Close Rolls, August 1256

Calendar of Close Rolls, Henry III: Volume 9, 1254-1256. Originally published by His Majesty's Stationery Office, London, 1931.

This premium content was digitised by double rekeying. All rights reserved.

'Close Rolls, August 1256', in Calendar of Close Rolls, Henry III: Volume 9, 1254-1256, (London, 1931) pp. 435-443. British History Online https://www.british-history.ac.uk/cal-close-rolls/hen3/vol9/pp435-443 [accessed 25 March 2024]

Image
Image
Image
Image
Image
Image
Image
Image
Image

Close Rolls, August 1256

De terra replegianda.—Gilbertus de Benham venit coram rege die Sabbati proxima post festum Sancti Petri ad Vincula et petiit terram abbatis de Rading' in Brummor' eidem abbati replegiari, que capta etc. propter defaltam etc. versus Ivetam que fuit uxor Hugonis de Godeshull', ut dicitur. Et hoc mandatum est justiciariis de banco. Teste rege apud Wigorn' v. die Angusti.
Edmundus de Boxegrave venit coram rege eodem die et petiit terram suam in Lauhton', que capta etc. propter defaltam etc. versus Dionisiam de Watton' etc. Et hoc mandatum est eisdem justiciariis.

De respectu milicie usque ad festum Sancti Edwardi.—Rex ad instanciam Roberti Tregoz dedit Eustachio de Witeneye respectum milicie sue usque ad festum Beati Eduuardi proximo futurum; et mandatum est vicecomiti Heref' quod ipsum interim ad arma militaria capienda non distringat. Teste rege apud Wigorn' v. die Augusti.

Pro Philippo Marmyun.—Rex vicecomiti Linc' salutem. Quia nuper, cum essemus in Wasconia, concessimus dilecto et fideli nostro Philippo Marmyun, propter laudabile servicium suum quod nobis inpendit, de omnibus debitis in quibus nobis tenebatur usque ad diem Jovis proximum post festum Sancte Scolastice virginis anno regni nostri tricesimo octavo, excepto auxilio ad primogenitum filium nostrum militem faciendum, reddere nobis per annum centum solidos, videlicet, unam medietatem ad scaccarium Sancti Michaelis et aliam medietatem ad scaccarium Pasche, tibi precipimus quod demandam quam ei facis de xx. marcis, que ab eodem Philippo per summonicionem scaccarii nostri exiguntur, si sint de debitis predictis, ponas in respectum usque ad quindenam Sancti Michaelis proximo futuram. Et tunc coram baronibus nostris de Scaccario quod justum fuerit in hac parte fieri faciamus (sic). Teste ut supra.

De Dionisia de la Berne.—Rex vicecomiti Heref' salutem. Precipimus tibi quod Dionisiam de la Berne, captam et detentam in prisona in castro nostro Heref' pro quibusdam falsis litteris de nomine nostro inventis cum ipsa, ut dicitur, sub salva custodia cariari facias usque Lond', ita quod eam habeas coram nobis apud Westmonasterium in crastino instantis festi Sancti Eaduuardi; et tu ipse in propria persona tunc sis ibidem, certificaturus nos de quibusdam articulis dictam capcionem contingentibus. Teste ut supra.

De terra replegianda.—Thomas Godard venit coram rege die Mercurii proxima ante festum Sancti Laurencii et petiit terram abbatis de Bello Loco in Godeshull' eidem abbati replegiari, que capta etc. propter defaltam etc., versus Ivettam, que fuit uxor Hugonis de Godeshull'. Et hoc mandatum est justiciariis de banco. Teste rege apud Fekham ix. die Augusti.

Pro Sampsone de Bremmesgrave.—Quia Sampson de Brimmesgrave, ballivus regis de Bremmesgrave, fuit coram rege apud Fekham die Mercurii in vigilia Sancti Laurencii per preceptum regis, ita quod eo die interesse non potuit coram Radulfo de Bakep' et Willelmo Beneyt una cum hominibus regis de Bremmesgrave ad presentandum coram eis assisas et mensuras ejusdem manerii, sicut summonitus fuit, mandatum est eisdem Radulfo et Willelmo quod ipsum Sampsonem propter absenciam suam eo die non amercient aut occasionent. Teste ut supra.

