Close Rolls, December 1239

Close Rolls, December 1239

De vino dato.—Mandatum est Willelmo de Haverhull' quod de vinis regis faciant (sic) habere Magistro Milicie Templi in Anglia unum bonum dolium vini contra festum suum ingressus nove ecclesie sue, de dono [nostro erased] regis. Teste rege apud Clarendon', iij. die Decembris.

Pro Magistro Milicie Templi.—Mandatum est H. de Pateshull' quod emi faciat quandam cuppam argenteam deauratam de precio v. marcarum et illam liberet Magistro Milicie Templi ad imponendum Corpus Domini. Teste rege apud Clarendon', vj. die Decembris.

De roboribus datis.—Mandatum est Ade Coc quod faciat habere abbatisse de Wilton' vj. robora ad focum suum in bosco de Gravel', de dono regis. Teste ut supra.

Mandatum est eidem Ade quod faciat habere Fratribus Minoribus Sarrisburie iiij. robora ad focum suum in bosco de la Bocholt', de dono regis. Teste ut supra.

Pro ecclesia Sarrisburie, de decima pannagii.—Mandatum est Engelardo de Cyg', constabulario de Windl', quod de tempore quo [habuistis erased] habuit hac vice custodiam foreste de Windl' satisfaciat ecclesie de Sarrisburia de arreragiis decime pasnagii quam habere debet, ne iteratus inde clamor ad regem debeat inde pervenire. Teste rege apud Clarendon', vij. die Decembris.
Eodem modo scribitur Reginaldo de Albo Monasterio de arreragiis ejusdem foreste de tempore quo habuit etc. ut supra.

De scindulis faciendis.—Mandatum est Johanni de Monem' quod in Nova Foresta faciat habere vicecomiti Wilt' x. quercus ad scindulas faciendas ad recooperiendum domos de Clarendon'. Teste ut supra.

De vinis cariandis.—Mandatum est custodibus vinorum Suhamt' quod de vinis de prisa que sunt in custodia sua liberari faciant quinque carectariis quos rex ad eos mittit cum v. longis carectis v. dolia vini carianda usque Clarendon' cum festinatione. Teste rege apud Clarend', viij. die Decembris.

Pro quodam mercatore Senensi.—Rex ad instantiam domini pape et petitionem W. electi Laodicensis, concessit quod corpus, catalla et mercandise Chace Cunte Kavelcan, arestata, in manum regis deliberentur. Mandatum est episcopo Wigorniensi quod corpus et catalla et mercandisas ipsius in custodia sua existentia, pro quo constituit se plegium, faciat deliberari. [Teste ut supra erased.] Sciturus quod rex quoad hoc ipsum et ecclesiam suam penitus dimittit absolutos [added].

Similiter mandatum est constabulario Turris Lond' quod archam suam sigillo signatam, quam poterit per sacramentum suum probare suam esse, et similiter ea in archa illa contenta sua esse, faciat deliberari.
Postea facte fuerunt patentes littere directe episcopo Wigorniensi.

De bremiis datis.—Mandatum est constabulario de Merleberg' quod faciat habere Magistro Simoni de Steyland' vj. matrices bremias in vivario de Merleberg' ponendas in vivario suo de Farendon'. Teste rege apud Clarend', ix. die Decembris.

Mandatum est Petro de Wakering' quod faciat habere Roberto de Muscegros x. matrices bremias in vivario de Taunton' ad vivarium suum instaurandum. Teste ut supra.

De damis datis.—Mandatum est Ricardo de Wrotham quod faciat habere Ricardo Lungespeye clerico duas damas de dono regis in foresta de Blakamor'. Teste ut supra.

De quercubus datis.—Mandatum est Johanni de Nevill' quod in foresta regis de Salceto faciat habere Paulino Peyvr' decem bonas quercus de dono regis. Teste ut supra.

De perdonatione, pro Nicholao Avenel.—Rex vicecomiti Wiltes,' salutem. Scias quod ad petitionem dilecti et fidelis nostri Hugonis de Vivon' perdonavimus Nicholao Avenel quinque marcas ad quas ammerciatus fuit coram justiciariis nostris ultimo itinerantibus in comitatu tuo ad placita foreste pro verberatione cujusdam forestarii. Et ideo tibi precipimus quod de predictis quinque marcis ipsum pacem habere permittas. Teste ut supra.

De quercubus datis.—Mandatum est Ricardo de Wrotham quod habere faciat Willelmo de Cantilupo decem quercus in foresta de la Blakemor', de dono regis. Teste ut supra.

De prestito sexties xx. et x. marcarum.—Mandatum est custodibus episcopatus Wintoniensis quod faciant habere fratri Andree priori Sancti Swithuni Wintonie sexies viginti et decem marcas de prestito usque ad Pentecosten anno etc. xxiiij. Teste rege apud Clarendon', xj. die Decembris.

