Close Rolls, October 1248

Close Rolls, October 1248

[m. 4d.]

Rex vicecomiti Suff', salutem. Precipe Edmundo abbati Sancti Edmundi quod juste et sine dilacione reddat Bartholomeo de Crek', Radulfo de Berners et Willelmo de Bello Monte unam carucatam terre cum pertinenciis, exceptis duodecim acris terre in Grotene, et excepta advocacione ecclesie ejusdem ville; et tres carucatas terre cum pertinenciis in Semer', excepta advocacione ecclesie ejusdem ville. In quas idem abbas non habet ingressum nisi per Henricum quondam abbatem Sancti Edmundi, predecessorem predicti abbatis, qui se intrusit in easdem, dum Nesta de Cokefeud', consanguinea predictorum Bartholomei, Radulfi et Willelmi, cujus heredes ipsi sunt, agebat in extremis, occasione dimissionis quod Matheus de Leiham, quondam vir predicte Neste, eodem tempore inde fecit Johanni de Cramavill', sine assensu et voluntate ipsius Neste, ut dicunt. Et nisi fecerit et iidem Bartholomeus, Radulfus et Willelmus fecerint te securum de clamio suo prosequendo etc., summone per bonos summonitores predictum abbatem, quod sit coram justiciariis nostris apud Lewes in comitatu Sussex' in octabis Sancti Martini, ostensurus quare non fecerit. Et habeas ibi summonicionem et hoc breve. Teste me ipso apud Westmonasterium xvij. die Octobris anno regni nostri xxxij.

[m. 3d.]

Mandatum est vicecomiti Kancie quod habeat debita subscripta que debentur regi in garderoba a festo Translacionis Sancti Edwardi in quindecim dies, videlicet, de civibus Cantuarie ix. marcas de fine. De pistoribus Cantuarie ij. marcas. Item de eisdem civibus c. solidos pro evasione. De baillivis Cantuarie xxx. solidos de terris cujusdam suspensi pro anno et die. De monetariis Cantuarie c. solidos pro evasione. De baillivis archiepiscopi Cantuariensis xv. solidos de catallis cujusdam suspensi. De Galfrido de Sturney iiij. solidos viij. denarios de catallis ejusdem suspensi. Item de baillivis archiepiscopi Cantuariensis viij. libras xviij. solidos de thesauro invento. De Joceo aurifabro de Mallingn', ix. solidos de eodem thesauro. De Henrico aurifabro de Faversham, xij. solidos vj. denarios de eodem. De villata de Malling' xl. solidos pro transgressione. De Willelmo Gotsun' de Dovor' iiij. solidos pro eodem. De Johanne Lumbard' ij. solidos pro eodem. De Alano le Mercer iij. solidos pro eodem. De Thoma Gobred' ij. solidos pro eodem. De Spanekoc de Dovor ij. solidos pro eodem. De Johanne Gotsun' dimidiam marcam pro eodem. De Willelmo vinetario Dovor' j. marcam pro eodem. De Thoma pistore de Osspring' dimidiam marcam pro eodem. De Waltero pistore de Rouecestr' dimidiam marcam pro eodem. De Willelmo de Simpling', milite, v. marcas quia non venit. De Salom' de Hardre ij. marcas de fine. De villata de Derteford' xl. solidos pro pluribus transgressionibus; et de Henrico Bailloll de Roffa 1. solidos, pro uno dolio vini empto ibidem de instauro regis. Teste ipso rege apud Wyndeles' primo die Octobris anno xxxij.

Et mandatum est vicecomiti Norf' et Suthf' quod habeat ad eundem diem, videlicet, de villata de Rudeham' dimidiam marcam pro transgressione. De Eadmundo vinetario de Walsingham, dimidiam marcam pro assisa fracta. De villata de Binham xl. solidos pro transgressione. De villata de Eylesham' c. solidos pro eodem. De Ludinglawe x. marcas pro eodem. De Norwico x. libras de fine facto pro transgressione. De priori de Norwico c. solidos pro eodem. De villata de Gypewico x. marcas pro eodem, et de Willelmo de Fossato, baillivo Roberti de Tateshal extra Lenn', v. marcas pro eodem. Teste ut supra.