De hominibus capiendis pro transgressione venacionis.— Mandatum est vicecomiti Wigorn' quod omnes subscriptos, suspectos et indictatos de transgressione venacionis per inquisicionem factam per Radulfum de Coven', senescallum foreste regis de Fekham, quos quidem idem Radulfus ei liberabit, recipiat et in prisona regis salvo custodiat donec rex aliud inde preceperit, videlicet, Ricardum le Wode, armigerum Mathei de Cantilup'; eundem Matheum, ejus receptatorem; Walterum de Portes; Willelmum carpentarium de Benetl'; Henricum filium Henrici de Malvernya; Elyam fratrem magistri Johannis de Alvyuecherch'; Hugonem de Norf'; Willelmum parcarium sub Roberto de Parco; Alexandrum de Stelne; David Coleman de Cloddeshal; Henricum filium Jordani; Ricardum filium Roberti de Hull'; Robertum le Yolewe; Robertum consanguineum Mathei de Cantilup'; Johannem servientem ejusdem Mathei; Ricardum de Colehurst; Colinum qui fuit serviens magistri S. de Wauton' in Herverton'; Willelmum filium Warini; Walterum de Skirnak; Simonem de Newenton'; Willelmum filium Warini de Upton', eorum receptorem; Philippum le Waleys; Adam de Kinewarton'; Robertum de familia Ricardi Pauncefot; idem (sic) Ricardum ejus receptorem; Johannem le Power; Johannem de Lyndes'; Willelmum et Rogerum filii (sic) Felic' de Radeford'; Robertum Pynel de Inteberg'; Warinum Cruwel; Walterum le Weller'; Radulfum Pauncefot; Ricardum le Scot de Ippesleg'; Bertinum de Ribbesford'; Willelmum filium Hugonis de Berce; Wivianum de Roshal'; Robertum filium Roberti de Grafton'; Ricardum fratrem ejus; Robertum Hulle; Robertum de Fladebir'; Robertum le Clerc, servientem ejus; Mauricium et Galfridum, filios Roberti del Hulle; Simonem fratrem eorum; Willelmum et Ricardum filios Lucye de Grafton'; Johannem clericum, filium Matillidis; Walterum filium Willelmi Juvenis; Adam filium Roberti Criotte; Gilbertum Cocum de Dormeston', Thomam de Raggel'; Simonem Wodeward'; Thomam de Camvyle et Ricardum de Ragel'. Teste rege apud Evesham xij. die Augusti.

[m. 5d.]

De habentibus quietanciam communis summonicionis in comitatu Lincoln' ad communia placita.—
Abbatissa Sancte Marie Winton'.
Comes Albemarl'.
Episcopus Lincolniensis.
Willelmus Lungesp'.
Comitissa Linc'.
Johannes de Haya.
Hugo le Bigod'.
Abbas de Waltham.
Rogerus de Monte Alto.
Abbas Sancte Marie Ebor'.
Robertus de Beumes.
Johannes Priur.
Willelmus de Grey.
Willelmus filius Karoli.
Margeria de Rye.
Walkelinus de Ardern'.
Johannes le Despenser.
Willelmus de Fortibus.
In comitatu Norf' ad eadem placita.—
Johannes Extraneus.
Abbatissa de Cadomo.
Johannes de Warenn'.
Magister Rogerus de Cantilupo.
Abbas de Wautham.
Abbas de Rammes', per Walterum de Merton'.
Willelmus de Eggemere.
Walterus de Dunstanvyle.
Willelmus de Stotevyle.
Margareta comitissa Linc'.
Prior Sancte Trinitatis Cantuar'.
Galfridus Crowe de Atleberg'.
Willelmus de Clar'.
R. comes Norf'.
Baldewinus de Akynny.
Johannes de Burgo, senior.
Imbertus Pogeys.
Robertus de Iteringham, capellanus.
W. Norwiciensis episcopus.
Prior monachorum de Theford'.
Radulfus de Kammeys, senior.
Robertus Tregoz, vatlettus abbatis Westm'.
Johannes de Vallibus.
Abbas de Becco.
Ricardus de Grey.
Willelmus de Ebroycis.
Johannes filius Alani.
Willelmus de Sancto Omero.
Willelmus Belet, vatlettus regis.
Walterus de Rudham.
Johannes Extraneus, quia est in Wallia in servicio Eduuardi filii regis.
In comitatu Suff' ad eadem placita.—
Abbas de Berneyo in Normannia.
Osbertus Bardof'.
Willelmus de Fortibus, comes Albemarl'.
Prior Sancte Trinitatis Cantuar'.
Walterus de Scoteny.
R. comes Norf'.
W. Norwicensis episcopus.

