Close Rolls, April 1259

Close Rolls, April 1259

Johannes de Dene venit coram rege die Mercurii proxima post Ramos Palmarum et petiit terram Willelmi de Dene eidem Willelmo replegiari, que capta etc. propter defaltam etc. versus Ricardum filium Galfridi de Dene etc. Teste rege apud Westmonasterium vij°. die Aprilis.
Walterus Leg venit coram rege apud Merton' die Veneris in ebdomada Pasche et petiit terram prioris Winton' et Johanne filie Henrici Luvet in La Lowe eisdem priori et Johanne replegiari, que capta etc. propter defaltam etc. versus Isabellam que fuit uxor Henrici Luvet etc. Teste rege apud xvj. die Aprilis (sic).
Idem Walterus venit coram rege apud Merton' die Veneris in septimana Pasche et petiit terram Roberti de Stutevill et Johanne uxoris ejus, Viviani de Roshal' et Amicie uxoris ejus in Bishampton' eisdem Roberto, Johanne, Viviano et Amicie replegiari, que capta etc. propter defaltam etc. versus Isabellam que fuit uxor Henrici Luvet etc. Teste ut supra.

Pro Philippo Cissore.—Magister Paulinus de Bampton' recognovit se debere Philippo le Taillur quinque marcas solvendas infra tres septimanas post festum Sancti Johannis Baptiste et nisi solverit infra eundem terminum vicecomes Oxon' eas levari faciat de terris et catallis ipsius Paulini in comitatu Oxon'. Teste rege apud Westmonasterium xxv. die Marcii.
Postea solvit et quietus est sicut idem Philippus recognovit in cancellaria regis die Jovis proxima ante festum Sancte Margarete Virginis.

De terris replegiandis.—Walterus Leg venit coram rege apud Merton' die Veneris in septimana Pasche et petiit terram Roberti de Stutevill et Johanne uxoris ejus et Rogeri de Thony in Tymberlak et Elmeleye eisdem Roberto, Johanne et Rogero replegiari, que capta etc. propter defaltam etc. versus Isabellam que fuit uxor Henrici Luvet. Teste rege apud Merton' xvij. die Aprilis.
Walterus Leg venit coram rege apud Merton' die Veneris in septimana Pasche et petiit terram Galfridi le Clerk de Elmeleye, Robert de Stutevill et Johanne uxoris ejus in Lawerne et Ho eisdem Galfrido, Roberto et Johanne replegiari, que capta etc. propter defaltam etc. versus Isabellam que fuit uxor Henrici Luvet. Teste ut supra.
Venit coram rege Johannes de Norhampt' monachus de Bello Loco Regis die Sabbati in abdomada Pasche et petiit terram de Bello Loco Regis in villa Sancti Kiorani eidem abbati replegiari, que capta etc. propter defaltam etc. versus Aliciam Pauleyn. Teste rege apud Merton' xviij. die Aprilis.

[m. 13d.]

Rex per consilium magnatum de consilio regis commisit Roberto de Creppyng' una cum Johanne de Mayri, senescallo Willelmi de Valenc' fratris regis, custodiam omnium terrarum et tenementorum ipsius Willelmi quamdiu regi placuerit, ita quod illi ambo omnes exitus dictarum terrarum et tenementorum percipiant et sub sigillis suis apud Novum Templum London' in deposito ponant reservandos ibidem donec aliud inde rex preceperit. Et mandatum est eisdem Roberto et (sic) quod, sicut corpus suum et sua diligit, sine aliqua dilacione una cum predicto Johanne custodie predictarum terrarum et tenementorum diligenter intendat in forma predicta. Mandatum est enim vicecomitibus regis in quorum ballivis predicte terre et tenementa consistunt quod de predictis terris et tenementis per se vel ministros suos decetero in nullo se intromittant; et quod de omnibus inde perceptis per ipsos et eorum ministros compotum eis reddant et eadem precepta (sic) eis plene restituant reponenda per eos apud Novum Templum Lond' una cum aliis exitibus de dictis terris et tenementis amodo proventuris. Teste rege apud Windes' viij. die Marcii.

