Close Rolls, September 1262

Calendar of Close Rolls, Henry III: Volume 12, 1261-1264. Originally published by His Majesty's Stationery Office, London, 1936.

This premium content was digitised by double rekeying. All rights reserved.

'Close Rolls, September 1262', in Calendar of Close Rolls, Henry III: Volume 12, 1261-1264, (London, 1936) pp. 149-154. British History Online https://www.british-history.ac.uk/cal-close-rolls/hen3/vol12/pp149-154 [accessed 26 March 2024]

Image
Image
Image
Image
Image
Image

Close Rolls, September 1262

Pro rege. De terris Baldewini de Insula et W. de Bello Campo.—Cum Baldewynus de Insula nuper defunctus apud Paris' et Willelmus de Bello Campo de Bedeford similiter defunctus in Anglia, ut dicitur, tenuerint de rege in capite, propter quod custodia sive prima seisina omnium terrarum et tenementorum suorum ad regem pertinet, mandatum est Philippo Basset, justiciario Anglie, et W. de Merton', cancellario, quod ipsi omnes terras et tenementa predicta in manum regis capi et ea per consilium abbatis de Burgo et aliorum de consilio regis in Anglia certis et discretis viris committi faciant custodienda quamdiu regi placuerit ad respondendum ad Scaccarium regis de exitibus eorundum, excepta terra quam prefatus Baldewynus ante mortem suam dederat dilecto et fideli Willelmo de Wyseri per cartam suam. Teste rege apud Sanctum Germanum de Pratis iiij. die Septembris anno regni regis xlvj.

Pro Roberto de Stutevill'.—Rex Philippo Basset justiciario Anglie, salutem. Quia intelleximus quod assisam nove disseisine quam Robertus de Stotevill' et Johanna uxor ejus arramiaverunt coram vobis per preceptum nostrum versus Johannem comitem Warenne de tenemento in Wenge nuper cepistis, et judicium ejusdem assise posuistis in respectum, nos, justiciam differri nolentes in hac parte, vobis mandamus quod, si omnia assisam illam tangentia plana fuerint per que ad judicium inde reddendum procedere possitis, tunc judicium illud reddatis prout de jure fuerit faciendum. Si vero circa aliquem articulum assisam illam tangentem aliquid dubitacionis seu hesitacionis emersum fuerit per quod judicium illud juste perferre non possitis ad presens, tunc illud ponatis in respectum usque ad quindeinam (sic) Sancti Michaelis proximo venturam, ut tunc de consilio discretorum virorum fieri faciamus justicie complementum. Datum apud Sanctum Germanum de Pratis vj. die Septembris anno xlvjo.

Pro magistro Nicholao archidiacono Elyensi.—Mandatum est Alano la Zusch', justiciario foreste citra Trentam, quod habere faciat magistro Nicholao archidiacono Eliensi tres damos in foresta de Wauberg'. Teste rege apud Sanctum Germanum vj. die Septembris anno xlvjo.

Pro comitissa Glouc'.—Mandatum est Philippo Basset, justiciario Anglie, et Waltero de Merton', cancellario, quod facta extenta terrarum et tenementorum que fuerunt R. comitis Glouc' nuper defuncti in manu regis existentium, quam rex nuper eis demandavit faciendam, tunc, per consilium et assensum H. le Bygot et aliorum de consilio regis in Anglia, M. que fuit uxor predicti comitis de omnibus terris et tenementis predictis racionabilem dotem quamcitius poterunt assignari faciant, prout secundum legem et consuetudinem regni Anglie fuerit faciendum. Teste rege apud Sanctum Germanum de Pratis vj. die Septembris anno regni regis xlvjo.

Pro Rogero de Lovetot.—Mandatum est thesaurario et baronibus de Scaccario quod omnia que de jure allocanda fuerint Rogero de Lovetot in compoto suo de tempore quo fuit vicecomes Notingham' et Dereb' (tam ea unde habet tallias et brevia quam alia que racionabiliter ostendere poterit coram vobis.—cancelled) allocent eidem, ita tamen quod idem Rogerus omnia clara debita que regi debuerint (sic) sine dilacione persolvat. Teste rege ut supra.

[Schedule.]

H. Dei gracia rex Anglie, dominus Hibernie, et dux Aquitannie dilecto et fideli suo Philippo Basset, justiciario suo Anglie, et Waltero de Merton', cancellario suo, salutem. Bene recolimus nos dudum concessisse Willelmo de Valencia fratri nostro quingentas libratas redditus . . . . . . (unfinished).

