Close Rolls, December 1237

Calendar of Close Rolls, Henry III: Volume 4, 1237-1242. Originally published by His Majesty's Stationery Office, London, 1911.

This premium content was digitised by double rekeying. All rights reserved.

'Close Rolls, December 1237', in Calendar of Close Rolls, Henry III: Volume 4, 1237-1242, (London, 1911) pp. 115-118. British History Online https://www.british-history.ac.uk/cal-close-rolls/hen3/vol4/pp115-118 [accessed 27 March 2024]

Image
Image
Image
Image

Close Rolls, December 1237

Mandatum est M. filio Geroldi, justiciario Hybernie, quod cum homines de Cestria sint in manu regis propria ipsos manuteneat et defendat non permittens quod eis de corporibus vel rebus suis dampnum inferatur aut gravamen. Et si velint emere bladum in Hybernia cariandum usque Cestriam id sine impedimento permittat. Teste rege apud Westmonasterium, viij. die Decembris.

Mandatum est assessoribus et collectoribus tricesime in comitatu Surr' quod occasione mandati domini regis de tricesima assidenda et colligenda manum non apponant ad burgum regis de Geldef' nec ad alia dominica regis in eodem comitatu. Et si quid inde ceperint id eis reddant. Teste apud Geldeford', xij. die Decembris.

Significatum est justiciariis de Banco quod Philippus le Granger venit coram rege apud Clarendon' die Mercurii proxima post festum Sancte Lucie et petiit sibi replegiari unum mesuagium cum pertinentiis in Oxonia quod captum fuit in manum regis pro defalta ipsius Philippi quam fecit in loquela que est coram predictis justiciariis inter Edytham que fuit uxor Ade de Guttyng', petentem, et ipsum Philippum, deforciantem, de rationabili dote etc. Teste apud Clarendon', xv. die Decembris.

[m. 22d.]

Mandatum est assessopribus et collectoribus tricesime in comitatibus suscriptis quod si aliquid restet colligendum de medietate tricesime que solvi debuit in crastino Sancti Andree proximo preterito illud sine dilatione colligi faciant, distringentes per vicecomites regis quibus rex idem mandavit omnes quos necesse fuerit pro arreragiis predictis. Et prefatam medietatem tricesime integre collectam sub salvo conductu quem prefati vicecomites eis habere facient cariari faciant usque ad loca suscripta. ita quod ibi sit diebus suscriptis et eam liberent inferius nominatis per tallias et rotulos continentes particulas et summam tricesime predicte. Et taliter in hoc negotio pros[equendo] se habeant quod grates speciales et condignas remunerationes inde habere debeant. Teste apud Clarendon'.

Mandatum est etiam vicecomitibus suscriptis quod omnes illos de comitatibus suis qui arreragia debent de medietate tricesime regis que reddi debuit in crastino Sancti Andree proximo preterito distringat ad arreragia illa sine dilatione reddenda secundum quod assessores et collectores eorundem comitatuum eis dicent. Teste ut supra.

Mandatum est etiam singulis vicecomitibus suscriptis quod assessoribus et collectoribus tricesime predicte in comitatibus suis salvum conductum habere habere(sic) faciant et cariagium inveniant ad cariandam medietatem tricesime regis quam jam pridem receperant usque ad loca suscripta ita quod sit ibi diebus suscriptis. Per breve de computabitur.

Norhumbrie Apud Notingeham in octabis Sancti Hyllarii, liberandam Johanni de Lexinton' et Petro Grimbaldo.
Cumberland'
Lancastr'
Westmeryland'
Eboraci
Lincoln'
Norhampt' Apud Turrim London' in octabis Sancti Hyllarii, liberandam majori Lond' et thesaurarius mittet ad hoc unum de suis.
Roteland'
Buk'
Bedeford'
Oxonie
Bercsyr'
Cornubie Apud Bristoll' in octabis Sancti Hyllarii, liberandam Johanni de Plesseto et Johanni Mansel.
Devonie
Sumers'
Dors'
Noting' Apud Notingham a die Sancti Hyllarii in quindecim dies, liberandam eis[dem] Johanni de Lexinton' et Petro Grymbaldo.
Dereb'
War'
Leycestr'
Stafford'
Salop'
Cantebrigie Apud Turrim London' a die Sancti Hyllarii in quindecim dies, liberandam eidem majoriet ei quem thesaurarius mittet.
Norf'
Suff'
Essex'
Hertford'
Cancia
Middelsex'
Surr'
Sussex'
Wiltys' Apud Bristoll' a die Sancti Hyllarii in quindecim dies, liberandam eisdem Johanni de Plesseto et Johanni Mansel.
Glouc'
Wyrecestr'
Suthampton'
Hereford'