Rex per consilium magnatum de consilio suo commisit Roberto de Crepping' una cum Johanne de Mayri, senescallo Willelmi de Valenc' fratris regis, custodiam omnium terrarum et tenementorum ipsius Willelmi quamdiu regi placuerit; ita quod omnes exitus earundem terrarum et tenementorum percipiant et liberent sub sigillis suis apud Novum Templum London' in deposito reservandos ibidem donec aliud inde rex preceperit. Et mandatum est vicecomiti Norf' et Suff' quod nec per se nec per ministros suos de predictis terris et tenementis in aliquo se decetero intromittat, set de omnibus inde perceptis per se vel ministros suos prefatis Johanni et Roberto compotum reddat et eadem percepta eis plene restuituat, reponenda per eosdem apud Novum Templum London una cum aliis exitibus de predictis terris et tenementis amodo proventuris, sicut eis plenius rex injunxit. Teste ut supra.
Eodem modo mandatum est vicecomitibus Wigorn', Herford' Wiltes', Norhamp', Cantabr' et Huntendon', Glouc', Oxon' et Berk', Kanc, Buck'et Bedef', Notingh', Essex et Hertford', Linc' Suthampt, Northumbr', Ebor', Lanc'.

Domino Pape rex Anglie salutem cum reverencia et honore. Quia de quibusdam negociis inter regem et illustrem regem Francie prolocutis plenius certiorari regem oportebat prius quam super aliis que per magistrum Petrum Lemovicensem et Anselmum de Belentr', clericos et nuncios venerabilium patrum Ebredunensis et Tarentasiensis archiepiscoporum et magistri Rostandi, capellani domini pape, regi super facto Sicilie et aliis tam litteris quam viva voce sanctitas Pape significare curavit, rex plenum daret responsum, propter quod quosdam de majoribus regni et consilii regis in Franciam rex transmisit festinanter, predictos clericos rex retinuit usque ad reditum nunciorum regis predictorum. In quorum reversione absque mora ulteriori per ipsos clericos vel per alios sollempnes nuncios rex certum super premissis pape beatitudini significabit responsum; maxime autem super facto regni Sicilie efficaciter prosequendo vel penitus dimittendo. Qua propter clemencie pape rex supplicat attente quatinus hanc modicam moram si placet excusatam habens circa premissa nichil interim immutet. Teste rege apud Windes' xij. die Marcii.

Venerabili cetui Sancte Romane ecclesie cardinalium rex Anglie salutem et sincere dileccionis affectum. Quia de quibusdam negociis inter regem et illustrem regem Francie prolocutis rex plenius certiorari volebat priusquam domino pape super hiis, que per magistrum Petrum Lemovicensem et Anselmum de Belentr', clericos et nuncios venerabilium patrum Ebredunensis et Tarentasiensis archiepiscoporum, et dilecti clerici regis magistri Rostandi ejusdem domini pape capellani super facto Sicilie et aliis tam litteris quam viva voce regi significavit, certum rex daret responsum, propter quod eciam quosdam de majoribus regni et consilii regis in Franciam rex transmisit, rex predictos clericos retinuit usque ad reditum dictorum nunciorum regis. In quorum reversione absque mora ulteriori per eosdem clericos vel per alios nuncios regis sollempnes domino Pape et eis super premissis certum responsum suum rex significabit, et maxime de negocio Sicilie cum effectu prosequendo vel penitus dimittendo. Unde eos attentius rex rogat quatinus apud summum pontificem diligenter instare velint ne hanc moram modici temporis gravem habeat vel molestam et quod super facto Sicilie vel aliis regem seu regnum regis tangentibus nichil interim immutetur. Teste ut supra.

De terra replegianda.—Willelmus de la Grene venit coram rege die Martis proxima post clausum Pascha et petiit terram Willelmi le Templyr et Alicie uxoris ejus, in Rothyng Beauchamp eisdem Willelmo et Alicie replegiari, que capta etc. propter defaltam etc. versus Radulfum Kepe etc. Teste rege apud Kenynton' xxiij°. die Aprilis.
Willelmus le Clerc et Margeria uxor ejus, Benedictus le Clerc de Wythcale et Henricus Rouland venerunt coram rege apud Merton' in crastino clausi Pasche et petierunt terras suas in Withcale ipsis replegiari, que capta etc. propter defaltam etc. versus Walterum filium Ricardi et Johannam uxorem ejus et Beatricem sororem ipsius Johanne etc. Teste ut supra.
Willelmus de Neuham venit coram rege apud Westmonasterium die Veneris proxima post clausum Pasche et petiit terram suam in Farnet sibi replegiari, que capta etc. propter defaltam etc. versus Johannem le Arsuner et Evam uxorem ejus. Teste rege apud Westmonasterium xxvj. die Aprilis.
Vivianus de Rushal venit coram rege die Sancti Marce Evangeliste apud Westmonasterium et petiit terram suam et terram Amicie uxoris ejus in Byhampton' sibi replegiari, que capta etc. propter defaltam etc. versus Isabellam que fuit uxor Henrici Luvet. Teste ut supra.
Setherus de Fordham venit coram rege die Jovis proxima ante festum Sancti Marce apud Westmonasterium et petiit terram Willelmi de Bussay in Trumpynton' eidem Willelmo replegiari, que capta etc. propter defaltam etc. versus Sarram que fuit uxor Johannis de Kayly etc. Teste ut supra.
Johannes filius Willelmi de Thorneye venit coram rege apud Merton' die Mercurii proxima post clausum Pascha et petiit terram Galfridi de Welkeres in Stokes eidem Galfrido replegiari, que capta etc. propter defaltam etc. versus Hugonem filium Willelmi le Feure etc. Teste ut supra.
Willelmus de Renham et Emericus Beall' venerunt coram rege die Jovis proxima post festum Sancti Barnabe apostoli et petierunt terram suam de Redcot sibi replegiari, que capta etc. propter defaltam etc. versus Johannem de la More et Cristianam Colebrand' ut dicitur. Et hoc significatum est justiciariis de banco. Teste rege apud Wodest' xij. die Junii.

