Close Rolls, February 1254

Close Rolls, February 1254

Forma directa magnatibus Anglie.—Rex dilecto et fideli suo Willelmo de Oddinggeseles salutem. Cum venerabilis pater B. Cantuariensis archiepiscopus, episcopi provincie Cantuariensis, R. comes Cornubie frater noster, R. comes Glouc' et alii comites et barones in quindena Sancti Hillarii jam preteriti apud Lond' coram dilecta regina nostra et consilio nostro commorante in Anglia constituti nobis promiserunt liberaliter et benigne facere auxilium decens et perutile, videlicet quidam prelati in propriis personis et quidam in pecunia, comites vero et barones in propriis personis suis, potenter contra regem Castelle, qui terram nostram Vasconie in manu forti in quindena Pasche proximo futuri hostiliter est ingressurus, vos ex toto corde requirimus quod sicut supradicti comites et barones nobis promiserunt quod erunt Lond' a die Pasche proximo futuri in tres septimanas parati et bene muniti sine ulla dilacione versus Vasconiam ad nos personaliter movere, vos ad dictos diem et locum modo consimili veniatis omni occasione et dilacione postpositis ad tendendum versus Portesm' cum prefatis magnatibus ad transfretandum cum eisdem ad nos in Vasconiam: et hoc in fide qua nobis tenemini vobis firmiter injungimus et sicut honorem nostrum et indempnitatem corporis nostri diligitis. Testibus ut supra apud Westmonasterium, v. die Februarii.
Idem mandatum est Willelmo de Bello Campo de Bed' hoc addito:—vel filium suum primogenitum cum decenti numero militum pro eo mittat, qui a rege recipiet cingulum militare in instanti festo Pentecostes. Testibus ut supra. Per consilium.
Rex vicecomiti Wiltes' salutem. Cum venerabilis pater B. Cantuariensis archiepiscopus etc. ut supra usque ad illam clausulam:—vos ex toto corde requirimus; et tunc sic:—tibi firmiter precipimus quod capias securitatem ab omnibus illis de balliva tua qui tenent de nobis in capite xx. libratas terre, et eciam de eis qui tenent xx. libratas terre de illis qui sunt infra etatem et in custodia nostra, quod sint Lond' a die Pasche proximo futuri in tres septimanas parati et bene muniti ad tendendum sine ulla dilacione versus Portesm' ad transfretandum ad nos in Vasconiam cum predictis magnatibus ad defensionem corporis nostri et predicte terre nostre Vasconie: et eciam nomina illorum omnium qui tenent de nobis in capite xx. libratas terre in balliva tua quam eorum qui tenent xx. libratas terre de illis qui sunt infra etatem et in custodia nostra, regine nostre et prefato consilio nostro in instanti media quadragesima sub sigillo tuo distincte et aperte singnifices. Et hoc sicut tuam indempnitatem diligis non omittas. Testibus ut supra.

[Schedule.]

Eodem modo mandatum est archiepiscopis et episcopis tocius Anglie quatinus cum festinacione convocent omnes abbates et priores sue diocesis, cujuscumque sint ordinis, inducentes modis omnibus quod nobis in presenti necessitate subveniant manu largiflua, ne per defectum ipsorum vel aliorum corporis incurramus periculum et terre nostre jacturam, quod absit, quia id verteretur in vestrum et ipsorum opprobrium sempiternum. Sic igitur vestra vigilet discrecio circa predictum auxilium tam a vobis deferendum quam a subditis vestris perquirendum quod futuris temporibus vobis et ipsis simus non inmerito obligati. Proviso quod prefatum auxilium habeamus apud Westmonasterium in quindena Pasche proximo futuro (sic) sine defectu: et hoc sicut nos et honorem nostrum necnon et indempnitatem corporis nostri diligitis non omittatis.
Dirigitur eciam littera ista archiepiscopo Cantuariensi cum hac clausula:—Et, quia ordinariam jurisdiccionem excerceris vacante sede in episcopatu Lincolniensi, vos requirimus affectuose quatinus officialibus vestris et archidiaconis ejusdem episcopatus scribatis attente quod tempestive convocent omnes abbates et priores ejusdem episcopatus, cujuscumque sint ordinis, ad certos diem et locum, inducentes eos modis omnibus quod in hac necessitate nostra consimilem nobis faciant subvencionem.

