Close Rolls, September 1241

Close Rolls, September 1241

De placea in Wallia firmanda.—Rex J. Extraneo, salutem. Sciatis quod bene placet nobis quod firmetis placiam illam quam providistis firmandam, et de quingentis marcis quas vobis dimisimus capiatis expensas tam ad placiam illam firmandam quam ad solidandum gentem nostram quamdiu durant, et cum ille quingente marce defecerint capiatis expensas ad hoc sexcentas marcas quas ad hoc dimisimus in custodia abbatis Cestrie et constabularii nostri et prepositi ejusdem ville. Et volumus quod tota gens quam nunc habetis remaneat vobiscum et si necesse fuerit majorem gentem capiatis. Teste rege apud Cestriam, iiij. die Septembris.

[m. 4.]

De damis datis.—Mandatum est Waltero de Deneford' quod faciat habere Willelmo Mauduit ij. damos in foresta de Rokingham, de dono regis. Teste rege apud Cestriam, iij. die Septembris.

De terris seminandis.—Mandatum est vicecomiti Suff' quod per visum servientum Willelmi de Cantilupo et Vitalis Engayne excoli et seminari faciat terras dominicas manerii de Becmundefeld de exitibus ejusdem manerii, ita quod de eodem manerio nichil amoveatur donec rex aliud inde preceperit. Teste ut supra.
Et mandatum est abbati de Sancto Edmundo quod permittat.

De damis datis.—Mandatum est vicecomiti Hereford' quod faciat habere P. Herefordensi episcopo, iiij. damos in parco de Wybbel', de dono regis. Teste rege apud Cestriam, ut supra.

De cervis datis.—Eodem modo scribitur Ade Cok' de ij. cervis in foresta de Graveling' datis Huberto Hus'.

De damis et cervis datis.—Eodem modo scribitur Roberto de Ros quod faciat habere Rogero Bertram ij. damos et viij. damas in foresta Norhumbr', de dono regis, ad quendam parcum suum instaurandum, de dono regis. Teste ut supra.
Eodem modo scribitur constabulario castri Porecestrie quod faciat habere Hereberto filio Mathei v. damos in foresta de Porestria, de dono regis. Teste ut supra.

Eodem modo scribitur Ricardo Strecch quod faciat habere Thome, comiti Warr', iiij. damos in foresta de Fecham, de dono regis. Teste ut supra.
Eodem modo scribitur Ricardo de Wrotham quod faciat habere Roberto de Tregoz iij. cervos in Munedep', de dono regis. Teste ut supra.

De prisonibus Wallensibus in Turrim Lond' recipiendis.—Mandatum est constabulario Lond' quod Griffinum filium Lewel' et alios prisones quos rex ad eum mittit per Johannem de Lexinton', Willelmum de la Lunde et Willelmum de Trublevill' ab eis recipiat et eos in prisona regis salvo custodiri faciat. Teste ut supra.

De vinis datis.—Mandatum est custodibus vinorum regis apud Salopiam quod faciat (sic) habere Fulconi filio Warini j. dolium vini, de dono regis. Teste ut supra.

Pro M. uxore G. Marescalli.—Quia blada de Crendon' que rex assignavit Margerie uxori G. Marescalli ad sustentationem suam sunt vendita, mandatum est vicecomiti Sussex' quod eidem Margerie blada de Boseham assignari faciat. Teste ut supra.
[Cancelled] Quia mutatum fuit breve ut patet inferius.

De cervis datis.—Mandatum est Johanni et Philippo, venatoribus regis, quod de venatione regis quam ceperunt faciant habere Johanni de Pless' iiij. cervos, de dono regis. Teste rege apud Darenhal' v. die Septembris.

De vinis datis.—Mandatum est vicecomiti Hereford' quod de vinis regis que habet in custodia sua faciat habere Th. capellano regis, cancellario Hereford', unum dolium boni vini, de dono regis. Teste ut supra.

