Close Rolls, May 1258

Close Rolls, May 1258

De damis datis.—Mandatum est custodi foreste de Wauberg' quod in eadem foresta faciat habere fratri Roberto de Manneby v^quo. damos de dono regis. Teste rege apud Westmonasterium primo die Maii.
Mandatum est custodi foreste de Cipham' quod in eadem foresta faciat habere Johanni filio Thome ij. damos de dono regis.

Pro Ingramo de Fennes.—Mandatum est baronibus de scaccario quod demandas quas per summonicionem scaccarii regis faciunt Ingramo de Fennes tam de feodis suis quam de omnibus aliis demandis et debitis ipsum Ingramum contingentibus ponant in respectum usque ad quindenam Pasche proximo futuram. Teste rege apud Westmonasterium ij. die Maii.

De roba data.—Mandatum est Ricardo de Ewell' et Hugoni de Turri quod magistro Johanni de Sancto Albano, qui diu regem est obsequtus circa candelabrum regis, faciant habere hac vice unam robam de dono regis.
Mandatum est Petro de Rivallis quod Willelmo de Sancto Germano, quondam servienti regis ad arma, faciat habere unam robam hac vice contra instans festum Pentecostes de dono regis. Teste ut supra.
Mandatum est Ricardo de Ewell' et Hugoni de Turri quod magistro Petro de Hispannia faciant habere unam robam suam de instanti termino Pentecostes de gracia regis speciali.
Mandatum est eisdem quod Ricardo de Funteny, militi, faciant habere unam robam hac vice de dono regis.
Quia Thomas le Escot nuncius regis nondum habuit robam suam de termino Natalis Domini proximo preterito eo quod tempore illo cum festinacione profectus fuit in nuncium regis ad curiam Romanam ut dicitur; mandatum est eisdem R. et H. quod eidem Thome robam suam de termino predicto habere faciant, nisi eam prius habuerit. Teste rege apud Westmonasterium iij. die Maii.

Pro Griffino filio Wenonwen'.—Mandatum est custodi foreste Salop' quod, cum Griffinus filius Wenonwen' vel homines sui in hac guerra Wallie ad predictam forestam cum averiis suis propter Walenses rebelles regis confugerint, averia illa in eadem foresta receptari et ea curialiter faciat tractari durante guerra predicta.

Pro Michaele de Hispannia.—Quia rex ad instanciam episcopi Selvensis de Hispannia et de assensu et voluntate Ricardi de Clar', comitis Glouc' et Hertf', remisit Michaeli de Hispannia, homini dicti episcopi, sectam pacis pertinentis ad regem pro morte Nicholai le Irreys, hominis dicti comitis, de qua idem Michaelis est indictatus; mandatum est vicecomitibus Lond' quod predictum Michaelem cum catallis suis occasione predicta arrestatis liberent Johanni Maunsell', thesaurario Ebor', liberandum episcopo memorato. Teste.

De robis datis.—Mandatum est Petro de Rivall', custodi garderobe regis, quod Thome de Sancto Laudo et Willelmo de la Basach, militibus, et Willelmo la Weyte et Nicholao de Betleem, quondam servientibus regis, faciat habere iiij^or. robas de gracia regis, videlicet unicuique eorum unam robam.
Mandatum est eidem quod Eborardo de Chastelvyleyn, Martino de Vivariis et Roberto filio Bernardi faciat habere tres robas hac vice de dono regis.
Mandatum est (sic) Emerico de Sonevyle, Ernaldo et Willelmo de Sonevyle faciat habere tres robas hac vice de dono regis.
Mandatum est eidem quod Henrico de Cnarebur' faciat habere hac vice unam robam de dono regis.

De chiminagio.—Mandatum est Ricardo de Muntfichet, custodi foreste Essex', quod permittat priorissam de Caumpes' capere in bosco suo de Diham xv. quercus ad maeremium sine impedimento regis vel ballivorum suorum de gracia regis. Teste.

