Close Rolls, October 1262

Close Rolls, October 1262

Pro duce Bruneswik'.—Mandatum est duci Bruneswik' quod, cum inter ipsum et sororem marchionis Montis Ferrati coram rege et regina Francie, Anglie et Navarr' per regem et nuncios ipsius ducis matrimonium sollempniter sit contractum, quatinus idem dux ad presenciam regis London' veniat in quindena Pasche proximo venturi conjugem suam predictam inde ad propria perducturus. Teste rege apud Sanctum Germanum de Pratis vj. die Octobris anno etc.

Engeramus de Fenes' habet litteras de quietancia communis summonicionis coram justiciariis itinerantibus in comitatu Surr'.

Memorandum quod dominus R. Walerand manucepit apud Sanctum Germanum de Pratis pro Philippo filio Philippi de Aure de quindecim solidis sterlingorum reddendis regi in adventu regis in Anglia pro litera pacis quam rex eidem Philippo concessit pro morte Ade Payn.

Rex warantizat Galfrido Gacelyn existenti in servicio regis per preceptum regis diem in octabis Sancti Michaelis ad quem essoniatus fuit de servicio regis coram justiciariis de banco versus Johannem de Treyly petentem et predictum G. tenentem de duabus carucatis terre cum pertinenciis in Sugevey. Et mandatum est prefatis justiciariis etc. Teste rege apud Sanctum Germanum de Pratis ix. die Octobris.

Rex vicecomiti Ebor', salutem. Scias quod dilectus et fidelis noster Willelmus le Latymer fuit nobiscum in partibus Francie, ita quod interesse non potuit proximis comitatibus, trithingis et wapentaciis tuis post festum Sancti Michaelis proximo preteritum. Et ideo tibi precipimus quod predictus Willelmus propter absenciam suam ibidem non ponatur in defaltam nec in aliquo sit perdens, quia absenciam suam hac vice ei warantizamus, Teste ut supra.

Rex Philippo Basset, justiciario Anglie, abbati de Burgo, thesaurario, et W. de Merton', cancellario, salutem. Cum rex nuper per litteras suas rogaverit Henricum filium regis Alemannie nepotem suum quod cum rege interesset diei quem habebat coram domino rege Francie in quindena Sancti Martini proximo ventura Paris', et dies illa usque ad quindenam Purificacionis Beate Marie proximo venturam prorogata sit, non est necesse quod centum marce quas rex ei liberari precepit si contingeret ipsum Henricum ad regem venire adpresens liberentur eidem, verumptamen, si ad regem venire voluerit contra quindenam Purificacionis predicte sicut ei rex postmodum mandavit, tunc ei predictas centum marcas habere faciant sicut predictum est. Teste rege apud Sanctum Maurum de Fossatis xiiij. die Octobris.

Remandatum est Herefordiensi et Exoniensi episcopis et abbati Westmonasterii quod non est necesse quod veniant ad regem Paris' ad quindenam Sancti Martini sicut rex eis mandavit, quia dies ille prorogatus est usque ad quindenam Purificacionis Beate Marie ad quem diem rex rogavit eos venire in forma qua eos prius rogaverat. Et mandatum est Henrico filio regis Alemannie et W. de Valencia quod modis omnibus veniant ad regem sicut eos prius rogavit.

Mandatum est Philippo Basset, justiciario Anglie, abbati de Burgo, thesaurario, et W. de Merton', cancellario, quod placet regi provisio quam fecerunt de terris comitis Glouc' excolendis de exitibus earundem, et quod bachelarii regis qui tenent comitatus quod illos teneant usque adventum regis in Angliam si voluerint, nisi racionabilis causa subfuerit; ulterius non debeant retinere. Teste rege apud Lenny super Marn' xx. die Octobris.

Mandatum est Philippo Basset, justiciario, et abbati de Burgo, thesaurario, quod teneant Adam de Stretton' in servicio in quo prius fuit si ad hoc fuerit necessarius et hoc viderint expediri. Teste ut supra.

Mandatum est Philippo Basset, justiciario, abbati de Burgo, thesaurario, et W. de Merton', cancellario, quod, cum rex nuper eis mandaverit quod sine dilacione providerent de septingentis marcis ad robas inde emendas contra instans festum Sancti Martini, et de mille marcis ad expensas hospicii regis contra instans festum Natalis Domini, et similiter de aliis mille marcis ad expensas hospicii regis contra festum Purificacionis Beate Marie proximo venturum, per aliquem fidelem de quo confidant regi mittendis, denarios illos juxta tenorem prioris mandati regis modis omnibus mittant, ne rex per defectum illius peccunie dampnum vel dedecus incurrat. Teste rege apud Lenny super Marn' xxj. die Octobris.

Rex Philippo Basset, justiciario suo Anglie, et W. de Merton', cancellario suo, salutem. Mandamus vobis quod omnes terras, tenementa et feoda que fuerunt Baldewini de Insula quondam comitis Devon' per aliquos discretos et fideles quos ad hoc duxeritis assignandos sine dilacione extendi faciatis et per extentam illam committi faciatis Margarete que fuit uxor predicti comitis maneria subscripta, videlicet Cristeschyrch', Frechewater', Wrockeshal', Neuham', Sebryghteswurth', et Lambeth', tenenda in dotem pro racionabili valore eorundem; ita quidem quod, si predicta maneria excedant rectum valorem dotis predicte comitisse, tunc tantum eidem comitisse subtrahatur in locis ubi minus dampnum ipsius et heredum predicti Baldewyni fieri poterit; et, si minus valeant, tunc id quod inde defuerit alibi in terris que fuerunt predicti comitis perficiatur eidem; provisuri eciam quod de tercia parte bonorum et catallorum que fuerunt dicti comitis die quo obiit, quam eadem comitissa clamat ad se pertinere, plena justicia exhibeatur eidem, prout secundum legem et consuetudinem regni nostri videritis expedire. Teste rege apud Lenny super Marn' xviij. die Octobris.