Close Rolls, April 1240

Close Rolls, April 1240

De quercubus datis.—Mandatum est Ricardo de Muntfichet quod faciat habere Willelmo de Say duas quercus in baillia sua, de dono regis. Teste rege apud Westmonasterium, primo die Aprilis.

De baconibus vendendis.—Mandatum est Warnero Engayne quod in propria persona accedat ad castrum de Noting' et vendi faciat per visum constabularii ejusdem castri bacones in eodem castro, ita quod denarios inde provenientes salvo reservari faciat ad larderium ibidem contra festum Sancti Martini restaurandum. Teste ut supra.

De quercubus datis.—Mandatum est Roberto de Ros quod in foresta de Shirewud' faciat habere Magistro Petro de Burdeg', clerico domini legati, xx. quercus, de dono regis. Teste rege apud Westmonasterium, ij. die Aprilis.

De armis Henrici de Trublevill'.—Mandatum est constabulario Bristoll' quod omnia arma que fuerunt Henrici de Trublevill' et que Ricardus de Desert et Radulfus le Page ei liberabunt, ab eis recipiat per cyrographum inde inter eos confectum, et ea salvo custodiat donec rex aliud inde preceperit. Teste rege apud Westmonasterium, iij. die Aprilis.

De vinis capiendis.—Mandatum est Willelmo de Haverhull' quod de vinis illis que nuper applicuerunt apud London' capiat ad opus regis quater xx. bona dolia vini, et ea poni faciat in celario apud Westmonasterium. Teste rege ut supra.

Hybernia.—Mandatum est M. filio Geroldi, justiciario Hybernie, quod totam pecuniam quam perquirere poterit de exitibus terre Hybernie ducat secum in adventu suo usque London'.

De vinis vendendis.—Mandatum est constabulario de Notingham' quod, retentis ad opus regis sex de melioribus et fortioribus doliis vini rubei, residua vina que sunt in castro de Noting' vendi per manus Henrici Kute et Hugonis le Bel et denarios inde provenientes salvo custodiri faciat ad alia vina inde emenda ad nundinas Sancti Botulfi. Teste rege apud Keniton', iiij. die Aprilis.
Et mandatum est predictis Henrico et Hugoni quod intendentes sint ad predicta vina vendenda. Teste ut supra.

Pro abbatissa de Lacoc.—Mandatum est Johanni Biset, justiciario foreste, quod habere faciat abbatisse de Lacok' duas quercus in foresta de Chipenham, de dono regis. Teste rege apud Windeshour', iiij. die Aprilis.

De quercu data.—Mandatum est Engelardo de Cygoyny quod faciat habere Roberto de Bercamested' unam quercum in foresta de Windl', de dono. Teste ut supra.

De cableicio colligendo.—Mandatum est custodibus domorum suarum de Wudestok' quod cableicium prostratum in parco de Wudestok' colligant et salvo reponi faciant donec rex aliud inde preceperit. Teste ut supra.

[m. 13.]

De perdonatione.—Rex perdonavit Gerardo Talebot l.s. quos exigit ab eo de relevio pro morte matris sue de feodo de Kynemereton' quod habet ex dono predicte matris sue. Et mandatum est Ricardo de la Lad' quod ipsum inde quietum esse faciat. Teste rege apud Windl', v. die Aprilis.

Pro abbate de Evesham.—Mandatum est Willelmo Pippard', baillivo de Fekeham, quod faciat habere abbati de Evesham vj. matrices bremias in vivario de Fekeham de dono, ad vivarium suum de Evesham instaurandum.

De cheveronibus.—Mandatum est Ricardo de Wrotham quod faciat habere constabulario de Corf l. [copulas erased] cheverones ad magnam cameram ejusdem castri reedificandam. Teste rege apud Rading', viij. die Aprilis.

Pro Magistro Willelmo pictore.—Rex contulit Magistro Willelmo pictori officium pictarie prioratus Sancti Swithuni Winton' ratione episcopatus Wintoniensis vacantis et in manu regis existentis. Et mandatum est priori Sancti Swithuni Winton' quod de officio illo cum liberationibus ad idem officium pertinentibus saisinam ei habere faciat donec rex ad partes illas venerit. Teste ut supra.

