Close Rolls, June 1249

Close Rolls, June 1249

De passu de Auuelton'.—Rex vicecomiti Suht', salutem. Precipimus tibi quod [sine dilacione cancelled] boscum de Aulton' prope passum ejusdem bosci ex utraque parte vie succidi facias, ita quod latus sit ibi transitus, et boscum succisum vendas, et exitus illius ponas in usus operacionum castri nostri Wintonie. Teste rege apud Clarend' iij. die Junii.

De roba data.—Mandatum est Willelmo de Plessetis quod faciat habere Willelmo Bluet ad opus cujusdam filie sue que maritari debet, unam robam integram, scilicet tunicam, supertunicam et pallium, de viridi vel burnetto, cum penula de bissis et furrura competenti, de dono regis. Teste ut supra.

De ponendo per ballium.—Willelmus de Mangrene [Winter cancelled], captus et detentus in prisona regis de Norwico pro morte Roberti Wynter, unde apellatus [est], habet breve regis vicecomiti Norf' directum quod ponatur per ballium. Teste etc.

Pro Magistro Roberto de Shardelawe.—Cum Magister Robertus de Shardelawe paratus sit solvere Aaron de Eboraco, Aaron filio Abrahe, Jacobo filio Florie, Elye de Bedeford', Matheo de London', Aaron le Blund', et Elye leveske, Judeis, singulis annis valorem terrarum suarum, que sunt vadia predictorum Judeorum pro debito quod eis debet, mandatum est justiciariis ad custodiam Judeorum assignatis quod terras predicti Magistri faciant extendi per probos et legales homines, et valore earumdem terrarum solvendo singulis annis eisdem Judeis per manum predicti Roberti, vel certi attornati sui, predictos Judeos faciant esse contentos, et hoc sicut predictum est irrotulari. Teste ut supra.

De tallagio assignato.—Rex assignavit tallagium, quod nuper assideri fecit super maneria de Pitten' et de Werne, que fuerunt Godefridi de Craucumb', ponendum per manus Hugonis Gargat, custodis predictorum maneriorum, ad ipsa maneria instauranda; et mandatum est vicecomiti Sumers' quod de predicto tallagio in nullo se intromittat. Teste ut supra.

De quercubus datis.—Mandatum est Avicie de Columbers quod in foresta regis de Cet faciat habere abbatisse de Werwell' xij. quercus ad maeremium, sparsim per loca ubi capi possint ad minus nocumentum foreste regis predicte, ad reparacionem domorum suarum, de dono regis. Teste ut supra.

[m. 8.]

Pro Henrico et Gilberto de Hauvill'.—Mandatum est vicecomiti Norht' quod distringat Simonem filium et heredem Alani de Maydewell', quondam vicecomitis regis Norht', per terras et catalla sua, ad reddendum Henrico de Havill' iiij. marcas, et Gilberto de Hauvill' duas marcas, que eis restant reddende de liberacionibus girofalconum regis, et quas predicto Alano rex fecit allocari. Teste rege apud Clarend' iiij. die Junii.

Mandatum est Avicie de Columbers quod permittat abbatissam de Werewell' capere xij. quercus sparsim per loca ad maeremium in bosco suo proprio, qui est infra metas foreste regis de Cet, ad reparacionem domorum suarum. Teste ut supra. [Cancelled, 'quia aliter superius.']

De cervo et damis datis.—Mandatum est custodi Nove Foreste quod in eadem foresta permittat Amiciam, comitissam Devonie, capere sex damos et unum cervum, de dono regis. Teste ut supra.

De probatoribus recipiendis.—Mandatum est custodi gayole de Neugat' quod duos probatores [prisones cancelled] regis, quos vicecomes Kancie ei liberabit, in gayolam regis predictam recipiat et salvo custodiat, donec aliud inde rex ei preceperit. Teste ut supra.