[m. 13d.]

De respectu milicie.—Rex dedit respectum Thome de Jekeuuorth' de se milite faciendo usque a die Pasche in unum mensem anno etc. xxxviij. Et mandatum est vicecomiti Suff' quod capiat etc. Testibus ut supra. Per reginam.

De quodam associato ad inquisicionem capiendam.—Rex loco Nicholai de Turri associavit Godefridum de Escudemor' Egidio de Erdinton' ad inquisicionem faciendam super contencionibus ortis inter abbatem Glaston' et Henricum de Cerne, ballivum Bathoniensis et Wellensis episcopi, et alios. Et mandatum est eidem Egidio quod ipsum ad hoc admittat et quod idem Godefridus ad diem etc. sit ad dictam inquisicionem faciendam. Testibus ut supra. Per reginam et consilium.

Pro justiciario Hibernie.—Monstravit regi J. filius Galfridi, justiciarius Hibernie, quod, cum homines (fn. 1) sui de Shyre hactenus quieti extiterint de secta facienda ad turnum vicecomitis Surr' et aliorum vicecomitum Surr' pro xx. solidis singulis annis pro secta illa reddendis, idem vicecomes eosdem homines singulariter injuste amerciavit eo quod non venerunt coram (fn. 2) eo ad turnos suos in comitatu predicto et ipsos ad amerciamenta illa reddenda distringit contra libertates et consuetudines quibus ipse et predecessores sui usi sunt in eodem manerio. Et mandatum est vicecomiti Surr' quod, si ita est, predictos homines contra libertates predictas non vexet donec rex a partibus Vasconie redierit et aliud a rege mandatum receperit et contentus sit de predictis xx. solidis pro secta predicta. Testibus A. regina et R. comite Cornubie apud Windes' ix. die Februarii. Per H. de Bath'.
Consimiles litteras habet Fromundus, persona ecclesie de Cranele, pro hominibus suis ejusdem ecclesie nulla facta mencione de xx. solidis reddendis pro turno vicecomitis. Testibus ut supra.

Hybernia.—Rex justiciariis suis Hybernie salutem. Quia dilectus et fidelis noster R. de Clar', comes Glouc' et Hertf', habet in terra nostra Hybernie vicecomites et justiciarios suos in terris suis in Hybernia excercentes jurisdicciones suas secundum leges et consuetudines regni nostri Anglie, et magister milicie Templi in Hybernia conquestus fuerit vobis de falso judicio sibi facto fuisse (sic) in curia dicti comitis de Kilkenn' super ultima presentacione ecclesie de Baligaveran, et unde placitum coram justiciariis dicti comitis fuit deductum, vos recordum illius loquele mandastis venire coram vobis per quatuor milites, quod facere non debuistis ut dicitur nisi de falso judicio facto in comitatu. Et quia recordum factum de falso judicio coram justiciariis debet venire coram vobis per ipsos justiciarios, vobis mandamus quod recordum prefate loquele per predictos justiciarios ipsius comitis et non per quatuor milites sicut antea mandastis venire faciatis coram vobis. Et si inveneritis recordum illud et judicium coram justiciariis ipsius comitis juste factum, tunc execucionem illius judicii fieri plenarie faciatis. Et si illud factum fuerit minus juste, tunc illud retractari et emendari faciatis secundum legem et consuetudinem regni nostri Anglie, ita quod pro defectu vestri decetero non audiamus inde querelam. Testibus A. regina et R. comite Cornubie apud Windles' xj. die Februarii.