De extractis liberatis Philippo Lovel.—Memorandum quod die Jovis proxima post festum Assumpcionis Domini (sic) anno etc., xl. apud Wodest' tradita fuit Philippo Lovel, thesaurario regis, extracta finium et amerciamentorum itineris justiciariorum ad communia placita in comitatibus Somersett' et Dorsett', et extracta finium et amerciamentorum itineris justiciariorum ad placita foreste in comitatu Berk' et Rotel'.
Et eodem die tradita fuit eidem Philippo extracta finium et amerciamentorum factorum coram rege.

Pro abbate Westm'.—Mandatum est magistris Bernardo de Sen', Willelmo de Lichef' et Nicholao de Plimpton', gerentibus vices magistri Rostandi, exequtoris negocii Crucis, quod exactionem, qua (sic) abbas de Waleden', commissarius predicti Rostandi, facit abbati Westm', qui ad instanciam regis profectus est ad curiam Romanam pro arduis negociis regis, et conventui suo de decima regi concessa ipsos et monasterium suum in temporalibus et spiritualibus contingente, poni faciant in respectum usque ad instans festum Sancti Eduuardi, quod erit in quindena Sancti Michaelis. Teste rege apud Wodest' xvij. die Augusti.

De prioratu capiendo in manum regis.—Quia rex pro certo intellexit quod prior et conventus Sancte Trinitatis London' Alanum de Shordich', quondam custodem gaole regis de Neugate, felonem regis pro evasione Johannis de Frome, felonis detenti in eadem prisona, et utlagatum, per multum temporis receptarunt in regie dignitatis elusionem non modicam, et propter murdrum quod nuper infra septa ejusdem prioratus fuit perpetratum, mandatum est Petro le Blund, constabulario Turris London' quod eundem prioratum sine dilacione capiat in manum regis, salvo custodiendum donec a rege aliud receperit in mandatis, non permittens aliquid de bonis ejusdem prioratus aliquid amoveri; ita tamen quod iidem prior et canonici de bonis suis propriis interim sustentantur, et nichil de bonis ad eundem prioratum spectantibus ad opus regis percipiant. Teste rege apud Wodest' xx. die Augusti.

Pro hospitali de Saundon'.—Quia rex exactionem decime regi a sede apostolica concesse de bonis pauperum hospitalium regni Anglie posuit in respectum donec aliter inde providerit, mandatum est priori Sancti Andree North', commissario magistri Rostandi, negocii Crucis executoris, quod exactionem quam facit magistro et fratribus hospitalis Sancte Marie Magdalene de Saundon' de decima predicta predictum hospitalem contingente ponant (sic) in respectum usque ad quindenam Sancti Michaelis instantem, ut rex tunc super hoc consilium habeat. Teste ut supra.