De vinis emendis.—Mandatum est Benedicto Azon' de Suht' et Willelmo de Rupella, emptoribus vinorum regis, quod in villa sua emant ad opus regis sexcies xx. dolia vini, una cum vinis regis de prisa que sunt in custodia sua, et ea liberet ballivis Suht', carianda quo rex eis preceperit. Teste rege apud Clarend' vj. die Junii.

De urso mittendo regi.—Mandatum est maiori Norht' quod unum ursum quem ha bet ad opus regis per dilectum valettum suum Robertum de Mares, cum pro eo miserit rex, sicut se ipsum diligit, regi mittere non omittat. Teste ut supra.

De providencia ad opus regis.—Mandatum est vicecomiti Norht' quod emat ad opus regis in balliva sua x. cignos, xij. pavones, v. braones, vij. porcos pingues, et ij. grues, provisuri (sic) quod cum rex pro eis miserit, omnia premissa prompta ha beat, sicut se ipsum diligit. [Teste ut supra cancelled.] Et rex, cum sciverit custum omnium predictorum, ei faciet allocari. Teste etc.
Mandatum est vicecomiti Essex' et Hertford' quod de x. cignis, xij. pavonibus, d. gallinis, cc. pulcinis, iij. millibus ovorum, vij. braonibus, ij. gruibus, et x. porcis pinguibus, sibi provideat, ubicunque ea in balliva sua perquirere possit, emenda ad opus regis, ita quod ea prompta habeat cum rex pro eis miserit. Et rex, cum sciverit custum etc., ei faciet allocari. Teste ut supra.
Mandatum est vicecomiti Surr' et Sussex' quod de x. cignis, xij. pavonibus, d. gallinis, cc. pulcinis, v. millibus ovorum, vij. porcis pinguibus, sibi provideat, ubicunque etc., ut supra. Et rex, cum sciverit custum, etc. faciet allocari. Teste ut supra.
Mandatum est vicecomiti Linc' quod de gruibus, heyruncellis, et butoribus, quantum perquirere poterit, et de uno urso, statim sibi provideat ad opus regis, ita quod ea prompta habeat, cum rex pro eis miserit. Et custum etc. ut supra.
Mandatum est vicecomiti Berk' et Oxon' quod de x. cignis, x. pavonibus, ccc. gallinis, ij. gruibus, vij. porcis pinguibus, pastis de grano, et v. braonibus, sibi provideat ad opus regis, ubicunque etc., ita quod ea prompta' habeat etc. ut supra. Et rex, cum sciverit custum, ei faciet allocari. Teste ut supra.
Mandatum est vicecomiti Buk' et Bed' quod emat in balliva sua x. cignos, xij. pavones, d. gallinas, cc. pulcinos, iij. millenaria ovorum, vij. braones, duas grues, et x. porcos pingues, ita quod ea prompta habeat etc. ut supra. Et rex cum precium inde sciverit, ei faciet allocari. Teste etc. ut supra.
Mandatum est vicecomiti Cant' quod de xij. cignis, xij. pavonibus, iiij. gruibus, et de heiruncellis et butoribus, quantum perquirere poterit, sibi provideat ad opus regis, ita quod ea prompta habeat etc. Et rex cum scierit custum etc. faciet allocari. Teste ut supra.
Mandatum est vicecomiti Norf' et Suff' quod emat ad opus regis in balliva sua unum ursum pinguem, ita quod, sicut se ipsum diligit, promptum habeat cum pro ipso rex miserit. Et cum rex precium sciverit, ei faciet allocari. Teste ut supra.
Mandatum est vicecomiti Kancie quod emat ad opus regis in balliva sua x. cignos, xx. pavones, d. gallinas, cc. pulcinos, iij. millenaria ovorum, v. braones, iiij. grues, et vij. porcos pingues, ita quod ea habeat prompta cum rex pro eis miserit etc. Et custum etc. ei faciet allocari. Teste ut supra.
Mandatum est vicecomitibus Lond' et Middelsex' quod de decem cignis, xij. pavonibus, x. braonibus, xxv. bobus pinguibus, xxv. porcis pinguibus, l. multonibus, d. gallinis, ccc. pulcinis, v. milia (sic) ovorum, iij. gruibus, mille aucis pinguibus, et de uno urso, regi providea[n]t ad opus ipsius regis, ita quod ea prompta habea[n]t cum rex pro eis miserit. Et cum rex custum sciverit, illud ei faciet allocari. Teste ut supra.