[m. 12d.]

Nomina juratorum de consilio regis.

(fn. 1) Archiepiscopus Cantuariensis.
(fn. 1) Episcopus Wigorniensis.

Comes Leic'.
Comes Glouc'.
(fn. 2) Comes Norf'.
(fn. 2) Comes Albem'.
(fn. 2) Comes Heref'.
Comes Warr'.
P. de Sabaudia.
Johannes Maunsell'.
(fn. 2) Rogerus de Mortuo Mari.
(fn. 2) Ricardus de Grey.
(fn. 2) P. de Monte Forti.
(fn. 2) Jacobus de Alditheleg'.
Hugo Bigod, justiciarius.
Henricus de Wengh', cancellarius.

(fn. 3) Nomina juratorum ex parte communitatis regni. Episcopus Londoniensis.
(fn. 2) (fn. 4) Philippus Basset.
(fn. 2) (fn. 4) Comes Winton'.
(fn. 4) Johannes de Bayllol.
(fn. 2) Hugo le Despenser.
(fn. 2) Willelmus Bardof.
(fn. 2) (fn. 4) Thomas Grelley.
(fn. 4) Egidius de Argentem.
(fn. 2) Humfridus de Bohun.
(fn. 2) Rogerus de Somery.
(fn. 2) (fn. 4) Johannes de Grey.
(fn. 2) Rogerus de Monte Alto.

Quia plures malefactores discurrentes tam equites quam pedites per ballivam vicecomitis Surr' et Suss' dampna gravissima et male plurima perpetrant, quosdam depredando, quosdam interficiendo, et alia enormia faciendo, in gravem pacis regis turbacionem et lesionem, mandatum est eidem vicecomiti quod per totam ballivam suam vigilias pro pacis regis conservacione, prout opus fuerit, fieri, et singulis ballivis comitatus sui partes illas ad custum earundem partium custodiri faciat: et similiter clamari per totam ballivam suam quod omnes tam majores quam minores in singulis locis et ballivis ita viriliter et diligenter partes suas custodiant sicut de dampnis et depredacionibus in eis deinceps faciendis noluerint respondere. Et scire faciat omnibus magnatibus nemora sua habentibus per transitus viarum, ubi hujusmodi depredaciones et homicidia fieri consueverunt, quod nemora sua et passus taliter faciant custodiri sicut ipsi de dampnis aut depredacionibus in eisdem factis respondere noluerint, quia in singulis, tam in balliva sua quam alibi in regno regis, hujusmodi dampna, que pro defectu custodie sue in eisdem evenerint, per ipsos de partibus predictis plene restitui rex faciet. Et taliter se habeat in hoc mandato regis exequendo quod diligenciam suam merito inde rex habeat commendatam: et ne ad se et sua rex pro defectu sui graviter capere debeat. Teste rege apud Merton' xviij. die Aprilis.
Consimilis littera dirigitur singulis vicecomitibus Anglie. Teste etc.

Pro Thoma filio Willelmi.—Willelmus de Athewik' recognovit in cancellaria regis coram Waltero de Merton' et aliis clericis regis se debere Thome filio Willelmi de la Wodehall' duodecim marcas, ad solvendum medietatem ad festum Sancti Martini anno etc. xliiij^to. et aliam medietatem ad festum Pentecostes proximo sequens, et ad hoc invenit eidem Thome hos fidejussores, Robertum de Everyngham personam ecclesie de Birkyne, Nicholaum del Meinyll', Nicholaum de Dichton', et Willelmum de Stuthereskelf; et, si idem Willelmus non observaverit terminos predictos, concesserunt omnes quod per vicecomitem Ebor' leventur denarii supradicti de terris tam fidejussorum quam principalis debitoris in comitatu Ebor'. Teste rege apud Westmonasterium xxx. die Aprilis.