill', consanguineo regis, et socio suo duas robas convenientes de dono regis. Teste ut supra.

Pro civibus Eboraci.—Mandatum est justiciariis de banco quod permittant cives regis Eboraci uti coram eisdem justiciariis libertatibus quas habent per cartas regis, et quibus libertatibus hucusque usi sunt. Teste ut supra.

Pro Ricardo de Funtennay.—Mandatum est Rogero Scissori et Bonacio Lumbard' quod faciant habere Ricardo de Funtenay unam robam militi convenientem de dono regis. Teste rege apud Westmonasterium ij. die Marcii.

De una navi cum bonis vinis arestanda apud Sandwic'.—Licet rex nuper dederit in mandatis baronibus et ballivis suis de Sandwic' quod omnes naves, quas cum vinis applicare in portu de Sandwic' contingeret, arestarent, et a magistris earundem navium securitatem caperent quod venirent London' ad discarcandum ibidem; mandatum est eisdem baronibus et ballivis quod primam navem, que cum bonis vinis applicuerit in predicto portu, arestent, ita quod a magistro ejusdem navis bonam securitatem habeant de qua respondere possint quod cum festinacione veniat Lond' ad discarcandum ibidem. Et omnes alias naves que cum vinis in eodem portu applicuerint abire quo voluerint permittant, donec aliud inde eis preceptum fuerit. Teste ut supra.
Eodem modo mandatum est ballivis de Winchels'.

Pro Willelmo le Jay de Cantuar'.—Rex ad instanciam Lore recluse de Hakinton' quietavit hac vice Willelmum le Jay et Martham viduam (fn. 1) de Cantuar' de tallagio super ipsum assidendo in assessione tallagii regis in civitate Cantuar'. Et mandatum est Johanni de Wivill' et Thome Esporun quod ipsum Willelmum de tallagio predicto quietum esse faciant. Teste rege apud Westmonasterium iij. die Marcii.

De uno dolio vini dato.—Mandatum est custodibus vinorum regis apud Norhampt' quod de vinis regis que sunt in custodia sua habere faciant Mauricio de Rocheford', militi regis, unum dolium vini de dono regis. Teste ut supra.

Mandatum est custodi foreste de Clyve quod in predicta foresta faciant habere priori de Novo Burgo, capellano regis, xij. quercus ad maeremium, quas rex ei dedit in Wasconia, ubi eas habere possit ad minus nocumentum foreste illius et ad majus commodum dicti prioris, ad faciendum inde unam aulam apud Stok'. Teste ut supra. (Cancelled) aliter inferius.

Pro Willelmo de Valenc'.—Mandatum est Johanni de Gisorc', camerario regis London', quod de vinis que cepit ad opus regis de Pelrino Pesek', mercatore Wasconie, faciat habere Willelmo de Valenc', fratri regis xij. dolia vini, ita quod idem Willelmus de custo satisfaciat mercatori predicto. Teste rege apud Westmonasterium v. die Marcii.

Mandatum est magistro domus Hospitalis Sancti Johannis Jerosalem de Sutton quod de vinis regis que sunt in custodia sua faciat habere Roberto de Mares', militi regis, residuum illius dolii vini de quo pars capta fuit ad opus regis quando ultimo fuit in partibus Kanc', de dono regis. (Cancelled) vacat quia aliter inferius.

Pro magistro Henrico versificatore.—Mandatum est Johanni de Gisorc', camerario regis London', quod sine dilacione faciat habere magistro Henrico versificatori unum dolium optimi vini de dono regis, et illud usque domum suam cariari faciat. Et custum, quod ad cariagium predicti dolii posuerit, rex ei reddi faciet. Teste ut supra.

Pro Roberto de Marys.—Mandatum est magistro domus hospitalis Sancti Johannis Jerosalem de Sutton quod de vinis regis que sunt in custodia sua faciat habere Roberto de Mares, militi regis, unum dolium vini de dono regis. Teste ut supra.

Mandatum est Rogero Scissori et Bonacio Lumbard' quod faciant habere Cristiane uxori magistri Thome cirugici regis unam robam integram, videlicet tunicam, supertunicam et pallium cum penula de bissis, de dono regis. Teste ut supra.