Rex justiciariis suis Hybernie salutem. Mittimus vobis transcriptum cujusdam brevis quod exivit de cancellaria nostra Hybernie ut dicitur, quod est extra forma cursus cancellarie nostre Anglie, et quod tale est verbo ad verbum:—Henricus Dei gracia rex Anglie etc. vicecomiti Lymericensi salutem. Precipe Gerardo de Rup' juniori quod juste et sine dilacione reddat Waltero de Burgo manerium de Glindenolan cum pertinenciis, quod clamat esse jus suum, in quod idem Gerardus non habet ingressum nisi per David de Rup', cui Gerardus de Rup' senior illud dimisit, qui in inicio guerre mote in Hibernia inter nos et Ricardum Marescallum quondam comitem Pembr' illud reddidit Ricardo de Burgo patri predicti Walteri cujus heres ipse est cum homagio suo et cum omnibus terris cum pertinenciis que de eo tenuit in Hybernia ut dicit. Et nisi fecerit, et predictus W. fecerit te securum de clamore suo prosequendo, tunc summone per bonos summonitores predictum Gerardum quod sit coram justiciariis nostris Hybernie apud Dublin' in octabis Sancti Michaelis ostensurus quare non fecerit. Et habeas ibi summonitores et hoc breve. Et quia volumus quod brevia nostra que placitari debent in Hybernia sint in eadem forma concepta et confecta qua et brevia nostra que placitantur in Anglia, vobis mandamus quatinus per breve predictum nullum placitum teneatis. Et tale breve inde fieri faciatis quale secundum legem et consuetudinem regni nostri Anglie fuerit faciendum. Et, si quid per breve predictum fuerit attemptatum, hoc sine dilacione revocari faciatis. Testibus ut supra. Per H. de Bathonia et H. de Mara.

Pro cruce singnatis.—Gilbertus de Barthon' habet graciam cruce singnatis concessam. Testibus ut supra.
Robertus Lutre, Radulphus de Valle Torta de Clist, Jordanus de Insula, Adam Paynel de Haleyton', Willelmus de Colevill', Willelmus de Cheindut miles, Angerus de Tatlington' Herefordensis diocesis.