De denariis levandis.—Rex vicecomiti Linc' salutem. Precipimus tibi quod distringas comitissam Linc' ad reddendum nobis mille marcas de porcione ipsam contingente de cccc. libris quas singulis annis solvi fecimus de thesauro nostro S. comiti Leic' et Alienore, uxori ejus, pro dote sua in Hibernia, pro eadem comitissa et heredibus comitis Marscalli de hoc anno et septem annis precedentibus, ita quod predictos denarios habeas ad Scaccarium nostrum apud Westm' in crastino Sancti Michaelis, alioquin predictam pecuniam de firma tua et bonis et catallis tuis levari faciemus, et nichilominus ad corpus tuum nos graviter capiemus. Habeas eciam ad predictam diem ibidem hoc breve.
Eodem modo mandatum est vicecomiti Essex' et Hertf' de ccccxxvj. libris et j. marca levandis de comite Glouc' et Hertf' de porcione ipsum contingente de cccc. libris, etc. ut supra.

Eodem modo mandatum est vicecomiti Ebor' de distringendo Agnetam, que fuit uxor Willelmi de Vescy, pro lx. libris, xix. s. ob. de porcione ipsam contingente etc. ut supra.
Eodem modo mandatum est vicecomiti Salop' quod distringat Rogerum de Mortuo Mari ad reddendum regi xlij. libras, iiij. s. v. d. ob. de porcione ipsum et Matillidem uxorem ejus contingente etc. ut supra.
Eodem modo mandatum est vicecomiti Sussex' quod distringat Francum de Bohun et Sibillam, uxorem ejus ad reddendum regi lx. libras, xix. s. ob. de porcione ipsos contingente etc. ut supra.
Eodem modo mandatum est vicecomiti Huntend' quod distringat Henricum de Bohun ad reddendum regi xlij. libras, iiij. s. v. d. ob. de porcione ipsum etc., ut supra. Et quod distringat R. comitem Winton' et Alienoram, uxorem ejus, pro lx. libris, xix. s. ob. de porcione ipsos contingente etc., ut supra.
Eodem modo mandatum est vicecomiti Dorset' et Somersett' quod distringat Reginaldum de Mohun et Isabellam, uxorem ejus, pro lx. libris, xix. s. ob. de porcione ipsos contingente etc., ut supra. Et quod distringat Willelmum le Fort et Matillidem, uxorem ejus, pro lx. libris, xix. s. ob. de porcione ipsos contingente etc., ut supra. Et quod distringat Johannam que fuit Johannis de Mohun pro lx. libris, xix. s. ob. de porcione ipsam contingente etc., ut supra. Hec omnia premissa per Philippum Lovel.

Pro abbatissa de Cadomo.—Memorandum quod rex concessit abbatisse de Cadomo per finem quem fecit cum rege quod brevia regis dirigantur singulis vicecomitibus in quorum comitatibus terram habet, quod carte sue de libertatibus, quas habet a predecessoribus, regibus Anglie, et a rege confirmatas, legantur in comitatibus illis et quod articuli libertatum in eis contenti de cetero firmiter observentur. Et habeant quietanciam communis summonicionis omnium itinerum justiciariorum nunc summonitorum in comitatibus illis in quibus eadem abbatissa terras habet. Per Henricum de Bath' et Philippum Lovel. Injunctum per Walterum de Merton'.
Rex eciam concessit eidem abbatisse quietanciam communis summonicionis omnium itinerum justiciariorum itineraturorum in omnibus comititatibus in quibus terram habet a festo Sancti Michaelis anno etc. xl. per triennium; et inde habebit brevia quotiens ad curiam regis miserit. Per abbatem de Persor'. Injunctum per Walterum de Merton'.
Et mandatum est vicecomiti Essex' quod cartas quas predicta abbatissa habet de libertatibus ei concessis per predecessores, reges Anglie, et per confirmaciones regis, in pleno comitatu suo legi, et libertates et articulos in eis contentos decetero firmiter faciat observari. Teste rege apud Wodest' xxj. die Augusti.
Eodem modo mandatum est vicecomitibus Norf', Glouc', Wiltes', Dorsett'.