Pro Aaron filio Abrahe et Aaron Blundo Judeis London'.— Quia rex concessit olim per litteras suas patentes Aaron' filio Abrahe et Aaron' Blundo Judeis London' per finem quem fecerunt cum rege quod de debitis regis Judeorum haberent de Fulcone filio Warini lxviij. libratas, de heredibus Simonis de Ereweker et Lamberti de Scoteny xvj. libratas, nec ipsi debitores predictis Judeis inde satisfecerunt, ut dicitur; mandatum est justiciariis ad custodiam Judeorum assignatis quod predictis Judeis districcionem predictorum debitorum secundum tenorem prioris mandati regis habere faciant. Et rex vult quod predicti Judei non occasionentur nec perdant eo quod non fuerunt de istis debitis talliati, quia predicta debita nondum fuerunt finita. Et mandatum est eisdem justiciariis quod sic fieri et inrotulari faciant. Teste ut supra. Per Philippum Luvel.

[m. 15.]

Pro Pelerino de Luk.—Mandatum est Rogero Cissori et Bonacio Lumb' quod faciant habere Pelerino de Luk mercatori regis unam robam integram, videlicet tunicam, supertunicam, pallium et capam cum penula de bissis, de dono regis. Teste rege apud Westmonasterium, vi. die Marcii.

Pro J. priore de Novo Burgo.—Mandatum est Hugoni de Goldingham, custodi foreste de Clyve, quod in balliva sua, ubi ad minus dampnum foreste predicte et ad majus commodum J. proris de Novo Burgo capi poterunt, xii. quercus ad maeremium, quas rex ei concessit in Wasconia et eas (fn. 2) nondum habuit, faciat habere eidem priori illas xij. quercus, ad quandam aulam inde faciendam apud Stok'. Teste ut supra. (Noted) aliter inferius.

De exsaetore constituto.—Quia Galfridus de Leukenor' iturus est per preceptum regis per forestas regis ultra Trentam ad vendendum quandam partem boscorum regis in forestis predictis, sicut rex ei injunxit, ita quod officio eschaetoris in comitatu Norhamt' intendere non poterit sicut consuevit, rex loco ejusdem Galfridi Jacobum le Sauvage substituit ad eschaetas regis et alia que ad eschaeteriam regis in comitatu predicto pertinent custodienda quamdiu regi placuerit: et mandatum est Jacobo le Sauvage quod officio illo fideliter et diligenter intendat. Teste rege apud Westmonasterium vii. die Marcii.

De parco Norhampton' commisso.—Rex commisit Hugoni de Goldingham parcum Norhampton' custodiendum quamdiu regi placuerit. Et mandatum est constabulario castri regis Norhampton' quod parcum illum eidem Hugoni liberet custodiendum, sicut predictum est. Teste ut supra.
Et idem Hugo habet inde litteras patentes.

De forestaria inter pontes de Stanford' et Oxon' commissa.— Rex commisit eidem Hugoni forestariam totius foreste regis inter pontes de Staunford' et Oxon' cum omnibus ad eandem forestariam pertinentibus, custodiendam quamdiu regi placuerit.
Et mandatum est Roberto Basset quod forestariam illam ei liberet custodiendam, sicut predictum est. Teste ut supra.
Et idem Hugo habet inde litteras patentes.

Pro fratribus predicatoribus Winton'.—Mandatum est custodi foreste regis de Essele quod in bosco regis de la Bere, qui est in predicta foresta, sine dilacione faciat habere fratribus predicatoribus Winton' x. robora ad focum suum de dono regis. Teste ut supra.

Pro fratribus minoribus Winton'.—Eodem modo mandatum est eidem custodi ejusdem foreste pro fratribus minoribus Winton'. Teste ut supra.

Pro magistro Rogero Luvel.—Mandatum est Rogero Cissori et Bonacio Lumb' quod faciant habere magistro Rogero Luvel, procuratori regis in curia Romana, robas suas de termino Natalis Domini anno etc. xxxviij. et de termino Natalis Domini proximo preterito, nisi eas prius habuerit. Teste rege apud Westmonasterium viij. die Marcii.