De scutellis et aliis faciendis et mittendis usque Wintoniam.—Rex Hugoni de Pat', thesaurario suo, salutem. Mandamus vobis quod fieri faciatis ad opus nostrum decem scultellos et decem salseria argentea et unam cupam deauratam de precio centum solidorum vel decem marcarum, et quandam insulam de precio centum solidorum, et illa vobiscum deferatis ad nos usque Wintoniam contra festum Natalis Domini. Et cum custum inde sciverimus breve nostrum de Liberate vobis habere faciemus. Teste ut supra.

De vinis, pro Magistro S. Normanno.—Mandatum est custodibus vinorum Suhamt' quod de melioribus vinis captis ad opus regis, exceptis vinis de prisa regis, faciant habere Magistro Simoni de Steyland' vj. dolia vini pro eodem precio pro quo retenta fuerint ad opus regis. Teste rege apud Clarendon', xj. die Decembris.

De respectu.—Mandatum est baronibus de Scaccario quod de austurco qui exigitur de Huberto de Roylli per summonitionem Scaccarii respectum ei habere faciant usque ad octabas Sancti Hillarii anno etc. xxiiij. Teste ut supra.

De quercubus datis.—Mandatum est Roberto de Ros quod in foresta de Englewud' faciat habere Fratribus Predicatoribus Karleoli x. quercus ad fabricam ecclesie sue.

De cereis faciendis.—Rex thesaurario et camerariis suis, salutem. Mandamus vobis quod fieri facias ccc. cereos ponendos in ecclesia Beati Petri apud Westmonasterium die Sancti Edwardi, et totidem in die Natali Domini ponendos in eadem ecclesia, et c. cereos ponendos in capella Sancti Stephani die ejusdem Sancti, et c. cereos ponendos in capella Sancti Johannis in die ejusdem Sancti. Faciant etiam lambrescari cameram retro capellam regine et cameram privatam ejusdem camere, et lineari cameram predictam, et fiat quedam lista bene depicta cum imaginibus Domine et Angelorum cum turribulis sparsim in ipsa lista, et depingantur quatuor Ewangeliste in camera predicta. Fieri etiam faciant quoddam vas cristallinum ad reliquias nostras imponendas. Et cum sciverimus custum, breve nostrum de Liberate inde vobis habere faciemus. Teste. Teste ut supra (sic).

Pro Roberto de Pavylly.—Rex baronibus de Scaccario, salutem. Sciatis quod Philippus de Pavylly, frater Roberti de Pavylly, reddidit pro eodem Roberto fratri Galfrido, custodi garderobe nostre, per preceptum nostrum apud Waltham die Jovis proximo post festum Sancte Lucie anno regni nostri xxiiij., xx. marcas per quas idem Robertus finem fecit nobiscum ut a prisona nostra deliberaretur, qui quidem Robertus captus fuit et in prisona nostra detentus occasione transgressionis quam fecit erga nos de maritagio heredis Willelmi del Estr'. Et ideo vobis mandamus quod de illis xx. marcis ipsum Robertum quietum esse faciatis. Teste rege apud Waltham, xv. die Decembris.

De compoto fratris G. recipiendo.—Mandatum est baronibus de Scaccario quod in octabis Sancti Hyllarii anno xxiiij. recipiant compotum fratris G. de custodia warderobe a tempore quo ipse alias compotum suum coram rege reddidit de custodia predicta, ita quod compotus ejus de die in diem sine interruptione aut dilatione audiatur. Teste ut supra.

De tradendo in baillio.—Mandatum est vicecomiti Dors' quod si Radulfus le Bret et Ricardus le Bret, capti et detenti in prisona apud Ivelcestr' pro morte Radulfi de Holewell' de qua morte rettati sunt odio et atia, invenerint ei etc. tunc tradat eos in baillio etc. Teste ut supra.

De perdonatione.—Rex perdonavit abbatisse de Rumes' x. libras quas regi debet pro blado empto de [de] Paulino Peyvre et Th. de Newerc', custodibus episcopatus Wintoniensis. Mandatum est eisdem custodibus quod ipsam inde quietam esse faciant. Teste rege apud Waltham, xvj. die Decembris.

De tradendo in baillio.—Quia rex accepit per inquisitionem factam quod Johannes Hareng', captus et detentus in prisona de Ivelcestr' pro morte Radulfi de Halwewell', rettatus est de morte illa odio et atia, mandatum est vicecomiti Sumers' quod si predictus Johannes invenerit xij. liberos et legales homines etc., tunc tradat eum in baillium etc. Teste ut supra.

De cheveronibus capiendis.—Mandatum est Johanni Byset quod faciat habere constabulario de Corf lx. cheveronas (sic) in foresta de Blakemor' ad quandam cameram de novo faciendam in castro de Corf. Teste rege apud Waltham, xviij. die Decembris.