H. Dei gracia rex Anglie, dominus Hibernie et dux Aquitannie Philippo Basset, justiciario suo Anglie, et Waltero de Merton', cancellario suo, salutem. Cum dudum concesserimus Willelmo de Valencia fratri nostro quingentas libratas annui redditus percipiendas ad Scaccarium nostrum donec ei providerimus in quingentis libratis terre et ignoremus utrum ei provisionem illam perfecimus necne, vobis mandamus quatinus scrutatis rotulis nostris et jactato et assummato valore omnium terrarum quas ei super dictum redditum assignavimus, breve de Liberate de instanti termino Sancti Michaelis, videlicet de residuo dicti redditus sicut in termino Pasche ultimo transacto optinuit et prout per computacionem inde faciendam coram vobis justum fuerit ei breve faciatis.

Pro comitissa Glouc'.—Mandatum est Philippo Basset, justiciario, et Waltero de Merton', cancellario, quod facta extenta terrarum que fuerunt R. comitis Glouc' nuper defuncti in manu existentium, quam nuper eis demandavimus faciendam, tunc per consilium dilecti et fidelis nostri H. le Bigot et aliorum de consilio nostro in Anglia M. que fuit uxor predicti comitis de omnibus terris predictis racionabilem dotem quamcitius poteritis assignari faciatis, prout secundum extentam illam et secundum legem et consuetudinem regni nostri fuerit faciendum. Teste me ipso apud Sanctum Germanum de Pratis vij. die Septembris anno xlvjo.

Pro Simone Passel'.—Mandatum Alano Zusch', justiciario de foresta citra Trentam, quod habere faciat Simoni Passel' quatuor damos in foresta de Witlewod de dono suo. Teste rege apud Sanctum Germanum de Pratis xj. die Septembris anno xlvj°.

Pro rege. De ornamentis capelle.—Mandatum est constabulario castri sui Dovor' quod omnes cofros cum ornamentis capelle regis et cum reliquiis suis quos nuper in ultima transfretacione sua apud Dover' dimisit in predicto castro liberari faciat latori presentium ad regem cariandos ad partes Francie sicut ei injunxit. Teste me ipso apud Sanctum Germanum de Pratis xiij. die Septembris ano regni nostri xlvj.

Pro rege. De oblacione.—Mandatum est thesaurario de Scaccario quod lxx. obolos murc' (sic) attachiandos ad feretrum Beati Edwardi et duas uncias auri pro oblacione domini regis et trecentos cereos ponendos circa dictum feretrum habere faciat sacriste Westmonasterii contra festum predictum, et quod provideat quod totus conventus comedat cum rege die ejusdem festi et habeat vinum et alia sicut habere consueverunt in festo predicto. Teste ut supra.

Pro Willelmo Bonquer.—Mandatum est Waltero de Merton', cancellario, quod scrutatis rotulis cancellarie faciat habere Willelmo Bonquer breve suum de Liberate de instanti termino Sancti Michaelis. Teste ut supra.

Pro rege. De venacione.—Mandatum est Philippo Basset, justiciario suo Anglie, et abbati de Burgo, thesaurario suo, quod de cervis quos rex nuper capi precepit ad opus suum ante recessum suum ab Anglia, et eciam de damis quos post adventum suum ad partes cismarinas similiter capi precepit, ad ipsum sine dilacione mittant usque Paris' ducentas bestias, ita quod sint ibidem citra festum Beati Edwardi; et venacionem illam cariari faciant ad mare; et ad eam abinde cariandam usque Paris' conductoribus venacionis illius faciant necessarias expensas inveniri. Teste ut supra.

Pro rege.—Et mandatum est Ricardo de Tillebir', constabulario Turris Lond', quod tam de cervis quam damis in custodia sua existentibus ad opus regis mittat prout Philippus Basset justiciarius ei dixerit ex parte regis. Teste rege apud Sanctum Germanum xvj. die Septembris.

Pro Willelmo de Valencia.—Item mandatum est Philippo Basset et Waltero de Merton' quod faciant habere Willelmo de Valencia breve de Liberate de debito quod rex ei debet, et quod rex ei reddere promisit de exitibus itineris justiciariorum in comitatibus Essex' et Hertford', unde habet litteras regis patentes, ita quod denarios illos habeat de exitibus predicti itineris secundum tenorem earundem litterarum patentium. Teste ut supra.

Pro Audeberto le Provost.—Item mandatum est eisdem quod faciant habere Audeberto le Provost feodum suum de duobus annis preteritis super arreragia sua. Teste ut supra.

Pro abbate de Tyrun.—Item mandatum est thesaurario et camerariis quod faciant habere abbati de Tyrun feodum suum de duobus annis super arreragia unde habent brevia de Liberate. Teste ut supra.

Pro Henrico de Buk'.—Item mandatum est magistro et fratribus hospitalis regis de Ospring' quod recipiant Henricum de Buk', servientem Galfridi de Lezinum fratris regis, in fratrem suum, et habitum suum ei habere faciant. Teste ut supra.

