Close Rolls, September 1248

Close Rolls, September 1248

Pro Johanne Mansell'.—Mandatum est baronibus de Scaccario quod cum rex dederit et carta sua confirmaverit J. Maunsell', preposito Beverlaci, pro x. libratis terre totam terram cum pertinenciis in Wepham in comitatu Sussex', que est eschaeta regis de terris Normannorum, in partem recompensationis quindecim libratarum terre, quas rex vel heredes sui eidem J. et heredibus vel assignatis suis dare tenentur pro terra de Hyldesle, quam rex prius ei dederat, et quam idem J. de voluntate regis reddidit S. de Monte Forti, comiti Leycestrie, ipsum Johannem de decem libris, quas prius reddere regi debuit ad Scaccarium pro predicta terra de Wapham, quietum esse faciant, a tempore quo predictam terram de Hyldesle predicto comiti reddidit, videlicet a xix. die Februarii anno regni regis xxxij. inposterum. Teste rege apud Merleberge ij. die Septembris.

De damis datis.—Mandatum est Ricardo de Wrotham quod faciat habere domino Bathoniensi et Wellensi episcopo sex damos in balliva sua, de dono regis. Teste rege ibidem iij. die Septembris.
Mandatum est Ade de Peryton' quod faciat [habere] Galfrido de Langel' duos damos in foresta de Braden', de dono regis. Teste ut supra.
Mandatum est Ricardo de Wrotham quod faciat habere Willelmo de Cheeny in foresta regis de Blakemor', vel alibi in balliva sua, duos damos, de dono regis. Teste ut supra.

Pro quadam muliere qui vicina est partui.—Mandatum est vicecomiti Oxonie quod quandam mulierem gravidam et partui vicinam, que est in prisona regis Oxonie, salvo custodiri faciat in loco tuto, donec pepererit, et donec rex aliud inde preceperit. Teste ut supra.

Pro priore de Okeburn'.—Mandatum est vicecomiti Suhampt' quod demandam quam facit priori de Okeburn' et hominibus suis de Cornel' et de Aun' de amerciamentis et catallis fugitivorum, ponant (sic) in respectum usque in crastinum Animarum anno regni regis xxxiij. Teste rege ibidem iiij. die Septembris.

De damis datis.—Mandatum est Petro Chaceporc, constabulario de Sancto Breavello, quod faciat habere Hugoni de Vivon' duos damos in foresta de Dene, de dono regis. Teste ut supra.

De necessariis ad militem faciendum.—Mandatum est Willelmo de Plessetis quod sine dilacione mittat regi contra instans festum Nativitatis Beate Marie usque Merleberge unam robam de serico, duas robas de panno, capam, lectum, et alia necessaria ad unum militem faciendum. Teste ut supra.

Pro Ricardo Mansell' juniore.—Mandatum est justiciariis ad custodiam Judeorum assignatis quod per sacramentum proborum et legalium hominum, per quos rei veritas melius sciri poterit, extendi faciant terram Ricardi Maunsell' junioris in Naburn', que est vadium Aaron, Samuelis filii Leonis, Benedicti le Eveske et Joscei filii ejus, Judeorum Eboraci, videlicet quantum valeat per annum in dominicis, redditibus, villenagiis et omnibus aliis exitibus terre, et secundum valorem illius terre et quantitatem debiti in quo predictis Judeis pro patre suo tenetur, eidem Ricardo racionabilem finem et racionabiles terminos habere faciant. Teste rege ibidem v. die Septembris.
Et mandatum est vicecomiti Eboraci quod districtionem quam facit Ricardo Maunsell' juniori, pro debito Ricardi Maunsell' patris sui, in quo tenetur Aaron, Samueli, Benedicto et Josceo, Judeis Eboraci predictis, ponat in respectum usque in crastinum Animarum. Teste ut supra.

Pro Bartholomeo Pecch'.—Mandatum est Henrico de Wengham et coexcaetori suo in comitatu Wiltes', quia rex concessit Bartholomeo Pecch' omnes exitus provenientes de terris que fuerunt Roberti de Turevill', postquam terras illas ceperunt in manum regis, quod omnes exitus predictos eidem Bartholomeo habere faciant. Teste rege apud Merleberge vij° die Septembris.

Pro Simon le Messager.—Rex concessit Simoni le Messager, nuncio regine, tota vita sua illum redditum trium denariorum qualibet die percipiendorum, quem Willelmus Cheval consuevit percipere de Scaccario regis, si idem redditus sit de assisa et veteri elemosina regis; et mandatum est baronibus de Scaccario quod eundem redditum trium denariorum, si sit hujusmodi elemosina, predicto Simoni habere faciant. Teste ut supra.