De vinis regis vendendis.—Mandatum est vicecomiti Eboraci quod per visum et testimonium proborum et legalium hominum de comitatu suo vendi faciat vina regis in balliva, nec permittat aliqua alia vina in balliva sua, donec vina regis vendantur, et denarios inde provenientes salvo custodiat, donec aliud inde rex ei preceperit. Teste ut supra.

De providencia panis.—Mandatum est vicecomitibus Lond' quod provideant sibi de xxv. libratis boni panis, iiij. scilicet ad denarium, ita quod eas habeant promptas cum rex necesse habuerit, et eis in firma ville sue faciet allocari.
Eodem modo mandatum est ballivis de Sancto Albano quod de x. marcatis boni panis regi providea[n]t, ita quod eas promptas habea[n]t ad liberandum servienti regis, quem pro eis miserit, et denarios illos eis competenter reddi faciet. Teste ut supra.
Mandatum est ballivis de Kingeston' quod de quinque marcatis boni panis (sic), ita quod eas promptas habeant cum rex pro eis miserit. Et rex eis in firma sua faciet allocari. Teste etc.
Eodem modo mandatum ballivis de Waltham de l^ta solidatis panis boni; et rex denarios illos competenter reddi faciet. Teste ut supra.
Eodem modo mandatum ballivis de Wycumb' de decem marcatis boni panis, ita quod promptas eas habeant etc. Et rex denarios illos ut supra.
Eodem modo mandatum est ballivis Hertford' de l^ta solidatis boni panis, ita quod eas promptas habeant etc. ut supra.
Eodem modo mandatum ballivis de Dunstapl' de v. marcatis boni panis, ita quod promptas etc. Teste ut supra.

De providencia boum, porcorum, et multonum.—Mandatum est Henrico le Matecrt (sic) de Wintonia quod de xxv. bobus pinguibus, et xxv. porcis pinguibus, l^ta multonibus pinguibus, et quinque braonibus sibi provideat, ita quod ea prompta habeat cum rex pro eis miserit; et precium eorundem ei reddi faciet. Teste ut supra.

De vinis emendis ad opus regis.—Mandatum est camerario regis Lond' quod de melioribus vinis que Lond' invenire poterit venalia emi faciat cc. et xl. dolia, et ea liberet vicecomitibus Lond', carianda quo rex eis preceperit, et si vina illa venalia non invenerit, apud Sanctum Botulfum, vel apud Sandwicum, vel alibi ubi melius viderint expedire, de predictis vinis regi provideat. Teste ut supra.
Mandatum est camerario regis Lond' quod apud Sandwick' emi faciat xx. dolia vini, et liberari vicecomiti Kancie, karianda quo ei rex precepit. Teste ut supra.

De robis datis.—Mandatum est Willelmo de Plessetis quod habere faciat Willelmo de Bueles robas suas, sicut eas percipere consuevit. Teste ut supra.

De vinis reddendis.—Mandatum est custodibus vinorum regis de Suht' quod de vinis regis de empto que sunt in custodia sua, vel que empturi sunt in proximo, reddi faciant uxori Michaelis Pincerne duo dolia, Magistro Ricardo Coco unum dolium, Willelmo le Specer, maiori Wintonie, unum dolium, et Albino Blundo duo dolia, que ab eis nuper rex mutuo accepit, et ea liberent ballivis Suht', carianda usque Wintoniam ad opus eorundem. Teste ut supra.

