Close Rolls, September 1258

Close Rolls, September 1258

[m. 3d.]

Rex dilecto et fideli suo justiciario Hibernie salutem. Cum Reymundus Makayn, civis noster Burdegale, ducenta et quinquaginta dolia vini pro excercitu nostro Wallie usque Drocheda ad opus nostrum nuper deferri fecisset, et nos eisdem vinis ad presens non indigeamus, ac idem Reymundus alia vina pro predictis vinis nobis in Anglia faciet habere, vobis mandamus quod Brunum Caussac, attornatum predicti Reymundi, non impediatis quominus dicta vina prout sibi viderit expedire vendere possit si prius vendita non fuerint. Et ad hoc faciendum consilium et auxilium efficax eidem Bruno impendatis ita quod diligenciam vestram merito commendare debeamus. Teste rege apud Geytington' xv. die Septembris anno etc. xlij°.

Pro Ada de Cestreton'.—Stephanus filius Willelmi de Horbling recognovit in cancellaria regis se debere Ade de Cestreton', clerico, xx. solidos solvendos ei in festo Pasche proximo futuro. Et, nisi fecerit, concessit quod predicta pecunia de terris et catallis suis levetur per ballivos regis ad opus predicti Ade. Teste rege apud Semplingham xviij. die Septembris.

[m. 2d.]

Rex dilecto et fideli suo Petro de Nevill', custodi foreste sue de Roteland, salutem. Sciatis quod perdonavimus Roberto Toutinhal' transgressionem quam fecit in predicta foresta per capcionem unius fetonis sine licencia nostra. Et ideo vobis mandamus quod, accepta ab eo securitate quod de cetero non forisfaciet in predicta foresta, eum de transgressione predicta quietum esse permittatis. Teste rege apud Wodestok xxvij. (fn. 1) die Septembris.