Pro Gwidone de Rocheford'.—Mandatum est maiori et probis hominibus de Baiona quod arma et papilionia que fuerunt Willelmi de la Lunde, quicumque ea habeat in potestate sua, liberari faciat Gwidoni de Rocheford', liberanda executoribus testamenti prefati Willelmi, ita quod non oporteat regi ad hoc ulterius manum apponere. Teste ut supra.

Pro Hugone de Tywa.—Quia Hugo de Tywa solvit regi in warderoba sua in festo Nativitatis Sancte Marie anno etc. xxxij°. ad opus Simonis de Monte Forti, comitis Leic', c. libras pro fine quem fecit cum rege pro morte Laurencii, quondam archidiaconi Ebor' [Linc' cancelled], unde rettatus fuit, et propter quod Johannes de Tywe, frater predicti Hugonis, pro eodem retto promptus est et paratus se altero ire per preceptum regis in Wasconiam, moraturus ibidem usque ad Pascha anno eodem, mandatum est vicecomiti Eboraci quod predictum Hugonem sine dilacione deliberet a prisona regis, et plegios suos propter hoc quietos esse permittat. Teste ut supra.

De quercubus liberandis.—Mandatum est Galfrido filio Warini quod faciat habere Thome Corbet duas quercus in bosco de Shirl' ad gutteras regis reparandas in castro de Bruges. Teste ut supra.

De damis datis.—Mandatum est Ricardo de Wrotham' quod in foresta regis de Blakemore faciat habere Johanni le Gras tres damos et sex damas ad instaurandum parcum suum de Hunteber', de dono regis. Teste ut supra.

De girofalconibus regis.—Mandatum est vicecomiti Norhampton' quod septem girofalconibus regis quos rex Norwagie nuper regi misit, et qui sunt in custodia Henrici de Hauvill', et duobus custodibus ipsorum, inveniat necessaria, donec de ipsis aliud preceperit; et cum rex sciverit quantum eis liberaverit, breve suum de Allocate eis inde habere faciet. Teste rege apud Merleberge x. die Septembris.

De damo dato.—Mandatum est Avicie de Columbariis quod in balliva sua faciat habere Nicholao de Vyane unum damum, de dono regis. Teste ut supra.

De roboribus datis.—Mandatum est constabulario Divisarum quod in foresta regis de Melkesham faciat habere Ele, comitisse War' [abbatisse de Lacoc cancelled], x. robora ad focum suum, de dono regis. Teste ut supra.

De navibus liberandis.—Mandatum est Nicholao de Haulo et Willelmo de Axemue quod omnes naves quas adunari fecerunt apud Portesm' liberent Nicholao de Molis, cui rex dedit in mandatis quod eas liberet militibus ituris in Wasconiam in servicio regis, prout melius viderit expedire. Teste ut supra.
Et mandatum est predicto Nicholao de Molis quod eas liberet predictis militibus prout sua discrecio melius viderit expedire. Teste ut supra.

De damis datis.—Mandatum est Warnero Luvel quod preter illos quater xx^ti damos, quos rex cepi precepit per ipsum in Insula de Wyht et in Nova Foresta, adhuc capiat in eisdem forestis ad opus Aymari, fratris regis, xx. damos, et de c. damis illis liberet certo nuncio ipsius xx. damos, deferendos usque Oxoniam. Teste etc.
Et mandatum est Hugoni Passelewe quod ipsos in eisdem forestis capere permittat. Teste etc.

De quercubus datis.—Mandatum est Roberto de Muscegros quod in foresta regis de Savernak' faciat habere fratri Waltero le Butyler vj. quercus ad fabricam cujusdam capelle apud Cheriton', de dono regis. Teste ut supra.

Pro quodam Judeo.—Mandatum est justiciariis ad custodiam Judeorum assignatis quod de tallagio lx. milium marcarum, quod assideri fecit super universitatem Judeorum Anglie pro duobus milibus marcarum inde regem contingentibus ad instantem terminum Sancti Michaelis anno etc. xxxij. non distringant vel distringi permittant Aaron filium Abrahe, nisi pro liij. marcis et dimidia, sicut rex alias eis mandavit, ad festum Sancti Michaelis anno etc. xxxj°. et ad Pascha proximo sequens; et si ad aliquem predictorum trium terminorum super eum plus positum fuerit, illud super communam Judeorum poni faciant. Teste etc. apud Sandelford' xj. die Septembris.

De pannis emendis.—Mandatum est W. de Plessetis quod statim emat duos bonos et pulcros pannos de scarletto, et eos sine dilacione habere faciat regine, mittendas quo rex ei injunxit. Teste rege apud Rading' xij. die Septembris.

[m. 2.]

