Close Rolls, March 1251

Close Rolls, March 1251

Pro Elya episcopo et Aaron filio Abrahe, Judeis, de auro.—Elyas le Evesk' et Aaron filius Abrahe, Judei Londonie, de viij^clxvj. libris iiij. solidis viij. denariis quos receperunt ad Scaccarium regis de perquisitis Judaismi ad aurum inde emendum ad opus regis, videlicet a festo Sancti Hyllarii anno etc. xxxiiij^to usque ad diem Dominicam proximam post festum Sancti Mathei Apostoli anno etc. xxxv^to, emerunt inde cxxix. marcas auri [qualibet marca auri pro x. marcis argenti interlineated], et xij. solidos et v^que denarios et obolum [et ix. denarios et obolum cancelled], et illud liberaverunt in garderoba regis P. Chaceporc, custodi ejusdem garderobe, die Dominica supradicta [Martis proxima ante Cineres cancelled] apud Westmonasterium per preceptum regis. Et mandatum est baronibus de Scaccario quod ipsos inde quietos esse faciant. Teste rege apud Westmonasterium primo die Marcii.
Rex de xl. solidis ad quos Thomas Page amerciatus fuit [unfinished].

De coronatore eligendo.—Mandatum est vicecomiti Gloucestrie quod loco Ricardi de Cromhal', vicecomitis Gloucestrie, quondam coronatoris ejusdem comitatus, eligi faciat quendam alium coronatorem, qui prestito sacramento etc.

Pro abbate Sancti Augustini, Cantuarie.—Mandatum est vicecomiti Kancie quod de hoc anno xxxv. faciat habere abbati Sancti Augustini, Cantuarie, decem libras sicut eas retroactis temporibus percipere consuevit de exitibus manerii de Middelton', et rex illas ei faciet allocari. Teste ut supra.

De quodam rogo faciendo apud Wodest'.—Mandatum est Johanni de Haveberg' et Petro de Lega, custodibus operacionum regis de Wodest', quod ibidem quendam rogum fieri et in forinseco bosco regis ibidem ad minus detrimentum ejusdem capi faciant buscam ad eundem rogum ad operaciones regis perficiendas. Teste rege apud Westmonasterium iiij^to die Marcii. Postea habuit breve quod dicitur computabitur, de eadem data.

Pro priore Sancte Trinitatis Cantuarie.—Mandatum est G. de Langel', justiciario foreste, quod permittat priorem Sancte Trinitatis, Cantuarie, prosternere xl. quercus in bosco suo de Danegris, qui est infra metas foreste regis Essex', ad fabricam cujusdam capelle in domo sua, et illa abducere quo voluerit sine inpedimento vel occasione cheminagii. Teste ut supra.

Rex de xiij. marcis et dimidia ad quas Robertus de Stanford' amerciatus fuit coram justiciariis [unfinished].

Pro Artaldo de Sancto Romano.—Mandatum est vicecomitibus Londonie quod de domo que fuit Roberti de Tonebrig' in civitate Londonie, quam rex nuper dedit Artaldo de Sancto Romano, eidem sine dilacione plenam seisinam habere faciant. Teste ut supra. Per P. de Rivall'.

De denariis liberandis ad operaciones de Freymantel.—Mandatum est G. la Grue, custodi episcopatus Wintonie, quod illas c. marcas quas rex per ipsum liberari precepit in garderoba ad opus suum, faciat habere H. de Ferleg', vicecomiti Suht', custodi operacionum de Freymantel, ad easdem operaciones faciendas; et rex eas ei faciet allocari. Teste ut supra. Per ipsum regem.

Pro Drogone de Pratell'.—Mandatum est vicecomiti Buk' et Bed' quod de terris et tenementis que Isabella de Albiniaco habuit in balliva sua de hereditate sua propria et de dote, Drogoni de Pratell', viro suo, plenam seisinam habere faciat, et in ea ipsum manuteneat, donec rex aliud inde preceperit. Teste rege apud Westmonasterium v. die Marcii. Per ipsum regem et consilium suum.
Eodem modo mandatum est vicecomiti Dereb'. Teste ut supra.

Pro burgensibus Cestrie.—Mandatum est Alano la Zuch', justiciario Cestrie, quod talem seisinam habere faciat burgensibus regis Cestrie de marisco de Salteney qualem inde cum justicia habuerunt tempore R., quondam comitis Cestrie, et in ea ipsos justicia mediante manuteneat. Teste rege apud Westmonasterium v. die Marcii. Per regem.

