Close Rolls, November 1239

Close Rolls, November 1239

1239.

[m. 21d.]

Mandatum est justiciariis de Banco quod non obstante eo quod baillivi de Wich' protulerunt cartam J. regis, de villa de Wich' de rege tenenda ad firmam, justiciam exhibeant tam baillivis illis quam priorisse de Westwud' in contentione mota coram eis quare baillivi predict ceperunt thelonium et alias consuetudines ab ipsa priorissa in villa de Wich' contra libertates suas. Teste rege apud Wudestok', iij. die Novembris.

[m. 20d.]

Norf'.—Hawysia uxor Roberti de Chynham attornavit Willelmum de Chynham contra Willelmum de Englefeld' de terra in Bynetr'.

Oxonia.—Hawisia predicta attornavit eundem Willelmum contra eundem Willelmum et Alanum Basset de medietate feodi dimidii militis in Shyplak'.

Hereford'.—Abbas de Cormeylles, tenens, attornavit Nicholaum de Cantilupo, monachum suum, et Willelmum de Capella, monachum suum, versus abbatem de Glouc' de manerio de Kyngeston'.

Rex etc. Thome de Langel', salutem. Monstraverunt nobis homines nostri de Wodestok' quod cum ipsi tanquam de caro manerio nostro intendentes esse debeant custodi suo et respondentes, tu eos attachiari facis ad veniendum ad swonymotum tuum et ab eis exigis chyminagium et consuetudines quas facere non debent nec consueverunt. Et ideo tibi precipimus quod, cum ipsi et eorum bona nostra sint ad voluntatem nostram, pacem eis habere permittas de omnibus attachiamentis et demandis, et nos in proximo adventu nostro ad partes illas secundum quod coram nobis ostendere poteris, tibi habere faciemus quicquid in predicto manerio de jure habere debetis. Teste, etc.

[m. 19d.]

Rex vicecomiti Kancie, salutem. Quia pro certo audivimus quod E. Cantuariensis archiepiscopus, ad exheredationem nostram et grave prejudicium corone et dignitatis nostre nuper accessit personaliter usque Maydenestan' et nobis invitis, appellantibus et prohibentibus, ibidem locum ubi ecclesiam prebendalem construere proposuit benedixit, assignando loca in quibus construenda sunt edificia canonicorum, tibi precipimus firmiter injungentes in fide qua nobis teneris quod per totam balliam tuam clamari facias et firmiter super vitam et menbrum prohiberi ne aliqua persona laica de operatione quam dictus archiepiscopus construere proposuit in aliquo, ligna vel lapides carriando vel aliquid auxilium vel consilium prestando sive operando, se intromittat. Et si aliquem laicum contra hanc prohibitionem nostram inveneris aliquid attemptantem, corpus ipsius capias et in prisona nostra salvo custodias donec aliud inde tibi preceperimus, taliter hoc preceptum nostrum executurus ut si te in hac parte neggligentem audierimus, ad te nos graviter capere debeamus tamquam precepti nostri contemptorem. Teste rege apud Clarend', xxiiij. die Novembris. Per ipsum regem et consilium suum.