Close Rolls, April 1241

Close Rolls, April 1241

De quercubus datis.—Mandatum est custodibus archiepiscopatus Cantuariensis quod in bosco de Harewes faciat (sic) Thome de Newerk' sex quercus, de dono regis. Teste rege apud Westmonasterium, j. die Aprilis.

Pro Roberto de la Haye.—Mandatum est baronibus de Scaccario quod loco Roberti de la Haye, vicecomitis Buk' et Bedeford', qui est unus justiciariorum in diversis comitatibus, recipiant Johannem le Deveneys ad respondendum pro eo ad Scaccarium de hiis que ad predictos comitatus pertinent quamdiu fuerit in itinere predicto. Teste ut supra.

Pro pluribus deliberandis a prisona.—Hugo de Vivon', Herbertus filius Mathei, Emery de Sacy, Radulfus de Sancto Amando, Robertus de Bosco, Alexander Cleuril, Galfridus de Rupis, Johannes de Cormeyll, Johannes filius Mathei, Johannes de Kernet, Alvredus de Linc', Reginaldus de Cunte, Patriccius de Chaurces, et Thomas de Venoyz, manuceperunt habendi Nicholaum Lipping' coram rege in octabis Clausi Pasche ubicumque tunc fuerit ad standum recto si quis versus eum loqui voluerit de quadam medleta mota ad nundinas Sancti Botulfi. Et mandatum est custodi gaiole de [Flet substituted for Neugat'] quod ipsum a prisona ita deliberari faciat. Teste ut supra.
De damis datis.—Mandatum est Johanni filio Nigilli quod permittat Johannem de Pless' capere vj. damas in foresta de Brehull' ad opus suum, de dono regis. Teste ut supra.

Pro Willelmo de Bello Campo.—Rex concessit Willelmo de Bello Campo, vicecomiti Wigorn', quod Laurencius de Wendleswurth' quod (sic) pro eo possit respondere ad Scaccarium de hiis que ad predictum comitatum pertinent quamdiu regi placuerit. Et mandatum est baronibus de Scaccario quod predictum Laurencium loco predicti Willelmi ad hoc recipiant. Teste rege apud Westmonasterium, ij. die Aprilis.

De liberatione data.—Rex dedit Radulfo de Eyden', valetto de butilleria regis, liberationem trium obolorum per diem quam Willelmus de Vendom', quondam nuncius regis, percipere consuevit per manum vicecomitis Glouc' de elemosina regis constituta. Et mandatum est baronibus de Scaccario quod eidem Radulfo liberationem predictam habere faciant. Teste ut supra.

De inhundredo de Basingstok'.—Quia per inspectionem carte hominibus de Basingestok' de eodem manerio confecte et etiam ex testimonio fidedignorum qui custodiam comitatus Sudht' quondam habuerunt regi constat quod inhundredum de Basingestok' ad predictum manerium pertinet nec aliquo tempore fuit ab eodem separatum, et similiter quia manerium illud regine assignatum est in dotem, mandatum est vicecomiti Sudht' quod occasione prioris mandati de forincecis hundredis de Aulton' et Basingestok' per se custodiendis, ad predictum inhundredum de Basingestok' manum non apponat, et si quid inde receperit, id ballivis ejusdem manerii reddi faciat. Teste ut supra.

De damis datis.—Mandatum est Johanni Byset quod faciat habere Baldewino de Ripariis iiij. damas in Nova Foresta, de dono regis. Teste rege apud Westmonasterium, iij. die Aprilis.

Pro Roberto de Salopia.—Quia Robertus de Saloppia, detentus in prisona de Neugat', quando captus fuit, fuit inventus in habitu clericali, rex concessit H. Coventrensi et Licheffeldensi episcopo, quod a predicta prisona liberetur; et mandatum est custodi gaiole de Neugat' quod ipsum a prisona deliberet. Teste ut supra.

Pro Rogero Crump'.—Willelmus de la Bere, Henricus Printe, manuceperunt habendi coram rege Rogerum Crump, in octabis Clausi Pasche, ad respondendum inde si quis loqui voluerit inde versus eum, clericum captum et detentum in prisona pro quadam medleta facta ad nundinas Sancti Botulfi. Et mandatum est custodi gaiole de Flet' quod ipsum a prisona deliberet. Teste ut supra.