De dote I. quondam uxoris Gilberti Basset.—Rex vicecomiti Suthampton', salutem. Scias quod de terris que fuerunt Gilberti Basset assignavimus Isabelle que fuit uxor ipsius Gilberti, nomine dotis sue, maneria subscripta, videlicet in comitatu tuo manerium de Mapeldouerwell'; et in comitatu Wilt' maneria de Cumpton', Bradeton', Saltharp', Winterburn'; et in comitatu Surr' Woking' et Sutton'; et in comitatu Buk' iiij. libratas redditus de molendino de Wycumb'. Et ideo tibi precipimus quod de predicto manerio de Mapeldouerwell' eidem Isabelle seisinam habere facias. Teste ut supra.
Eodem modo scribitur vicecomiti Wilt' de seisina ei facienda de maneriis de Cumpton', Bradeton', Saltharp', et Winterburn'.
Et vicecomiti Surr' de seisina ei facienda de maneriis de Woking' et Sutton'.
Et vicecomiti Buk' de seisina ei facienda de iiij. libratis redditus de molendino de Wycumb'.

Pro M. comitissa Penbrok'.—Mandatum est vicecomiti Buk' quod si blada de Crendon' non fecerit habere M. comitisse Penbrok', que fuit uxor G. comitis Marescalli, tunc hoc significet vicecomiti Sussex' cui rex mandavit quod in recompensacionem illorum bladorum faciat habere eidem comitisse blada de Boseham. Teste ut supra.
Et mandatum est vicecomiti Sussex' quod, si predictus vicecomes hoc significet ei, tunc etc. Teste ut supra.

Wallia.—Rex Johanni Extraneo, salutem. Cum in convencionibus factis inter nos ex una parte et David filium Lewelini ex altera contineatur quod idem David nobis reddet terram de Mohaud et seisinam omnium terrarum occupatarum super barones nostros Marchie a principio guerre mote inter dominum J. regem, patrem nostrum, et ipsum L., vobis mandamus quod tam terram de Mohaud quam omnes terras alias occupatas tempore predicto saisiatis in manum nostram, et, retenta in manu nostra terra de Mohaud, seisinam aliarum terrarum occupatarum reddatis baronibus quorum terre ille fuerunt, denunciantes eis quod sint apud Lond' ad diem prefixum predicto David et Griffino fratri suo, videlicet in crastino quindene Sancti Michaelis, ad respondendum predicto David super proprietate earundem terrarum. Vos autem interim excindi et prosterni faciatis boscos ubi necesse fuerit ad bonos et latos passus faciendos sicut tranquillitati regni nostri videritis expedire, taliter in hiis vos habentes quod ex eo merito possitis commendari. Teste ut supra.

De cervis et capreolis datis.—Mandatum est custodi foreste Cumberl' quod faciat habere W. Carleolensi episcopo, v. cervos et iij. capreolos in foresta de Cumberland', de dono regis. Teste rege apud Novum Castrum subtus Limam, vj. die Septembris.

De prebendis datis.—Rex contulit Magistro Petro, phisico regine, prebendam que fuit Henrici de Noting' in castro de Ponte Fracto, et prebendam que fuit ipsius Magistri P. in eodem castro contulit dominus rex Willelmo de London', capellano ipsius regine, vacantes et ad donationem regis spectantes ratione terrarum que fuerunt J. quondam comitis Linc' in custodia regis existentium. Et mandatum est constabulario de Ponte Fracto quod predictos magistrum P. et W. per procuratores suos mittat in corporalem possessionem predictarum prebendarum. Teste rege apud Novum Castrum subtus Limam, vj. die Septembris.

De damis datis.—Mandatum est Ade de Periton' quod in foresta de Braden' faciat habere H. comiti Hereford', xvj. damas et iiij. damos, de dono regis. Teste ut supra.

Pro fratribus hospitalis Cestrie.—Rex concessit fratribus hospitalis Sancti Johannis Cestr' quod possint construere quandam capellam ultra portam de Foryate, et mandatum est J. Extraneo, justiciario Cestr', quod fratres ipsos capellam illam construere permittat. Teste rege apud Heywud', vij. die Septembris.

De boscis comitatus Cestr'.—Mandatum est justiciario Cestr' quod omnes boscos de comitatu Cestr', quorumcunque bosci illi fuerint, teneri faciat et custodiri in tali statu quali teneri et custodiri consueverunt tempore Ranulfi, quondam comitis Cestr', ita quod aliter non vastentur per essartam vel alio modo quam fieri consuevit tempore predicto. Teste ut supra.