De capriolis capiendis.—Rex mittit Ricardum de Candour' et Henricum de Candour', venatores suos, ad capiendum ad opus regis tres capriolos in balliva Walteri de Everl' contra instans festum Pasche. Et mandatum est predicto Waltero quod ipsos ad hoc admittat et eis ad capriolos illos capiendos consilium et auxilium impendat; et quod eosdem capriolos contra dictum festum usque Westmonasterium ad regem cariari faciat. Et cum rex sciverit custum illius cariagii ei reddi faciet. Teste ut supra.

De couperonibus vendendis in parco de Guldeford'.—Mandatum est Elye Maunsell, custodi parci regis de Guldeford', quod per visum proborum et legalium hominum vendi faciat omnes couperones et escaetas provenientes de maeremio quod rex prosterni facit in dicto parco, ad cariagium dicti maeremii faciendum, preter quandam porcionem ad calcem faciendam; ita quod de vendicione predicta respondere possit coram abbate de Persor'. Teste ut supra.

Pro fratribus predicatoribus Oxonie.—Mandatum est custodi foreste de Bernwode quod fratribus predicatoribus Oxonie faciat habere x. robora in bosco regis de Mallecumbe, qui est infra predictam forestam de Bernwode, de dono regis.

Pro Hak' de Wigorn', Judeo.—Mandatum est vicecomiti Staff' et Salop' quod ad diem quem Willelmus Maunsell', vicecomes Warr' et Leyc', et Hugo de Pylardynton' ei scire facient, venire faciat coram eis xij. probos et legales homines de singulis hundredis comitatuum Staff' et Salop' ad certificandum eos qui, christiani vel judei, de balliva sua, vel de aliqua alia balliva, aliqua debita debuerunt vel nunc debent Hak' de Wigorn', Judeo, et quantum, et si debeatur secundum modum judaismi nostri Anglie, prout predicti Willelmus, Hugo, et Jacobus de Warrewik, judeus, eidem vicecomiti dicent ex parte regis, sicut rex eis injunxit. Teste rege apud Westmonasterium viij. die Marcii. Per Philippum Lovel.

De archis Judeorum Hereford' et Wigorn' videndis.—Mandatum est cirograffariis christianis et judeis Herford' quod permittant vicecomitem Hereford' et Hugonem de Pylardynton' habere accessum ad archam cyrografforum Hereford' et illam sigillis suis signare; et quod permittant Willelmum Maunsell' vicecomitem Warr' et predictum Hugonem predicta sigilla frangere et cyrograffa in predicta archa inventa videre et inrotulare, prout rex eis injunxit. Teste etc. Per Philippum Lovel.
Eodem modo mandatum est cyrograffariis christianis et judeis Wigorn'. Per Philippum Lovel.
Mandatum est vicecomiti Wigorn' quod sicut se ipsum et omnia sua diligit statim visis litteris accedat ad archam regis cyrografforum Wigorn' et illam sigillo suo signet. Et quod capiat corpora Hak de Wigorn, judei, Aaron et Sampson' filiorum suorum, et ea duci faciat London' et tradi custodi Turris regis London. Teste ut supra. Per Philippum Lovel.
Mandatum est vicecomiti Hereford quod, sicut se ipsum et omnia sua diligit, statim visis litteris ad archam cyrografforum Hereford' accedat et eam sigillo suo signet; et quod permittat Hugonem de Pylardinton' predictam archam sigillo suo signare. Teste ut supra. Per Philippum Lovel.
Eodem modo mandatum est vicecomiti Warrewik'. Per Philippum Lovel.

Pro fratribus minoribus Oxonie.—Mandatum est custodi foreste regis de Bernewode quod faciat habere fratribus minoribus Oxonie decem robora in bosco regis de Malecumb', qui est infra dictam forestam, de dono regis. Teste ut supra.

Pro Willelmo de Sancta Ermina.—Quia rex concessit Willelmo de Sancta Ermina omnes exitus terrarum que fuerunt Ricardi de Dovor' percipiendos a tempore quo dicte terre ad manus regis devenerunt; mandatum est ballivis regis de Havering' quod herietum regis de morte predicti Ricardi eidem Willelmo sine dilacione habere faciant. Teste rege apud Westmonasterium viij. die Marcii.