De debitis Willelmi de Cantilupo, senioris.—Rex cepit se ad Willelmum de Cantilupo de omnibus debitis que Willelmus de Cantilupo, pater ipsius Willelmi, cujus heres ipse est, regi debuit tam ad Scaccarium regis quam in garderoba regis; et mandatum est Henrico de Wengham' quod de omnibus bonis, wardis et catallis que fuerunt prefati Willelmi, senioris, executoribus testamenti ejusdem Willelmi liberam et plenam administracionem habere permittat ad execucionem testamenti sui faciendam. Teste rege apud Westmonasterium, ut supra.

De quodam falso nuncio regis mittendo ad regem.—Mandatum est ballivo manerii de Taunton' quod venire faciat coram rege a die Pasche in quindecim dies, ubicunque fuerit in Anglia, illum qui falso se fecit nuncium suum una cum garcione suo quos cepit et detinet in carcere apud Taunton'; et rex cum sciverit custum ei faciet allocari. Teste ut supra.

Pro Willelmo de Sancto Albino, mercatore vinorum.—Rex concessit Willelmo de Sancto Albino quod quietus sit hac vice de prisa regis de quater viginti doliis vini que habet in quadam navi in portu Londonie; et mandatum est Ernaldo Geraudon, camerario suo Londonie, quod sic fieri permittat, salva regi debita prisa sua de uno dolio vini ante malum et altero retro. Teste rege apud Westmonasterium. Per A. de Sancto Romano.

De feno emendo ad feras regis.—Mandatum est ballivo de Havering' quod per visum legalium hominum emi faciat fenum ad opus ferarum regis in parco de Havering'; et rex cum sciverit custum, illud ei faciet allocari. Teste ut supra.

De transfretacione abbatis Westmonasterii.—Mandatum est vicecomiti Kancie quod abbati Westmonasterii, quem rex mittit ad partes transmarinas, unam bonam navem ad transfretacionem habere et passagium suum festinari faciat. Teste ut supra.

Pro ballivis Guidonis de Lezignan'.—Mandatum est Galfrido de Langel', justiciario foreste, quod permittat ballivos Guidonis de Lezignan', cui dominus rex commisit custodiam maneriorum de Bramton' et de Limminges, vendere suboscum de boscis eorumdem maneriorum. Teste ut supra. Per ipsum regem.

Pro burgensibus Cestrie, de pastura.—Mandatum est Alano la Zusch', justiciario Cestrie, quod burgenses regis Cestrie ponat in eadem seisina de pastura de Sautr' in qua eos posuit per preceptum regis J. de Grey quando fuit justiciarius Cestrie, et eos, sicut justum fuerit, manuteneat. Teste ut supra. Per regem.

[m. 17.]

De dote Pucelle, Judee de Eboraco.—Rex concessit Pucele, que fuit uxor Samuelis de Eboraco, Judee, quod de catallis que fuerunt ipsius Samuelis haberet cc. libras nomine dotis sue, et nichil inde actum est; mandatum est justiciariis ad custodiam Judeorum assignatis quod de debito Willelmi de Kyme, scilicet trescentum et xx. marcarum, quod est sub nominibus Elye episcopi et Aaron filii Abrahe, Judeorum Londonie, et quod fuit predicti Samuelis, predicte Pucele sexties viginti libras, et de debito Roberti de Eyvill' quinquaginta libras, et de debito Johannis de Estutevill' xxx. libras eidem Pucele habere faciat, nomine dotis sue. Teste rege apud Westmonasterium vj. die Marcii. Per Philippum Luvel.

Pro Willelmo de Erkelawe.—Mandatum est vicecomiti Salopie quod omnes demandas quas facit Willelmo de Erkelawe pro transgressione foreste ponat in respectum usque ad quindenam Pasche. Teste rege apud Straford' viij. die Marcii.

Pro leprosis de Windes'.—Mandatum est Godefrido de Lyston' quod fratribus leprosorum de Windles' faciat habere plenam seisinam de sexties viginti acris terre per illas metas et divisas per quas illas comprehendi et extendi fecit, per sacramentum proborum et legalium hominum de purprestura foreste regis de Windles', per visum illorum hominum per quos extensionem illam fecit. Teste ut supra. Per regem.