De roba data.—Quia Arnaldus de Saltu reversurus est ad partes suas, mandatum est Petro de Rivall quod eidem Arnaldo faciat habere tunicam, supertunicam et capam sibi convenientes de dono regis. Teste rege apud Westmonasterium iiij. die Maii.
Mandatum est eidem quod Gervasio de Mennyl faciat habere unam robam hac vice de dono regis.

Pro operariis Westmonasterii.—Mandatum est eidem quod magistris Ricardo de Eltham, Willelmo de Wauz, cementariis, Odoni carpentario, Eduuardo vitreario, Henrico fabro, Waltero clerico operacionum regis Westmonasterii et Gilberto carpentario Wind' et Agneti uxori magistri Johannis le Macun et Argentine uxori magistri Alexandri carpentarii regis faciat habere robas suas contra instans festum Pentecostes de dono regis sicut eas prius habere consueverunt. Teste rege apud Westmonasterium iiij. die Maii.

De damis datis.—Mandatum est Johanni de Eyvyle, senescallo foreste ultra Trentam, quod in foresta regis de Northumbr' faciat habere M. regine Scocie xij. damos et Ade de la Ford', vatletto ejusdem regine, iiij. damos de dono regis. Teste ut supra.

De quercubus datis.—Mandatum est custodi foreste regis de Savernak quod in eadem foresta faciat habere Willelmo de Valencia xl^a. quercus ad maeremium de dono regis. Teste ut supra.

De malefactoribus arestandis.—Quia plures roberie, murdra et latrocinia tempore moderno perpetrantur in pluribus locis in regno Anglie et plures hujusmodi malefactores conversantur in civitate Lond' ut rex accepit, rex cupiens conservacioni pacis sue et tranquillitati regni providere mandatum est vicecomitibus London' quod caute et diligenter explorent hujusmodi malefactores et, si qui conversentur in civitate predicta vel alibi in balliva sua, vel si qui redierint in eandem de quibus suspicio habeatur, ipsos sine dilacione arestent quousque bonam securitatem eis invenerint quod per ipsos nullum dampnum aut periculum alicui de corpore aut rebus suis eveniet. Teste rege apud Westmonasterium v. die Maii.

De roba data.—Mandatum est P. de Rivall' quod Waltero de Rudham, clerico regis, faciat habere robam suam de instanti termino Pentecostes de dono regis sicut aliis clericis regis de Cancellaria. Teste ut supra.

De damis datis.—Mandatum est custodi foreste de Whitlewode quod in eadem foresta faciat habere magistro Thome de Wimundham' v. damos de dono regis. (Cancelled) Quia aliter anno xliij°.

De cervis datis.—Mandatum est Johanni de Eyvyle, justiciario foreste ultra Trentam, quod in foresta de Engelwode faciat habere Johanni Francisco iiij^or. cervos de dono regis. Teste ut supra.

De roba data.—Mandatum est P. de Rivallis quod Willelmo mercatori de Tholos' faciat habere unam robam hac vice de dono regis.
Mandatum est eidem quod magistro Rogero de Cantuar', clerico regis, faciat habere robam suam de instanti termino Pentecostes et deinceps robas suas sicut eas habere consuevit. Teste rege apud Westmonasterium iij. die Maii.
Mandatum est eidem quod magistro Willelmo de Watford, clerico regis, faciat habere unam robam contra instans festum Pentecostes de dono regis sicut habere consueverit. Teste ut supra.
Quia roba Nicholai servientis Thome barbatoris regis combusta fuit in camino regis apud Westmonasterium, mandatum est Ricardo de Ewell' et Hugoni de Turri quod eidem Nicholao faciant habere unam robam sibi competentem de dono regis.
Mandatum est Petro de Rivallis quod Johanni le Marscal, ceco, Alicie que fuit uxor Page, Isabelle qua fuit uxor Bonef' Russinol' et Thomasine que fuit uxor Rogeri de Bosco faciat habere iiij^or. robas, videlicet unicuique eorum unam robam, de dono regis. Teste rege apud Westmonasterium vij. die Maii.
Mandatum est Petro de Rivallis quod Rogero de Wycestr' faciat habere robam suam de instanti termino Pentecostes sicut eam prius habere consuevit. Teste ut supra.