De vinis cariandis.—Mandatum est Johanni de Gysorc', camerario, quod de vinis regis que sunt in custodia sua liberet sex dolia vini vicecomitibus London' carianda ad regem usque Sanctum Albanum. Teste rege apud Sanctum Albanum ix. die Marcii.

De auro emendo.—Rex mittit Philippo Lovel, thesaurario regis, xx. marcas ad aurum inde emendum et custodiendum quousque aliud inde habuerit in mandatis; et mandatum est eidem Philippo quod veniat ad regem usque Sanctum Albanum et quod deferat secum unam capam brudatam precii x. librarum, ut rex eam offerat pro se et liberis suis ad feretrum Sancti Albani. Teste ut supra.

Pro Isabella de Forda.—Mandatum est Thome de Staunf', excaetori regis ultra Trentam, quod, accepta sufficienti securitate ab exequtoribus testamenti Isabelle de Forda de debitis, si que regi debebat die quo obiit, reddendis ad scaccarium regis de primis catallis ipsius Ysabelle, eosdem exequtores liberam administracionem de bonis et catallis que fuerunt ejusdem Ysabelle habere permittat ad exequcionem predicti testamenti inde faciendam. Teste ut supra.

Pro Lincolniensi episcopo.—Quia rex accepit per inquisicionem quam fieri fecit quod xx. acre terre cum pertinenciis in Uppingham, quas Robertus Underwod', qui pro felonia quam fecit utlagatus est, tenuit, extiterunt in manu regis per unum annum et unum diem, et quod idem Robertus terram illam tenuit de episcopatu Lincolniensi; mandatum est vicecomiti Roteland' quod Henrico Lincolniensi episcopo de predictis xx. acris terre cum pertinenciis plenam seisinam habere faciat. Teste rege apud Sanctum Albanum x. die Marcii.

Pro Johanne Founys.—Mandatum est Rogero de Ros et Bonacio Lumbard' quod faciant habere Johanni Founis unam robam pro roba sua que nuper fuit combusta.

De luciis capiendis.—Rex mittit Willelmum piscatorem usque Selveston' ad lupos aquaticos ibidem capiendos ad opus regis contra instantem vigiliam Pasche. Et mandatum est ballivo regis ejusdem loci quod ipsum ad hoc admittat, et ei ad piscem illum capiendum consilium et auxilium suum inpendat; et eundem piscem, cum captus fuerit, ad regem usque Westmonasterium cariari faciat. Et, cum rex custum illius cariagii sciverit, illud ei reddi faciet. Teste rege apud Sanctum Albanum xiiij. die Marcii.

De bremiis capiendis.—Rex mittit eundem Willelmum usque Fekeham ad bremas ibidem capiendas ad opus regis contra instantem vigiliam Pasche. Et mandatum est ballivo ejusdem manerii quod ipsum ad hoc admittat, et ei ad bremas illas capiendas consilium et auxilium suum inpendat; et cum breme ille capte fuerint, eas in pane poni et ad regem usque Westmonasterium cariari faciat. Et cum rex sciverit custum quod ad hoc posuerit illud ei reddi vel allocari faciet. Teste ut supra.

De providencia panis contra festum Pasche.—Mandatum est ballivis de Sancto Albano quod contra instans festum Pasche, quod rex celebraturus est apud Westmonasterium, fieri faciant in villa Sancti Albani decem marcatas boni et pulcri panis et quatuor panes ad denarium; et panem illum cariari faciant Westm', ita quod sit ibi in vigilia festi predicti. Et rex tunc tam custum illius panis quam cariagium ejusdem eis ibidem reddi faciet. Teste ut supra.
Eodem modo mandatum est ballivis Wicumb' de centum solidatis panis. Teste ut supra.
Eodem modo mandatum est ballivis de Wautham de centum solidatis panis. Teste ut supra.

De quodam essarto in manu regis custodiendo.—Mandatum est Hugoni de Goldingham quod assartum illud quod Johannes persona ecclesie de Berkhamsted' fecit in villa de Graffton' tempore Ernaldi de Bosco, quondam justiciarii regis de foresta, custodiat in manu regis in eodem statu in quo nunc est usque ad clausum Pascha, ita quod interim nichil prosternatur de fossatis illius assarti; quia rex tunc habebit consilium quod de assarto illo duxerit faciendum. Teste ut supra.