Pro Gileberto de Wudechurch'.—Mandatum est eidem justiciario quod inquiri faciat si Gilebertus de Wudechurch' deciderit in paupertatem occasione firme quam de rege tenet invitus, ut dicit, de manerio de Shotewich', et ea occasione jus suum hereditarium vendiderit, et rei veritatem regi scire faciat et interim de demanda firme pacem ei habere permittat. Teste ut supra.

De uno damo dato.—Mandatum est Roberto de Aundely quod in parco de Gillingeham faciat habere Theobaldo de Englechevill' unum damum, de dono regis. Teste rege apud Lichesfeud, ix. dei Septembris.

De damis datis.—Mandatum est Willelmo May, venatori regis, quod in foresta de Rokingham capiat iij. damos et eos liberet Radulfo de Sancto Sampsone, de dono regis. Teste ut supra.

De vinis datis.—Mandatum est custodibus vinorum regis apud Westmonasterium quod de vinis regis que sunt in custodia sua faciat habere uxori Bernardi de Sabaudia unum dolium vini, de dono regis. Teste ut supra.

De damis datis.—Mandatum est Ricardo Strech quod in ballia sua faciat habere Willelmo de Bello Campo duos damos, de dono regis. Teste ut supra.
Mandatum est custodi foreste de Rokingh' quod in eadem foresta faciat habere Willelmo de Ferariis iiij. damos, de dono regis. Teste rege apud Shitestok', x. die Septembris.
Mandatum est Ricardo de Wrotham quod in foresta de Selewud' faciat habere Roberto de Cornenay iiij. damos, de dono regis. Teste rege apud Kenilwurth', xj. die Septembris.

De fustis datis.—Mandatum est constabulario de Sancto Briavello quod faciat habere Roberto de Mucegros x. fusta in ballia de Ruwardin, de dono regis. Teste rege apud Wudestok', xiij. die Septembris.

De j. damo dato.—Mandatum est Ricardo de Wrotham quod faciat habere Philippo de Columbariis j. damum in foresta de Recchiche, de dono regis. Teste ut supra.

Pro N. de Bolevill'.—Rex perdonavit Nicholao de Bolevill' vij. marcas que ab eo exiguntur per summonitionem Scaccarii de quodam amerciamento. Et mandatum est barronibus de Scaccario quod ipsum inde quietum esse faciant. Teste rege apud Wroxstan, xij. die Septembris.

Et mandatum est vicecomiti Devonie quod ipsum inde quietum esse permittat. Teste ut supra.

Pro Radulfo de Sancto Amando.—Rex vicecomiti Oxon', salutem. Scias quod cepimus homagium Radulfi de Sancto Amando, filii et heredis Amauricii de Sancto Amando, de terris quas idem Amauricius tenuit de nobis in capite, et relevium suum inde ei perdonavimus. Et ideo tibi precipimus quod de omnibus terris que fuerunt predicti Amauricii in ballia tua, et unde fuit seisitus ut de feodo die quo iter peregrinationis arripuit versus Terram Sanctam, eidem Radulfo plenam seisinam habere facias. Teste rege apud Abbendon', xiij. die Septembris.
Eodem modo scribitur vicecomiti Devonie. Teste ut supra.
Eodem modo scribitur justiciario Hybernie de terris et tenementis que habuit in Hybernia.

De nundinis Winton' prorogendis (sic).—Mandatum est Paulino Peyvre et J. de Gatesden', custodibus episcopatus Wintoniensis, quod has nundinas Winton' anno etc. xxv. prolongent usque in crastinum Sancti Mathei anno eodem. Teste ut supra.

De coronatore.—Mandatum est vicecomiti Kanc' quod, loco Bartholomei de Badenesmer' qui propter servicium domini regis officio coronatoris non potest intendere, eligi faciat alium coronatorem qui prestito etc.

Geresy.—Quia Drogo de Barentin recognovit coram rege quod Willelmus Sale et Ranulfus Warini sunt heredes Willelmi de Walle, consanguinei sui, de tribus acris terre cum pertinentiis quas idem Willelmus tenuit in parochia Sancti Laurencii, quam quidem terram idem Drogo in manum regis cepit eo quod Philippus de Albiniaco, dum fuit custos insularum, seisinam fecit predicto Willelmo de Valle de predicta terra sine precepto regis, mandatum est ballivo de Geres' quod de predictis tribus acris terre cum pertinentiis predictis Willelmo Sale et Ranulfo seisinam habere faciat. Teste ut supra.