De roboribus datis.—Mandatum est custodi foreste de Essex' quod in foresta regis de Havering' faciat habere Roberto Passelewe, archidiacono Lewensi, x. robora ad focum suum, de dono regis. Teste ut supra.

Pro Reymundo Makeyn, de debitis Willelmi de Monte Revell'.— Mandatum est thesaurario et camerariis suis quod de primis denariis qui venturi sunt ad Scaccarium Pasche anno etc. xxxv^to faciant habere Reymundo Makayn, civi regis Burd', omnia arreragia que debentur Willelmo de Monte Revell' tam de feodo suo quam de debitis unde receperunt brevia regis de Liberate, quos denarios idem Reymundus habere fecit ad instanciam regis eidem Willelmo de prestito usque ad terminum predictum; et hoc nullatenus omittant. Teste ut supra. Per ipsum regem.

Pro Jacobo Flury, Judeo.—Quia de xlvij. libris debiti in archa thesaurarie nostre Westmonasterii inventi quas Jacobo Florie, Judeo, rex dudum concesserat pro xl. solidis annuatim reddendis ad Scaccarium regis, desunt ei xxiiij. libre de debito Andree Wascelin, mandatum est justiciariis ad custodiam Judeorum assignatis quod loco illius defectus faciant habere eidem Judeo xxiiij. libras de veteribus debitis inventis in archa predicta, solvendo xl. solidos per annum, ut predictum est, et eidem Judeo districtionem que ad hoc pertinet habere, et predicta fieri et inrotulari faciant. Teste ut supra. Per Philippum Luvel.

De terris alienatis capiendis in manum regis.—Quia rex accepit per recordum justiciariorum regis ad placita serjantiarum regis assignatorum quod per consideracionem curie sue recuperavit versus Willelmum de Lascell' undecim bovatas terre cum pertinenciis in Hathelsey, que alienate fuerunt de serjantia regis de Sneyth', ut dicitur, mandatum est vicecomiti Eboraci quod capiat in manum regis predictas xj. bovatas terre cum pertinenciis, et salvo custodiat donec rex aliud inde preceperit, et scire faciat predicto Willelmo quod sit coram rege a die Pasche in xv. dies ad prosequendum jus suum, si quod in eis habere debeat. Teste ut supra. Per P. Peyvr'.

De robis liberandis servientibus ad arma.—Mandatum est Johanni de Sumercot' et Rogero Scissori quod servientibus regis ad arma Lond' commorantibus liberent hac vice de gracia regis robas sicut J. Maunsell', prepositus Beverlaci, eis exponet. Teste ut supra. Per regem.
Mandatum est maiori et vicecomitibus Londonie quod servientibus regis ad arma credenciam ad victualia sua usque ad Pascha proximo venturum in civitate regis Londonie habere faciat; et regi de stipendiis suis inde satisfieri faciant. Teste ut supra. Per ipsum regem.

De quercubus datis.—Mandatum est Ricardo Fillol', senescallo foreste Essex', quod faciat habere priorisse de Strafford' quatuor quercus cum escaetis in forinseco bosco de Hav[er]inges ad focum suum, de dono regis. Teste ut supra. Per ipsum regem.

De quodam falsario brevis posito per ballium.—Quia Stephanus de Fugers', Ricardus le Bret', Theobaldus filius Eustacii et Johannes de Thorp' de comitatu Lincolnie manuceperunt coram rege quod habebunt coram rege a die Pasche in xv. dies Johannem filium Jordani, captum et detentum in prisona regis de Gippewico pro falsaria cujusdam brevis ei imposita, ad standum inde recto, mandatum est vicecomiti Suff' quod ipsum tradat eis in ballium, sicut predictum est. Teste rege apud Waltham ix. die Marcii. Per P. [de] Sabaudia.

Pro Guidone de Rocheford'.—Mandatum est Henrico de Wengham', escaetori suo, quod de exitibus abbacie de Persouer' in custodia sua existentis faciat habere Guidoni de Rupe Forti xl. marcas sine dilacione, de dono regis, et residuum exituum illorum regi mittat liberandum in garderoba sua; et cum rex sciverit summam exituum illorum, illam ei faciet allocari. Teste rege apud Hertfordiam x. die Marcii. Per ipsum regem. [Cancelled.] Quia reddidit breve.