De homagio Petri Pycot capto.—Rex cepit homagium Petri Pykot, filii et heredis Thome Pykot, de omnibus terris et tenementis que idem Thomas tenuit de rege in capite. Et mandatum est Thome de Stanford', excaetori regis ultra Trentam, quod, accepta securitate a predicto Petro quod finem faciet cum rege pro relevio suo ad Pascha proximo futurum, de omnibus terris et tenementis de quibus predictus Thomas fuit seisitus in dominico suo ut de feodo die quo obiit, et que ipsum Petrum contingunt jure hereditario in balliva sua, eidem Petro plenam seisinam habere faciat. Teste rege apud Sanctum Albanum xiiij. die Marcii.

Pro Willelmo de Valenc'.—Quia constat regi per inspeccionem rotulorum cancellarie sue quod alias, quando dominica sua per Angliam talliari fecit, habuit Willelmus de Valenc' breve regis de habendo racionabili tallagio suo tenentibus suis in maneriis suis que aliquando fuerunt dominica regis, mandatum est vicecomiti Oxon' quod eidem Willelmo de tenentibus suis in manerio de Bampton', quod aliquando fuit dominicum regis, racionabile tallagium habere faciat, si hucusque talliari consueverit; quia rex predicta dominica sua ad presens facit talliari. Teste rege apud Hertford' xv. die Marcii.
Idem mandatum est vicecomiti Norhumbr' de manerio de Corbrug'.
Et vicecomiti Hertford' de burgo de Hertford'.

De terra Ricardi le Draper, clerici, capienda in manum regis. —Quia convictum est coram justiciariis regis nuper itinerantibus apud Hertford quod Ricardus le Draper, clericus, prostravit fossatum ballii castri regis de Hertford' et terram ejusdem fossati asportavit, unde dampnum maximum regi incurrit, et idem clericus, sicut regi datum est intelligi, querit subterfugia nec habet catalla aliqua per que distringi possit ad satisfaciendum regi de transgressione predicta; mandatum est vicecomiti Hertford' quod terram ejusdem Ricardi in balliva sua capiat in manum regis et eam salvo custodiat donec predictus Ricardus satisfecerit regi de transgressione memorata, et aliud inde a rege receperit in mandatis. Teste ut supra.

Pro Galfrido de Langele.—Mandatum est ballivo regis de Fekham quod faciat habere Galfrido de Langel' xx. matrices bremias de dono regis, nisi eas prius habuerit per aliud breve regis. Teste rege apud Waltham xvj. die Marcii.

De pannis de aresta et pannis ad aurum emendis.—Mandatum est Artaldo de Sancto Romano quod a Pelerino Sesmundi, vel Bonoruncino, vel ab aliis mercatoribus in London' sine dilacione perquirat regi tres duodenas pannorum de aresta et duas duodenas ad aurum, ita quod eas promptas habeat die Veneris vel die Sabbati proxima ante dominicam Palmarum. Et hoc nullo modo omittat. Teste rege apud Stratford xvii. die Marcii.

Pro magistro et fratribus milicie Temple in London'.—Mandatum est magistro Johanni de Frussinon et Laurencio de Somerkot', collectoribus gracie concesse regi a dono pape in Hibernia in subsidium Terre Sancte, quod demandam, quam faciant magistro et fratribus milicie Templi in Hibernia de gracia predicta, ponant in respectum donec aliud inde a rege receperint in mandatis. Et, si quid ab eis vel eorum beneficiis ecclesiasticis aut aliis rebus suis mobilibus vel immobilibus occasione predicti subsidii receperint, eis restituant; et quod ipsis interim pacem inde habere permittant. Teste rege apud Westmonasterium xix. die Marcii. Per ipsum regem.

De damis datis Willelmo de Valenc.'—Mandatum est custodi regis de Chet quod in eadem foresta extra parcum regis de Luttegareshal' faciat habere Willelmo de Valenc' v. damos vivos et xv. damas vivas ad instaurandum parcum suum de Colingburn', de dono regis, nisi eos prius habuerit per aliud breve regis inde directum Ernaldo de Bosco, quondam justiciario regis foreste. Teste ut supra.

