Close Rolls, August 1257

Close Rolls, August 1257

De reparacione pontis Staff'.—Mandatum est custodi foreste de Kannoc quod in haya de Teddesl' faciat habere vicecomiti Staff' iiij^or. quercus ad reparacionem pontis vivarii regis de Stafford'. Teste rege apud Stok' iiij. die Augusti.

De damis datis.—Mandatum est custodi foreste de Kannok' quod in eadem foresta faciat habere magistro Thome de Wimundham, precentori Lichef', iij. damos de dono regis. Teste ut supra.
Mandatum est eidem quod Roberto de Stafford, militi, faciat habere iij. damos de dono regis. Teste rege apud Cestr' vj. die Augusti.

De busca ad opus regine.—Mandatum est custodi foreste de Shirewode quod faciat habere regine, commoranti apud Noting', buscam quantam indiguerit dum ibidem moram fecerit. Teste etc.

De dote assignanda.—Cum rex dudum concesserit Ricardo le Brun custodiam terrarum que fuerunt Roberti de Mere in Hancherch', habendam usque ad legitimam etatem heredis predicti Roberti, salva Margerie, que fuit uxor ejusdem Roberti, racionabili dote sua de terris predictis; ac idem Ricardus nondum assignaverit eidem Margerie racionabilem dotem suam de terris eisdem, ut dicit; ne (sic) idem Ricardus ad hoc faciendum modo vacare possit eo quod a Walensibus, inimicis regis, sit in prisona detentus: mandatum est vicecomiti Staff' quod, assumptis secum coronatoribus et escaetore comitatus predicti personaliter accedat ad terras predictas, et in presencia ballivi predicti Ricardi et per visum proborum et legalium hominum eidem Margerie de terris predictis racionabilem dotem suam assignari faciat, nisi per predictum Ricardum eadem prius fuerit dotata, aut idem Ricardus cum ea finem fecerit pro dote sua. Teste rege apud Cestr' viij. die Augusti.

De dolio vini dato.—Mandatum est custodibus vinorum regis apud Salop' quod de vinis regis que sunt in custodia sua faciant habere unum dolium vini de dono regis. (fn. 1) Teste rege apud Cestr' x. die Augusti.

[m. 3.]

De coronatore eligendo.—Quia rex concessit per litteras suas patentes Roberto de Stirkeland quod non sit vicecomes, coronator, aut alius ballivus regis contra voluntatem suam, rex amovit eum ab officio coronatoris in comitatu Westmerel'. Et mandatum est vicecomiti Westmerel' quod loco ejusdem Roberti alium coronatorem ad hoc ydoneum substitui faciat. Teste rege apud Cestr' xj. die Augusti.

Pro electo Norwicensi.—Licet fena presentis anni in maneriis episcopatus Norwicensis pertineant ad warectam, rex tamen volens graciam facere specialem electo episcopatus predicti, concessit ei hac vice de gracia speciali omnia fena maneriorum episcopatus predicte istius anni. Et mandatum est custodibus ejusdem episcopatus quod eidem electo fena predicta habere faciant. Teste rege apud Cestr' xiij. die Augusti.

Pro Johanne de Langetoft'.—Cum Johannes de Langetoft' arramiasset coram Gilberto de Preston' et Petro de Percy quandam assisam nove disseisine per breve regis versus Adam de Everingham de tota terra quam idem Johannes habuit de dono Roberti de Everingham, fratris (sic) ipsius Ade, in villa et territorio de Foxhole in comitatu Ebor', cum omnibus pertinenciis suis, et assisa illa nondum inter eos capta esset; idem Adam ante capcionem assise predicte venit coram rege in curia sua apud Cestr' et reddidit et carta sua confirmavit pro se et heredibus suis dicto Johanni totam terram predictam, cum homagiis et serviciis liberorum hominum, toftis, croftis, cottariis, villanis, et eorum sequelis, tenementis, pasturis et omnibus aliis ad dictam terram pertinentibus sine ullo retinemento, habendam et tenendam eidem Johanni et heredibus vel assignatis suis imperpetuum: et mandatum est vicecomiti Ebor' quod eidem Johanni de tota terra predicta cum omnibus pertinenciis suis plenam seisinam sine ulla dilacione habere faciat, cum omnibus inde perceptis a tempore disseisine facte predicto Johanni per Adam prenominatum. Teste rege apud Cestr' xij. die Augusti.