De tradendo in ballio.—Mandatum est vicecomiti Oxon' quod si Robertus atte Wud', captus et detentus in prisona regis apud Oxoniam pro transgressi[o]ne foreste, invenerit ei sex legales homines qui eum manucapiant habere coram justiciariis nostris proximo itineraturis ad placita foreste in comitatu suo ad standum inde recto, tunc etc. Teste ut supra.

[m. 3.]

Pro hominibus Wygornie.—Mandatum est custodi vinorum regis apud Wenlok' quod tria dolia vini que sunt in custodia sua faciat habere hominibus Wygornie in partem solutionis vinorum que rex ab eis cepit apud Wygorniam cum ultimo ibidem fuisset. Teste rege apud Walinford', xv. die Septembris.
Eodem modo scribitur custodi vinorum regis apud Kideministr' de duobus doliis vini regis que sunt in custodia sua eisdem hominibus liberandis. Teste ut supra.

Eodem modo scribitur custodibus vinorum suorum apud Salopiam de x. doliis vini regis que sunt in custodia sua eisdem hominibus liberandis. Teste ut supra.

De villa Wintonie.—Mandatum est custodibus episcopatus Wintoniensis quod, non obstante eo quod rex precepit nundinas Sancti Egidii prorogari ulterius quam teneri consueverunt, permittant ballivos Wintonie capere consuetudines de mercandisis venientibus ad villam suam ad eandem claudenham, sicut rex eis per litteras patentes concessit. Teste ut supra.

Pro Willelmo de Hayes.—Quia rex accepit per inquisitionem quod terra que fuit Ricardi filii Mathei qui pro felonia abjuravit regnum regis in Quenton extitit in manu regis per unum annum et unum diem, et quod terram suam tenuit de Willelmo de Hayes in capite, mandatum est vicecomiti Norhampt' quod de eadem terra ei seisinam habere faciat. Teste ut supra.

Pro Philippo de Ascell'.—Mandatum est barronibus de Scaccario quod loco Philippi de Ascell' recipiant Henricum de Belegrave, clericum suum, ad conpotum pro ipso reddendum de comitatibus Warr' et Leyc' de quarta parte anni etc. xxiiij., et de toto anno regni etc. xxv., eo quod idem Philippus ita lesus est quod ad presens ad Scaccarium residere non potest.

De quercubus datis.—Mandatum est Roberto de Everingham quod faciat habere priori de Shelford' x. quercus in foresta de Shirewud' ad fabricam ecclesie sue, de dono regis. Teste rege apud Windles', xix. die Septembris.

Pro H. de Pudrinton' (sic).—Mandatum est vicecomiti Oxon' quod si Henricus de Pudricot', quem tenet incarceratum pro transgressione foreste, fecerit ei securitatem ad standum inde recto coram justiciariis ad placita foreste cum in partes illas venerint, tunc ipsum per plevinam deliberet. Teste ut supra.

Pro Gerardo de Lindes'.—Mandatum est vicecomiti Warr' quod non distringat Gerardum de Lindeseye ad solvendum regi majus relevium quam pertinet ad tantam terram quantam tenet in manu sua, quoniam feoda alienata que pertinent ad baroniam suam pro residuo relevii pertinentis ad baroniam suam rex bene distringi faciet. Teste ut supra.

De damis datis.—Mandatum est W. de Deneford' quod in foresta de Rokingham faciat habere W. de Cantilupo, senescallo regis, v. damos, de dono regis. Teste rege apud Windles', xvij. die Septembris.
Mandatum est eidem quod faciat habere Stephano Lungespeye vj. damas et ij. damos in Bernewud' ad instaurandum parcum suum de Gatesden', de dono regis. Teste ut supra.

De Johanne Andree et plegios suos distringendos (sic).—Mandatum est constabulario de Windles' quod distringat Johannem filium Andree et plegios suos ad xxx. marcas regi sine dilatione reddendas que arretro sunt de l. marcis quas regi reddidisse debuit ad festum Sancti Johannis Baptiste anno etc. xxv., et securitatem ab eodem Johanne recipiat de residuis l. marcis quas regi debet reddendis ad festum Sancti Michaelis anno eodem. Et de eisdem xxx. marcis habere faciat Thome Pictori de Certes', qui facit ymagines regis ad capellam de Windles', x. marcas et residuos denarios liberari faciat custodibus operationum de Windles' ad easdem operationes. Teste rege apud Windles', xix. die Septembris.