De inquisicione capienda.—Quia contencio extitit inter Willelmum Longesp' et comitem Leyc' de secta facienda ad hundredum ipsius Willelmi de Ambresbur' racione quarundam terrarum et tenementorum que dictus comes tenet in manerio de Cumpton' quod est infra hundredum predictum, mandatum est vicecomiti Wilt' quod in pleno comitatu suo tam per sacramenta militum quam aliorum liberorum et legalium hominum per quos etc. diligenter inquirat cujusmodi secta debita fuit et fieri consuevit ad predictum hundredum tempore Roberti, quondam comitis Leic', racione predictarum terrarum et tenementorum que habuit in manerio predicto: et inquisicionem etc. regi mittat et hoc breve; quia tam dictus comes quam prefatus Willelmus posuerunt se gratis coram rege in inquisicionem predictam. Teste rege apud Wodest' xxj. die Augusti.

De bobus incrassandis.—Mandatum est Alano de Guldeford custodi parci regis de Guldeford' quod l. boves, quos rex ad eum mittit per Hugonem de Bradeleg', recipiat et eos in parco predicto ire permittat ad incrassandum donec rex aliud inde preceperit. Teste etc.

Rex custodi honoris Peverel salutem. Scias quod per finem xl. solidorum, per quem homines de Tulesworth' de feodo Willelmi de Morteyn de honore predicto finem fecerunt nobiscum, concessimus ei respectum usque ad festum Sancti Edwardi proximo futurum de secta quam ab eis exigis ad curiam predicti honoris, ut tunc coram baronibus nostris de Scaccario per sacramenta proborum et legalium hominum, per quos rei veritas melius sciri poterit, inquiratur utrum predicti homines tempore Willelmi Peverel et aliorum dominorum ejusdem honoris ante idem honor esset escaeta nostra quieti esse debuerant, et semper consueverant, de secta curie predicti honoris per sectam illam, quam predictus Willelmus Morteyn facit et facere consuevit pro toto feodo suo, ut ipsi dicunt, an preter sectam, quam dictus Willelmus et ejus antecessores facere consueverunt, predicti eciam homines sectam facere debuerant et consueverant ad curiam predictam temporibus predictis. Mandamus eciam vicecomiti nostro Bedeford', quod ad diem predictum, coram predictis baronibus nostris, tot et tales tam milites quam liberos et legales homines venire faciat per quos predicta inquisicio sufficienter fieri possit. Et ideo tibi precipimus quod predictis hominibus de predicta secta interim pacem habere permittas, et averia sua, si qua ea occasione ceperis, eis deliberari facias. Teste ut supra. Per Henricum de Bathon' et Philippum Lovel.
Et mandatum est vicecomiti Bed' quod venire faciat coram baronibus regis de Scaccario xij. tam milites quam alios liberos et legales homines de comitatu suo per quos etc. utrum predicti homines de Tulesworth' tempore Willelmi Peverel et aliorum dominorum predicti honoris antequam dictus honor esset escaeta regis esse debuerant et consueverant quieti de sexta (sic) curie honoris predicti per sectam illam quam dictus Willelmus de Tulesworth' facit et facere consuevit pro toto feodo suo, ut dicitur, an dicti homines preter hoc predictis temporibus facere debuerant et consueverant sectam ad curiam honoris predicti. Teste rege apud Wodestok' xxj. die Augusti. Per Henricum de Bathon' et Philippum Lovel.

[m. 4d.]

Memorandum quod, cum Guido de Lezignan, cui rex concessit custodiam terrarum et heredis Henrici le Chamberleng', habendam usque ad legalem etatem ejusdem heredis una cum maritagio relicte ejusdem Henrici, de assensu regis contulerit Willelmo de Berne, vatletto suo, eandem custodiam cum maritagio predicto in octabis Assumpcionis Beate Marie apud Wodest' anno etc. xl°., idem Willelmus concessit idem maritagium Johanni de Lymar' pro xla. libris eidem Willelmo solvendis ad terminos subscriptos, videlicet, in festo Omnium Sanctorum anno etc. xlj. x. libris, ad Pascha proximo sequens x. libris, ad Nativitatem Sancti Johannis Baptiste proximo sequentem x. libris, et in festo Sancti Michaelis proximo sequentis ejusdem anni x. libris, et, ad istam solucionem fideliter faciendam, inveniet ei plegios in instanti festo Nativitatis Beate Marie coram rege, ubicumque rex tunc fuerit, et tunc faciet ei qualemcumque securitatem inde voluerit; et de quinque marcis predictarum xl. librarum est J. de Pless', comes War', plegius ejusdem Johannis. Postea predictus Johannes observavit terminos illos et soluit dicto Willelmo pecuniam antedictam, sicut idem Willelmus postea recognovit, et quietus est.