De roboribus datis.—Mandatum est Godefrido de Liston' quod in foresta de Windes' faciat habere Johanni de Ely tria robora ad focum suum de dono regis. Teste ut supra.

De viridario eligendo.—Quia Jacobus de Norton' propter senectutem et impotenciam suam decetero nequit intendere officio viridarii in comitatu Suth', mandatum est vicecomiti Suth' quod in pleno comitatu suo loco ipsius Jacobi eligi faciat unum viridarium, qui, prestito sacramento, etc. Teste rege apud Cestriam xiiij. die Augusti.

Pro Willelmo le Fort.—Quia Willelmus le Fort profectus est cum rege in expedicionem suam contra Walenses, mandatum est baronibus de scaccario quod demandas, quas faciunt eidem per summonicionem scaccarii de debitis que regi debet ad scaccarium, ponant in respectum usque ad reditum regis de partibus predictis. Teste ut supra.

Pro Gilberto de Gaunt.—Mandatum est vicecomiti Linc' quod demandam quam facit Gilberto de Gaunt de xxx. marcis, ad quas amerciatus fuit coram justiciariis ultimo itinerantibus in comitatu Linc' pro pluribus transgressionibus, ponat in respectum usque in crastinum Animarum proximo futurum: et districcionem etc. Teste rege apud Cestr' xvj. die Augusti.
Eodem modo mandatum est Roberto de Foleham, assignato ad debita regis levanda in comitatu predicto. Teste ut supra.

De damis datis.—Mandatum est custodi foreste de Rokingham' quod in eadem foresta faciat habere Warino filio Geroldi iiij. damos de dono regis. Teste ut supra.

Pro episcopo Dunelmensi.—Quia rex intellexit quod manerium de Houedon', cum omnibus membris et pertinenciis suis, quod Ricardus de Shireburn', escaetor regis ultra Trentam, (fn. 2) occasione mortis Nicholai, episcopi quondam Dunelmensis, pertinet totaliter ad episcopatum Dunelmensem; mandatum est eidem Ricardo quod venerabili patri W. episcopo Dunelmensi de eodem manerio et omnibus aliis terris quas idem Nicholaus tenuit ad dictum episcopatum pertinentibus, que idem Ricardus in manu regis tenet, plenam seisinam habere faciat cum restitucione omnium inde perceptorum dum in manu regis extiterunt. Teste rege apud Cestr' xvj. die Augusti.

Pro abbate Salop'.—Quia abbas Salop' iturus est in nuncium regis ad partes Hispannie, rex in recompensacionem partis expensarum quas facturus est in itinere predicto, remisit eidem xxxiij. marcas que de eo exiguntur per summonicionem scaccarii regis pro pluribus debitis in quibus regi tenetur ad idem scaccarium: et mandatum est baronibus de scaccario quod ipsum abbatem de predictis xxxiij. marcis quietum esse faciant. Teste ut supra. (In margin) Postea habuit inde breve vicecomiti Salop' de pace habenda de pecunia predicta.

De damis datis.—Mandatum est custodi foreste regis de Wauberg', faciat habere Willelmo de Say iij. damos de dono regis. Teste ut supra.

De ponendo per ballium.—Robertus Rembaud de Botendon', captus et detentus in prisona regis North' pro morte Roberti le Messer unde rettatus est, habet breve regis vicecomiti North' quod ponatur per ballium. Teste ut supra.

