Close Rolls, September 1241

Close Rolls, September 1241

De inhibitione ripariarum.—Rex vicecomiti Oxon', salutem. Precipimus tibi quod sine dilatione clamari facias et firmiter prohiberi quod nullus eat ad riveandum in ripariis nostris in ballia tua que in defenso fuerunt tempore H. regis, avi nostri. Et scire facias omnibus de comitatu tuo qui ab antiquo et de jure facere debent pontes ad riparias illas quod provideant sibi in pontibus illis faciendis, ita quod prompti sint et parati in transitu nostro per partes illas. Teste rege apud Wudestok', xij. die Septembris.
Eodem modo scribitur vicecomitibus Cantebr', Huntedon', Berk', Bedeford', Buk', Essex' et Hertford', Warr' et Leyc', Dors' et Sumerset', Notingh' et Dereby, Norht', et Wilt'.

Mandatum est vicecomiti Sumerset' et Dors' quod austurcos regis qui fuerunt Johannis le Daneys tradat nuncio Petri de Sabaudia.
Eodem modo scribitur vicecomiti Cant' et Huntend'.

Rex vicecomiti Norf', salutem. Monstravit nobis Hugo de Hoyvill' quod cum habeat custodiam cujusdam terre que fuit Petri de Meuton' et alii teneant alias terras que fuerunt ipsius Petri, que quidem omnes fuerunt vadium quorundam Judeorum de quibusdam debitis, tu distringis tantum ipsum Hugonem pro prefatis debitis et non alios qui multo majores terras tenet (sic) de vadio predicto. Et, quia contra justiciam est quod prefatus Hugo distringatur nisi ratione terre que est in custodia sua, tibi precipimus quod districtionem illam in respectum ponas usque ad octabas Sancti Michaelis ut tunc inquiratur ad Scaccarium Judeorum pro quanto prefatus Hugo et pro quanto alii terras illas tenentes distringi debeant. Teste.

Mandatum est Fulconi de Peynfor' quod permittat Henricum le Butiler trahere de muta austurcum quem habet in custodia sua ad regem deferendum.

[m. 3d.]

Rex mittit Johannem de Treningham ad trahendum de muta austurcum qui fuit Roberti de la Rose. Et mandatum est constabulario de Reygat' quod prefatum Johannem austurcum illum trahere permittat, et ipsum ei tradi faciat regi deferendum cum atilio austurci mortui. Teste rege apud Westmonasterium, xxj. die Septembris.
Eodem modo scribitur eidem de alio austurco a muta extrahendo, et mittit rex ibidem Warinum des Ayneus ad austurcum illum extrahendum et regi deferendum.

[m. 2d.]

Mandatum est vicecomiti Hereford' quod x. balistas ad turnum et x. ad pedem quas Magister Jacobus de Tolos' ei liberavit, eidem Jacobo liberet cariandas usque Turrim Lond'. Teste.

Mandatum est vicecomiti Cornub' quod fieri faciat perambulationem inter terram Alani Basset in Tyhidy et terram Galfridi de Clerk' in Bodwuliet.

Mandatum est Alicie que fuit uxor Walteri de Marham quod habeat coram rege [. . . .] filiam suam in crastino Animarum ubicunque rex fuerit. Teste.

Rex vicecomiti Linc', salutem. Cum alias tibi preceperimus ut vim inventam et resistentem W. de Cantilupo, senescallo nostro, in manerio suo de Wintringham faceres ammoveri, et Gilbertus de Gaunt post predictum preceptum nostrum redditus de termino Sancti Michaelis proximo preterito et alios proventus ejusdem manerii quod vi detinuit asportaverit, tibi precipimus quod sine dilatione prefatum G. distringas ad restituendum prefato senescallo nostro omnia que asportari fecit a predicto manerio post preceptum predictum, ita quod pro defectu tui prefatus senescallus dispendium [non]incurrat. Teste.

Mandatum est vicecomiti Sumerset' quod fieri faciat perambulationem inter terram prioris de Tanton' in Kingeshull' et terram Margerie de Neubold' in Brumfeld'. Teste.

Mandatum est vicecomiti Glouc' quod faciat perambulationem inter terram regis de Chilteham et terram Herefordensis episcopi de Presteburn' et de Sevenhampt'.

Mandatum est Waltero de Denford' quod non permittat quod Henricus de Hasting' aliquid capiat de bosco pertinente ad manerium de Braunton' quod idem Henricus tenet in tenanciam, nisi solummodo buscam ad focum suum quando in propria persona sua venerit usque Braunton', et tunc capiatur busca illa per visum forestariorum ejusdem bosci qui inde respondere debent si vastum vel destructio inde fiat.

[m. 1d.]

Mandatum est vicecomiti Norht' quod ad mandatum Johannis filii Galfridi, justiciarii regis de foresta, venire faciat coram ipso iiij. de discretioribus et legalioribus militibus de comitatu suo qui minus sint in doungerio foreste regis ad videndum statum foreste regis et ad audiendum preceptum regis.

Eodem modo scribitur vicecomitibus Stafford' et Salop', Oxon', Essex', Hertford', Glouc', Sumerset', Dors', Rotelaund', Hereford', Sutht' et Berk', Wilt'.