De vinis capiendis ad opus regis.—Mandatum est Petro de Gisorc', camerario Lond', quod sine dilacione eat ad instantes nundinas Sancti Botulphi et de vinis ibidem venturis capiat ad opus regis, tam de recta et antiqua prisa regis quam de empcione, usque ad c. dolia, et ea omnia liberet vicecomiti regis Linc' carianda usque Cestriam ad muniendum ibidem celeraria regis contra proximum adventum suum et exercitus sui ibidem, sicut ei rex injunxit. Teste ut supra.

Hic morabatur H. de Wengham London' infirmus et sigillum remansit penes Walterum de Merton.

De robis datis.—Mandatum est Ricardo de Ewell' et Hugoni de Turri quod magistro Rostando faciant habere robam suam de instanti termino Pentecostes, sicut eam habere consuevit, de dono regis. Teste rege apud Westmonasterium viij. die Maii.
Mandatum est eisdem quod magistro Petro Lemovit' faciant habere hac vice unam robam de dono regis.

De damis datis.—Mandatum est custodi foreste de Shotovr' quod in eadem foresta faciat habere abbati Westmonasterii iiij. damos ad opus suum; et custodi de Bernewode quod in eadem foresta faciat habere eidem abbati unum damum ad opus infirmorum infirmatorii Westmonasterii, de dono regis. Teste rege apud Wintoniam xiiij. die Maii.
Mandatum est custodi foreste de Pember quod in eadem foresta faciat habere Warino de Bassinburn' duos damos de dono regis. Teste etc. Per Willelmum de Chauvent.

De domibus de Guldef' commissis.—Rex commisit Bartholomeo, vatletto Edmundi filii sui, domos suas et parcum suum de Guldef' custodienda quamdiu regi placuerit: et mandatum est Elye Maunsell' quod domos illas et parcum illud ei liberet custodienda sicut predictum est.

De papillionibus et hernesio regis cariandis.—Mandatum est Philippo Lovel quod papiliones regis cariari faciat usque Cestriam una cum alio hernesio contra instans festum Sancti Johannis Baptiste sicut anno preterito fecit: et, cum rex sciverit custum etc. Teste ut supra.

De quercubus datis.—Mandatum est Roberto Waler', senescallo foreste citra Trentam, quod in bosco regis de Peryton' faciat habere Fratribus Minoribus de Brugewauter sex quercus ad maeremium de dono regis. Teste rege apud Wintoniam xv. die Maii.
Mandatum est custodi foreste sue de Penber' quod in eadem foresta de Penbere faciat habere Fratribus Predicatoribus Wintonia septem quercus cum escaetis suis de dono regis.

De damis datis.—Mandatum est custodi foreste de Cette quod in eadem foresta faciat habere priori Sancti Swythuni Winton' tres damos de dono regis.
Mandatum est Roberto Walerand, senescallo foreste sue citra Trentam, quod in foresta de Whitlewode faciat habere Johanni de Grey quinque damos vivos et quinque damas vivas et in foresta regis de Salceto decem damas vivas ad quendam parcum suum instaurandum, de dono regis. Teste rege apud Wintoniam xij. die Maii.

Pro regina Scocie.—Mandatum est Willelmo Latimer, vicecomiti Ebor', quod frequenter cum commode poterit personaliter accedat ad filiam regis M. reginam Scocie eam visitaturus et solacium et succursum, cum necesse habuerit et eidem vicecomiti per litteras suas patentes demandaverit, eidem impensurus de exitu ballive sue; et rex inde sibi fieri faciet allocacionem, ita tamen quod provisiones regis eidem vicecomiti demandate contra expedicionem Wallie propter hoc non omittantur. Teste ut supra.
Eodem modo mandatum est Roberto de Nevyle vicecomiti Norhumbr'. Teste ut supra.