Pro Isabella de Ingoldestorp'.—Ostensum est regi ex parte Isabelle de Ingoldestorp' quod, cum rex dudum concessisset Petro Chacepork, quondam thesaurario regis, per finem vj^xx. librarum, quem fecit cum rege, custodiam terre et heredum. Thome de Ingoldestorp', habendam et tenendam usque ad legitimam etatem ipsorum heredum una cum maritagio eorundem; ac Petrus eandem custodiam, de licencia et assensu regis, predicte Isabelle dimiserit tenendam eodem modo quo rex eandem custodiam dicto Petro commiserat; ac Thomas de Ingoldestorp, primogenitus heredum predicti Thome, in fata jam concesserit antequam ad legitimam etatem suam pervenisset; escaetor regis in comitatu Norf' occasione mortis ejusdem Thome totam predictam terram cum pertinenciis cepit in manum regis: et, quia justum est quod predicta Isabella juxta formam concessionis regis supradicte habeat et teneat custodiam terre predicte et ceterorum heredum usque ad legitimam etatem eorundem, una cum maritagio ipsorum; mandatum est eidem escaetori quod de tota terra predicta cum pertinenciis eidem Isabelle plenam seisinam habere faciat tenenda sicut predictum est, una cum omnibus inde perceptis a tempore quo terram eandem occasione predicta cepit in manum regis. Teste rege apud Cestr' xvj. die Augusti. Per consilium regis.

Pro abbate Salop'.—Quia Henricus abbas Salop', qui profecturus est in nuncium regis ad partes Hispannie, quem Thorstanus Perponte appellat in comitatu Lanc' de combustione domus sue in Wylegrave, invenit regi Willelmum de Sancto Georgio, Hugonem de Mortuo Mari, Robertum de Acton', Hugonem Corbet, Johannem de Brochampton' et Stephanum de Westbir' de comitatu Salop', qui ipsum abbatem manuceperunt habere coram justiciariis regis ad primam assisam, cum in partes illas venerint, ad standum recto de combustione predicta secundum consuetudinem regni regis; mandatum est vicecomiti Lanc' quod ipsum abbatem per manucapcionem illam interim in pace dimittat. Teste ut supra.

De damis datis.—Mandatum est custodi foreste regis de Wauberg' quod in eadem foresta faciat habere Waltero de Merton' iiij. damos de dono regis.
Mandatum est custodi foreste de Rotel' quod in eadem foresta faciat habere Philippo Marmiun iij. damos de dono regis.

Pro Johanne filio Alani.—Quia rex constituit Johannem filium Alani capitaneum exercitus sui ad custodiendum Marchiam de Mungomery, propter quod oportet ipsum Johannem ampliores expensas: mandatum est Hamoni le Estrange, senescallo foreste regis Salop', quod permittat eundem Johannem in propriis boscis suis de Sirle infra metas foreste predicte vendere lx^a. marcatas bosci et subosci ad predictas expensas inde acquietandas. Teste ut supra.

De moneta aurea.—Mandatum est majori et vicecomitibus London' quod clamari faciant in civitate predicta quod moneta regis aurea, quam rex fieri fecit, decetero currat tam in civitate predicta quam alibi per regnum Anglie tam ad empciones quam vendiciones faciendas, vidilicet quilibet denarius pro xx. denariis sterlingorum, et quod moneta regis argentea currat similiter sicut currere consuevit. Teste ut supra.

De roboribus datis.—Mandatum est custodi foreste inter pontes Oxonie et Stanford' quod in foresta de Salceto faciat habere Fratribus Predicatoribus North' septem bona robora de dono regis ubi competentius ad opus eorum capi poterunt. Teste.

De quercubus datis.—Mandatum est custodi foreste Essex' quod in eadem foresta faciat habere Willelmo de Say iij. quercus de dono regis. Teste rege apud Cestr' xviij. die Augusti.

Pro Gerardo Talebot.—Quia Gerardus Talebot fecit regem securum per Thomam Gresl' et Warinum filium Geroldi, qui manuceperunt quod erit coram baronibus regis de scaccario a die Sancti Michaelis in unum mensem sine essonia ad respondendum regi quare supra seisinam regis intrusit se in manerium de Geyneburg'; mandatum est vicecomiti Linc' quod predictum manerium eidem Gerardo per plevinam predictam in pace dimittat usque ad terminum predictum: et habeat ibi hoc breve. Teste Philippo Lovel apud Cestr' xviij. die Augusti.