Mandatum est custodi episcopatus Dunelmensis quod tricesimam quam assessores et collectores ejusdem in terris et libertatibus episcopatus Dunelmensis in wappentaccio de Sedbergh' et tricesimam quam assessores et collectores ejusdem infra Tynam et Teysam et in Bedlingtanesyr' et tricesimam quam assessores et collectores ejusdem in Norhamsyr' cariari facient per preceptum nostrum usque Dunelmum recipiat et sub sigillo illorum et per rotulos et tallias continentes summam et particulas ejusdem tricesime, salvo reponat in castro Dunelmi et custodiat donec rex aliud inde preceperit. Teste ut supra.

Mandatum est etiam eidem quod omnes illos de episcopatu Dunelmensi qui arreragia debent de medietate tricesime que reddi debuit in crastino Sancti Andree proximo preterito distringat ad arreragia illa sine dilatione reddenda secundum quod assessores et collectores ejusdem tricesime ei dicent. Teste ut supra.

Mandatum [est] assessoribus tricesime in terris et libertatibus episcopatus Dunelmensis in wappentaccio de Sedbergh' quod, si restat colligendum de medietate tricesime que reddi debuit in crastino Sancti Andree, illud sine dilatione colligi faciant distringentes per custodem ejusdem episcopatus cui hoc mandatum est omnes quos necesse fuerit pro arreragiis predictis, et prefatam medietatem integre collectam cariari faciant usque Dunelmum, liberandam ibidem eidem custodi et reponendam in castro Dunelmi sub sigillis vestris (sic) et per tallias et rotulos continentes particulas et summam illius tricesime et taliter se habeant in negotio illo etc. Teste ut supra.

Eodem modo scribitur In Ballia Cestr'.

assessoribus et collectoribus In Alvertunesyr'.
In Hogdonesyr'.

Hoc tamen addito quod isti duo sub salvo conductu et cum cariagio que idem custos eis habere faciet cariari facient tricesimam illam usque Eboracum, et inde sub salvo conductu et [cum] cariagio que vicecomes Eboraci eis inveniet in propriis personis eam cariari faciant usque Notingeham, liberandam ibidem Johanni de Lexinton' et Petro Grimbaldo et constabulario Noting' in octabis Sancti Hyllarii sub sigillis eorum per rotulos continentes particulas et summam tricesime predicte. Teste ut supra.

Eodem modo quo scribitur in ballia Cestr' scribitur assessoribus et collectoribus in ballia de Esington'.
Infra Tynam et Teyse et in Belington' syr'.
In Norhamsyr'.
Stocton'.
Derlington'.

Quia laboriosum esset assessoribus et collectoribus xxxme. in comitatu Wyltis' et aliis de eodem comitatu tricesimam usque Sarrisburiam deportare ad eam ibidem reponendam, sicut eis alias rex precepit, mandatum est eisdem quod non obstante mandato priori ipsam colligant et collectam reponant in castro Divisarum. Precepit enim rex constabulario ejusdem castri quod ad hoc faciendum liberum egressum (sic) et egressum habere permittat. Teste rege apud Wintoniam, xxvj. die Decembris.

[m. 21d.]

Dors'.—Prior Sancti Swythuni Wynton' atornavit Thomam de Wyntonia, clericum, versus abbatem de Cerne de divisis faciendis inter terras ipsius prioris in Wyk' et terram predicti abbatis in Radipol'.

Oxonia.—Willelmus de Englefeld' atornavit Johannem Dismars et Alanum de Englefeld versus Robertum de Anvers et Murielem uxorem ejus, Robertum de Chinham et Hawysiam uxorem ejus, de feodo unius militis in Shiplac.

Suthampt'.—Abbatissa Sancte Marie Wynton' que habet terram in Froile et Hugo de Wyngeham qui habet terram in la Welle posuerunt se in perambulationem inter predictas terras suas. Et habent inde breve. Teste ut supra.

Memorandum quod Andreas de Kardinan qui habet terras in Tywarnayl et decanus et capitulum Exonie qui habent terras in Lanideno posuerunt se in perambulationem inter terras predictas. Set non habent breve quia decanus non fuit presens. Habeant cum venerit ille decanus.

Dors'.—Prior Sancti Swythuni Wynton' atornavit fratrem Johannem de Basing', monachum suum, et Thomam de Wynton', clericum, versus abbatem de Cern' de divisis faciendis inter terras ipsius prioris in Wyk' et terras predicti abbatis in Radepol'.