Pro militibus Allemannie.—Cum equi militum de Apulia qui venerunt ad regem in nuncium combusti sint London' per infortunium, prout regi datum est intelligi, mandatum est Philippo thesaurario quod eisdem militibus pro jactura equorum illorum et hernesii sui de denariis regis respiciat per consilium Johannis Maunsell', thesaurarii Ebor', prout viderit expedire: et, cum rex sciverit de quanto eis respexerit, breve de Liberate ei faciet habere. Teste rege apud Wintoniam xvij. die Maii.

Pro executoribus Mauricii de Rupe Forti.—Mandatum est Alano la Zuche, justiciario Hibernie, quod, accepta securitate ab exequtoribus Mauricii de Rupe Forti de debitis regi reddendis si que regi debebat et Edwardo filio suo die quo obiit, permittat eos habere liberam administracionem de omnibus bonis que fuerunt predicti Mauricii ad exequcionem testamenti sui inde faciendam. Teste rege apud Wintoniam xvij. die Maii. Ad instanciam Guidonis de Rupe Forti.

De tumba Katerine filie regis.—Mandatum est Edwardo de Westmonasterio quod picturam camere regis apud Westmonasterium et camere Willelmi de Sancta Ermina ibidem clarificari et tumbam Katerine filie regis defuncte debito et competenti modo collocari faciat et ad tumbam illam tegendam quendam pannum competentem provideat: et, cum rex sciverit custum etc. habebit inde breve de Liberate. Teste rege apud Wintoniam xviij. die Maii.

De compoto prorogando.—Quia Nicholaus de Hanrade, vicecomes Oxon' et Berk', multa habet facere et providere per preceptum regis contra instans parleamentum Oxon', mandatum est baronibus de Scaccario quod compotum suum ponant in respectum usque ad quindenam Sancti Johannis Baptiste. Teste rege apud Wintoniam xix. die Maii.

De damis datis.—Mandatum est custodi foreste de Bocholte quod in eadem foresta faciat habere Claricie sorori Johannis Maunsel duos damos de dono regis. Teste rege apud Wintoniam xx. die Maii.

De roboribus datis.—Mandatum est custodi foreste de Bernewode quod in eadem foresta faciat habere electo Wintoniensi tria robora de dono regis ad focum suum in hoc parleamento Oxon' in bosco de Shothovr'. Teste etc.

Pro abbatissa de Shaftebir'.—Mandatum est custodibus abbacie de Shaftebir' quod nullam distruccionem aut vendicionem de bonis abbacie predicte faciant. Teste ut supra.

De frumento et avena ad opus regis.—Mandatum est vicecomiti Oxon' quod contra adventum regis ibidem provideat regi de centum quarteriis frumenti et ea faciat habere magistro Radulfo pistori regis ad opus ipsius regis: et centum quarteria avene faciat habere Willelmo le Avener et fenum et herbam ad opus regis. Et cum rex sciverit custum etc.
Eodem modo mandatum est ballivis Oxonie de c. quarteriis frumenti et centum quarteriis avene.

De roba data.—Mandatum est Ricardo de Ewell' et Hugoni de Turri quod Roberto Cornevyle spigornello regis faciant habere unam robam sicut uni de vatlettis regis hac vice de dono regis. Teste ut supra.

Pro Johanne Edgar.—Mandatum est Johanni de Suyneford, captori vinorum regis, quod de vinis regis apud Suhamt' faciat habere Johanni Edgar, civi Wintonie, duo dolia vini pro duobus doliis vini que nuper ab eo capi fecimus ad opus nostrum quando ultimo fuimus apud Wintoniam. Teste rege apud Wintoniam xx. die Maii.

De ponendo per ballium.—Willelmus de la Pole, Ricardus Beumund de Creting' et Alexander filius Humfridi, detenti in prisona regis de Gipewic' pro morte Johannis Polle et cujusdam hominis extranei unde rettati sunt, habent breve vicecomiti Suff' quod ponantur per ballium.