Mandatum est vicecomiti Eboraci quod de duodecim bovatis terre cum pertinenciis in Fridaytorp, quas ad mandatum regis cepit in manum regis, occasione custodie terre et heredum Roberti de Chancy, quam Robertus de Crepping' habet de dono et concessione regis, priori de Kircham talem seisinam habere faciat, salvo jure cujuslibet, qualem de ea prius habuit, cum omnibus inde medio tempore perceptis. Teste ut supra. Quia predicta terra capta fuit in manum regis ad sugestionem predicti Roberti nulla inquisicione precedente. [In margin] Quia suggestum fuit regi quod Margeria Basset tenuit predictam terram de Roberto de Chancy per servicium militare, et eadem Margeria tenuit eandem terram de Roberto de Elkinton' ut idem prior dicit.

De damis datis.—Mandatum est Ricardo de Wrotham quod in foresta regis de Blakemor' faciat habere Willelmo de Fortibus quatuor damos, de dono regis. Teste ut supra.

Pro Germano scissore.—Rex concessit servienti suo, Germano scissori, custodiam terre et heredis Ricardi de Saunford', habendam et tenendam usque ad legitimam etatem predicti heredis, una cum maritagio ejusdem heredis; et mandatum est Henrico de Wengham et coescaetori suo in comitatu Salopie quod ei de predicta custodia plenam seisinam habere faciant, salva uxori predicti Ricardi racionabili dote sua de terra predicta. Teste rege apud Clarendon' viij. die Junii.

Pro Waltero de la Forde.—Rex concessit Waltero de la Forde quod in itinere justiciariorum in comitatu Sumers' hac vice habeat hanc libertatem, quod non ponatur in aliquibus assisis, juratis, vel recognicionibus; et mandatum est justiciariis proximo itineraturis in comitatu predicto ipsum Walterum inde quietum esse faciant. Teste ut supra.

De vino dato.—Mandatum est custodibus vinorum regis Suht' quod de vinis regis que sunt in custodia sua faciant habere dilecto et fideli suo Johanni de Frethorn' unum dolium vini, de dono regis, quod per ballivos regis Suht' rex precepit acquietari. Teste ut supra.

Pro Johanna de Gouiz.—Mandatum est justiciariis ad custodiam Judeorum assignatis quod terram Johanne de Gouiz in Durewmeston', quam emit de Rogero de Esse, que est vadium Abrahe filii Salomonis, Judei de Merleberge, extendi faciant, videlicet quantum valeat per annum in dominicis, redditibus, villenagiis, et omnimodis exitibus terre, et secundum valorem ejusdem terre, et quantitatem debiti in quo predicto Judeo tenetur, eidem Johanne racionabilem finem et racionabiles terminos habere, et predicto Rogero et munimenta que prefatus Judeus ab eo habet pro predicto debito restitui faciant. Teste ut supra.

De cervis capiendis ad opus regis.—Rex mittit ad Aliciam de Columbariis Ricardum de Candevr' et Philippum de Candevr', mandans quod permittat eos capere tres vel quatuor cervos ad opus regis in balliva sua de Chet, ad mittendum eos regi usque Rading'. Teste ut supra.

De roboribus datis.—Rex Roberto de Stopham, salutem. Precipimus tibi quod in bosco nostro de Graveling' facias habere dilecto et fideli nostro Henrico de Bathonia xij. robora ad focum suum, de dono nostro. Teste ut supra.

De ponendo per ballium.—Robertus Akerman, captus et detentus in prisona regis de Gyppewico pro morte Simonis filii Roberti de Semer', unde appellatus est, habet literas regis vicecomiti Suff' directas quod ponatur per ballium. Teste etc.

De honore Peverel commisso.—Rex commisit dilecto et fideli suo, Roberto le Vavasur, honorem Peverel cum omnibus pertinenciis tam in comitatibus Buk' et Bed' quam in aliis comitatibus quamdiu regi placuerit, ad respondendum inde ad Scaccarium regis; et mandatum est predicto vicecomiti quod in nullo quod ad predictum honorem pertinet in balliva sua decetero se intromittat, nec ulterius manum apponat. Teste rege apud Clarend' x. die Junii.
Eodem modo mandatum vicecomitibus Warr' et Leyc', Norht', Oxon' et Roteland'.