Forma directa magnatibus et vicecomitibus Anglie.—Rex vicecomiti Bed' et Buk' salutem. Cum comites et barones et ceteri magnates regni nostri nobis firmiter promiserint quod erunt Lond' a die Pasche proximo futuro in tres septimanas cum equis et armis parati et bene muniti ad tendendum sine ulla dilacione versus Portesm' ad transfretandum ad nos in Vasconiam contra regem Castelle, qui terram nostram Vasconie in manu forti in estate proximo futura hostiliter est ingressurus, et tibi mandaverimus quod omnes illos de balliva tua qui tenent xx. libratas terre de nobis in capite vel de aliis qui sunt infra etatem et in custodia nostra ad idem distringeres, tibi districte precipimus quod preter omnes predictos venire facias coram consilio nostro apud Westmonasterium in quindena Pasche proximo futuri quatuor legales et discretos milites de comitibus predictis, quos iidem comitatus ad hoc eligerint vice omnium et singulorum eorundem comitatuum, videlicet duos de uno comitatu et duos de alio ad providendum una cum militibus aliorum comitatuum quos ad eundem diem vocari fecimus quale auxilium nobis in tanta necessitate inpendere voluerint. Et tu ipse militibus et aliis de comitatibus predictis necessitatem nostram et tam urgens negocium nostrum diligenter exponas et eos ad competens auxilium nobis ad presens inpendendum efficaciter inducas, ita quod predicti quatuor milites prefato consilio nostro ad predictum terminum precise respondere possint super predicto auxilio pro singulis comitatuum predictorum. Firmiter eciam tibi precipimus quod omnia debita que nobis arretro sunt in balliva tua et solvi debuerunt ad scaccarium nostrum ante Pascha jam instans vel solvi debent ad scaccarium ejusdem Pasche habeas ad idem scaccarium in quindena predicti Pasche, sciturus quod nisi predicta debita tunc ibidem habueris non solum corpus tuum arrestari faciemus set debita illa de terris et catallis tuis levari faciemus ad dampnum tuum non modicum. Testibus ut supra.
Consimilis littera dirigitur omnibus vicecomitibus Anglie.
Rex B. Cantuariensi archiepiscopo tocius Anglie primati salutem. Cum rex Castelle, nullo jure set potentia sua confisus, terram nostram Wasconie cum multitudine christianorum et saracenorum in estate proximo futura hostiliter sit ingressurus, prout alias vobis singnificavimus, quam quidem terram in tanto periculo constitutam contra tam potentem principem sine communi regni nostri Anglie auxilio defendere non valemus, dolentes si regnum predictum, quod inter ceteros mundi principatus probitate gencium florere solet, propter virium inpotenciam aut segniciem propriam suis viribus destitutum succumberet, paternitatem vestram omni qua possumus affeccione rogamus quatinus, nos et jura nostra taliter indefensa non deserentes, cum omni celeritate convocetis coram vobis capitulum vestrum cathedrale, archidiaconos, viros religiosos et clerum vobis subjectum, inducentes eos modis omnibus quibus poteritis quod nobis in tanta necessitate liberaliter subveniant et graciose ad predicte terre nostre defensionem, quod in ipsorum honorem vertetur sempiternum, cum ex contrario hujus negocii eventu non tantum nobis set singulis regni nostri personarum et rerum dampnum manifeste immineat periculosum. Proviso quod aliqui viri discreti ex parte predictorum certificent consilium nostrum apud Westmonasterium in quindena Pasche proximo futuri de modo et quantitate subsidii memorati, salvis nobis promissionibus tunc solvendis ibidem a viris religiosis vestre diocesis nobis factis in quindena Sancti Hillarii proximo preteriti. Et, quia ordinariam jurisdiccionem excercetis vacante sede in episcopatu Lincolniensi, vos requirimus affectuose quatinus officialibus vestris ejusdem episcopatus scribatis attente quod tempestive convocent coram cis capitulum cathedrale Lincolniense, archidiaconos, viros religiosos et clerum ejusdem episcopatus ad certos diem et locum, inducentes eos modis omnibus quod in hac necessitate nostra consimilem nobis faciant subvencionem et quod certificent consilium nostrum apud Westmonasterium in predicta quindena Pasche per viros discretos ejusdem episcopatus de modo et quantitate predicti subsidii, salvis nobis promissionibus a viris religiosis predicti episcopatus nobis factis in quindena Sancti Hillarii proximo preteriti sicut predictum est. In cujus etc. Testibus A. regina nostra et R. comite Cornubie fratre nostro apud Windles' xj. die Februarii.
Eodem modo mandatum est archiepiscopo Eboracensi et singulis episcopis tocius Anglie et officialibus Bathoniensis et Wellensis episcopi nulla facta mencione de episcopatu Lincolniensi.