Pro Olivero le Especer et Willelmo le Blund.—Eodem modo scribitur eidem pro Olivero le Especer, Willelmo le Blu[n]d, et Radulfo le Blu[n]d, quos Ricardus Leyrey, major Wintonie, Nicholaus Kipping, Henricus le Macecreu, Ricardus de Lavinton', Henricus Prince, Ricardus Brian', Johannes Alvred', Johannes Oysun, Willelmus Shelvemel', Walterus Coleman, Johannes le Schamberleng', Willelmus le Especer, Petrus Westman, Henricus Priour, Andreas Beubelet, Brianus de Garstret', cives Wintonie, Walterus Adrian, et Galfridus de Wintonia, cives Lond', manuceperunt etc. ut supra.

Pro Willelmo Chubbe.—Mandatum est constabulario Turris Lond' quod distringat Judeos subscriptos ad reddendum Willelmo Jubbe arreragia que ei debent de l. marcis quas ei promiserunt pro puerperio regine, videlicet Jacobum Crespin, pro viij.s. x.d. ob., Aaron filium Abrahe pro xxxv.s., Benedictum Crespin pro lij.s. ij.d., Aaron filium Isac, cyrograffarium, pro iiij.s. vj.d. ob., et Joceum filium Abrehe pro iiij.s. x.d. ob. Teste rege apud Westmonasterium, iiij. die Aprilis.

Pro Huberto Huse.—Mandatum est hominibus de Andevr' quod de c.l. annuis de firma ville vestre (sic) Huberto Huse amodo intendentes sint et respondentes sicut prius inde ei respondere consueverunt. Teste ut supra.

Pro Willelmo de Mortuo Mari.—Rex concessit Willelmo de Mortuo Mari quod de ij. partibus manerii de Sculeton' habeat eandem seisinam quam habuit de manerio illo quando vicecomes Norf' illud cepit in manum regis ea occasione quod datum fuit regi intelligi quod predictus W. intruserat se in idem manerium post mortem W. quondam comitis Warenn', salvo jure cuilibet. Et mandatum est eidem vicecomiti quod de ij. partibus predicti manerii eidem W. seisinam habere faciat. Teste rege apud Westmonasterium, vj. die Aprilis.

Pro Beatricia de Fay.—Quia iiij. librate terre desunt Beatricie de Fay in comitatu Sussex' de xx. libratis terre que ei debuissent assignate fuisse in comitatibus Sussex' et Surr' ad sustentationem suam, mandatum est vicecomiti Surr' quod preter xx. libratas terre que eidem Beatricie assignate sunt in comitatu suo, iiij. libratas terre ei assignari faciat in comitatu suo ad perficiendum predictas iiij. libratas que ei desunt in comitatu Sussex'. Teste ut supra.

Pro abbate de Cyrencestria.—Rex ballivis suis de Cocham et de Baye (sic), salutem. Precipimus vobis quod permittatis abbatem de Cyrencestria habere talem seisinam de una fago singulis annis in bosco nostro de Cocham percipienda, et communa pasture in Cocham et Braye qualem habere consuevit tempore domini J. regis etc. et aliorum antecessorum nostrorum et nostro usque ad tempus quo Walterus de Burgo habuit custodiam predictorum maneriorum qui predictum abbatem inde pro voluntate sua disseisivit. Teste ut supra.

De quodam dextrario commisso Hugoni de Vivon'.—Mandatum est Huberto Huse quod de dextrariis quos habet ad opus regis liberet meliorem Hugoni de Vivon' custodiendum ad opus regis. Teste ut supra.

Pro Johanne Marescallo et uxore ejus.—Quia magis esset ad commodum regis quam ad dampnum, ut per inquisitionem accepit, si redderet Johanni Marescallo et Lecie uxori ejus lx. acras terre in Lechton' quas G. Marescallus fecit claudi fossato dum habuit in custodia sua honorem de Aquila, mandatum est vicecomiti Sussex' quod de ipsis lx. acris predictis Johanni et uxori ejus seisinam habere faciat. Teste ut supra.

De damis datis.—Mandatum est Waltero de Denford' quod permittat Robertum de Marisco capere xv. damas in foresta de Wichewud' ad opus Petri de Sebaudia, de dono regis. Teste ut supra.

Pro Roberto Malur'.—Mandatum est vicecomiti Hereford' quod faciat habere Roberto Malur' iiij. quercus quas emit in parco de Wibbel' tempore W. de Lacy, de dono regis. Teste ut supra.