Pro Elizabeth que fuit uxor Ricardi filii Radulfi.—Mandatum est Henrico de Wengham et coescaetori suo in comitatu Devonie quod de terris que fuerunt Ricardi filii Radulfi, que sunt in custodia regis, et in manu regis, assignari faciant sine dilacione Elizabet que fuit uxor predicti Ricardi racionabilem dotem suam. Teste ut supra.

De ponendo per ballium.—Robertus filius Roberti de la Lee, captus et detentus in prisona regis Lanc', unde rettatus est, habet literas regis directas vicecomiti Lanc' quod ponatur per ballium pro morte Ade fil' Johannis. Teste ut supra.
Martinus de Bodekesham et Nicholaus frater ejus, capti et detenti in prisona regis Cantebr' pro morte Nicholai Fleg, unde rettati sunt, habent literas regis vicecomiti Cantebr' quod ponantur per ballium. Teste ut supra.

De tallagio prioratus Coventr'.—Ponatur in finem [in margin].— Rex tallagium quod Henricus de Wengham et coescaetores sui in comitatibus Warr' Leyc' et Glouc' super tenentes prioratus de Coventr' assideri fecerunt, remisit usque l^ta marcas; et mandatum est predictis Henrico et coescaetoribus quod, accepta securitate a monachis predicti prioratus de predictis l^ta marcis regi solvendis ad festum Sancti Michaelis anno etc. xxxiij°, tallagium predictum relaxent, ut predictum est. Teste rege apud Wherewell' xij. die Junii.

Pro Nicholao de Molis.—Mandatum est probis hominibus suis Suht' quod illas c. libras, in quibus regi tenentur de tallagio quod rex assideri fecit super villam suam, liberent Nicholao de Molis in partem recompensacionis arreragiorum suorum de tempore quo fuit senescallus Wasconie, et quas rex ei reddidisse debuit ad Scaccarium suum ad Natale Domini proximo preteritum, et non reddidit. Et cum ipsas ei liberaverint, rex breve suum de allocacione eis inde habere faciet. Teste ut supra.

Pro Rogero de Sumery.—Quia rex talliari fecit dominica sua, mandatum est vicecomiti Stafford' quod Rogero de Sumery faciat habere racionabile tallagium de tenentibus suis in manerio de Mere, quod tenet de rege ad feodi firmam. Teste ut supra.

Pro Isabella que fuit uxor Petri, pistoris regine.—Rex domum illam in Wintonia, que fuit Johannis le Cuver, qui pro felonia excecatus fuit et ementulatus, et quam rex concesserat in eschaetam suam Petro, pistori regine, tenendam ad vitam suam, concessit Isabelle que fuit uxor ipsius Petri, tenendam quamdiu vixerit, faciendo regi servicium inde debitum. Et mandatum est vicecomiti Suht' quod de predicta domo eidem Isabelle plenam seisinam habere faciat, sicut predictum est. Teste rege apud Windes' xvj. die Junii.

Pro comite Cornubie.—Mandatum est vicecomiti Sumerset' et Dors' quod omnes denarios quos habere poterit de itinere justiciariorum itinerancium in comitatibus predictis, colligat et faciat habere dilecto et fideli regis R. comiti Cornubie, infra quindenam Sancti Michaelis, in recompensacionem debitorum in quibus rex ei tenetur, ita quod de eisdem denariis nichil liberet ad opus alicujus alterius occasione alicujus mandati regis ei dirigendi, et de denariis quos habere fecerit eidem comiti litteras ejus patentes penes se retineat, per quas rex scire possit quantum ei liberaverit. Teste ut supra.
Eodem modo mandatum est vicecomiti Devonie. Teste ut supra.