De terra replegianda.—Galfridus de Hichendon' venit coram rege die Lune post festum Sancti Bartholomei et petiit terram Michaelis de Huchendon' et Emme, uxoris ejus, et terram Roberti de Chineleswell' et Katerine uxoris ejus eis replegiari, que etc. propter defaltam etc. versus Ricardum le Pour' ut dicitur. Et mandatum est justiciariis de banco etc.
Jordanus persona ecclesie de Wendlinton' venit coram rege die predicto et petiit terram suam in Wendlington' ei replegiari, que capta etc. propter defaltam etc. versus Margeriam que fuit uxor Willelmi de Preeus. Et hoc demandatum est justiciariis de banco etc.
Willelmus de la Punde venit coram rege predicto die et petiit terram suam in Shepel' et terram Thome le Tabler et terram Mathei de Esple in eadem villa replegiari etc., que capta etc. propter defaltam etc. versus Walterum de Clifford et Margeriam uxorem ejus. Et hoc mandatum est justiciariis de banco.
Willelmus le Myre venit coram rege die predicto et petiit terram Edmundi de Boxgrave in Laghton' replegiari, etc. que capta etc. propter defaltam etc. versus Dyonisiam de Waterton'. Et mandatum est justiciariis proximo itineraturis in comitatu Linc'. Teste rege apud Westm', xxviij. die Augusti.
Adam de Weston' venit coram rege die predicto et petiit terram Matillidis de Bello Campo in Northal' ei replegiari, que capta etc. propter defaltam etc. versus Hillarium de Bello Campo. Et hoc mandatum est justiciariis de banco.
Philippus filius Roberti venit coram rege die Martis proxima post festum Sancti Batholomei et petiit terram suam in North' sibi replegiari, que capta etc. propter defaltam etc. versus Willelmum filium Jordani. Et hoc mandatum justiciariis de banco.

De itinere justiciariorum mutato.—Rex abbati de Burgo Sancti Petri, Rogero de Thurk', et sociis suis, justiciariis regis itinerantibus, salutem. Licet nuper in ultimo recessu vestro a nobis providissemus quod, consummato itinere vestro in comitatu Linc', itineraretis in comitatu Norf'; volumus tamen et mandamus quod, quamcitius expleveritis iter vestrum in comitatu Linc', statim illinc divertatis usque Ebor' ad itinerandum et placitandum ibidem, prout ad officium justiciarie (fn. 1) vestre pertinet. Nos enim mandavimus vicecomiti nostro Norf' quod summonicioni facte de itinere vestro in comitatu suo supersedeat, donec aliud inde preceperimus. Et scire faciatis vicecomiti nostro Ebor' diem quo illuc fueritis venturi, ut iter vestrum coram vobis ad diem quem ei significaveritis faciat summoneri, prout ei nostris damus litteris in mandatis. Teste ut supra.
Et mandatum est vicecomiti Ebor' quod predictum iter justiciariorum clamari faciat et summoneri, sicut predictum est. Teste.
Et mandatum est vicecomiti Norf' quod summonicioni facte in comitatu Norf' de itinere predictorum justiciariorum penitus supersedeat, donec rex aliud inde preceperit. Teste rege apud Westm' xxx. die Augusti.