Rex mittit Johannem le Naper et Hugonem Franciscum ad capiendum ad opus regis in foresta regis de Lanc' xxj. damum et xv. cervos: et mandatum est custodi foreste predicte quod ipsos ad hoc admittat.

Wallia.

De captore garderobe regis constituto.—Quia Rogerus le Taylur, quondam captor garderobe regis, concessit in fata, rex vult quod Ricardus de Ewell, loco predicti Rogeri, una cum Hugone de Turri intendat capcioni garderobe predicte, donec rex aliter inde ordinaverit. Et mandatum est eidem Ricardo quod, assumpto secum predicto Hugone, personaliter accedat ad Turrim London' ad videndum statum garderobe regis et una cum eodem Hugone intendat hiis que ad capcionem garderobe predicte pertinent, sicut predictum est. Teste rege in castris apud Gannok' xxvij. die Augusti.
Et mandatum est predicto Hugoni quod ipsum Ricardum in socium ad hoc admittat sicut predictum est. Teste ut supra.

De dote assignanda.—Mandatum est vicecomiti Norf' et Suff' et escaetoribus eorundem comitatuum quod, per extentam quam rex nuper per eos fieri precepit de terris que fuerunt Rogeri de Huntingf' in comitatibus predictis, Johanne que fuit uxor ejusdem Rogeri de eisdem terris per visum legahum hominum eorundem comitatuum racionabilem dotem suam assignari faciant.
Eodem modo mandatum est vicecomiti Linc' hoc adjecto, accepta ab eadem Johanna sufficienti securitate quod in proximo reditu regis de Wallia in Angliam veniet ad regem factura regi quod facere debebit. Teste ut supra.

De ponendo per ballium.—Robertus le Paumer, Thomas filius ejus, Radulfus filius Gilberti et Avicia Lurt, capti et detenti in prisona regis Linc' pro morte Astilie que fuit uxor Willelmi le Wurthe unde rettati sunt, habent breve vicecomiti Linc' quod ponantur per ballium. Teste etc.

De denariis mittendis ad regem.—Quia rex intellexit per Philippum Luvel, thesaurarium suum, quod Robertus de Fulham jam venit usque Cestriam cum denariis regis de comitatu Linc'; mandatum est eidem Roberto quod trescentas marcas vel amplius, si habuerit, liberet Andree Poynnaunt, clerico regis, regi deferendas. Teste ut supra apud Gannok' xxviij. die Augusti.

De auro mittendo ad regem.—Mandatum est Artaldo de Sancto Romano quod adventum suum ad regem apud Gannok' cum auro regis, quantumcunque poterit, acceleret; et, si forte in adventu suo apud Cestriam aliqua infirmitate gravatus sit, tunc aurum illud sub omni festinacione qua poterit ad regem salvo transmitti faciat usque Gannok'. Et hoc non omittat. Teste ut supra.

Pro Johanne le Pautener.—Quia rex ad instanciam Willelmi Bardof, senioris, perdonavit Johanni le Pautener, Waltero Blundel, Rogero filio Michaelis et Willelmo le Provost sectam que ad ipsum pertinet pro morte Johannis de Haserleye, Willelmi Chaumpel et Ricardi filii Ricardi unde rettati sunt, et firmam pacem suam eis inde concedit, ita quod stent recto in Curia regis, si quis versus eos inde loqui voluerit; mandatum est vicecomiti Linc' quod predictos Johannem, Walterum, Rogerum et Willelmum a prisona qua detinentur deliberari faciat sicut predictum est. Teste rege in castris apud Gannok' xxx. die Augusti.

De terris capiendis in manum regis.—Mandatum est vicecomiti Linc' quod omnes terras et tenementa que Rogerus le Taylur jam defunctus tenuit in balliva sua capiat in manum regis: et ea salvo custodiat donec rex aliud inde preceperit. Teste ut supra.
Idem mandatum est vicecomiti Essex' et Hertford'. Teste ut supra.