De vinis capiendis.—Mandatum est ballivis de Sandwico quod illos quos Willelmus de Plessetis, camerarius Lond', et Ernaldus Geraud' mittent ad villam suam de Sandwico ad vina capienda ad opus regis ad hoc admittant, permittentes eosdem vina capere prout melius viderint expedire. Teste ut supra.

Pro Roberto Passelewe.—Mandatum est custodi foreste de Wytlewod' quod in bosco regis de Pokesle faciat habere Roberto Passel' xx. copulas ad fabricam ecclesie sue de Swaneburn', de dono regis. Teste ut supra.

De vino dato.—Mandatum est custodibus vinorum regis Suht' quod de vinis regis que sunt in custodia sua faciant habere priori et canonicis de Bradel', ubi corpus Margerie Biset sepelitur, unum dolium vini, de dono regis, ad faciendum inde anniversarium predicte Margerie, quod per ballivos Suht' rex precepit acquietari. Teste ut supra.

[m. 7.]

De eleccione prioris Coventr'.—Rex eleccioni facte de fratre Willelmo de Brichwalton', monacho Coventr', in priorem ejusdem domus, adhibuit assensum et favorem; et ideo mandatum est Henrico de Wengham et coescaetoribus suis in comitatibus Warr' et Leyc' et Glouc' quod de predicto prioratu et de omnibus terris et possessionibus ad predictum prioratum spectantibus eidem priori plenam seisinam habere faciant. Teste rege apud Windes' xvij. die Junii.
Et habet litteras patentes directas omnibus militibus, liberis hominibus et omnibus aliis tenentibus de prioratu Coventr' quod ei tamquam domino suo intendentes sint et respondentes. Teste ut supra.

Pro Bertramo de Crioyl.—Mandatum est baronibus de Scaccario quod faciant habere dilecto et fideli suo Bertramo de Crioill' omnia que ad ipsum pertinent et habere debet de manerio de Middelton', et de custodia castri regis de Roffa, de tempore quo dictum manerium et castrum prefatum fuerunt in custodia regis, ita tamen quod rex habeat de dicta custodia et predicto manerio ea que ad regem pertinent de tempore predicto. Teste ut supra.

Pro Thoma de Lascellis.—Rex concessit Thome de Lascellis, cui rex vendidit custodiam terre et heredis Radulfi de Hodeng', omnia fena spectancia ad heredem predictum, dum custodia predicta fuit in manu regis; et mandatum est Henrico de Wengham' et coescaetoribus suis in comitatibus Buk' et Essex' quod predictum Thomam ad predicta fena regi reddenda non distringant, set ipsum inde quietum penitus esse permittant. Teste ut supra.

Pro abbate de Oseneya.—Rex eleccioni facte de fratre Ada de Berners, canonico Oseneye, in abbatem ejusdem domus adhibuit assensum et favorem; et ideo mandatum est Henrico de Wengham quod eidem abbati de omnibus ad predictam abbaciam spectantibus plenam seisinam habere faciat. Teste ut supra.
Et habet litteras patentes directas omnibus tenentibus de abbacia Osen' quod eidem Ade tamquam domino suo intendant et respondeant. Teste ut supra.

Pro Roberto de Cantuaria.—Quia rex concessit Roberto de Cantuaria, clerico capelle regis, decem libratas terre in escaeta, cum acciderit, vel wardam competentem, mandatum est Henrico de Wengham quod quamcito talis eschaeta acciderit, vel competens warda regi acciderit, nullatenus omittat quin hoc scire faciat Johanni Maunsel, cui rex dedit potestatem assignandi aliquam illarum prefato Roberto. Teste ut supra.

De ponendis per ballium. Ebor'.—Alexander de Rivill', captus et detentus in prisona regis pro morte Johannis de Neusum, habet litteras regis vicecomiti Ebor' quod ponatur per ballium. Teste etc.
Linc'.—Avicia que fuit uxor Rogeri filii Emme, capta et detenta in prisona regis Linc' pro morte Reginaldi le Tollere, habet litteras regis vicecomiti Linc' quod ponatur per ballium.