Pro Petro de Chavent.—Robertus de Agulun recognovit coram rege se teneri per litteras suas patentes Petro Chunvent (sic), militi, in cc. marcis sterlingorum pro maritagio Johanne de Mohun quod ab eo emit, solvendis eidem Petro vel suo certo nuncio apud Novum Templum London' ad quatuor anni terminos, videlicet, quinquaginta marcis sterlingorum infra quindenam Sancti Michaelis anno domini mccl. sexto, et l. marcis vicesima die proxima post Nathale Domini proximo sequens, et l. marcis in quindena Pasche resurectionis dominice anno Domini mccl°. septimo, et quinquaginta marcis in quindena Sancti Michaelis proximo sequentis anno eodem. Et ad solucionem predictam fideliter faciendam istos invenit plegios, videlicet, Jacobum de Audelegh et Rogerum de Sancto Johanne, milites, qui ad instanciam predicti Roberti constituerunt se principales debitores et pacatores totius pecunie predicte, et quemlibet eorum in solidum erga predictum Petrum, prout in predictis literis obligatoriis plenius continetur. Teste rege apud Westm' xxx. die Augusti. (In margin) Postea idem Robertus soluit predicto Petro illam pecuniam, et quietus est, et habet inde litteras ipsius Petri patentes.

Litera directa comiti Tholos'.—Rex comiti Tholos' salutem. Literas vestras nobis transmissas nuper recepimus, per quas nobis singnificastis quod magister G. de Millers et Stephanus de Salines, miles, familiares nostri, nomine procuratorio se pro nobis obligarunt ad quandam summam pecunie vobis certo loco et termino persolvendam pro malis toltis per homines nostros de Regula, de Millano et de Sancto Macario factis hominibus vestris Tholos', Agenn' et aliarum villarum adjacentium; de qua quidem obligacione nichil penitus ad nostram noticiam ante literarum vestrarum receptionem pervenit. Verum tamen, cum treugam inter illustrem regem Francie et nos et vos initam desideremus bona fide in omnibus observare, transgressiones pro parte nostra factas libenter emendare vellemus, dum tamen de trangressionibus nobis et nostris factis emende fierent vice versa. Nos, enim, semper pro parte nostra emendas, cum eas exigi contigerit, prestamus, sicut ex solucione illius magne summe pecunie quam nuper solvi fecimus apud Paris' vobis liquere poterit evidenter, nullas vice versa pro hominibus nostris emendas consequendo. Qua propter mittimus ad vos dilectum militem nostrum, Willelmum de Trubevill, dilectionem vestram rogantes quatinus aliquem diem certum quem volueritis post instans festum Sancti Remigii capere velitis cum predicto milite nostro et nos ad diem illum homines nostros mittemus ad satisfaciendum vobis de predicta summa pecunie pro qua dicti magister et Stephanus se pro nobis obligarunt, dum tamen de transgerssionibus (sic) hominibus nostris factis nobis emende fiant conpetentes, satum (sic) et beneplacitum vestrum super hiis et aliis nobis per eundem militem singnificantes. Teste rege apud Westmonasterium xxx. die Augusti.

Pro episcopo Bathoniensi.—Rex vicecomiti Sumers' et Dors', salutem. Quia venerabilis pater W. Bathoniensis et Wellensis episcopus clamat habere quietanciam per libertatem carte nostre de amerciamentis tangentibus personam suam, tibi precipimus quod demandam l. marcarum, ad quas ipse nuper amerciatus fuit, quas ab eo exigitis per preceptum nostrum, ponas in respectum usque ad festum Beati Edwardi quod erit in quindena Sancti Michaelis. Et nos illas l. marcas, quas nuper soluisti in garderoba nostra, tibi in aliis debitis faciemus allocari. Et districtionem, si quam pro hujusmodi amerciamentis feceris, penitus usque ad predictum terminum relaxes, provisurus insuper quod omnes denarios quos nuper in balliva tua ad opus nostrum levari precepimus de itinere justiciariorum nostrorum cum summa festinacione habeamus in predicta garderoba nostra. Teste ut supra.

Pro quibusdam mercatoribus de Norwagia.—Mandatum est ballivis de Len' quod homines regis Norwagie has litteras regis deferentes permittant xj. naves suas, quas habent in portu de Len', carcare blado et aliis mercandisis suis quas emere voluerint, et eas ad partes suas abducere sine impedimento, non inferendo eis vel inferri permittendo injuriam molestiam dampnum aut gravamen. Et si quid etc. Teste ut supra.

Footnotes

  • 1. justiar' in MS.