Hybernia.—Rex J. filio Galfridi, justiciario suo Hibernie, salutem. Monstravit consilio nostro in Anglia commoranti Hugo filius Luciani quod, cum Johannes Malet peteret versus eum duas partes quatuor carucatarum terre cum pertinenciis in Cnok' in comitatu Dublin' per breve nostrum de recto, et dictus Hugo versus eundem Johannem essoniari se fecerat de malo lecti ita quod datus fuit ei langor per iiij. milites qui ad ipsum mittebantur per predictum comitatum ad videndum utrum infirmitas de qua se essoniaverat fuerit langor necne, et predictus Johannes postea inpetravit breve nostrum ad ponendum loquelam illam coram justiciariis nostris tunc itinerantibus apud Dublin', et in curia nostra coram predictis justiciariis nostris idem Johannes calumpniabatur quod predictus Hugo infra predictum langorem suum surexerat sine licencia. unde dictus Johannes precise tenuit se ad defaltam illam et petiit sibi seisinam de predicta terra adjudicari racione defalte predicte, predicti justiciarii nostri per quandam inquisicionem captam super hoc quod predictus Hugo infra predictum langorem suum debuit surexisse, in quam inquisicionem dictus Hugo se non posuit ut dicit, adjudicabant predicto Johanni seisinam suam de predicta terra racione defalte predicte. Et quia, si ita est, fuit in predicto processu erratum, eo quod defalta illa, que facta fuit ea racione quod predictus Hugo non servavit langorem sibi datum in comitatu in quo se essoniavit, non debuit petenti prodesse nec allocari pro defalta coram predictis justiciariis nostris, eo quod ad procuracionem ipsius petentis fuit postea loquela illa per preceptum nostrum amota a predicto comitatu et posita in curia nostra coram predictis justiciariis nostris antequam defalta illa judicata esset in comitatu in quo factum fuit essonium, de quo defalta illa debuit venisse; vobis mandamus quod si vobis constiterit ita processum fuisse in loquela predicta, predicto Hugoni plenariam seisinam de predicta terra cum pertinenciis suis rehabere faciatis, facientes postea partibus plenam exiberi justiciam secundum legem et consuetudinem regni nostri. Ne amplius etc. Testibus ut supra. Per H. de Bathonia.
Rex dedit respectum Roberto de Bosco de se milite faciendo usque ad Natale Domini anno etc. xxxix. Et mandatum est vicecomiti Norf' etc. Testibus ut supra.
Rex Laonensi episcopo, archidiacono Waterford' et ministro ordinis Fratrum Minorum in Hibernia salutem. Cum temporibus progenitorum nostrorum et nostro consuetudo actenus sit optenta quod vacantibus archiepiscopatibus et episcopatibus terre nostre Hibernie a nobis petita fuerit licencia eligendi, et factis electionibus noster assensus requiri consueverit, et eciam in ultima vacacione episcopatus Midensis, videlicet antequam Ricardus quondam Midensis episcopus in ejusdem loci episcopum eligeretur, a nobis fuerit licencia eligendi petita. et electione de ipso facta noster super hoc requisitus fuerit assensus, miramur quam plurimum quod B. Armacanus archiepiscopus et frater Galfridus de Cusac juri et possessioni nostre in hac parte se opponunt. Et ideo vobis mandamus in fide qua nobis tenemini firmiter injungentes quatinus in cognicione cause que vertitur coram vobis auctoritate litterarum domini pape inter Hugonem Middensem electum ex una parte et predictos archiepiscopum et fratrem G. ex altera super predicta licencia eligendi taliter vos geratis quod dignitas regia nullam in hac parte jurium suorum vel possessionis sue sustineat lesionem, scituri quod si secus egeritis dissumulare (sic), non poterimus quin contra vos et predictos archiepiscopum et fratrem Galfridum manum, prout expedire viderimus, extendamus. Testibus ut supra apud Windes' xvj. die Februarii. Per consilium.

De deliberacione cujusdam navis.—Mandatum est ballivis de Wincheles' quod navem que vocatur Trenchevent del Dam arrestatam apud Wincheles' occasione transfretacionis regine permittat (sic) venire Lond' ad discarcandum ibidem, accepta securitate a magistris ducentibus navem illam quod erit apud Portesm' in transfretacione ipsius regine. Testibus ut supra. Per reginam.