De placito namii vetiti.—Rex concessit Engelardo de Cygoyun' quod in manerio de Bensynton' quod habet de concessione regis ad vitam suam teneat placitum de namio vetito contra vadium et plegium sicut consuevit unacum omnibus aliis placitis que consueverunt teneri in eodem manerio. Et mandatum est vicecomiti Oxon' quod ipsum super hoc non impediat. Teste ut supra.

De quercubus datis.—Mandatum est constabulario de Grosmund' quod faciat habere abbati de Gratia Dei iiij. quercus, et parrochianis ecclesie de Grosmund' iiij. quercus ad reparandam ecclesiam de Grosmund', de dono. Teste ut supra.

De baconibus vendendis.—Rex constabulario castri Noting', salutem. Precipimus tibi quod per visum vj. legalium hominum de villa de Notingeham' vendi facias omnes bacones nostros in castro predicto, et denarios inde provenientes tradi facias Warnero Engaine reservandos ad lardarium nostrum in eodem castro contra festum Sancti Martini, anno xxv. restaurandum. Teste rege apud Westmonasterium, xiiij. die Aprilis.

Mandatum est constabulario castri de Noting' quod per visum vj. legalium hominum de villa de Noting' vendi faciat omnes bacones regis in castro predicto, et denarios inde provenientes tradi faciat Warnero Engaine reservandos etc. ut supra.

Pro Fratribus Predicatoribus Cantebr'.—Quia rex accepit per inquisitionem quam fieri fecit quod si concederet quod vicus ille qui jacet ex australi parte proximus ecclesie Fratrum Predicatorum de Cantebr' includeretur in augmentationem cimiterii eorum, dum tamen predicti fratres de fundo suo proprio in longitudine et latitudine relinquerent in recompensationem vici predicti, non cederet in dampnum ville de Cantebr' set potius commodum ville predicte afferret, mandatum est vicecomiti Cantebr' quod de fundo proprio predictorum fratrum, tanto retento in recompensationem illius quantum ille vicus contingit in longitudine et latitudine qui debet includi, permittat fratres predictos vicum illum in augmentationem cimiterii sui claudere sicut voluerint. Teste rege apud Westmonasterium, xviij. die Aprilis.

De quercubus datis.—Mandatum est constabulario Noting' quod in haya de Bescwud' faciat habere Alvredo de Sulyny, ad maeremium inde faciendum, sex quercus, de dono regis. Teste ut supra.

Pro Eustachio de Pyham.—Mandatum est R. de Lexinton' et sociis suis, justiciariis itinerantibus in comitatu Linc', quod cum Eustachius de Pyham, captus pro malo retto, coram eis venerit, ipsum aliud judicium subire non permittant nisi quod, recepto ab eo sacramento quod nullum malum vel dampnum per eum regno Anglie eveniet, faciant eum regnum Anglie secundum consuetudinem Anglie abjurare, quod quidem rex ei concessit ad instantiam regine et Thome, comitis Flandrie. Teste rege apud Westmonasterium, xviij. de Aprilis.

Pro monachis Sancte Trinitatis Cantuarie.—Rex vicecomiti Kancie, salutem. Quia dilecti nobis in Christo monachi ecclesie Christi Cantuarie questi sunt nobis quod tu ingrederis feoda eorum aliter quam facere deberes secundum inquisitionem nuper a te factam per preceptum nostrum, tibi precipimus quod monachos ipsos teneas in eodem statu in quo teneri debentur per predictam inquisitionem donec aliud inde preceperimus. Teste ut supra.

De terminis habendis.—Rex concessit Ade Vinetar' quod de duodecim marcis ad quas ammerciatus fuit coram justiciariis suis ultimo itinerantibus apud Norht' solvat inde sex marcas ad festum Sancte Trinitatis anno regni sui vicesimo quarto, et alias sex marcas ad festum Sancti Hilarii proximo sequens. Et mandatum est vicecomiti Norht' quod terminos ipsos ipsum Adam habere permittat. Teste rege apud Kenynton', xxj. die Aprilis anno eodem.

De attornato recipiendo.—Mandatum est baronibus de Scaccario quod Willelmum Hay loco Johannis de Pless' recipiant ad compotum reddendum pro ipso Johanne de tempore quo fuit vicecomes comitatus Oxonie. Teste ut supra.
Idem mandatum est de Petro, clerico Johannis filii Galfridi, pro eodem Johanne de comitatu Glouc'. Teste ut supra.