De coronatoribus eligendis.—Quia Jacobus de Scures, qui officio coronatoris in comitatu Suhamt' intendere consuevit, nunc intendit officio viridarii in foresta de Penber; et Johannes de Caumpayne qui senex est et decrepitus officio illi intendere non potest; mandatum est vicecomiti Suhamt' quod loco dictorum Jacobi et Johannis eligi faciat alios coronatores de legalioribus etc. qui prestito sacramento etc. Et nomina eorum regi scire faciat. Teste ut supra.

De roboribus datis.—Mandatum est Roberto de Stopham, ballivo de Clarendon, quod in foresta de Bocholt faciat habere priori de Mottesfunt' iiij^or. robora ad focum suum de dono regis. Teste rege apud Motesf' xxij. die Maii.

Pro Philippo de Vallibus.—Mandatum est Ricardo de Ewell' et Hugoni de Turri quod, si Philippus de Vallibus non habuerit robas suas de terminis Natalis Domini et Pentecostes anni preteriti, nec de terminis Natalis et Pentecostes proximo preteritis: tunc robas illas eidem Philippo habere faciant de gracia regis speciali. Teste rege apud Clarendon' xxiij. die Maii.

[m. 7.]

De abbacia Shafton'.—Cum rex commiserit Galfrido de Leukenor' et Ade de Grenvyle abbaciam de Shaftebir' cum omnibus terris et possessionibus ad eam pertinentibus custodiendam in hac vacacione ejusdem abbacie, ita quod de exitibus ejusdem respondeant ad scaccarium; mandatum est Aunfrido de Fering, escaetori in comitatu Sussex, quod occasione officii sui non intromittat se de aliquibus terris, possessionibus, aut rebus ad dictam abbaciam in balliva sua pertinentibus, et prefatos Galfridum et Adam liberam inde administracionem habere permittat; et, si quid inde ceperit, id eis sine dilacione restituat. Teste rege apud Clarendon' xxiiij. die Maii.

De homagio capto.—Rex cepit homagium Laurencii de Sancto Michaele, filii et heredis Laurencii de Sancto Michaele, de omnibus terris et tenementis que idem Laurencius, pater suus, de rege tenuit in capite; et rex reddidit ei terras illas et tenementa. Teste rege apud Clarendon' xxv. die Maii. Et non dat relevium quia fuit in custodia. Et mandatum est vicecomiti Not' quod eidem Laurencio de omnibus terris etc. plenam seisinam etc.

Pro militibus Burgundie.—Mandatum est Philippo Lovel, thesaurario, quod Henrico de Peiny, Willelmo de Pemes, Ricardo de Mumbiliard, Simoni de Genvyle, Johanni de Dornay, Guidoni de Rens', Baldewino de Villa, Johanni de Castellione, Petro de Chaunteny, Hugoni Espaulard et Willelmo de Puncayle, qui jam ad mandatum nostrum venerunt in Angliam pro expedicione nostra Wallie, sine dilacione habere faciat feodum suum quod eis debemus ad scaccarium nostrum, vel saltem medietatem ejusdem feodi, cuilibet eorum modis omnibus persolvi faciat ad expensas suas quibus se preparare possint ad veniendum ad regem ad instans parleamentum Oxonie, sicut rex eis mandavit, exinde cum rege in expedicionem regis Wallie progressuri: et, cum rex sciverit quantum eis liberaverit, faciet eis habere breve de Liberate ubi illud prius non habuerit. Teste rege apud Clarendon xxv. die Maii.

De damo dato.—Mandatum est custodi foreste regis de Selewode quod in eadem foresta faciat habere Waltero de Burges unum damum de dono regis. Teste ut supra.

Pro Stephano Purce.—Quia Stephanus Purce, pistor London', aliquamdiu stetit in obsequio regine regis, rex ad instanciam ejusdem regine remisit ei transgressionem assise panis in civitate London' sibi nuper impositam, pro qua judicium pillorii subiisse debuit, ut dicitur: et mandatum est majori et vicecomitibus Lond' quod eidem Stephano penam illam pro dicta transgressione hac vice non infligant. Teste rege apud Clarendon xxv. die Maii.