Pro Magistro Petro phisico.—Mandatum est constabulario de Ponte Fracto quod talem seisinam habere faciat Magistro Petro phisico de decimis molendinorum de Knottingle, Rothewell', Went, et del Flet' et aliorum pertinentium ad prebendam suam quam habet in castro de Pontefracto qualem predecessor suus, qui proximo ante ipsum prebendam illam tenuit, inde habuit. Teste rege apud Westmonasterium, vj. die Aprilis.

De vinis regi reddendis.—Mandatum est ballivis de Roffa quod reddant regi vina que ei debent, et ea liberent constabulario Roffe deponenda in celario ibidem. Teste ut supra.
Et mandatum est eidem constabulario etc.

Pro abbate de Stratford'.—Mandatum est custodibus operationum Turris Lond' quod permittat (sic) abbatem de Strafford' emere petram in civitate Lond' ad operationes ecclesie sue si sine impedimento predictarum operationum Turris Lond' possit fieri. Teste ut supra.

De roboribus datis.—Mandatum est Ricardo de Munfichet quod faciat habere abbati de Stratford' iiij. robora in forinseco bosco extra parcum de Havering', de dono regis. Teste ut supra.

Pro Galfrido de Nevill'.—Rex vicecomiti Linc', salutem. Ostensum est nobis ex parte Galfridi de Nevill' quod occasione precepti nostri quod tibi fecimus de seisina facienda Matheo Bezel de custodia terrarum quas Rogerus de Notton' tenuit de J. de Lacy, quondam comite Linc', tu seisinam fecisti eidem M. de j. carucata terre cum pertinentiis in Silkeston' quam idem Rogerus tenuit de prefato Galfrido et unde idem Galfridus habuit custodiam post mortem prefati Rogeri. Et ideo tibi precipimus quod, si ita est, tunc prefato Galfrido de prefata carucata terre cum pertinentiis seisinam habere facias, et si quid inde receptum fuerit ei reddi faciat. Teste rege apud Westmonasterium, viij. die Aprilis.

De vinis datis.—Mandatum est camerario regis Lond' quod de vinis que sunt in custodia sua faciat habere sacriste Westmonasteriensi j. dolium vini, de dono regis. Teste ut supra.

De perdonatione.—Rex perdonavit priori de Monasterio Ederoso xx.s. qui exiguntur ab eo per summonitionem Scaccarii pro quodam dolio vini quod emit de celario regis de Clarendon', et mandatum est vicecomiti Wilt' quod ipsum inde pacem habere permittat. Teste ut supra.

De quercubus datis.—Mandatum est Willelmo de Kasingham quod faciat habere Fratribus Predicatoribus Cantuarie xx. quercus ad constructionem ecclesie sue, de dono regis. Teste rege apud Westmonasterium, xj. die Aprilis.

Pro Godefrido de Gamages.—Mandatum est Johanni de Munemue quod talem seisinam habere faciat Godefrido de Gamages qualem rex fecit Willelmo de Gamages, patri suo, quando castrum Matillidis firmavit. Teste ut supra.

De vinis datis.—Mandatum est camerario regis Lond' quod faciat habere Roberto Passelewe j. dolium vini, de dono regis. Teste ut supra.

Pro priorissa de Karhowe.—Rex baronibus suis de Scaccario, salutem. Sciatis quod perdonavimus priorisse de Karhowe xl.l. que exiguntur ab ea per summonitionem Scaccarii nostri occasione manerii de Wroxham quod tenet de dono Margerie de Cresy. Et ideo vobis mandamus quod ipsam inde quietam esse faciatis. Teste me ipso apud Westmonasterium, xj. die Aprilis.

De quercubus datis.—Mandatum est Johanni Byset quod faciat habere Poncio de Pontibus xx. quercus in foresta de Brehull', et x. quercus in foresta de Wichewud' ad maeremium, de dono regis. Teste ut supra.

De quibusdam a prisona deliberandis.—Mandatum est vicecomiti Kancie quod si Ricardus Dranek', Johannes Amfrey, Willelmus in the Brik', Alexander le Veautrer, Alanus le Forester, Ricardus Frelaund', Adam Walensis, Adam Berghes, Goman le Hert, Walterus Bolle et Gervasius Sefoul, quos cepit pro fractione parci de Otteford' et captione bestiarum in eodem, invenerint ei salvos plegios ad standum inde recto coram justiciariis ad primam assisam etc., tunc ipsos a prisona qua detenti sunt ita deliberari faciat, et habeat coram prefatis justiciariis nomina plegiorum et hoc breve.

De roboribus datis.—Mandatum est custodibus archiepiscopatus Cantuariensis [quod faciant habere] Fratribus Predicatoribus Cantuarie iij. robora ad focum s um ubi ad majorem utilitatem eorum capi poterunt. Teste ut supra.