De pisce cariando.—Mandatum est ballivis regis de Winchels' quod piscem, quem magister Hugo emptor regis capiet ad opus regis in villa de Winchels', acquietari et de die in diem cariari faciant ad regem usque Westmonasterium. Et custum etc. cum rex illud sciverit, eis reddi faciet. Teste rege apud Westmonasterium xx. die Marcii.

Pro Johanne priore de Novo Burgo.—Mandatum est Hugoni de Goldingham, custodi foreste regis inter pontes de Staunford' et Oxon', quod, cum rex nuper ei preceperit quod habere faceret Johanni priori de Novo Burgo, capellano regis, xii. quercus ad maeremium in balliva sua, ubi ad minus dampnum predicte foreste et majus commodum ipsius prioris capi possent, quod dictas xii. quercus cum omnibus eschaetis suis eidem priori habere faciat in bosco regis de Deresleg', ubi ad minus dampnum ejusdem bosci capi poterunt. Teste ut supra.

De damis capiendis.—Rex mittit Hugonem Fraunceys, Fyge la Weyte, Willelmum Byset, Alanum Pluket, Ranulphum de Dacre et Robertum de Shotbroc', vatlettos regis, ad capiendum xxx. damas in parco regis de Guldeford' ad opus regis contra instans festum Pasche. Et mandatum est parcario regis de Guldeford' quod ipsos ad hoc admittat et consilium et auxilium super hoc eis inpendat. Teste ut supra.

De dote assignanda Dionisie que fuit uxor Reginaldi de Bathon'.—Mandatum est abbati de Persor' et Elye de Hertford', escaetoribus regis, quod de omnibus terris et tenementis que fuerunt Reginaldi de Bathon' in balliva sua et sunt in manu regis Dionisie que fuit uxor ipsius Reginaldi racionabilem dotem assignari faciant. Teste rege apud Westmonasterium xxi. die Marcii.

Pro Reginaldo de Bathon'.—Mandatum est abbati de Persor' et Elye de Hertford', escaetoribus regis, quod accepta securitate ab exequtoribus testamenti Reginaldi de Bathon' quod solvent regi debita, si que idem Reginaldus regi debebat, ipsis exequtoribus de omnibus bonis et catallis que fuerunt predicti Reginaldi in balliva sua liberam administracionem habere faciant ad exequcionem predicti testamenti faciendam. Teste ut supra.

De ponendis per ballium.—Helewisa de Thorp et Henricus filius ejus, capti et detenti in prisona regis Linc' pro morte Alicie de Northecham unde rettati sunt, habent breve vicecomiti Linc' quod ponantur per ballium. Teste ut supra.

[m. 14.]

Pro Guidone de Rupe Forti.—Quia constat regi per inspeccionem rotulorum cancellarie sue quod ultimo quando rex fecit talliari dominica sua per Angliam, habuit Guido de Rupe Forti breve regis de habendo racionabili tallagio suo de tenentibus suis in maneriis suis de Conedovr' et Wulverhampton', que aliquando fuerunt dominica regis, mandatum est vicecomiti Stafford' et Salop' quod eidem Guidoni de tenentibus suis in maneriis predictis racionabile tallagium suum habere faciat, si hucusque talliari consueverint, quia rex dominica sua per Angliam ad presens facit talliari. Teste rege apud Westmonasterium xxi. die Marcii.

Pro abbate et conventu Westmonasterii.—Mandatum est thesaurario et camerariis regis quod arreragia reddituum que debentur abbati et conventui Westmonasterii, qui quidem redditus nomine decime fuerunt assignati predecessoribus eorum in manerio de Wiz, ipsis abbati et conventui liberari faciant sicut redditus illos habere debent et consueverunt; et de cetero terminos suos ad quos redditus illos ad scaccarium regis percipere consueverunt ipsis observari faciant. Teste ut supra.