Pro abbate Malmesbur'.—Rex reddidit abbati de Malmesbur' omnes libertates suas pertinentes ad abbaciam suam quas rex cepit in manum suam; et mandatum est vicecomiti Wiltes' quod ipsum abbatem pacem habere permittat de omnibus placitis in comitatu tuo (sic) usque ad quindenam Pasche, ita quod non placitet placitum in curia sua de namio vetito. Teste ut supra.

De vexillis faciendis apud Westmonasterium.—Mandatum est Eduuardo de Westmonasterio quod fieri faciat unum vexillum de albo serico et in medio vexilli patibulum cum crucifixo et imaginibus Beate Marie et Beati Johannis sit de aurifrigio brudato, et desuper sit una stella et luna nova crescens, et provideatis quod predictum vexillum sit paratum ad Pascha. Item querat aliquem camautum magnum ad feretrum Beati Eduuardi, si inveniri poterit. Teste rege apud Clavering' xj. die Marcii. Per ipsum regem.

De ponendo per ballium.—Rogerus le Clerc, Rannulfus le Bere, Willelmus Lythand, Hugo le Bere, Thurketillus Bere, Hugo Bingham, et Radulfus filius Galfridi, detenti in prisona de Norwico pro morte Iwayn filii Eduuardi, unde appellati sunt, habent litteras vicecomiti Norff' quod ponantur per ballium. Teste ut supra.

De candelabris faciendis circa feretrum Beati Eduuardi.—Mandatum est Edwardo de Westmonasterio quod de lij. marcis quas vicecomes Norff' et Suff' ei liberabit citra mediam quadragesimam per preceptum regis de perquisitis Willelmi Briton' et Willelmi de Axem' in balliva sua, de xlij. marcis inde fieri faciat citra Pascha quatuor candelebra argentea attachianda circa feretrum Beati Edwardi, et de residuis x. marcis ipsa bene deaurari faciat, providendo quod taliter attachiata sint super feretrum predictum quod si necesse fuerit deponi possint et attachiari super novum feretrum ejusdem Sancti. Teste rege apud Sanctum Edmundum xiiij. die Marcii.

De quercubus datis.—Mandatum est G. de Langel', justiciario foreste, quod in foresta regis de Englewode faciat habere sacriste de Sancto Edmundo xxx^a quercus ad reparacionem cujusdam clocherii in ecclesia sua, de dono regis. Teste ut supra.

De denariis liberandis servientibus regis ad arma.—Mandatum est W. de Haverhull', thesaurario suo, et Edwardo de Westmonasterio quod recipiant cc. marcas a fratre Roberto de Sikelinghal', thesaurario Novi Templi, Londonie, et illas per visum Ricardi Ruffi, clerici regis, liberet servientibus regis ad arma. Teste rege apud Sanctum Edmundum xvj. die Marcii.

De ponendo per ballium.—Willelmus le Teler, [Laurencius le Teler cancelled] et Thomas le Teler, capti et detenti in prisona regis Oxonie pro morte Henrici de Cotes, Felicie uxoris ejus, et Gilberti filii Henrici, unde rettati sunt, habent breve vicecomiti War' quod ponantur per ballium. Teste ut supra.
Johannes de Hal' et Adam Wythes', capti et detenti in prisona regis Norhamptonie pro morte Radulfi le Carbuner, unde rettati sunt, habent breve vicecomiti Norhamptonie quod ponantur per ballium. Teste ut supra.

De denariis liberandis operariis Westmonasterii.—Mandatum est Edwardo de Westmonasterio quod de denariis quos vicecomes Norff' mittit usque Westmonasterium ei liberandis solvi faciat stipendia operariorum ecclesie Westmonasterii, provisuri quod sexcenti vel octingenti in adventu regis operentur ibidem. Passum eciam dominicum citra Pascha cooperiri faciat secundum quod rex alias ei injunxit. Et ad regem cum festinacione mittat quandam casulam breudatum consimilem illi quam dedit fratri Johanni, capellano suo, vel meliorem, ita quod casulam illam habeat apud Walsingham'. Teste rege apud Norwicum xix. die Marcii.

De assensu eleccionis abbatisse de Alnestowe.—Rex eleccioni facto de Albreda de Saunford', moniale de Awnestowe in abbatissam ejusdem domus regium adhibuit assensum et favorem; et mandatum est Henrico de Wengham' et coescaetori suo in comitatu Bed', quod de predicta abbacia et omnibus terris et possessionibus ad predictam abbaciam spectantibus plenam ei seisinam habere faciat. Teste ut supra.
Et habet litteras patentes militibus et omnibus aliis tenentibus de predicta abbacia quod ei tamquam domine sue intendentes sint et respondentes. Teste ut supra.