Pro Geva que fuit uxor Roberti de Monasteriis.—Jeva que fuit uxor Roberti de Monasteriis, habet licentiam transfretare ad partes Normannie ad dotem suam ibidem recuperandam. Teste rege apud Westmonasterium, xiij. die Aprilis.

Pro priore de Merton'.—Mandatum est vicecomiti Surr' quod omnia retia eorum quos invenerit piscantes in ballia sua in aqua Tamisie ante gurgitem prioris et conventus Merton' in Braynford', quem habent de dono predecessorum regis, aliter quam piscari consuevit temporibus eorundem et a tempore quo gurgitem illum habuerunt de dono eorundem, capi et arestari faciat ita quod nullo modo sine precepto regis deliberentur. Teste ut supra.
Eodem modo scribitur vicecomiti Midelsex'.

Pro Johanne Alardi.—Mandatum est ballivis de Winchels' quod, non obstante mandato quod ei fiebat de balistis et armis que fuerunt H. de Trublevill' et sunt in custodia Johannis Alardi arestandis, permittat (sic) ipsum Johannem de balistis et armis memoratis facere quod voluerit quia rex ipsum de balistis et armis predictis quietum clamat. Teste rege apud Westmonasterium, xiiij. die Aprilis.

[m. 10.]

De perdonatione.—Rex perdonavit Willelmo de la Lunde c.s. de prestito ei facto de thesauro regis per H. de Pateshull', tunc thesaurarium nostrum (sic), et quos ab eo barones de Scaccario exigunt per summonitionem Scaccarii; et mandatum est eisdem baronibus quod ipsum inde quietum esse faciant. Teste rege apud Westmonasterium, xvj. die Aprilis.

Rex eisdem, salutem. Liberate de thesauro nostro Symoni, capellano Sancti Stephani Westmonasteriensis, et Willelmo, capellano Sancti Johannis Westmonasteriensis, l.s., videlicet utrique illorum xxv.s. pro stipendiis suis a Pascha anno etc. xxv. usque ad festum Sancti Michaelis anno eodem. Et eidem capellano dimidiam marcam pro stipendiis clerici sui et ad lumen inveniendum in capella nostra per idem tempus; et tribus capellanis ministrantibus in tribus capellis nostris apud Westmonasterium lxv.s. pro stipendiis suis per idem tempus. Teste ut supra. [Cancelled] Quia in rotulo de Liberate.

De tradendo in ballio.—Mandatum est vicecomiti Eboraci quod si Gilbertus de Sumton', qui rettatus est de morte Roberti Bondemani, invenerit ei xij. liberos etc. qui eum manucapiant etc., tunc eum tradat etc. Teste ut supra.

De tradendo in ballio.—Rex vicecomiti Essex', salutem. Quia per inquisitionem quam a te fieri precepimus accepimus quod Willelmus Bernard', Alexander filius Godwini, Alexander de Aula, Bartholomeus filius Pagani, Willelmus le Kemer, Petrus Molendinarius, Willelmus le Godeng', Willelmus le Paumer, Adam le Paumer, Johannes le Paumer, Gerardus filius Eylwini, Adam filius Martini, Willelmus de la Uxn', Willelmus Priston', Willelmus Pirell', Henricus filius Godwini, Johannes le Fevr', Aldwinus Bon', Ricardus le Pestur, Galfridus Bayser, Willelmus Hod', Morganus le Rus, Adam le Provost, capti et detenti in prisona nostra de Colecestria pro morte Roberti Trenchnot', unde Beatricia quondam uxor ipsius Roberti eos appellat, appellati sunt de morte illa odio et atya et non eo quod culpabiles inde sint, et quod Willelmus Simekin, Robertus Scot et Henricus Starling', de morte illa culpabiles sunt, tibi precipimus quod si singuli eorum invenerint tibi duodecim liberos et legales homines qui eos manucapiant habere coram justiciariis nostris ad primam assisam, cum in partes illas venerint, ad standum inde recto, tunc quemlibet eorum prefatis xij. tradas in baillium, sicut predictum est, et habeas ibi nomina eorum qui eos ceperint in ballium, et hoc breve. Teste ut supra.

