Calendar of Close Rolls, Henry III: Volume 10, 1256-1259. Originally published by His Majesty's Stationery Office, London, 1932.
This premium content was digitised by double rekeying. All rights reserved.
'Close Rolls, October 1256', in Calendar of Close Rolls, Henry III: Volume 10, 1256-1259, (London, 1932) pp. 1. British History Online https://www.british-history.ac.uk/cal-close-rolls/hen3/vol10/p1 [accessed 11 April 2024]
CLOSE ROLLS. 41 HENRY III.
1256.
[m. 14]
Pro executoribus W. quondam episcopi Eliensis.—Mandatum est Roberto Wallerand', custodi episcopatus Elyensis, quod permittat executores testamenti W. quondam Elyensis episcopi liberam habere administracionem de omnibus bladis, instauris, et aliis bonis et catallis, que fuerunt predicti episcopi, ad execucionem testamenti sui inde faciendam, accepta ab eis securitate quod regi satisfacient de debitis, si in aliquibus regi tenebatur idem episcopus. Teste rege apud Merton' xxviij. die Octobris anno etc. xlja.
De quercubus datis.—Mandatum est Willelmo Heyrun, justiciario foreste ultra Trentam, quod in foresta regis de Shirewud' faciat habere priori de Lenton' sex quercus cum escaetis suis de dono regis. Teste ut supra.
De grosso vario et scendallo ad opus regis.—Mandatum est Rogero le Taillur et Hugoni socio suo quod sine dilacione faciant habere Germano, scissori regis, quantum opus fuerit de grosso vario et scendallo ad quendam pelicem inde (fn. 1) faciendum ad opus Henrici de Wengham, de dono regis, sicut idem Germanus eis plenius dicet ex parte regis.
Pro Johanne de Gisorc'.—Rex dudum perdonavit Johanni de Gysorc', civi London', omnia amerciamenta ad regem pertinentia pro transgressione veteris monete commutate in cambio regis London', unde convictus fuit, vel rettatus, per inquisicionem vicinorum: et mandatum est majori et vicecomitibus Lond' quod ipsum Johannem de amerciamentis hujusmodi quietum esse faciant, et districcionem, si quam fecerint occasione predicta, ei penitus relaxent. Teste ut supra. Per fratrem Johannem de Derlington'.