Pro Roberto de Tweng'.—Rex perdonavit Roberto de Tweng' undecim marcas que ei restant reddende de viginti marcis ad quas amerciatus fuit coram Galfrido de Langel' et sociis suis, justiciariis itinerantibus ad placita foreste in comitatu Ebor', pro trangressione foreste: et mandatum est baronibus de Scaccario quod predictum Robertum de predictis undecim marcis quietum esse faciant. Teste ut supra.

Pro magistro Anglico procuratore regis.—Mandatum thesaurario et camerariis quod habere faciant magistro Anglico, procuratori regis in curia Romana, id quod ei a retro est de feodo suo quod percipit ad scaccarium secundum tenorem brevis de Liberate quod penes se habent. Teste ut.

Pro A. comitissa Leyc'.—Mandatum est thesaurario et camerariis quod habere faciant A. comitisse Leyc' breve suum de Liberate de instanti termino Sancti Michaelis de denariis quos percipit ad scaccarium pro dote sua.

Pro Willelmo de Valencia.—Rex Philippo Basset justiciario et Waltero de Merton' cancellario, salutem. Cum dudum concesserimus Willelmo de Valencia fratri nostro quingentas libras annui redditus percipiendas ad scaccarium nostrum donec ei providerimus in quingentis libratis terre, et ignoremus utrum provisionem illam ei perfecerimus nec ne, vobis mandamus quod, considerato recto valore omnium terrarum quas ei assigna vimus in recompensacionem predicti redditus, breve suum de Liberate de instanti termino Sancti Michaelis, prout illud habere debuerit, in suplementum defectus assignacionis terrarum predictarum fieri faciatis. Teste ut supra.

[m. 2.]

Pro electo Londoniensi.—Rex laboribus et expensis electi Londoniensis contemplacione Philippi Basset avunculi sui favorabiliter parcere volens ac ei graciam facere specialem, concessit quod, confirmata electione predicti electi et receptis super hoc litteris patentibus archiepiscopi Cantuariensis nomine regis prout moris est, et accepto ab eodem electo vice regis sacramento fidelitatis regi debite sicut sciunt, ei restitucionem temporalium episcopatus Londonie in manu regis existentium habere faciat de gracia speciali, proviso tamen quod ipsi Philippus et W. de Merton' prius habeant litteras patentes capituli Londonie quod pretextu istius gracie supra facte nichil juris sibi vendicare possint ad consimilem graciam vacante sede Londonie petendam vel optinendam per quod regi vel heredibus suis futuris temporibus prejudicium valeat generari, et quod dictus electus similiter per litteras suas patentes profiteatur se graciam hujusmodi ex mera liberalitate regia suscepisse, salvis tamen regi omnibus que ad regem pertinent de episcopatu predicto occasione vacacionis illius usque ad diem quo litteras nostras ei fieri feceritis de seisina sua habenda. Teste rege apud Sanctum Germanum xxvj. die Septembris.

Rex omnibus etc. Sciatis quod obtentu laudabilis obsequii nobis a dilecto et fideli nostro Philippo Basset dudum exhibiti concessimus ei quod decetero quietus sit de communibus summonitionibus itinerum justiciariorum nostrorum quorumcumque. In cujus etc. ad beneplacitum regis duraturas. Teste ut supra. (Cancelled). Vacat quia in patentibus.

De itinere ad placita foreste in Roteland' ponendo in respectum.—Rex Alano la Zuch', justiciario foreste sue citra Trentam, salutem. Et quod ponat in respectum usque ad primum adventum regis in Angliam iter suum ad placita foreste quod sumoneri fecit in balliva Petri de Nevill' in foresta de Rotel' propter (fn. 1) absenciam ejusdem Petri agentis cum rege in partibus Gallicanis. Teste ut supra.

Pro Johanne de Culturis.—Rex mandat W. de Merton', cancellario suo, quod faciat habere Johanni de Culturis breve de Liberate de feodo suo quod rex ei concessit et quod ei aretro est de terminis Pasche et Sancti Michaelis proximo preteritis. Teste rege apud Sanctum Germanum in Pratis primo die Octobris.

Pro Baldewyno de Villa.—Et mandatum est eidem W. quod faciat habere Baldewino de Villa breve de Liberate de feodo suo quod ei aretro est de termino Sancti Michaelis proximo preterito.

Pro Engeramo de Fenes'.—Rex dilectis et fidelibus suis Philippo Basset, justiciario suo Anglie, et W. de Merton', cancellario suo, salutem. Quia Engeramus de Fenes diu et laudabiliter regi servivit, propter quod rex ejus promocionis augmentum affectat, rex concessit ei ducentas marcatas de custodia terrarum que fuerunt Willelmi de Bello Campo nuper defuncti qui de rege tenuit in capite tenendas usque ad legittimam etatem heredis predicti Willelmi. Et mandatum est predictis justiciario et cancellario quod predictas ducentas marcatas assignent prefato Engeramo de terris predictis tenendas ut predictum est. Teste ut supra.

Footnotes

  • 1. Propter repeated in MS.