Wasconia.—Mandatum est Huberto, senescallo Wasconie, quod Rusteng' de Solariis plenam administrationem habere faciat de omnibus bonis et catallis que fuerunt Henrici de Trublevill' in Wasconia ad debita ipsius Henrici acquietanda. Teste rege apud Westmonasterium, xxiij. die Aprilis.

De vino dato.—Mandatum est custodibus vinorum apud Westmonasterium quod faciant habere fratri Galfrido j. bonum dolium vini de vinis suis. Teste rege apud Keninton', xxiiij. die Aprilis.

De maeremio.—Mandatum est Johanni de Nevill' quod faciat habere Waltero de Burgo maeremium extra parcum de Geitinton' ad mutas de Geitinton' reparandas. Teste apud Windl', xxv. die Aprilis.

De manerio de Bensinton'.—Mandatum est vicecomiti Oxonie quod permittat Engelardum de Cygoyny tenere manerium de Bensinton' cum hundredis ad idem manerium pertinentibus et omnibus libertatibus et liberis consuetudinibus quibus idem Engelardus usus est a tempore quo predictum manerium cum hundredis tenuit de baillio nostro. Teste ut supra.

De maeremio capiendo.—Mandatum est Ricardo de Wrotham quod in foresta regis de Blakedon' permittat Aviciam uxorem Nicholai de Bolevill' capere maeremium in bosco ipsorum Nicholai et Avicie de Blakedon' per visum ipsius vel aliorum forestariorum ad reedificandum quandam domum que combusta est in manerio de Blakedon'. Teste apud Windl', xxv. die Aprilis. Per S. de Segrave.

De arreragiis xxx^e. inrotulandis.—Mandatum est baronibus de Scaccario quod id quod Ricardus de Clifford', Willelmus de Wig', clericus, et Thomas Longus testabuntur coram eis se recepisse de arreragiis tricesime regis per preceptum regis de comitatibus Dors', Sumers', Glouc', Wilt', Heref' et Devon', inrotulari faciant et secundum eorum testimonium, cum milites predictorum comitatuum et a quibus predicta arreragia receperint coram eisdem baronibus inde compotum reddiderint, receptam predictam eis allocari faciant predictis Ricardo, Willelmo et Thome ex quo eorum testimonium inrotulari fecerint. Teste ut supra.

Pro priore de Sanderford'.—Mandatum est custodibus episcopatus Wintoniensis quod faciant habere priori de Sanderford' xx. quarteria frumenti apud Cler' ad sustentationem ipsius prioris et canonicorum suorum, de dono nostro. Teste rege apud Rading', xxvij. die Aprilis.

De quodam rogo faciendo.—Mandatum est constabulario Windl' quod capi faciat in foresta de Windl', ubi capi poterit ad minus nocumentum ejusdem foreste, ad faciendum unum rogum ad operationes in castro de Windl'. Teste rege apud Walingef', xxviij. die Aprilis.

Pro Galfrido Dispensario.—Mandatum est vicecomiti Warewic' quod omnes terras et tenementa que Petronilla que fuit uxor Galfridi le Salvag' tenuit in dotem de hereditate Galfridi le Salvag' junioris, cujus custodia ad regem pertinet ratione terrarum quas idem Galfridus de rege tenere debet in capite, in manum regis capiat et liberari faciat Galfrido Dispensario, cui rex concessit custodiam ipsius Galfridi et terrarum predictarum usque ad legittimam etatem ipsius Galfridi. Teste ut supra.
Eodem modo scribitur vicecomiti Wigorn'.

Pro priore Thefford.'—Mandatum est justiciariis itinerantibus in comitatu Suff' quod omnes loquelas motas coram eis versus priorem Thefford' postquam iter arripuit eundi in nuncium regis ad curiam Romanam, quod quidem iter arripuit ad festum Purificationis Sancte Marie anno xxiiij., ponant in respectum usque ad octabas Sancti Michaelis. Teste ut supra.

Pro abbate Abbendon'.—Mandatum est Engelardo de Cygoyny quod permittat abbatem Abbendon' capere in bosco suo de Hurst', qui est in foresta de Windl', xx. quercus ad faciendum inde maeremium ad stalla sua in choro suo facienda. Teste rege apud Abbendon', xxix. die Aprilis.