De lecto ad reginam.—Mandatum est Willelmo de Plessetis quod in instantibus nundinis Wintonie fieri faciat quendam lectum satis competentem regine de meliori panno retato quem invenire poterit sine auro, scilicet culcitram et materacium, et lectum illum regine mittere non omittat. Teste rege apud Rading' xiiij. die Septembris.

De damis datis.—Mandatum est Hugoni Passelewe quod in Nova Foresta faciat habere Nicholao de Molis quatuor damos, de dono regis. Teste ut supra.

Pro canonicis Korkagen'.—Rex meminit se nuper dedisse in mandatis J. filio Galfridi, justiciario Hybernie, quod, receptis a canonicis Korkagensibus litteris suis patentibus quod numquam in posterum ad electionem episcopi sui procedent nisi prius licenciam eligendi a rege vel heredibus suis petierint et optinuerint, confirmacionem venerabilis in Christo patris L. nunc episcopi, tunc autem electi, per eosdem canonicos in suum episcopum non impediret, et eidem confirmato possessionem temporalium episcopatus ejusdem habere faceret. Rex quidem supplicacioni canonicorum predictorum, timencium litteras predictas propter unius verbi apposicionem nimis sibi fore damnosas, ac se libertate electionis sue futuris temporibus per easdem posse privari, de plenitudine gracie sue in remissione verbi memorati annuens, mandat justiciario predicto quod, receptis a canonicis predictis litteris suis patentibus, bonis et expressis, pro se et successoribus suis, quod nunquam inposterum ad electionem hujusmodi procedere presument, nisi prius a rege vel heredibus suis licentiam eligendi saltem petierint, premissum mandatum regis exequatur. Teste ut supra.

Pro Radulfo Burnel.—Mandatum est Drogoni de Barentyn, custodi Insularum, vel ballivis suis, quod singulis annis habere faciant Radulfo Burnel vij. quarteria frumenti, que Robertus Legat percepit, et que nunc sunt excaeta regis, eodem modo quo idem Robertus illa percipere consuevit. Teste ut supra.

Pro Roberto filio Hodierne.—Quia constat regi per litteras fratris W. quondam episcopi Karleolensis, quod ipse de concessione regis recepit x. marcas de Roberto filio Hodierne de Marum pro fine quem fecit pro quodam appello coram justiciariis regis ultimo itinerantibus apud Linc', et barones de Scaccario per summonicionem Scaccarii regis distringere faciunt eundem Robertum ad solucionem predictarum x. marcarum; mandatum est eisdem baronibus quod predictum Robertum et plegios suos de predictis x. marcis decetero quietum esse faciant, quia rex ipsum inde acquietavit. Teste ut supra.

Pro electo Sancti Edmundi.—Rex electioni facte de fratre Edmundo de Walepol, quondam monacho Sancti Edmundo (sic), in abbatem ejusdem domus, regium adhibuit assensum et favorem; et mandatum est Roberto Passelelewe (sic), archidiacono Lewensi, quod de predicta abbacia et de omnibus terris et possessionibus ad predictam abbaciam spectantibus eidem abbati vel certo assignato suo sine dilacione plenam seisinam habere faciat. Teste rege apud Windles' xvij. die Septembris.
Et mandatum est baronibus, militibus, liberis hominibus et omnibus aliis tenentibus de abbacia predicta per litteras patentes quod ei tamquam domino suo intendentes sint et respondentes. Teste ut supra.

De damis capiendis.—Rex mittit Robertum de Edmunstrop' et socios suos, vadlettos suos, ad parcum de Guldeford', ad capiendum in eo x. damos ad opus regis; et mandatum est custodi predicti parci quod ipsos ad hoc admittat. Teste ut supra.

De civitate Lond' replegianda.—Maior et ceteri barones regis London' replegiarunt sibi libertatem suam quam rex capi fecerat in manum suam, occasione falsi judicii dati in hustengo suo usque in crastinum Sancti Edwardi [xv. dies a die Sancti Michaelis cancelled] instanti (sic); ita quod loquela illa in qua ad judicium illud processerunt remaneat in eodem statu quo nunc est usque ad diem predictum [quindenam predictam cancelled]. Et mandatum est W. de Haverhull' et Eadwardo de Westmonasterio quod libertatem suam eis rehabere faciant, sicut predictum est. Teste ut supra.

De foresta aggistanda.—Mandatum est ballivo de Clarendon' quod forestam regis de Clarendon' agistari faciat porcis, ita quod singuli porci qui in ea poni debent habeant anulos ne foyneare possint; et quod permittat priorem de Monasterio Ederoso habere averia sua in aliquo certo loco ejusdem foreste, ubi ad minus nocumentum fieri possit, usque ad adventum regis ad partes illas. Teste etc.