De providencia panis contra Pascha.—Mandatum est vicecomitibus London' quod sine dilacione fieri faciant in civitate regis London' xv. libratas boni et pulcri panis, et panem illum liberari faciant Ade Maunsell', panetario regis, ita quod rex habeat unam medietatem hac instanti die Jovis proxima ante festum Pasche apud Westmonasterium et aliam medietatem in vigilia ejusdem festi. Et rex tunc custum illius panis eis reddi faciet. Teste ut supra.

Pro Petro de Cultura.—Mandatum est Rogero Scissori et Bonacio Lumbard' quod Petro de Cultura, militi, faciant habere unam robam militi convenientem de dono regis. Teste rege apud Westmonasterium xxiij. die Marcii.

De vinis cariandis usque Windes' ad opus regine.—Mandatum est Johanni de Gisorc', camerario regis London', quod capiat ad opus regine xx. dolia vini et ea liberet vicecomitibus London' carianda usque Windes', sicut rex eis injunxit. Teste rege apud Westmonasterium xxiiij. die Marcii.

De prisonibus a gaola de Neugate deliberandis.—Quia Willelmus de Valenc', frater regis, manucepit habendi coram rege Ricardum de Bansted', Willelmum Cristushelpe, Walterum de Lascy, et Walterum Craft, homines suos, ad standum recto in curia regis, si quis versus eos de transgressione, pro qua in dicta prisona inprisonati sunt, loqui voluerit, mandatum est custodi gaiole de Nywegate quod predictos Ricardum, Willelmum, Walterum et Walterum a predicta prisona deliberari faciat. Teste ut supra.

Pro Roberto de Brus.—Quia rex talliari facit dominica sua per Angliam, mandatum est vicecomiti Essex' quod habere faciat Roberto de Brus racionabile tallagium de tenentibus suis in maneriis de Writel' et Hatfeld', si eadem maneria fuerint antiqua dominica regis et talliari consueverunt. Teste ut supra.

Pro magistro Henrico versificatore.—Quia rex beneficium trium denariorum in die, quod Johanni de Corbye rex prius concesserat, in magistrum Henricum Abrincensem transtulit, mandatum est baronibus de Scaccario quod a primo die concessionis regis dicto Johanni facte totum tempus medium usque ad Pascha anno etc. xxxix. et quicquid utrique eorum solutum est computantes, quod invenerint superesse solvendum dicto magistro Henrico plenarie persolvant. Teste rege apud Westmonasterium xxiiij. die Marcii. Per ipsum regem.

De capis datis.—Mandatum est Rogero Scissori quod de garderoba regis faciat habere Arnaldo de Bovill' et socio suo duas capas contra instans festum Pasche, vel, si pannum ad illas non habuerit, illum London' emi faciat. Teste ut supra.

Pro Johanne de Luton'.—Mandatum est Rogero Scissori quod sine dilacione faciat habere Johanni de Luton' unam robam sibi convenientem de dono regis. Teste rege apud Westmonasterium xxiiij. die Marcii.

Pro Galfrido de Lezignan. De manerio de Brampton talliando et similiter de manerio de Wurrefeld.—Quia rex talliari dominica sua per Angliam, mandatum est vicecomiti Huntindon' quod, si manerium de Brampton', quod fuit Henrici de Hasting' et quod est in custodia Galfridi de Lezignan, fratris regis, ex concessione regis, racione custodie terre et heredis ipsius Henrici in manu regis existentis, fuerit antiqum dominicum regis et talliari consueverit tempore ejusdem Henrici vel regis, tunc predicto Galfrido de tenentibus suis in predicto manerio racionabile tallagium habere faciat. Teste rege apud Westmonasterium xxvj. die Marcii.

Pro Galfrido de Lezignan.—Eodem modo mandatum est vicecomiti Salop' de tenentibus ejusdem Galfridi in manerio de Wurefeld'. Teste ut supra.

De virgis ad operaciones regis de Guldeford'.—Mandatum est Elye Maunsell', custodi parci regis de Gildeford, quod in predicto parco faciat habere custodibus operacionum regis de Gildeford virgas quantum scilicet necesse fuerit ad pontes molendinorum regis de Gildeford' reparandos. Teste ut supra.