Et mandatum est vicecomiti [vicecomiti cancelled] Essex' quod habeat ad eundem diem de villata de Waledon' j. marcam pro transgressione. De burgo de Colecestria xv. marcas pro eodem. De villata de Banketre v. marcas pro eodem. De villata de Maldon' c. solidos pro eodem. De vinetario ejusdem ville j. marcam pro eodem. De villata de Chelmeresford' viij. marcas pro eodem. De Willelmo Trig' dimidiam marcam pro eodem. De Odino de Brus, vinetario, dimidiam marcam pro eodem. De villata de Writel ij. marcas pro eodem. De fratribus ejusdem ville dimidiam marcam pro eodem, et de villata de Angre iiij. marcas pro eodem. Teste ut supra.

Et mandatum est vicecomiti Bedeford' quod habeat ad eundem diem xl. solidos de villata de Dunestaple, pro transgressione. Teste ut supra.

Et mandatum est vicecomiti Buckingh' quod habeat ad eundem diem de villata de Wycumb' ij. marcas pro transgressione, et de pistoribus ejusdem ville xx. solidos pro eodem. Teste ut supra.

Et mandatum est vicecomiti Hertford' quod habeat ad eundem diem de abbate de Sancto Albano x. marcas pro pluribus transgressionibus. De Henrico le Brun, baillivo de Ware, 1. marcas pro transgressione, et de villata de Ware xx. marcas pro eodem. Teste ut supra.

Abbacia de Shaftesbur' habet quietanciam de communi summonicione coram justiciariis itinerantibus in comitatu Sussex'. Radulfus de la Haye similiter.

Mandatum est vicecomiti Sussex' quod fieri faciat perambulacionem inter terram Thome de Poninges in Piccumb' et terram Bartholomei de Capella in Nitumbere.

[m. 2d.]

Rex vicecomiti Glouc' etc. Ostensum est nobis ex parte Roberti de Schireburn' quod cum recuperasset unam virgatam terre et dimidiam cum pertinenciis in Schenescote per assisam mortis antecessoris coram justiciariis nostris ultimo itinerantibus in comitatu Glouc', tu predictum Robertum de terra illa ejecisti, et blada et alia bona ipsius Roberti in eadem terra inventa asportasti. Et ideo tibi precipimus quod si ita est, predicto Roberto pristinam sesinam (sic) de eadem terra, blada et alia bona sua sine dilacione habere facias; alioquin, sicut te ipsum et tua diligis, sis coram nobis in crastino Animarum, ubicumque tunc fuerimus in Anglia, ostensurus quare non feceris. Teste, etc.

33 HENRY III.

[m. 16.]

De bissis datis.—Mandatum est Ricardo de Wrotham quod faciat habere Willelmo Lungespee in foresta regis de Bere tres bissas, de dono regis. Teste rege apud Windleshour' xxix. die Octobris.

De damis datis.—Mandatum est Ade de Puriton', custodi foreste sue de Bradene, quod in predicta foresta de Bradene faciat habere H. de Boun, comiti Essex' et Hereford', quinque damos et x. damas, de dono regis. Teste ut supra.

Pro Theobaldo de Engleschevill'.—Rex dedit Theobaldo de Engleschevill' catalla que fuerunt Walteri de Mariscis et filiorum suorum, que ad regem pertinent racione utlagarie in ipsos promulgate pro morte hominis. Et mandatum est vicecomiti Wiltes' quod de predictis catallis plenam seisinam ei habere faciat. Teste ut supra.

De tauris et vaccis emendis.—Mandatum est Thome Corbet quod in balliva sua emat ad opus regis quinque tauros albos decentes et x. vaccas, et eos mittat usque Windles' ad parcum regis ibidem instaurandum. Et cum rex precium eorum sciverit, rex ei faciet allocari. Teste ut supra.