De castro de Buet.—Mandatum est Johanni de Monemue quod in castro regis de Buet, quod rex commisit patri suo custodiendum, poni faciat homines et alia necessaria, illudque salvo et secure faciat custodire, donec rex aliter inde ordinaverit; ita quod nulla jactura vel periculum inde regi immineat. Teste ut supra.

De girofalconibus liberandis.—Mandatum est Henrico de Hauvill' quod de girofalconibus regis quos habet in custodia sua liberet Roberto de Sancta Sophia ad opus domini imperatoris quatuor non volantes, quos idem Robertus eligere voluerit. Teste rege apud Windles' xx. die Septembris.

De operacionibus castri Bristolli.—Mandatum est ballivis Bristolli quod de firma ville Bristolli inveniant custodibus operacionum regis de castro regis ibidem denarios ad operaciones regis porte ejusdem castri perficiendas; et cum rex sciverit quantum ad hoc eis liberaverint, in predicta firma eis faciet allocari. Teste ut supra.

Pro baronibus Quinque Portuum.—Quia rex intellexit quod barones nostri Quinque Portuum ista hactenus usi sunt libertate quod compares suos in quocumque loco in regno regis pro quocumque delicto captos penes se habebunt simul cum catallis suis occasione predicti delicti arestatis, ad habendum eos in curia regis apud Shipweye ad standum ibi recto, mandatum est vicecomiti Norff' quod quosdam compares ipsorum baronum captos apud Blakene in balliva sua pro morte cujusdam hominis ibi nuper, ut rex audivit, interfecti, simul cum catallis ipsorum ea occasione ibidem detentis, dictis baronibus deliberari faciant, ad habendum eos in curia regis apud Shipweye, sicut predictum est. Teste ut supra.
[In margin] B. de Crioil testificatus est per litteras suas quod talem habent libertatem.

De ponendo per ballium.—Radulfus de Stok', captus et detentus in prisona regis Sarr' pro morte Hugonis de Mara, unde Petrus de Mara et Robertus de Mara eum appellant, habet breve vicecomiti Wiltes' quod ponatur per ballium usque ad adventum justiciariorum. Teste rege apud Windles' xxiiij. die Septembris.

De damis datis.—Mandatum est Ade de Puriton quod in foresta regis de Bradene faciat habere Roberto filio Pagani tres damos, de dono regis. Teste ut supra.

De execucione testamenti Willelmi de Esseby.—Mandatum est Henrico de Wengham et coescaetori suo in comitatibus Leic', Norhampt' et War' quod permittant executores testamenti Willelmi de Esseby liberam habere administracionem de omnibus bonis et catallis que fuerunt predicti Willelmi, ad execucionem testamenti sui faciendam, accepta ab eis securitate quod de primis bonis regi satisfacient de debitis, si que regi debuit idem Willelmus. Teste ut supra.

De fustis datis.—Mandatum est custodi foreste de Brehull' quod in foresta regis de Brehull' faciat habere J. de Plessetis, comiti War', xx. fusta ad maeremium, videlicet x. in bosco de Pauncehal' et x. in bosco in Pydinton', de dono regis. Teste rege apud Windles' xxvj. die Septembris.

De damis datis.—Mandatum est constabulario de Sancto Breavello quod faciat habere Roberto Waleraundi duos damos in foresta de Dene, de dono regis. Teste ut supra.

De quarellis liberandis.—Mandatum est eidem quod faciat habere eidem Roberto Waleraundi decem milia quarellorum, quorum mille sit ad turnum ad castra regis munienda, que rex ei commisit custodienda. Teste ut supra.

De robis liberandis.—Mandatum est Willelmo de Plessetis quod liberet Johanni de Warenn' robas suas hac vice sicut eas percipere consuevit. Teste rege ibidem xxvij. die Septembris.

De ponendo per ballium.—Simon filius Hervei de Gameneg', captus et detentus in prisona regis Cantebr' pro morte Roberti filii Ricardi Wade, habet breve vicecomiti Cantebr' quod ponatur per ballium. Teste ut supra.

De provisione panis contra festum Sancti Eadwardi.—Mandatum est ballivis de Kyngeston' quod fieri faciant in villa sua lx. solidatas panis boni et pulcri, et iiij^uor panes ad denarium, ad opus regis contra festum Sancti Eadwardi, quod rex celebraturus est, Deo annuente, apud Westmonasterium in xv. dies post festum Sancti Michaelis, et ipsum panem ibidem venire faciant contra dictum diem. Et rex precium ipsius et custum cariagii persolvi faciet. Teste ut supra.
Eodem modo scribitur ballivis de Sancto Albano de c. solidatis panis. Et ballivis de Waltham de lx. solidatis panis. Et ballivis de Hertford' de xl. solidatis. Et ballivis de Ware de l. solidatis. Teste ut supra.