Pro Elena que fuit uxor Reginaldi le Theccher.—Quia rex accepit per inquisicionem, quam per vicecomitem Cantebrugie fieri precepit, quod duo mesuagia et quinque acre terre cum pertinenciis in Eltesl' que Reginaldus le Theccher, utlagatus pro morte Willelmi Wichlad', tenuit in eadem villa sunt de hereditate Helene, que fuit uxor ejusdem Reginaldi, mandatum est eidem vicecomiti quod eidem Elene sine dilacione plenam inde seisinam habere faciat. Teste ut supra.

De denariis liberandis Johanni de Sumercot' et Rogero Scissori ad empciones regis faciendas.—Mandatum est custodibus nundinarum Stanford' et ballivis suis ejusdem ville quod faciat habere Johanni de Sumercot' et Rogero Scissori omnes exitus provenientes de eisdem nundinis ad regem pertinentes de anno instanti regni etc. xxxv., et firmam ville sue de termino Pasche anno eodem ad empciones regis inde faciendas in nundinis predictis; et cum rex sciverit quantum eis liberaverit, breve suum de Allocate eis inde habere faciet. Teste rege apud Bromholm' xxij. die Marcii.

De veteribus consuetudinibus nundinarum tenendis.—Mandatum est eisdem custodibus quod publice clamari faciant in predictis nundinis quod antique consuetudines et assise pannorum venalium decetero teneantur et usitentur; et J. de Sumercot' et R. Scissori in hiis que eis dicent ex parte regis comodum regis et nundinarum illarum contingant, asistant et consulant. Teste ut supra.

Pro Johanne le Estereys, burgense de Len.—Mandatum est ballivis de Len quod permittant Johannem le Estereis, burgensem de Len, licite onerare navem suam de blado in portu suo de Len, et ipsum sine impedimento cum nave sua abire, et predictum bladum cariare usque Norwag' vel alibi quo voluerit. Teste ut supra.

De busca ad rogos de Freymantel.—Mandatum est custodibus episcopatus Wintoniensis quod in boscis ejusdem episcopatus propinquioribus de Freymantel faciant habere custodibus operacionum de Freymantel buscam ad duos rogos inde faciendos ad operaciones predictas. Teste ut supra.

De virgis capiendis ad operaciones de Freymantel.—Mandatum est Roberto de Edmundestrop', ballivo de Freymantel, quod in balliva sua, ubi ad minus nocumentum fieri possit, permittat custodes operacionum de Fremantel capere virgas et alia necessaria ad calfacia et cleyas inde faciendas ad operaciones predictas. Teste ut supra.

De ponendo per ballium.—Ricardus Joc' et Henricus Galean', capti et detenti in prisona regis Oxonie pro morte Roberti le Clerc, unde rettati sunt, habent breve vicecomiti Oxonie quod ponantur per ballium. Teste rege apud Gymmingham xxiiij. die Marcii.

Pro Johanne de Monasteriis.—Quia rex accepit per inquisicionem quam per vicecomitem Cantebrigie fieri precepit quod quarta pars unius virge terre cum pertinenciis in Eltesl' que fuit Roberti Tornegos, qui utlagatus fuit pro felonia, exstitit in manu regis per unum annum et unum diem, et quod terram illam tenuit de Johanne de Monasteriis, mandatum est vicecomiti Cantebrigie quod eidem Johanni plenam inde seisinam habere faciat. Teste rege apud Bynham' xxiiij. die Marcii.

De fustis ad operaciones de Gillingham.—Mandatum est G. de Langel', justiciario foreste, quod custodibus operacionum regis de Gillingham faciat habere quaterviginti fusta, videlicet xl. in parco de Gillingham et xl. in forinseco bosco ibidem ad operaciones easdem inde faciendas. Teste rege apud Walsingham' xxv. die Marcii.