Pro viridariis de Windles'.—Mandatum est vicecomiti Surr' et Sussex' quod Ricardum Russel, Radulfum de Thorp, et Jordanum de Perefrich', viridarios foreste regis de Windes', non ponat in assisas, juratas vel recogniciones quamdiu fuerint viridarii regis foreste predicte. Teste ut supra.

Memorandum de Hugone Anselm' et sociis de robis et aliis ad miliciam suam. [Marginal note.]

De quercu data.—Mandatum est Godefrido de Lyston' quod in foresta regis de Windles' faciat habere Johanni le Passur' unam magnam quercum cum omnibus escaetis, ad quoddam batellum inde faciendum ad passagium de Dachet, de dono regis. Teste rege apud Windles' xxij. die Junii.

De execucione testamenti.—Mandatum est Henrico de Wengham et Radulfo de Merston', coescaetori suo in comitatu Bedef', quod, si executores testamenti Alienore que fuit uxor Johannis de Pabenham fecerint regi securitatem de satisfaciendo ei super debitis, si que ei ipsa debuit, ipsos de bonis que fuerunt dicte Alienore liberam amministracionem habere permitta[n]t. Teste ut supra.

Pro Johanne de Lexinton'.—Quia rex evidenter perpendit per inspeccionem rotulorum suorum, quod in concessione quam rex fecit dilecto et fideli suo Johanni de Lexinton' de custodia terre et heredis Johannis de Pabenham, per finem quem idem Johannes de Lexinton' fecit cum rege, insimul rex concessit ei custodiam terre quam Alienora, que fuit uxor predicti Johannis, tenuit de rege in capite de hereditate sua propria, si de ipsa Alienora humanitus contingeret; et jam, ut audivit rex, predicta Alienora diem clauserit extremum, mandatum est Henrico de Wengham et coescaetori suo in comitatu Bed' quod de custodia hereditatis predicte Alienore, quam de rege tenuit in capite, eidem Johanni plenam seisinam habere faciant usque ad legitimam etatem heredis predicte Alienore. Teste ut supra.

De damis datis.—Quia rex dedit abbati Westmonasteriensi duos damos in foresta sua de Hinholt, mandatum est Ricardo de Muntfichet quod illos quos pro eisdem capiendis ad eum miserit ad hoc admittat. Teste rege apud Westmonasterium xxvij. die Junii.

Pro Galfrido de Grantmund.—Rex concessit Galfrido de Grantmunt terram quam Petrus de Genevr' tenuit in Beyseby cum pertinenciis, habendam et tenendam quamdiu regi placuerit, faciendo regi servicium inde debitum; et mandatum est Henrico de Wengham et coescaetori suo in comitatu Linc' quod de predicta terra eidem Galfrido, vel ejus attornato, plenam seisinam habere faciant. Teste ut supra.
Eodem modo mandatum est vicecomiti Linc' quod eidem Galfrido de eadem terra plenam seisinam etc. ut supra. Teste etc.

Pro quodam Judeo.—Rex vult quod Abraham filius Vives sit clericus regis in Scaccario suo Judeorum, et quod sit cyrographarius arche regis cyrograforum Judeorum apud London', loco Abrahe filii Murielle. Et ideo mandatum est justiciariis ad custodiam Judeorum assignatis quod acceptis ab eodem Abraha filio Vives sufficientibus plegiis de fidelitate, ipsum ad premissa officia admittant, et clavem arche cyrographorum, quam Abraham filius Murielle habet eidem liberari faciant. Teste rege apud Westmonasterium xxix. die Junii.

De ponendo per ballium.—Robertus de Isecumb', captus et detentus in prisona regis apud Lewes' pro morte Fulconis de Horsted', unde rettatus est, habet litteras regis vicecomiti Sussex' directas quod ponatur per ballium. Teste etc.