Close Rolls, July 1254

Close Rolls, July 1254

Pro rege. De Margareta filia Elye Rudell' de Brigerac'.—Mandatum est Margarete, filie Elye Rudell', domini Briger' et Genzac', quondam fidelis regis, quod ultima die Julii hora competenti compareat coram rege. ubicumque fuerit, factura et receptura quod dictaverit ordo juris in presencia curie constitute a rege et approbate ab ipsa Margareta super questionibus quas rex vel alii contra ipsam habent vel ipsa contra regem poterit intemptare. Teste rege in castris coram Briger' xiij. die Julii.

Die Sabbati in festo Sancti Jacobi apostoli tradite fuerunt littere regis Galfrido Greyndeor, nuncio, deferende episcopo Wigorniensi in Francia.

Mandatum est vicecomiti Ebor' quod ab Alano de Buleford' accipiat salvos plegios quod sit coram justiciariis regis ad primam assisam, cum in partes illas venerint, ad standum recto de retto quo rettatus est per apellum Willelmi Delwe, probatoris regis, qui eum apellavit de societate latrocinii et qui se retraxit et suspensus fuit. Et interim eidem per plevinam predictam, si non sit utlagatus. pacem regis habere faciat. Et quod habeat ibi nomina plegiorum et hoc breve. Teste rege apud Sanctum Macarium xxj. die Julii.

[m. 4d.]

(Rex Galfrido Guacelyn partially erased). Mandatum est Galfrido Guacelin' quod statim visis litteris cum festinacione, una cum Segur' de Castro Novo, cui rex super hoc scripsit, eat usque Miremand', ad conducendum Reymundum de Bearn' cum x. militibus suis, Arn' Gars' de Fossat' cum suis, Willelmum Feriol' solum, Bonetum de Pinibus, clericum, solum, Rustann' de Solar' solum, Bern' de Tiurans solum, Willelmum de Langon' solum, Willelmum Reym' de Land' solum, Petrum de Mer, Garsiam de Tiurans solum, magistrum Willelmum scriptorem solum, usque Regulam in forma quam Radulphus de Bakepuz ei dicet ex parte regis; et in redeundo de Regula usque Mirmand'; et quod provideat quod bene sit armis munitus, prout viderit expedire. Et durant usque ad diem Dominicam per totam diem proximam post festum Sancti Petri ad Vincula; ita tamen quod non deferant secum aliqua victualia.
Idem mandatum est Segur' de Castro Novo in forma predicta. Et facte fuerunt postea patentes.

Mandatum est majori, juratis et communitati Burdegal' quod sint ad regem apud Regulam die Mercurii proxima post festum Beati Petri ad Vincula cum armis, balistis et omni gente sua.
Mandatum est P. Chacep', thesaurario, quod faceto modo et per quantam poterit cautelam ipsos inducat ad veniendum.
Idem mandatum est communitati de Burgo et de Sancto Emiliano quod sint ad regem die Martis post predictum festum.

Pro Thoma de Basing'.—Rex majori, vicecomitibus et aldermannis Lond', salutem. Ostendit nobis Thomas de Basing', qui stat in servicio nostro in Vasconia cum H. de Wengham, clerico nostro, graviter conquerendo, quod, cum ipse et uxor ejus optinuissent quandam domum in parochia de Colmanchurch' in Lond' ad terminum decem annorum per sufficiens instrumentum, Walterus le Furmager implacitavit coram vobis in husteng' vestro uxorem ipsius Thome nulla facta mencione de predicto Thoma; et licet dicta mulier excipiendo proposuit coram vobis se non debere inde respondere sine viro suo, vos tamen predicta excepcione non admissa ipsam mulierem, predicto Thome viro suo absente et in servicio nostro in Wasconia existente, de predicta domo eici decrevistis, ut dicit. Et quia idem Thomas habet protectionem nostram dum fuerit in servicio nostro, vobis precipimus quod, si ita est, tune predictam transgressionem eidem Thome sine dilacione faciatis emendari, ne amplius inde clamium audiamus pro defectu justicie. Teste in castris apud Girundam xxvj. die Julii.