Pro Fratribus Minoribus.—Mandatum est Willelmo de Haverhull', thesaurario, quod Fratres Minores qui celebraturi sunt capitulum suum provinciale Lond' ad hoc festum Pentecostes procuret in vigilia Pentecostes pro ipso rege, et in die Pentecostes pro regina, et in crastino Pentecostes pro pueris regis, provisurus quod singulis trium dierum habeant tria fercula et vinum, et quod eis faciat habere unam navatam busce, de dono regis, et cum rex scierit custum faciet fieri breve suum de Liberate. Teste rege apud Westmonasterium, xx. die Aprilis.

De quercubus datis.—Mandatum est constabulario de Windles' quod faciat habere Sibille de Huntingfeld' unam fagum et ij. quercus in foresta de Windles', de dono regis. Teste ut supra.

Pro Johanne Gubaud'.—Mandatum est baronibus de Scaccario quod Johanni Gubaud' qui assignatus est ad tallagium assidendum in dominicis in comitatibus Norht', Buk', Bedeford', Cantebr', Huntindon', Norf', et Suff', talem terminum prefigant ad compotum suum reddendum de tempore quo habuit custodiam comitatus Cestrie quod ad eundem terminum reddere possit compotum suum de tallagio quod modo assidet. Teste rege apud Windles', xxiiij. die Aprilis.

De denariis ponendis in Turri Lond'.—Mandatum est thesaurario et camerariis quod pecuniam quam Radulfus de Gymell', Radulfus de Arraz, Ricardus Aurifaber, et Adam le Jofne receperunt per manum Johannis le Gyw de bonis Symonis Normanni venditis, et quam eis liberabunt per preceptum regis, deponi faciant in Turri Lond'. Teste ut supra.

Et mandatum est predictis Radulfo, Radulfo, Ricardo, et Ade quod omnes denarios quos per manum Johannis le Gyw receperunt de bonis predicti Symonis apud Farendon', deferant Lond' liberandos ibidem thesaurario et camerariis predictis.

Pro H. de Vivon'.—Rex concessit H. de Vivoni' custodiam terrarum que fuerunt Willelmi le Chaumberleng' que de rege tenuit in capite usque ad legitimam etatem heredum ipsius Willelmi. Et mandatum est vicecomiti Glouc' quod de omnibus terris que fuerunt predicti Willelmi in balliva sua eidem H. seisinam habere faciat. Teste rege apud Windles', xxv. die Aprilis.

De distrinctione ad compotum reddendum.—Mandatum est vicecomiti Ebor' quod distringat Adam de Hilton' ad reddendum Stephano de Meyny in pleno comitatu suo rationabilem compotum de tricesima collecta per manum predicti Ade de omnibus feodis archiepiscopatus Cantuariensis in predicto comitatu de qua predictus Stephanus debuit per manum suam ad Scaccarium respondisse et nondum respondit per defectum predicti Ade. Teste ut supra.

De vinis datis.—Mandatum est custodibus vinorum regis apud Windles' quod faciant habere Engelardo de Cygoyny unum dolium vini, de dono regis. Teste ut supra.

Pro Saero filio Philippi.—Rex cepit homagium Saeri filii et heredis [Willelmi erased] Philippi de Preterwell' de terris quas idem Philippus tenuit de honore predicto (sic), et mandatum est custodi honoris de Relegh' quod de omnibus terris et tenementis que fuerunt predicti Philippi et de quibus seisitus fuit ut de feodo die quo obiit et que predictum Saerum jure contingunt heredetarie in balliva sua, ei plenam seisinam habere faciat. Teste ut supra.

De quercubus datis.—Mandatum est ballivo de Clere le Evesk' quod faciat [habere] priori de Theford' xx. quercus in boscho competentes ad maeremium inde faciendum, de dono regis, cum branchiis et omnium earum quercuum escaetis. Teste ut supra.

De brockettis cervorum capiendis.—Mandatum est Petro de Horton' quod permittat Philippum de Candevr' et Johannem le Fol capere duos brockettos cervorum ad informandum canes regis in foresta de Chetel'. Teste rege apud Wind', xxvj. die Aprilis.

De quercubus ad cindulas faciendas.—Mandatum est custodibus episcopatus Wintoniensis quod in boscis de Weregrave faciant habere Magistro Symoni carpentario xxx. quercus ad cindulas faciendas ad opus regis. Teste ut supra.

De perdonatione.—Rex perdonavit Magistro Johanni de Sandon', coco de dinario regis, unam scultellam argenteam pondere xxvj.s. et ix.d. quam casu fortuito amisit in dedicatione ecclesie Sancti Pauli Lond'. Et mandatum est Willelmo de Burgo, clerico de garderoba regis, quod ipsum inde quietum esse permittat. Teste rege apud Keninton', xxvj. die Aprilis.