De quercubus datis.—Mandatum est custodi foreste de Gillingham quod in eadem foresta faciat habere Fratribus Predicatoribus de Wilton' x. quercus ad maeremium de dono regis, ubi commodius fieri poterit propter cariagium. Teste ut supra.
Mandatum est custodi foreste de Selewode quod in eadem foresta faciat habere priori de Breuton' iiij^or. quercus ad maeremium de dono regis ad cumulum cancelli ecclesie sue. Teste rege apud Clar' xxvij. die Maii.
Mandatum est Roberto Waler' quod in Nova Foresta faciat habere Johanni le Fauconer, clerico regis, quinque quercus ad maeremium de dono regis. Teste ut supra.

Pro Galfrido Gacelyn.—Mandatum est Philippo Lovel', thesaurario regis, quod, nisi Galfridus Gacelyn' habuerit xx. marcas de quibus ei liberandis de dono regis breve de Liberate biennio jam elapso recepit, faciat eum liberari erga Mosseum Babelard', Judeum, de octo marcis et dimidia in quibus ei tenetur in partem solucionis predictarum viginti marcarum; et de residuo earundem satisfaciat eidem quamcitius poterit. Teste ut supra.

De maeremio dato Fratribus Predicatoribus Wintonie.—Rex dedit Fratribus Minoribus Wintonie ad edificia sua Wintonie reparanda illa xxxij^a. ligna cum pertinenciis que remanserunt in balliva de Finkel' de maeremio quod rex diu est prosterni fecit ad operaciones suas de Wintonia et Freytmauntel', et que appreciata sunt ad xvjs. vjd., sicut rex accepit, per Aviciam de Columbariis, custodem foreste de Cett: et mandatum est eidem Avicie quod eisdem fratribus dicta xxxij^a. ligna cum pertinenciis habere faciat de dono regis. Teste rege apud Clarendon' xxviij. die Maii.

De ponendo per ballium.—Radulfus le Carpenter, detentus in prisona regis Karleol' pro morte Ade que fuit uxor Thome Love unde rettatus est, habet breve vicecomiti Cumb' quod ponatur per ballium. Teste rege apud Clarendon' xxviij. die Maii.

De catallis Radulfi Hardel.—Mandatum est vicecomiti Essex' quod catalla Radulfi Hardel defuncti existentia in balliva sua sine dilacione deliberet executoribus testamenti sui ad disponendum inde prout viderint expedire juxta ordinacionem Johannis Maunsell', thesaurarii Ebor'. Teste rege apud Clarendon' xxviij. die Maii.
Mandatum est majori et vicecomitibus London quod catalla que fuerunt Radulfi Hardel, quondam majoris London', et que rex nuper capi precepit in manum regis, sine dilacione liberent exequtoribus testamenti ejusdem Radulfi in forma qua J. Maunsell thesaurarius Ebor' eis mandavit. Teste ut supra.

De cariagio vinorum regis.—Quia rex plene perpendit quod propter instantis anni caristiam vina regis per xiiij. denarios ad dietam cariari non poterunt, mandatum est ballivis Suhamt' quod hoc anno decetero xx. denarios ad dietam ad predicta vina regis carianda liberent et allocabitur eis ad scaccarium per breve regis de Computabitur, quod inde habent. Teste ut supra.

Hic rediit H. de Wengham ad Curiam.

De damis datis.—Mandatum est custodi foreste de Axiholt quod W. Exoniensi episcopo faciat habere iij. damos de dono regis in foresta predicta. Teste rege ut supra.