De deliberacione navium.—Eodem modo mandatum est ballivis de Sandwic' de navi Willelmi Hereberti arrestata ibidem, quod permittant ipsam duci ad partes Vasconie cum blado et victualibus Henrici de Wingh', accepta securitate quod revertetur apud Portesm' contra transfretacionem regine, si ventum habuerint oportunum. Teste ut supra. Per reginam.
Eodem modo mandatum est Bertramo de Crioll' quod eat usque Wincheles', vel aliquem pro se mittat ibidem, ad videndum utrum navis Johannis Martin et Willelmi Bernard' ibidem arestata onerata sit pannis necne, ut asserunt, et, si ipsam invenerit oneratam esse pannis tempore date presencium, cum mercandisis in ea inventis ipsam abire permittat quo voluerint et, si onerata non fuerit, ipsam ad passagium regine retineat. Testibus ut supra apud Windes' xxiiij. die Februarii.
Eodem modo mandatum est eidem B. pro Petro Ern' mercatore Baione.
Et ballivis de Winchel' pro nave quam Henricus Pinchepape ducit, que onerata est vinis abbatis Sancte Marie de Bolonia, quod permittant eam abire accepta securitate etc.
Mandatum est eisdem quod inquirant utrum navis que vocatur Sancte Marie Baion', quam Pelegrinus de Mussiun ducit, onerata fuit mercandisis in ea contentis ante arestacionem navium necne, et utrum frettata sit usque Ispaniam necne, et, si invenerint quod onerata fuit ante arestacionem predictam et quod frettata sit usque Ispaniam, eam in Ispaniam abire permittant. Testibus ut supra. Per comitem.
Mandatum est eisdem ballivis quod de duabus navibus arestatis in portu suo quarum una vocatur navis Sancti Michaelis et alia la Sauveye retineat (sic) majorem ad transfretacionem regine pro illis duabus et minorem earundem abire permittant quo magistri voluerint. Testibus. Accepta securitate quod erit apud Portesm' in octabis Pasche si portare possit xvj. equos. Per comitem. (Cancelled) quia aliter inferius.
Mandatum est ballivis de Len quod, si per inquisicionem quam fieri facient ei (sic) constiterit quod navis de Stavre que vocatur Yunkere onerata fuit mercandisis in ea contentis ante arestacionem navium, eandem navem cum mercandisis abire permittant quo magistri voluerint. Idem mandatum est eisdem pro navi de Stavre que vocatur Sefalc. Testibus etc. Per comitem Ricardum quia sunt de Estland.
Quia barones et ballivi de Sandwic' noluerunt ad mandatum regis sine litteris regis patentibus, que in hujusmodi casibus fieri non consueverunt, deliberare sub securitate eis demandata navem in qua vina Amavini de Bereres sunt nec alias naves apud Sandwic' arestatas que frettate sunt usque Lond', immo naves illas ibidem retinere nituntur ad discarcandum ibidem ad melioracionem ville sue, mandatum est B. de Crioll' quod in propria persona sua eat usque Sandwic' vel talem pro eo illuc mittat qui istud mandatum regis diligenter exequatur, et omnes naves, carcatas vinis vel aliis mercandisis, que arestate sunt apud Sandwic' et frettate usque Lond' ire faciat Lond' ad discarcandum ibidem, accepta sufficienti securitate a magistris navium illarum quod alibi cum navibus illis se non divertent. Testibus ut supra. Per reginam.
Ex parte quorundam mercatorum Baione regi ostensum est quod, cum rex arrestari facit naves suas apud Sanduuic' occasione transfretacionis regine in Vasconiam, que naves conducte sunt usque Flandr', unde iidem mercatores inviti mercandisas ipsas de dictis navibus in naviculas discarcant ad eundum ad partes memoratas, pro qua discarcacione ballivi regis ibidem pacagium exigunt et consuetudinem. Et quia videtur consilio regis quod pro hujusmodi discarcacione facta per districcionem regi non sit danda consuetudo vel pacagium, nisi forte de navi veniente ad villam predictam cum mercandisis, sive discarketur sive non, ex usu solet pacagium capi, mandatum est Bertramo de Crioll' quod predictos mercatores ab exaccione predictorum pacagii et consuetudinis quietos esse faciat. Testibus ut supra. Per reginam.
Idem mandatum est baronibus et ballivis de Wincheles'.
Mandatum est ballivis de Len' quod diligenter inquirant utrum coga quam Alexander le Chaumpen' et Henricus le Norue custodiunt apud Len' sit regis Norwagie necne, et utrum onerata fuit mercandisis ipsius regis tempore arestacionis navium necne. Et, si invenerint quod predicta coga sit predicti regis et quod onerata fuit mercandisis predicti regis tempore predicto, eandem navem quo custodes voluerint abire permittant. Testibus etc. Per comitem.
Mandatum est eisdem ballivis quod si navis Johannis le Estreis que vocatur Ringeros' arrestata in portu suo occasione transfretacionis etc. non possit portare xvj. equos, ipsam abire permittant quo magistri voluerint. Teste etc.
Monstravit regi Eborardus le Estreis quod occasione arestacionis navium ballivi de Len' arestarunt catalla sua que duci fecerat in villam de Len' in quadam nave de Hamburg' que vocatur Paradisus quam conduxerat usque Len'. Et mandatum est ballivis de Len quod retenta nave predicta ad transfretacionem regine predicta catalla sua occasione predicta arestata ei deliberari faciant. Testibus etc.
Consimile breve habet Gerardus le Estreis et Johannes socius ejus pro nave sua que vocatur Suan.