De tradendo in ballio.—Quia rex accepit per inquisitionem quod Beatricia que fuit uxor Roberti Trenchnote appellat Willelmum de Burton', captum et detentum in prisona de Colecestria, de morte predicti Willelmi odio et atia et non eo quod inde culpabilis sit, mandatum est vicecomiti Essex' quod si predictus Willelmus invenerit ei etc. qui eum manucapiant etc., tunc eum tradas (sic) etc. Teste rege apud Westmonasterium, xxvij. die Aprilis.

De tailagio ponendo in respectum.—Mandatum est Warnero Engaine et sociis suis, assignatis ad dominica tallianda in comitatibus Notingham et Dereby, quod in maneriis Boleshovr', Maummefeld', Osewurdeboc', et in sokis eorundem maneriorum, que quidem maneria Henricus de Hasting' habet in tenanciam pro parte sua honoris Cestr', nullum tallagium assideant ad presens donec aliud inde a rege habuerint mandatum. Teste ut supra.

De tailagio in villa de Scardebur' omittendo.—Quia, ut rex audivit, villa de Scardeburg' talliata fuit quando civitas regis de Eboraco talliata fuit, mandatum est Warnero Engaine et sociis suis quod ad presens nullum tallagium assideant super villam predictam. Teste ut supra.

Pro Fratribus Predicatoribus Oxon'.—Mandatum est Willelmo de Eboraco et sociis suis, justiciariis itinerantibus apud Oxoniam, quod xv. marcas ad quas Isabella Bolebec, comitissa Oxonie, amerciata fuit coram eis in itinere predicto, faciant habere Predicatoribus Oxon', de dono regis, in auxilium fabrice ecclesie sue. Teste rege apud Westmonasterium, xxviij. die Aprilis.

Pro hospitali de Ospring'.—Mandatum est baronibus de Scaccario quod occasione debiti quod Matheus le Blund, quondam civis Lond', regi debuit et quod exigitur a terris que fuerunt ipsius Mathei per summonitionem Scaccarii, non distringant domum que fuit ipsius Mathei in Lond' quam rex in puram elemosinam dedit hospitali de Hospring', set debitum predictum exigi faciant ab aliis terris que fuerunt predicti Mathei [quia domum predictam a debito predicto penitus rex vult esse exoneratam erased]. Teste ut supra.

Et mandatum est vicecomitibus Lond' quod occasione debiti predicti non distringant domum predictam. Teste ut supra.

Rex dedit fratri Nicholao recluso liberationem duorum denariorum quam Johannes Blundus, quondam nuncius regis, percipere consuevit indie de elemosina regis constituta, ad se sustentandum in obsequio divino. Et mandatum est baronibus de Scaccario quod eidem recluso liberationem predictam habere faciant. Teste ut supra. [Cancelled] Quia prius datum fuit alii.

De tradendo in ballio.—Quia rex accepit per inquisitionem quam fieri fecit quod Robertus de Mungumery, captus et detentus in prisona Exonie pro morte Alicie uxoris Thome de Meynbo, unde predictus Thomas eum appellat, appellatus est de morte illa odio et atia etc., mandatum est vicecomiti Devon' etc. quod si predictus Robertus invenerit ei etc. qui eum manucapiant etc. Teste rege apud Westmonasterium, xxix. die Aprilis.

De bosco ad quendam rogum faciendum.—Mandatum est Roberto de Ros quod permittat constabularium de Notingham capere boscum ad quandam (sic) rogum faciendum in foresta de Shirewud', ubi melius viderit expedire et ad minus nocumentum foreste predicte, ad operationes castri de Notingham, et quod permittat eundem constabularium querere quareram et discooperire terram in eadem foresta ubi non est vestita quercu ad operationes ejusdem castri. Teste ut supra.

De quercubus datis.—Mandatum est custodibus episcopatus Wintoniensis quod faciant habere Magistro Henrico de Secusia xij. quercus in bosco de Merdon' ad reparationem domorum Sancte Crucis Wintoniensis que sunt in custodia ejusdem Henrici, cum omnibus branchiis et omnium earundem quercuum excaetis. Teste ut supra.

De perdonatione.—Rex perdonavit Willelmo de Hay evasinem (sic) Gilberti de Wicumb', latronis, a prisona regis Oxonie; et mandatum est Willelmo de Eboraco et sociis suis, justiciariis itinerantibus in comitatu predicto, quod ipsum inde quietum esse faciant. Teste ut supra.