De compoto Johannis de Gatesden' recipiendo.—Mandatum est baronibus de Scaccario quod ex quo audierint compotum fratris Galfridi de custodia warderobe domini regis recipiant compotum Johannis de Gatesden' et Thome de Lek' de custodia warderobe domine regine de tempore quo habuerunt custodiam ejusdem warderobe, ita quod in compoto suo eis faciant allocari quicquid in litteris domini regis patentibus quas rex eis fieri fecit de quodam altero compoto continetur, et quod Robertus del Ho clericus ipsius Johannis admittatur ad respondendum pro eodem Johanne, ita tamen quod si quid regi per computationem illam debeatur prefatus Johannes regi inde plene respondeat. Teste ut supra.

Rex custodibus episcopatus Wintoniensis, salutem. Mandamus vobis quod habere faciatis Gerardo de Lambirsard' mil [. . . .] [Entry unfinished and erased.]

[Schedule.] Henricus Dei gratia rex Anglie, dominus Hibernie, dux Normannie, Aquitanie et comes Andegavie baronibus suis de Scaccario, salutem. Mandamus vobis quod de xv. solidatis terre cum pertinenciis in Hele in comitatu Devonie quas Willelmus filius Ricardi miles impignoraverat Ursello de Exonia, Judeo, et quas cepimus in manum nostram pro debito in quo idem Ricardus nobis tenebatur, et tradidimus aliquando ad voluntatem nostram Simoni de Brackel' pro xv. solidis per annum, et unde audivimus quod iterum cepistis illas in manum nostram, eidem Willelmo filio Ricardi quiete et sine dilatione plenariam seisinam habere faciatis, quia eidem Willelmo debitum illud in quo nobis tene batur pro predicto Judeo, qui se subtraxit pro felonia quam fecit, perdonavimus pro Deo et pro anima dilecti et fidelis nostri Henrici de Trublevill'. Teste me ipso apud Michildevr', xxvj. die Decembris.

De quercubus datis.—Mandatum est Johanni Byset quod faciat habere Magistro milicie Templi iij. quercus, scilicet unam in Werewud' et duas in bosco del Parc in foresta de Feckeham, de dono, Teste rege apud Waltham, xx. die Decembris.

Eodem modo scribitur eidem pro Willelmo de Ferrariis de vj. roboribus datis ad focum suum in foresta de Rokingeham.

[m. 18.]

Pro Imberto Pugeys.—Rex commisit Imberto Pugeys quamdiu regi placuerit terram de Girsech' quam Robertus de Pavylly habuit de baillio regis. Mandatum est vicecomiti Dors' quod de terra illa cum pertinentiis eidem Imberto sine dilatione saisinam habere faciat. Teste ut supra.

Pro Willelmo de Synago.—Rex concessit Willelmo de Synago custodiam terre et heredis Thome Testard' usque ad etatem ejusdem heredis una cum maritagio ejusdem, salvo Johanni de Gatesden' termino suo de terris quas predictus Thomas ei dimisit ad firmam in vita sua; et mandatum est vicecomiti Surr' quod de custodia predicta et herede predicto saisinam eidem Willelmo habere faciat sicut predictum est. Teste ut supra.

Pro priore Sancti Swithuni Winton'.—Mandatum est custodibus episcopatus Wintoniensis quod xvij. libras sterlingorum quas receperunt de exitibus berton' tempore quo prioratus Wintoniensis vacans fuit et in manu regis, et adhuc restant reddende priori ejusdem loci, sine dilatione reddi faciant. Teste rege apud Micheldevr'. xxiiij. die Decembris.

Rex baronibus de Scaccario, salutem. Allocate Simoni de Norwico [. . . .] [Entry unfinished and erased.]

De xv. capellanis perquirendis.—Mandatum est Hugoni de Pateshull', thesaurario suo, quod querere faciat xv. capellanos tam apud Oxoniam quam alibi ad celebrandum divina per unum annum pro anima W. electi Valentini, et singulis eorum habere faciat l. solidos pro stipendiis suis super quo rex faciet ei habere breve suum de Liberate. Teste rege apud Rading', xxviij. die Decembris.

De tradendo in baillio.—Mandatum est vicecomiti Sussex' quod si Martinus de Slindon' et Benedictus de Slindon', capti et detenti in prisona Cantuariensis archiepiscopi pro morte Rogeri Coci, qui de morte illa non sunt culpabiles secundum inquisitionem inde factam, invenerint xij. liberos et legales homines etc., tunc eos tradat etc. Teste ut supra.

De quercu data.—Mandatum est Engelardo de Cygoyny quod faciat habere fratri Willelmo, capellano capelle de Caveresham, j. quercum in foresta de Windl' ad scindulas faciendas ad ipsam capellam cooperiendam.

Pro Thoma de Stratton'.—Mandatum est [vicecomiti Noting' erased] omnibus etc. quod Thomam (sic) de Stratton', qui est forestarius de feodo in comitatu Norhumbrie et coronator ejusdem comitatus, non ponatur in assisis, juratis, vel recognitionibus [Teste ut supra erased] quamdiu fuerit forestarius et coronator ejusdem comitatus [added].
[Marginal note] Postea facte fuerunt patentes.