De bladis de Crendon'.—Mandatum est vicecomiti Buk' quod venditionem bladorum et aliorum catallorum pertinentium ad manerium de Crendon' ponat in respectum usque in xv. dies a festo Sancti Michaelis anno etc. xxv. Teste ut supra.

Pro hospitali de Hospring'.—Rex vicecomiti Kanc', salutem. Monstravit nobis custos hospitalis nostri de Hospring' quod cum Thomas Bukerel assignasset eidem hospitali vj. libratas redditus in Delze in tenanciam quousque eidem hospitali assignaret imperpetuum vj. marcatas terre in eadem villa, tu occasione mortis prefati Thome illas vj. libratas redditus una cum manerio de Delze cepistis (sic) in manum nostram. Et ideo tibi precipimus quod, si ita est, de prefatis vj. libratis redditus eandem seisinam habere facias prefato hospitali qualem habuit tempore prefati Thome, nec de ipsis vj. libratis redditus in aliquo decetero te intromittas. Teste rege apud Westmonasterium, xx. die Septembris.

Pro Roberto de Maris.—Rex commisit Roberto de Maris terram in Esseby cum pertinentiis quam Willelmus de Albo Monasterio tenuit ad se sustentandum in servicio regis quamdiu regi placuerit. Et mandatum est vicecomiti Norhampton' quod eidem Roberto de eadem terra plenam seisinam habere faciat. Teste ut supra.

De cereis faciendis.—Mandatum est Edwardo filio Odonis quod cc. et. l. libras cere, quas vicecomites Lond' ei liberabunt, ab eis recipiat et de eis fieri faciat quingentos cereos ponendos in ecclesia Beati Petri Westmonasteriensis in festo Sancti Edwardi post instans festum Sancti Michaelis anno etc. xxv. Teste ut supra.

Wasconia.—Rex Rustano de Solariis, senescallo Wasconie, salutem. Sciatis quod concessimus Willelmo Gumbaud' de Paveng', civi nostro Burdegale, quod una cum domo illa quam habet de concessione nostra in Burdegala habeat domum illam quam Johannes le Barbur tenuit in eadem villa, et xxx. solidos Burdegalenses quos homines parochie Sancti Christoferi de Blays nobis debent, quamdiu nobis placuerit. Et ideo vobis mandamus quod de predictis domo et xxx. solidis Burdegalensibus plenam seisinam ei habere faciatis. Teste rege apud Westmonasterium, xxij. die Septembris. Et regi scire faciat valorem domorum et reddituum.

Pro abbatissa de Godestowe.—Rex ballivis suis de Wudestok', salutem. Sciatis quod concessimus abbatisse de Godestowe quod habeat decimam de venatione nostra quam capi faciemus apud Wudestok' infra parcum et extra, sicut habere consuevit. Et ideo vobis precipimus quod prefate abbatisse decimam ipsam habere faciatis, sicut predictum est. Teste ut supra.

De coronatore eligendo.—Mandatum est vicecomiti Kanc' quod loco Johannis de Belewe eligat unum coronatorem qui prestito sacramento etc. ex tunc faciat et conservet ea que ad coronam regis pertinent in hundredo de Middilton', et talem eum etc. Teste rege ibidem, xxiiij. die Septembris.

De damis datis.—Mandatum est W. de Deneford' quod xx. bonos damos de melioribus de venatione quam habet salitam in custodia sua tradi faciat uxori [sic vicecomiti ?] Norht' cariandam quo rex ei precepit ad opus [P. de Sabaudia erased] Th. comitis Flandrie. Teste ut supra.

Pro W. Norwicensi episcopo, et hominibus suis.—Mandatum est vicecomiti Norf' et Suff' quod homines W. Norwicensis episcopi, quos cepit vel capi fecit, ubicumque capti fuerint vel detenti per preceptum regis quod rex ei fecit occasione alicujus contentionis mote inter dominum regem et ipsum episcopum, eidem episcopo per plevinam dimittat et a prisona deliberet una cum terris et catallis suis que occasione predicta in manum regis cepit, nullam decetero sine speciali precepto regis eidem episcopo vel hominibus suis injuriam vel molestiam inferendo. Teste rege apud Westmonasterium, xxv. die Septembris.