De proficuo Judaismi liberando ad aurum emendum ad opus regis.— Mandatum est baronibus de Scaccario quod omnes exitus qui proventuri sunt ad Scaccarium regis de proficuis Judaismi citra Pascha, tam de tallagio quam de omnibus aliis, liberent Elye le Evesk' et Aaron filio Abrahe, Judeis, ad aurum inde emendum ad opus regis citra predictum terminum Pasche; et cum rex sciverit quantum eis liberaverint, breve suum de Liberate eis habere faciet. Teste ut supra.

Pro Radulfo Mauger.—Rex perdonavit Radulfo Mauger quantum ad ipsum pertinet transgressionem quam fecit emendo unum porcum a quodam leproso, et mandatum est ballivo de Geres' quod ipsum inde quietum esse et catalla sua hac occasione capta ei restituat. Teste rege apud Derham' xxix. die Marcii.

De capis breudatis faciendis.—Mandatum est Eduuardo de West monasterio quod citra instans festum Pasche fieri faciat duas cappas breudatas et quatuor non breudatas. Teste ut supra.

[m. 16.]

Pro Waltero Biset et hominibus suis.—Mandatum est vicecomiti Notingham' quod districcionem quam facit super Walterum Biset et homines suos de soca de Ludham' pro amerciamentis foreste et pro transgressione ejusdem, ponat in respectum usque ad quindenam Pasche. Teste rege apud Ely xxx. die Marcii. Per P. de Rivall'.

Pro Johanne Gumbaud', de prostracione quercuum.—Mandatum est G. de Langel', justiciario, quod si Johannes Gumbaud' prostraverit xvij. quercus in foresta de Pecco, et eas posuerit in operacionibus regis quas rex fieri fecit in castro suo ibidem, tunc ipsum Johannem inde non occasionet, nec pro essarto quod fecit in eadem foresta quod quibusdam hominibus tradidit ad firmam, nec pro escapio quorundam malefactorum [latronum cancelled] ejusdem foreste, quia dictas transgressiones eidem Johanni plenarie remisimus. Teste ut supra. Per ipsum regem.

Pro priorissa Sancte Radegundis et hominibus suis.—Rex exaccionem quam ballivi Cantebrigie faciunt priorisse Sancte Radegundis et hominibus suis de Cantebrigia pro purprestura et aliis de quibus Willelmus de Axemuth' et Willelmus Brito inquisierunt apud Cantebrigiam dedit eis respectum usque ad quindenam Pasche; et mandatum est eisdem ballivis quod ipsos interim hac occasione non distringant, set respectum illum ipsos habere permittant. Teste ut supra. Per ipsum regem.

Pro Marg' inclusa hospitalis Sancti Leonardi de Graham'.—Quia comes Warenne concessit Marg', incluse hospitalis Sancti Leonardi de Graham, xx. solidos annuos percipiendos de redditu assiso quem idem comes habuit in Graham', sicut carta sua testatur, mandatum est H. de Wengham' et coescaetori suo in comitatu Lincolnie quod de predicto redditu, quamdiu est in manu regis racione custodie terre et heredis ejusdem comitis, eidem incluse ipsos xx. solidos una cum arreragiis suis habere faciant ad terminos in eadem carta contentos. Teste ut supra.

Pro Willelmo filio Henrici, escaetore regis.—Mandatum est vicecomiti Berk' quod non ponat Willelmum filium Henrici in assisis, juratis, vel aliquibus recognicionibus, quamdiu fuerit escaetor regis in comitatu Cantebrigie, nec ipsum distringat ad faciendum sectam ad comitatum suum vel ad hundredum tempore predicto. Teste rege apud Ditton' xxxj. die Marcii.

Pro episcopo Elyensi et hominibus suis.—Quia H. Elyensis episcopus et homines sui, sicut regi ostendit, consueverunt esse quieti de thelonio in tota terra regis per cartas predecessorum suorum, regum Anglie, et hujus regis, mandatum est maiori et ballivis Eboraci quod ipsos in predicta villa occasione alicujus thelonei non vexe[n]t contra consuetudinem hactenus usitatam, set vadia eorum que pro thelonio ceperint, ut dicitur, eis sine dilacione deliberari faciant quieta. Teste ut supra.
Mandatum est justiciariis proximo itineraturis apud Cateshull' in comitatu Suff' quod H. Elyensem episcopum et homines suos manuteneant et protegant, non inferentes eis aliqua gravamina injusta, set permittant eos gaudere libertatibus suis quas habent per cartas predecessorum regis, regum Anglie, et suam, sicut illis hucusque usi sunt. Teste ut supra.