[m. 12d.]

Forma directa vicecomitibus Anglie.—Rex vicecomiti Wiltes' salutem. Quia necesse habemus magna et bona gente vallari contra regem Castelle, qui terram nostram Wasconie in estate proximo futura hostiliter ingredi minatur, de fidelitate et probitate hominum regni nostri plus quam alienorum, sicut debemus, confidentes eorumque commodum magis quam aliorum affectantes, licet homines aliorum regnorum ad servicium nostrum pro denariis nostris ad sufficienciam in Wasconia invenire possemus, tibi districte precipimus quod sicut nos et honorem nostrum diligis cum quanta poteris festinacione provideas nobis de omnibus probis et vallidis militibus et servientibus ad arma idoneis quos invenire poteris in balliva tua, qui ad denarios nostros ad nos veniant in Vasconiam ad ejusdem terre nostre defensionem, et ipsos super hoc diligenter alloquaris et eos ad hoc modis quibus poteris efficaciter inducas, exponendo eis statum nostrum et predicte terre nostre et pericula nobis imminencia de hostili adventu regis predicti. Clamari eciam facias publice per totam ballivam tuam quod omnes tales milites et servientes de eadem balliva sint apud Westmonasterium a die Pasche proximo futuro in tres septimanas coram dilecta regina nostra, R. comite Cornubie et aliis de consilio nostro commorantibus in Anglia cum equis et armis bene muniti et parati sine ulla dilacione ad transfretandum ad denarios nostros in servicio nostro ad nos in Vasconiam. Et nos eos pro labore et obsequio suo nobis in hac parte inpendendo taliter remunerabimus quod de jure inde debebunt esse contenti. Et tu ipse tune sis ibi in propria persona tua ad certificandum prefatum consilium nostrum quanta diligencia et quo effectu predictum mandatum nostrum fueris executus, et quot et quales inveneris idoneos in balliva tua ad servicium nostrum in hac parte quos tecum ad eosdem diem et locum sicut predictum est venire procures. Testibus ut supra apud Windes' xxv. die Februarii.
Idem mandatum est omnibus vicecomitibus Anglie.

Hybernia.—Rex justiciariis Hibernie salutem. Ostensum est regi ex parte Galfridi de Geynville et Matillidis de Lascy uxoris ejus quod, cum ballivi Margerie de Lascy, que terras suas tenet in dotem de hereditate predicte Matillidis, cepissent averia abbatis de Mellifonte per consideracionem curie ipsius Margerie, vicecomes regis Dublin' ad querelam predicti abbatis predicta averia per ballivos suos deliberari et ballivos dicte Margerie attachiari fecit ad respondendum eidem abbati in comitatu Dublin' de capcione et detencione predictorum averiorum contra libertates ipsorum Galfridi et Matillidis quibus usi sunt in terra sua de Midia, eo quod hujusmodi querimonie ad ballivos predictorum G. et M. pervenire debent et hujusmodi placita pertinent ad predictas libertates, ut asserunt. Et ideo vobis mandamus quod salvis juribus nostris in omnibus predictis G. et M. super premissis justicie plenitudinem exhibeatis. Testibus ut supra. Per H. de Bath'.