De roboribus datis.—Mandatum est Willelmo Luveret quod in ballia sua faciat habere Fratribus Minoribus Sarisburiensibus vj. robora et ea liberari faciat vicecomiti Wiltes' carianda usque domum suam de Sarisburia. Teste ut supra.

De vinis datis.—Mandatum est custodibus vinorum regis Lond' quod de vinis que sunt in custodia sua faciat (sic) habere fratri Johanni Elemosinario unum dolium boni vini, de dono regis. Teste ut supra.

De Judeis.—Mandatum est W. de Haverhull' quod scire faciat omnibus vicecomitibus qui Judeos habent in ballia sua quod omnes Judeos de ballia sua qui manuceperunt solvere regi tallagium suum una cum uxoribus et infantibus suis habeant London' a die Sancti Michaelis in unum mensem ad respondendum regi de arreragiis tallagii sui et quare tallagium illud non solverunt terminis statutis, sicut manuceperunt, et omnia catalla ipsorum capiant in manum regis et salvo custodiant donec rex aliud inde preceperit. Teste rege apud Westmonasterium, xxvj. die Septembris.

De dote assignanda.—Mandatum est vicecomiti Berk' quod, assumptis secum Willelmo de Englefeld' et Alano de Farnham, in propria persona sua accedat ad terram que fuit Roberti Achard et de terra illa Hawisie, que fuit uxor ejusdem Roberti, rationabilem dotem suam assignari faciant. Et mandatum est predictis Willelmo et Alano quod ad diem quem eis scire facies, vicecomes, quod ad hoc faciendum venient. Teste ut supra.

Pro W. de Fortibus.—Mandatum est vicecomiti Kanc' quod, non obstante aliquo precepto ei prius facto de manerio de Derteford' retinendo in manu regis post mortem W. quondam comitis Albemarl', talem seisinam habere faciat W. de Fortibus, filio et heredi predicti comitis, de predicto manerio cum pertinentiis qualem idem comes inde habuit die quo obiit. Teste ut supra.

Pro Fratribus Predicatoribus.—Rex majori et civibus Eboraci, salutem. Quia utilitati et tranquillitati Fratrum ordinis Predicatorum prospicere affectamus quatenus hoc facere possumus absque prejudicio alieno, vobis mandamus quatinus de placea que est juxta domum ipsorum Fratrum in civitate vestra, que fetida est valde ut dicitur, et cujus fetor in ora ipsorum ascendit unde iidem multum gravantur, tantum habere faciatis quantum cum indempnitate ejusdem civitatis habere possunt et sine prejudicio alieno et sine eo quod aliquid decidat de firma civitatis predicte. Teste ut supra.

Hybernia.—Mandatum est M. filio Geroldi, justiciario Hybernie, quod, accepta bona securitate a Willelmo Crok' de indempnitate regis, tunc eidem Willelmo de villa de Crokeneyl cum pertinentiis talem seisinam habere faciatis (sic) qualem inde habuit ante guerram motam inter regem et Ricardum Marescallum, quondam comitem Penbrok', de dono Ricardi de Burgo. Teste rege apud Westmonasterium, xxviij. die Septembris.

De vinis liberandis ad cariandum.—Mandatum est custodibus vinorum regis apud Hereford' quod xvij. dolia vinorum regis que sunt in custodia sua faciant habere vicecomiti Hereford' carianda quo rex ei precepit. Teste rege ibidem, xxx. die Septembris.

[m. 2.]

Mandatum est constabulario et custodibus operationum Turris Lond' quod de plumbo regis quod est in custodia sua liberent Magistro Symoni de Windles' xv. carratas plumbi ad operationes de Windles'. Teste rege apud Westmonasterium, ij. die Octobris.
[Cancelled] Quia postea factum fuit inde breve de Computate.

De vinis datis.—Mandatum est [camerario regis Lond' erased] custodibus vinorum regis apud Westmonasterium quod de vinis regis que sunt in custodia sua faciant habere Willelmo le Moyne et Aleysie uxori [ejus] unum dolium vini, de dono regis. Teste ut supra.

De quercubus datis.—Mandatum est Ricardo de Munfichet quod faciat habere Magistro Rogero Scissori iiij. quercus ad maeremium in bosco de Haffeld', de dono regis. Teste ut supra.