De quodam palefrido emendo.—Mandatum est vicecomiti Oxon' quod palefridum illum, quem Johannes de Coleshull' burgensis Oxonie habet venalem, emat ad opus regis et ipsum ad regem sine dilacione transmittat: et hoc sicut se ipsum et omnia sua diligit non omittat. Et, cum rex sciverit custum quod ad hoc posuerit, rex illud ei allocari faciet. Teste ut supra.

Pro Radulfo Buylly.—Rex ad instanciam Beatricis filie sue pardonavit Radulfo Buylly sectam pacis que ad regem pertinet pro morte cujusdam mercatoris ignoti, unde rettatus fuit coram justiciariis regis qui ultimo itineraverunt in comitatu Essex. Et mandatum est baronibus de Scaccario quod omnia catalla ejusdem Radulfi occasione predicti retti capta in manum regis ei sine dilacione restitui faciant. Teste ut supra.

De escaetore substituto.—Quia Willelmus de Waur', quem rex nuper elegerat in eschaetorem in comitatu Warr', habet quietanciam per cartam regis quod non fiat eschaetor, sicut abbas de Persor' nuper asseruit coram rege, mandatum est vicecomiti Warr' quod Roberto de Harecurt firmiter injungat quod eschaetoris officium in comitatu predicto sine more dispendio assumat, recepto prius ab eo sacramento prout moris est quod eschaetas regis bene custodiet prout alii eschaetores facere consueverunt. Teste ut supra.

De roba data.—Quia rex, dum fuit in Wasconia, mandavit Philippo Lovell', thesaurario, quod habere faceret Cristiane uxori magistri Thome cirugico regis unam robam integram, videlicet tunicam, supertunicam et pallium cum penula de bissis, de dono regis, quam nondum habuit ut idem thesaurarius dicit, mandatum est Rogero Scissori et Bonacio Lumbard' quod dictam robam prefate Cristiane sine dilacione habere faciant, sicut predictum est. Teste ut supra.

De roba data.—Mandatum est Rogero Scissori quod habere faciat Rogero Converso, servienti regis ad arma, qui extitit in servicio regis in Ispania, unam robam sibi convenientem de dono regis.

De respectu solucionis denariorum de vendicione bosci.— Mandatum est Nicholao de Haulou et Thome Abelin quod, si viderint facere profectum regis, dent emptoribus bosci in comitatu Kanc' respectum solucionis denariorum usque ad festum Sancti Michaelis proximo futurum. Teste ut supra.

Pro W. de Fortibus comite Albemarl'.—Quia constat regi per inspectionem rotulorum cancellarie sue quod ultimo quando rex dominica sua per Angliam fecit talliari habuit Willelmus de Fortibus comes Albemarl' breve regis de habendo racionabili tallagio de tenentibus suis in maneriis suis que aliquando fuerunt dominica regis, mandatum est vicecomiti Ebor' quod eidem comiti de tenentibus suis in manerio suo de Poklynton' racionabile tallagium habere faciat, si hucusque talliari consueverit, quia rex predicta dominica sua ad presens facit talliari. Teste rege apud Westmonasterium xxviij die Marcii.
Idem mandatum est vicecomiti Kanc' pro eodem comite de manerio de Derteford'.

De ponendo per ballium.—Mandatum est Ricardo de Muntfichet, foreste (sic) regis Essex, quod, si Robertus Attehalle et Reginaldus frater ejus, capti et detenti in prisona regis de Flet' pro transgressione predicte foreste unde rettati sunt, inveniant eidem Ricardo xij. legales homines qui eos manucapiant habendos coram justiciariis regis proximo itineraturis ad placita foreste in comitatu Essex ad standum recto super transgressionem predictam, tunc ipsos Robertum et Reginaldum per plevinam predictorum xij. a predicta prisona deliberari faciat, sicut predictum est. Teste ut supra.

Pro abbate de Hayles.—Quia rex intellexit per Ricardum comitem Cornubie, fratrem suum, quod abbas et monachi de Hayles habent villam de Pynnoksir' de dono regis, mandatum est Gilberto de Preston' quod super tenentes in eadem villa nullum assideat tallagium donec aliud a rege inde habuerit in mandatis. Teste rege apud Westmonasterium xxviij. die Marcii.