Pro executoribus archiepiscopi Ebor'.—Mandatum est magistro J. Maunsell' et Ade de Hilton', custodibus archiepiscopatus Eboracensis, quod, accepta securitate ab exequtoribus testamenti Sewali nuper archiepiscopi Ebor' de debitis regi reddendis si que regi debebat die quo obiit, ipsos de omnibus bladis bonis et catallis ad dictum defunctum spectantibus liberam administracionem habere permittant ad execucionem testamenti sui inde faciendam. Teste rege apud Clarendon' xxix. die Maii.
Quia executores testamenti Sewali predicti asserunt redditum et firmas dicti episcopatus de termino Pentecostes proximo preterito ad ipsum defunctum pertinere, eo quod corpus ejusdem defuncti non fuit commissum sepulture ante diem Mercurii in septimana Pentecostes; mandatum est dictis custodibus quod redditum et firmam predictas colligi et salvo reservari faciant quousque discussum fuerit coram rege, utrum ad regem vel ad dictum defunctum debeant pertinere, Teste.

De robis datis.—Mandatum est Ricardo de Ewell' et Hugoni de Turri quod duobus clericis fratris Roberti de Dumfermelyn et duobus garcionibus ejusdem faciant habere quatuor robas, videlicet unicuique eorum unam robam, hac vice de dono regis. Teste ut supra.

De quadam clave liberanda R. de Hotot.—Mandatum est Philippo Lovel, thesaurario regis, quod Radulfo de Hotot', justiciario ad custodiam Judeorum assignato, faciat habere unam trium clavium arche regis apud Westmonasterium custodiendam. Teste ut supra.

De quercubus datis.—Mandatum est custodi foreste de Shirewode quod in bosco de Bila faciat habere Aymoni Trumbert iiij. quercus de dono regis.

De roboribus datis.—Mandatum est custodi foreste de Clarendon' quod in eadem foresta faciat habere fratribus de Ordine Minorum Sarr' v. robora cum escaetis suis de dono regis ad focum suum. Teste rege ut supra.

Pro capellano de Gillingham'.—Mandatum est ballivis de Gillingham' quod Gilberto capellano ministranti in capella regis de Gillingham faciant habere stipendia sua presentis anni sicut aliis temporibus preteritis percipere consuevit; et rex ea faciet eis allocari. Teste rege apud Clarendon' xxx. die Maii.

De roba data.—Mandatum est Ricardo de Ewell' et Hugoni de Turri quod Andeberto prepositi, militi faciant habere hac vice unam robam de dono regis.

Pro Waltero le Brun.—Walterus Brun solvit in garderoba regis Petro de Rivallis, custodi ejusdem garderobe, die Veneris proxima post festum Sancti Augustini anno etc. xlij. apud Clarendon' lxvjs. viijd., ad quos amerciatus fuit coram justiciariis regis ultimo itinerantibus ad placita foreste apud Ivelcestr' pro defalta. Et mandatum est baronibus de scaccario quod ipsum Walterum de predictis lxvjs. viijd. quietum esse faciant. Teste rege apud Clarendon' xxx. die Maii.

De quercubus datis.—Mandatum est custodi foreste de Savernak' quod in eadem foresta faciat habere vicario H. de Wengh', rectoris ecclesie de Chalke, viij. quercus ad maeremium de dono regis ad fabricam ecclesie sue predicte. Teste etc.

De roboribus datis.—Mandatum est ballivo regis de Clarendon' quod in foresta de Clarendon' faciat habere canonicis de Monasterio Ederoso tria robora ad focum suum de dono regis.

Pro Ricardo le Agoyler et aliis.—Mandatum est Johanni de Swyneford', captori vinorum regis, quod de primis vinis que capturus est ad opus regis apud Suthampt', preter vina que carianda sunt apud Oxon' pro instanti parleamento regis ibidem, habere faciat Ricardo le Agoyler de Wilton' unum dolium vini, Radulfo Hervy unum dolium vini, Roberto de Newenham unum dolium vini, et Gilberto Chinne de Sarr' unum dolium vini, pro quatuor doliis vini captis ab eis ad opus regis in adventu regis apud Clarendon' post Pentecosten proximo preteritam. Teste rege apud Clarendon' xxx. die Maii.

De damis datis.—Mandatum est custodi foreste de Kannok' quod in eadem foresta faciat habere Philippo Marmyun iij. damos et unum cervum de dono regis. Teste rege apud Clarendon' xxx. die Maii.